Iqaluit, Nunavut (Mii 20, 2025) – Nunavut Kavamanga (GN) unalu Winnipeg Art Gallery-Qaumajuq (WAG) nutaanguqtiqtaa una Angiqatigiingnirmut (MOA) hivumuuqtilugu qulini ukiuni-tamaat paannariigutimik munarijaami ilanganik GN-kut katitirutainnik.
MoA-kut uqatiaqtuq taijuhiujunik WAG-mik - Qaumajuq iglukhaqaqhimmaariami avatqumajunik 7,000-nik hunanik GN-kut akiliqhivaktainik hanaujaqhimajunik katitirinirmik, tunihilutik pittiarnirmik kivgaqtuidjutikhanik havaqatigiiklutiklu aallangajunik havaakhanik. GN-kut akiliqhiniaqtut WAG-mik $715,000-taalamik atuqtukhani tallimani ukiuni. MoA-kut ilijauhimajuq ihulitpalliadjutikhanut 2030-mi.
"Quviahuktunga havaqatigihimmaarama WAG-kut hivitujumut munaqhidjutikhainnik hanaugat katitiqtauhimajut. Akhurnaqtuq kavamavut naunaijaijaangat nunaqjuaptingnik ilihaqtunik katitiqhimajut munagidjutikharnik tutquqtaulutiklu ihuaqtumik taima havakhimaaqtilunuk utiqtitijaangat. Haffumuuna hanaqidjutikkut iligiingniq, Nunavunmi pitquhikkut hunat tamaqtailijaujut uvalu pijaaqlutik kinguvaptingnun qaijunun", uqaqtuq Minista Pitquhiliqiinun, Nunavunmi Hivuliqti P.J. Akeeagok.
"Tamna Winnipegmi Hunaliukhimajunik Qunngiaktitijunik Nangahungnaqtuq aulahimaarniaqtun ikajuutikharnik Nunavut Kavamangit tallimanik ukiunik. Qujahuktugut upigijumapluta iglukhamingnik imaalu uqautigilugit hanaugat katitiqhimajunik unipkaangillu imaalu ukpigijait nunaqatiptingnut utirumik Nunavunmut. Una iliqatigiikharnik hanaqidjutikhaq akhurhaijaangat pitquhiliqinikkut katitirutikharnik akungani avikturviptingni. Havaqatigiiktugut amigaitunik ihuaqtunik havaaqharnik talvuuna ukiungit, nigiukhimajungalu aulahimaagianganik uminga iliqatigiiktukharnik," uqallaktuq Stephen Borys, WAG-Qaumajuq Aulapkaiji CEO.
Una angirut pidjutigijaat hivitujumik havaqatigiingniq qitqani Kavamatkut Nunavunmi ukualu Kavamatkut Manitobami, pidjutaujut hapkunanga Naunaitkut Angiqatigiingnirmut Sainiqhimajut tamangnin ilaujunin uvani 2015mi. Una havaqatigiingniq havaktauhimajuq pittiangnikkut, uqautigiblugit pitquhikkut hivuliujukhat, uvalu akhuugutit uvalu tamaqtailinikkut nunaqaqaaqtunun pitquhiit uvalu titiraujaqnikkut Kanatap Ukiuqtaqtumi.