Uqaqtittiji,
Ublumi ilitarijumajatka ihuaqhaijut havaktut Nunavunmi Havaakhanik Qun’ngiaqtittijut imaalu Katimarjuarniq unalu Kivalliq Havaakhanik Qun’ngiaqtittijut.
Uqaqtittiji, tautuktatka pidjutait havakpiarutainun akhuurutigivlugu ukuanga Qikiqtaaluk Havagviujunun Katimajiit unalu Kivalliq Havaakhanik Qun’ngiaqtittijut Katimajiit. Nanminiqaqtut nunallaat aviktungniptingni hakugiktut. Pihimajut atajunun hivuliqtiujunun – ilangit amihuni ukiuni ajuittiaqhimajun ilangillu havaamun havakhutik ajuiqhajun hivuliqtiujaami.
Iqalungni, Nunavunmi Qunngiaktitiunut Havaanganik Katimajuarutikhaq quviahuutigivakhimajaat 30-nik tikiutidjutaanun. Katimajun katittait atauttimun Nunavunmi nanminiqaqtun, maniliurutinun ikajuqtit, nanminiqaqtun, hivuani nanminiqaqtun, ikajuqtit kavamaptingnin, ukuallu Inuit havagviit. Pidjutaujuq mahulingainiq hivuliujuq.
Kangiqlinirmi, Kivalliq Havaakhanik Qun’ngiaqtittijut nakuuhiffaaqtun uumanga pidjutaanin nunarjuami aanniarutip ukiunganit amigaitqianik amihut nampait. Quviahuutigijavut arnat nanminiqaqtuni. Arnat upautijun ilauvakhimajut katimajiuvlutik, hanaujaqtiujut, qun’ngiaktitijut hulilukaaqhutik imaalu uqaqtiuvlutik. Taimaa, ihuaqhaijit katimajiit tamainnin amigaitqijaujun arnaujun.
Angiqtunga uqariami ukununani malrungni hulilukaarutikhanun. Uqaqtittiji, quvianaqpiaktuq. Uqaqtunga tapkua Nunavunmi maniliurutit naunaiqtut mahulingaittumik pigaangamik ajuqhautirjuanik nunarjuami aanniarutirjuamun. Uqautigihimajatka naunaitkutit maniliurnikkut uuma kavamatkut piliuliqtainun aallatqiinguriangani nunaptingni maniliurutikhanun. Kingullikpaaq, uqarvigijatka upautihimajun havakpiarutigijavun uumunga Nunavut 3000. Maniliurutikhanun iglukhanullu malruuk tallimanin ikajuutikhat uumani kavamatkut pianun Katujjiluta mandate.
Quana, Uqaqtittiji.