Uqaqtittijii, quviahuktunga tautuktinikkut kavamaptiknik havagumajainnik Inuinnarnik havaktitinirmun anginirhakkut aktilaaqaqtut kavamatkut havagviini. Attautit havagviit timingillu tadja havaaghaniktut Ministaup Ikajuqtiata Tuglighaa havaktughaq ilauluni hapkunani atangujat havaqatigiit.
Nutaaq havaaq ihuaqhaqtauhimajuq pipkainikkut ayuittiaqhimajumik Nunavunmi Inuit ihumagilugit angayuhiit aktilaangit munagidjutikhait qakugungugaangat, uvalu ajuiqjuumilugit ajuqiqtuinikkut, ihuaqhaqhimajuq havaqatiigutighaa turaangajuqlu upalungaijainirmun. Attautit ilaujut qungiaqlutik uniudjutigilugillu tuglianun atangujaanun havagviup timinganunluuniin.
Piliurninga Inuit ilaujut havaarijakhait tamainni havagviujuni pingahuni ukiuni pidjutiqaqtut akhuurutigijakhainnik Katujjiluta pitquidjutainik havagiangini kivgaqtungnirmun kavamatkut pijariaqaqtait titiraqhimajumi 23mi uvani Nunavunmi Nunataarutaanut Angirutaani. Niruktunga takulugit amigaitut havagviit ilituripkaqlugu una Ministaup Ikajuqtiata Tuglighaa hivuniptingni hivuliqhuqtughat kavamatkuni.
Quana, Uqaqtittijii.