Arviat, Nunavut (Ubluitirvia 19, 2025) – Nunavut Kavamangit atangujangit katimajiit katimavakhimajut Arviatmi Ubluirvia 15-mi 19-mun aulatitijaangat iniqhimaitunik havaktaujukharnik piumaluaqtainik talvuuna 7-nikth Maligaliuqtit pitqujait, tuhaqtitauniaqtuq 2026-mi.
"Maligaliuqtiutilunga hapkununga Arvianun Tunngani-Tikirarjuamun, quviahuktunga tapkua Arviat katimapkaingmata atan’ngujat katimajiinik uvani havainiqmi, qujagijumajatka nunallaamiutat tungahuktitinikkut uvalu ikajurnikkut tautuktitijut katimatilugit," uqaqtuq Hivuliqti John Main. "Una katimadjut akhuungnaqtuq hivuliq atugakhaq havaglugit pitqujaujut hivuliujukhat tungaviqaqtut hunat Nunavunmi ihagiagijait, niriuktunga havaqatigilugit tamaita katimajiit ihuaqhijuumiriangani turaarut. Una nakuutqiaq hivumuurutikhaq, naunaitunik hivuliujukhanik, havaqatigiiklutik munaridjutinik, uvalu tunihilutik ihuaqtunik ihuaqhaidjutikhanik inuit tautuktainik."
Ministait Katimajiit uqautigivaktait piniarungnaqhijun pidjutikhat ikajuriami ihuaqhainikkut turaanganikkullu havagutimi hivulliutijaujukhanik, ilaujullu:
- Ikajurlugit uvalu hakugikhijuumiqtilugit ilagiit nunallaallu.
- Aulatitijaangat nunalaani maniliurutikharnik angiklijumirutikharnik havaaqharniklu.
- Ihuaqhijuumirlugit ihuangnirit hakugikhijuumirlugit havaqatigiinniq.
- Havaklugit hakugitqiamik hivunikhamik tamainun Nunavunmiunun.
Katimadjutaat ilaujut ubluani katimaqatigiblugit Inuit katimajiit hivuliqhuqtut, kitut iniqtirutait nutaanguqtirnirmun Havaqatigiingnikkut Uqariijaut ukualu Nunavut Tunngavik Inckut. Hivuliqti Main katimapkaiblunilu nunallaami niripkaiblutik uvalu Ministat ilaujut pulaaqhugit aalakiit havagviit nunallaami.
Ubluqtuhirnirmut Aullaqtirviani, Ministat ihuarharniaqtaa inirhimaittuq hivulliutijaujukhat, naunaijaqlugin qulvahitqijaujuni hulidjutikhani ataani tamainni pidjutikhani, naunaijaqlugillu qanuqtun hivumuuniit naunaijaqtauniaqtun unniutijaulutiklu.
Hivuliqti Main katimatjutiginiaqtaa havagutikkut titiraq Maligaliurvikmi March 2026-mi, talvanilu Kamisinaup angmaqtirutimi uqautimi angmaqtirutimi uumani Tugliani Katimanirmi uvani 7-th Maligaliurvinmi.