Manitobami Hivuliqti Wab Kinew unalu Nunavut Hivuliqti John Main, unalu Kivalliq Inuit Katimaviani Angijuqhiq Kono Tattuinee, katimajun ippakhaani Winnipegmi uqautigiplugin ihuaqhaqtakhat hulidjutikhallu uvani Kivalliq Hydro-Fibre Link (KHFL) taimaatun hanaqidjutikkut piangaijarnirmun imaalu auladjutikhakkut ukunani Manitobami Nunavunmilu.
Una KHFL piujuq Inuinnarnit-hivulliuqtaujuq nunami-pivallialiurnirnun havaktakhat atadjutikjukhat nunallaani ujaraghiurvingniklu Kivallirmi Nunavunmi piqarluni aularaanginnaqtaaqtunik imakkut-pauwatuutikhanik uumanilu fibre-optic atadjutinik Manitoba Hydrokut pauwatuutaanin.
Aipuri 2025mi, Manitoba angiqhimajuq 50 megawattsinik pauwajtuutikhanik uvunga KHFLmun ilaupluni hivulliurutaanin uumunga Manitoba Hydromun utiqtiffaariangani ilanganik pauwatuutinik aullaqtihimajunik United Statesmun ikajuriami pauwatuutikahnun nunami-pivallialiurnirnun havaktakhanun Kanadami.
Manitoba Nunavullu havagumajut atauttikkut havaklutik uumani iharianaqtumi aulapkaidjutikhami ikajuriaqtumik Ukiuqtaqtumi atanniqtuidjutaani amiridjutaanilu ukunanilu ukiuqtaqtumi piangaijarnirnun pivallialiurnirnun. Una ilalik aularaanginnaqtunik hivjajautinik kavamatuqatkunnun ikajurutikhanik akitujuni maniliqtuutikhanik ukununga KHFLmun ukunungalu pidjutiqaqtunun imakkut-pauwaliurutikkut nutaanguqtirutinun Manitobami.
Una KHFL atadjutiniaqtuq uvunga Manitoba Hydrop pauwaliqidjutaanun haniani Churchill. Una havaktakhaq ikajuriaqtaa pimmarigharniaqtaalu pivallialiurnirnik uvani Tulaktarvingmi Churchillmi ikajurnikkut angmaqtirlugin ukuiqtaqtumi atuqtakhanik uuktuqvikhaniklu, ikajuqhimmaarluni hivumuudjutikkut ihuaqhainirnun uvanilu hilamun hulidjutikhainnun ukunuuna ikiklijuummiqtirnirnun uqhuqlungnik aturaanginnarutainnun.
“Nunavut unalu Manitoba ihuaqtumik paannariiktuk,” uqaqtuq Hivuliqti Kinew. “Hivumuutilluta uvani Tulaktarvingmi Churchillmi, havaqatiginiaqtavun Denejun aallallu ukiuqtaqtumi Aallaillu Manitobami, taimaatun pivallialiuqhuta Ukiuqtaqtumik, havaktugun atauttikkut.”
“Quajagijumajatka Hivuliqti Kinew unalu Angijuqqaaq Tattuinee hivulliurutainnun tautugutainnullu hakugiktumun, aullariktumun Ukiuqtaqtumik,” uqaqtuq Hivuliqti Main. “Nunavut unalu Manitoba hakugitqijaujuq atauttikkut, niriuktungalu havaqatigijaamni tamarmingnun hivumuudjutikkut havaktakhanik atauttikkut pijumamaptingni. Niriuktunga uumunga Hivuliqti Kinew Ministainnilu aquidjutaanun Ukiuqtaqtumun nutaanguqtirutaanun aviktuqhimanirmi ukiuqtaqtumi MOUmun.”
“Una Kivalliq Inuit Katimajiit quviagijaa nutaanguqtiqhimajuq havagumanikkut tautungnaqtuq ublumi ukunanga Hivuliqtiinnin Nunavunmin Manitobamillu,” uqaqtuq Angijuqqaaq Tattuinnee. “Una Kivalliq Hydro-Fibre Atadjuti Inuinnarnit-hivulliuqtaujuq nunami-pivallialiurnirnun havaktakhaq tautuktitaa atauttikkut hivulliutiujumajavun ihuaqtainirnun, hilamun hulidjutainnun, ukiuqtaqtumilu piangaijarnirnun pivallialiurnirnun. Una havaqatigiingniq tautuktitaa hunat pijaaqtaarutait kavamatkut havagaangata ihuaqpiaqtukkut paannariigutikkut Inuinnarnun hivumuudjutiinni iharianaqtuni aulapkaidjutikhanik hakugikharutikhat Ukiuqtaqtumi atanniqtuidjutainni, mikhilaarutainnik aturaanginnarutainnik uqhuqlungnirnik piliuqhunilu aularaanginnaqtukhanik uuktuutikhanik nunallaaptingunun hivunikhanilu kingulliptingnun. KIA niriuktuq ukununga aularaanginnaqtukhanik paannariigutinik taimaaqtun hapkuat akhuurnaqtun havaktakhat hivumuudjutainni.”
Nukik Corporation, una tamaat Inuinnarnin-nanminirijaujuq akhuuqtut uumani KHFL, tunihimaliqtun aulapkaidjutikkut havagutikhamik tukhirutimik uumunga Manitoba Hydro havagutillu havaliqtaujun aullaqtiriami pidjutikhamik hulaqidjutikkut naunaijautikhamun.