Ublumi, Hivuliqti John Main unalu Minista Munariniqaqtuq Arnait Qanurilinganinginnut Dr. Gwen Healey Akearok tunijuq uuminnga uqaqtamiknik uumani Nunarjuami Ublunga Itqaumanirmut Qanuriliurninnganullu Ningarninnganut Arnanut.
"Ningarniq inikhaqangituq nunalaaptingni. Una Kanadami Ublunga Itqaumanikkut Hulinikkullu uvani Ningarnirnun Arnanun ukiuq tamaat itqaumatqujaujuq tamaita Nunavunmiut, tapkualluallu angutit, uqaqtukhaujun hulilutiklu ubluq tamaat nutqaqtinniaqhimanikkut ningarnirnik arnanun, arnaruhinun ukunanilu arnaunikkut/angutaunikkut-aallakkiikniqaqtuni inungni.
Maniliqtuutikhakkut uumannga Kanadami Hulijakhakkut Hivunikhamin Nutqaqtirnikkut Arnaunikkut/Angutaunikkut-tunnganiqaqtunik Ningarnirnik, Nunavut Kavamanga paannarijavullu hailihimajun kiuttaaqtunik, pitquhikkut tunnganiqaqtunik ikajurutikhanik ilvit kinaluunniit ilihimaguvin atuqtuq ningarnirnik.
Havaqatigiikta piliuriami hivunikhamik talvani inuit tamaita – ukualluat arnat arnaruhillu – inuujaanginni qajangnaittumik, pimmariktumik pilutik niriuklutiklu."
- Hivuliqti John Main
"Amigaittugut Nunavunmi aktuqtauhimajugut ningaqtaunirmik – inuuhiptingni imaaluuniit atuqpakhimajaptingnit ilaptingnit, ilannaptingnit, nuatqatiptingnitluuniit. Una atuqtauqpiaqtuq uvaptingnun nunallaaptingni, itqaumadjutigijaqqut huuq una havaaq anginiqaqtuq.
Nan'ngarijavut annaktauhimajut nan'ngarijavullu tapkuat inuuhuiqtut akhuurutigiplugu piqpiaqtumik, hivitujumik aadlangurninnganik. Tamaita arnat, arnaruhiit, arnaunikkut/angutaunikkut-aallakkiikniqaqtun inuit inuujukhat qajangnaittumi ihumagittiarutimilu."
- Minista Munariniqaqtuq Arnait Qanurilinganinginnut Dr. Gwen Healey Akearok