Uqariyauyuq
Hivuliqti Akeeagok niriugiyaa hivuniqhaatigut naunaiqhimayait Uqaqtaannik Kuin Kivraqtianit
Hivuliqti PJ Akeeagok ublumi tuhaqtitaa una uqauti:
“Tun’ngahuktittiun’nga hivuniqhaatigut naunaiqhimayait uqaqtainik Kuin Kivraqtianit Mary Simon. Nan’ngariyauyuq ubluq qan’ngaraalurmun puiguqtailiyaqhaq hadjamin Inuinnarnut Kanatami tuhaayaami hivulliqpaan’nguyuq Kivraqtuipluni Kuinmut Kanatami Uqaqhugit Uqaqtaannik Inuktitukkuuqhuni. Hakugingniqaqpiaqhunilu takuyaami Kuin Kivraqtin’nga uqaqtaa aullaqtigiplugu nalunaitkutigiumaplugu hulidjutiqhaanik mamittiirnikkut.
Ilanggit hivulliutigiyauyuqhat naunaiqhimayait Uqaqtaannik uqaqhugit aqhuurutauyuqhat ihumagiyauyut Nunavunmi. Quviahuktun’nga tuhaagapku aqhuurutigiplugit hulidjutiqhainnik mamittiirnirmun, ihumailiqinirmun, igluqhatigun, aulapkaidjutiqhanirmun akittuvallaangnaittumiklu munaqhinirmun nutaqqanik.
Hapkua naupkaidjutiqhat ikayuutauniaqtut uqaqhugit Nunavutip aulapkaidjutiqhait igluliqinikkutlu ihariangningatigut imaalu an’ngiyuamik ikayuutigiyauniaqpiangniaqtuq nunavutim ayuqhautaa inminiirnikkut. Tun’ngaviugutauniaqtuqlu nakuuqpiaqtumik nutaqqaptingnut.
Aadlattauq hivulliutigiyauyuqhaq naunaiqhimayaa Uqaqtaannik hilaup aadlangguqtirnia Ukiuqtaqtumi uunnahainnalirnia. Nunavut nan’ngariyaqaqtut qan’ngaraalurmin paatnaqatigiplugit Kavamatuqait uqaqvigiumaplugit hilaup aadlanguqtirninganut, havaaqhaitlu piliurniatigut Tallurutiup Imanga Kanatami Imarmiut Tammaqtailiplugit Imainni, Kanatap an’ngitqiat imarmiup munariyauyut imainni.
Nunapta havangniaqpiaqhimayait tammaqtailiplugit kahaqhimaittut Ukiuqtaqtumi avatiliqidjutikkut huradjatlu nayugait pidjutillutik piviqhaqaqtittiplugit Nunavunmiut maniliurnirmutigut imarmiutigut maniliurutiqhaitigut havaarittiagutauyuqhatigunlu.
Niriuqtun’nga naupkarnitigut kinguani paatnaqatigiingnikkut taaffumamik An’ngayuqqaryuaq Trudeaup kavamaita hivumuugutiqhamik nakuuyumik atauttimun hivulliugutauyuqhanut hivuniqhaliuqhimayunutlu”.
###
Tuhaqtipkainikkut Uqarvigiyaqhaq
Sima Sahar Zerehi
Taigualiuqtiit Titiraqtia, Hivuliqtip Havagvia
867-975-5059
szerehi6@gov.nu.ca