Iqaluit, Nunavut (Taaqhivaliavia 21, 2026) – Kavamangit Nunatsiarmi Nunavunmilu havakhimaarniaqtun akhuuqhaidjutikharnik nunaptingni niuvaivikharnik ikiklijumiqtitijaangatlu ajungnautigivakhimajainik taima ajungnautiqarniaqtun Kanaidian havagianganik nanminiqaqtunik avatingni nunarjuaptingni. Ilitarihimajavun anginiqaqtuq havaguti havaktauliqtun talvuuna Katimajiinnin uvani Nunarijaujumi Niuvvaanikkut quviahuktugullu aularaanginnaqtuni paannarijaptingni taapkunani havagutini.
Ihuarigaluaqhugu anginiqhaq tikinahuarut ihuaqhijuumirlugu nunap iluani niuvaanikkut, atiliungitaqqut una Talvungaqpiaq-Niuvaajunun Taan’ngatigut Angirutit taimaali aalangajut idjuhiit aviktuqhimajuni. Tamna angirutikhaq piriaqtitiniaqtun niuvailiqijunik niuviriangani taannganik talvanga bialiurvingmin, winerymin, distilleryminluuniit tujuqtaujaangatlu aihimavingminun; Kihimi, amigaitut nunallaat nunamingni ihumaliurutiqaqtut taangatigut pittailidjutinik uvaluuniin pitailinikkut tapkua pidjutiqaqtut nunallaat hivuliujukhat imaalu pitquhikkut ukpirijait.
Pittiaqhugit nunallaat inmikkut-akhuurutait tungaviukuq qanuq taanngat munarijaujut Ukiuqtaqtumi. Ukpirijaqqut kituliqaak allanguqtiqhimajut taannganik tuniqhainikkut aulajukhat tapkuninga nunalaani naunaijariikhimajut hanaqidjutikhangit atuqtakhangitlu havakhimajut nunalaangini.
Nunatsiaq unalu Nunavut akhuuqhimaaqtut havaqatigilugit avikturniit aviktuqhimajullu havaqatigiit hivumuuriangani nunap iluani niuvaadjutit pihimablugit ukiuqtaqtumi qanuriniit nunallaallu ihumaliurutit aulahimaaqtumik pittiaqtaulutik.