Ublumi, Nunavutim Hivuliqtia John Main tunihimajaa uuminnga uqautimik:
“Hivuliqtaiuplunga Nunavunmut, quviahungittunga ihumaaluktungalu ukuat Kanada-US niuvvaanikkut uqautiit iniqhimangittut nakuujumik havangnaitillugu.
Kavamakput ihivriurniaqtaa hulaqutit taaksiijautinik nunaptingnut, havagviinnut, inungnullu. Aulahimmaarniaqtugut akhuuhairnirnun ihuaqhautikhamun angiklijuummiqtirutaani piangaijarnirnun uuktukvikhanun atauttikkullu piangaijarnirnun ikajuutikhanik hamani nunaptingni.
Qujagijumajara Angajuqqaarjuaq Carney, Minista LeBlanc ukuallu Iligiiktut Kanadami havakpiarutainnun aivadjutiliqinirnun pidjutigiplugu Kanada.
Taaksiijautikkut ajurnarutit tukilik turaangahimmaaqtukhaujugun piliurnirni Kanadami naupkaihimmaalugulu niuvvaanirnun uuktuutikhanik nunaptingni.
Hapkuat uuktuutikhat uqautigijauniaqtut uvani Kavamatuqatkunni, Aviktuqhimanirni Ukiuqtaqtunilu Katimajiinni uvani Nunagijaujumi Niuvvanirnun miitirutimi, pipkaqtaujuq Minista Craig Simailakmin ikhivautaqatigijaupluni, uvani havainirmi Iqalungni.
Tunngahuktitatka ilaujut Katimajiinni uvani havainirmi niriuktungalu nakuujunik pidjutigijaujuniklu uqaqatigiigutinik taapkuat ikajuutauniaqtut Nunavunmun tamaanullu nunaptingni.”