ᐃᖃᓗᐃᑦ, ᓄᓇᕗᑦ (ᒫᑦᓯ 19, 2026) – ᓯᕗᓕᖅᑎ ᔮᓐ ᒪᐃᓐ ᐅᓪᓗᒥ ᓴᖅᑭᑎᑦᑎᖅᑲᐅᕗᖅ ᐃᑲᔪᖅᑎᒌᒃᑕ, ᐱᓕᕆᐊᒃᓴᓄᑦ ᑎᑎᖅᑲᑦ ᑐᑭᒧᐊᒍᑕᐅᓪᓗᑎᒃ ᓄᓇᕗᑦ ᒐᕙᒪᒃᑯᖏᓐᓄᑦ 7-ᒋᓕᖅᑕᖓᓄᑦ ᒪᓕᒐᓕᐅᖅᑎᓄᑦ.
ᐃᑲᔪᖅᑎᒌᒃᑕ ᑎᓕᐅᕆᕗᖅ ᓄᓇᕗᒻᒥᐅᓕᒫᓂᒃ ᐃᑲᔪᖃᑦᑕᐅᑎᖁᓪᓗᒋᑦ, ᑎᓴᒪᓂᒃ ᑐᙵᕕᖃᕐᓗᑎᒃ ᐃᑲᔪᖅᑐᐃᓗᑎᒃ ᑕᓯᐅᖅᓯᓗᑎᒡᓗ ᒐᕙᒪᒃᑯᑦ ᓯᕗᓪᓕᐅᑎᔪᒪᔭᖏᓐᓂᒃ ᐊᕐᕌᒍᓄᑦ ᑎᓴᒪᓄᑦ ᐊᒡᒋᖅᑐᓄᑦ:
- ᓴᙱᓕᖅᑎᑦᑎᓂᕐᒥᒃ ᐃᓚᒌᓂᑦ ᓄᓇᓕᓐᓂᓪᓗ.
- ᐃᖏᕐᕋᑎᓪᓗᒋᑦ ᓄᓇᓕᖕᓂ ᑮᓇᐅᔭᓕᐅᕋᓱᖕᓂᒃᑯᑦ ᐱᕈᖅᐸᓪᓕᐊᔪᓄᑦ ᐊᒻᒪ ᐃᖅᑲᓇᐃᔮᒃᓴᓄᑦ.
- ᐊᔪᕐᓇᙱᓐᓂᖅᓴᐅᓕᕐᓗᑎᒃ ᐊᐅᓚᓂᕆᔭᐅᔪᑦ ᐱᐅᓯᒋᐊᕐᓗᒋᓪᓗ ᐱᓕᕆᖃᑎᒌᒍᓯᑦ.
- ᓴᙱᓂᖅᓴᒥᒃ ᓯᕗᓂᒃᓴᓕᐅᕐᓗᑕ ᓄᓇᕗᒻᒥᐅᓕᒫᓄᑦ.
ᑖᓐᓇ ᐱᓕᕆᐊᒃᓴᖅ ᐋᖅᑭᒃᑕᐅᓚᐅᖅᐳᖅ ᐅᖃᖃᑎᒋᓪᓗᒋᑦ ᓄᓇᕗᑦ ᑐᙵᕕᒃᑯᑦ ᑎᒥᖓ, ᑭᒡᒐᖅᑐᐃᔪᑦ ᐊᕕᒃᑐᖅᓯᒪᔪᓂᒃ ᐃᓄᐃᑦ ᑲᑐᔾᔨᖃᑎᒌᖏᑦ, ᐃᓐᓇᐃᑦ, ᐊᒻᒪᓗ ᒪᓕᒐᓕᐅᖅᑎᓕᒫᑦ.
"ᐊᒃᓱᕈᕐᓇᖅᑐᖅ ᖃᑕᙳᑎᒌᓂᒃ ᐱᕈᖅᓴᐃᓪᓗᓂ, ᓄᓇᖅᑲᑎᒌᓂᒃ ᒪᑭᒪᑎᑦᑎᓇᓱᒃᖢᓂ, ᓴᐳᔾᔨᓇᓱᒃᖢᓂ ᐅᖃᐅᓯᕐᒥᒃ ᐊᒻᒪ ᐃᓕᖅᑯᓯᕐᒥᒃ, ᐊᒻᒪ ᓄᓇᕗᒻᒥ ᐱᕈᖅᓴᐃᓇᓱᒃᖢᓂ," ᓯᕗᓕᖅᑎ ᔮᓐ ᒪᐃᓐ ᐅᖃᖅᑐᖅ.
"ᑕᐃᒫᑐᐃᓐᓇᖅ ᐃᖏᕐᕋᓂᑦᑎᓐᓂ ᓄᓇᒃᑯᑦ, ᐃᒪᒃᑯᑦ ᓯᑯᒃᑯᓪᓘᓐᓃᑦ, ᓯᕗᒻᒧᐊᒃᐸᓪᓕᐊᓂᐊᖅᐳᒍᑦ ᓱᒃᑲᓕᓂᖅᓴᒥᒡᓗ ᐋᖅᑭᒃᓯᓗᑕ ᑐᑭᓯᓇᑦᑎᐊᖅᑐᒥᒃ ᓇᒧᙵᐅᕙᓪᓕᐊᓂᕆᔭᑦᑎᓐᓂᒃ ᑲᑐᔾᔨᓗᑕᓗ ᐅᖁᒪᐃᑦᑐᓂᒃ. ᓯᕗᓕᖅᑎᐅᓗᖓ, ᑐᕌᕆᔭᖃᕐᓂᐊᖅᐳᖓ ᐊᖑᒻᒪᑎᔪᒪᓪᓗᒋᑦ ᓄᓇᕗᒻᒥᐅᑦ ᓇᓃᓐᓂᕆᔭᖏᓐᓂᒃ, ᐃᓕᓴᕆᓗᒋᑦ ᓴᙱᓂᕆᔭᐅᔪᑦ ᐃᑲᔪᕐᓗᒋᓪᓗ ᐅᖃᐅᓯᕆᓗᒋᑦ ᐱᔭᐅᔭᕆᐊᓕᖕᓂᒃ.”
ᑐᑭᓯᒋᐊᒃᑲᓐᓂᕈᒪᒍᕕᑦ ᐃᑲᔪᖅᑎᒌᒃᑕ ᒥᒃᓵᓄᑦ, ᖃᐅᔨᒋᐊᕐᕕᒋᓗᒍ ᓄᓇᕗᑦ ᒐᕙᒪᒃᑯᑦ ᐃᑭᐊᕿᕕᖓᑎᒍᑦ.