Iqaluit, Nunavut (Maatsi 19, 2026) – Hivuliqti John Main ublumi iliuraqtaa Ikajuqtigiikta, taamna pitquidjuti titiraq hivulliuruti Nunavut Kavmangani Saivaujumi Maligaliurvingmi.
Ikajuqatigiikta pitqujait tamaita Nunavunmiutat ikajuqatigiiklutik, piqarhuni hitamanik naparianik ikajuutaujun hivuliluqtullu kavamatkut hivulliutiujumajainnik ukunani tikittukhani hitamani ukiuni:
- Hakugikharlutin quviakharlugillu ilagiiktun nunallaallu.
- Pipkainirnillu nunallaani piangaijarnirnun naudjutinik havaakharnirnullu.
- Ajurnaijarlugin aulapkaidjutit pimmarigharlugillu paannariigutit.
- Maniliurutinilu nakuujunun hivunikhanik tamainnun Nunavunmiutanun.
Pitquidjuti pivallialiuqtauhimajuq uqaqatigiplugin Nunavut Tunngavitkut, katimajiujuni aviktuqhimanirni Inuit katimaviinnin, inirnikhanin, tamainnillu Katimajiinnin Maligaliurvingmi.
“Havakpiarutauvaktuq pamirutinik ilagiiktuni, aulapkaidjutimi nunallaami, tammaqtailinirnun uqauhinik pitquhiniklu, naupkarhimmaarnianiklu nunamik,” uqaqtuq Hivuliqti John Main.
“Taimaatun qujaginnaq aullaarutini nunami, tariurmi hikuniluunniit, hivumun ungahikhijuummirniaqtugun qilamiktumiklu piliuqhimagupta naunaittumik humungaudjutikkut atauttikkut havaqatigigutigilugillu uqumainniit. Hivuliqtiuplunga, uqaqatiginiaqhimajatka Nunavunmiutat huumiittun, ilitarilugin hakugingniit ikajuqlungalu kiudjutinun ihariagijaunirnun.”
Ilitturijuummirutikhanun uumani Ikajuqtigiikta, takulugu Nunavut Kavmangani qaritaujakuurutaa.