ᒪᓕᒐᓕᐅᖅᑎ ᔪᐊᔾ ᕼᐃᒃᔅ, ᓯᕗᓕᖅᑎᐅᑉ ᑐᒡᓕᐊ ᐊᒻᒪᓗ ᒥᓂᔅᑕ ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᓄᓇᕗᒻᒥ, ᒪᓕᒐᓕᐅᖅᑎ ᐋᓂ ᑕᑦᑐᐃᓂ, ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐊᒻᒪᓗ ᒪᓕᒐᓕᐅᖅᑎ ᑲᖏᖅᖠᓂᐅᑉ ᓂᒋᐊᓄᑦ, ᐃᓚᖃᖅᖢᓂ ᓄᓇᕗᒻᒥ ᒪᓕᒐᓕᐅᖅᑎᕐᔪᐊᖅ ᒪᓕᒐᓕᐅᕐᕕᒡᔪᐊᒥ, ᓘᕆ ᐃᓪᓚᐅᑦ, ᖁᕕᐊᓱᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᒪᒃᐱᖅᑕᐅᓪᓚᕆᖕᓂᖓᓂᒃ ᑲᖏᖅᖠᓂᕐᒥ ᒥᑦᑕᕐᕕᒃ ᓯᑎᐱᕆ 28−ᒥ.
ᓄᑖᖅ ᐊᖏᓂᖅᓴᖅ ᒥᑦᑕᕐᕕᐅᑉ ᐅᑕᖅᑭᕕᖓ ᐃᖏᕐᕋᔾᔪᑎᓄᑦ ᑐᑦᑕᕐᕕᐅᓗᐊᑕᖅᑐᖅ ᑲᖏᖅᖠᓂᕐᒥᐅᓄᑦ ᑭᕙᓪᓕᕐᒥᐅᓄᓪᓗ, ᑲᑎᙵᑎᑦᓯᓪᓗᓂ ᐃᓄᓐᓂᒃ, ᐱᖁᑎᓂᒃ ᓄᓇᓕᓐᓂᓪᓗ ᓄᓇᕘᓕᒫᒥ ᑲᓇᑕᓕᒫᒥᓪᓗ.
ᒪᑐᐃᖅᑕᐅᓂᖓᓄᑦ ᖁᕕᐊᓲᑕᐅᓂᖓ ᐱᒋᐊᓛᖅᑐᖅ ᖃᖓᑕᔫᒃᑯᕕᒻᒥ 8:30 ᐅᓪᓛᒃᑯᑦ ᓯᑦᑎᒻᕙ 28-ᒥ, ᖁᓪᓕᕐᒥᒃ ᐃᑯᒻᒪᒃᓯᔪᖃᕐᓗᓂ ᑐᒃᓯᐊᖅᑐᖃᕐᓗᓂᓗ ᑭᖑᓂᐊᒍᓪᓗ ᐅᖃᓪᓚᑦᑐᖃᕐᓗᓂ, ᖁᙱᐊᖅᑎᑦᓯᔪᖃᕐᓗᓂ, ᑭᐱᓯᔪᖃᕐᓗᓂᓗ ᓄᓇᓕᓐᓂᓪᓗ ᐃᒐᔪᖃᕐᓗᓂ.
ᒪᓕᒐᓕᐅᖅᑎ ᐅᓖᐱᑲ ᓵᑐᕌᓐ, ᒥᓂᔅᑕ ᐅᑭᐅᖅᑕᖅᑐᒥᐅᓄᑦ ᐅᑭᐅᖅᑕᖅᑐᓕᕆᔨᓄᓪᓗ ᐊᒻᒪᓗ ᒥᓂᔅᑕ ᑲᒪᒋᔭᒃᓴᖃᖅᑎᑕᐅᓪᓗᓂ ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᔨᒃᑯᑦ, ᐃᓚᐅᖃᑕᐅᓂᐊᖅᐳᖅ ᖁᕕᐊᓲᑎᖃᖅᑎᓪᓗᒋᑦ ᐅᖃᐅᓯᖃᕆᐊᖅᑐᕐᓗᓂ ᐱᔾᔪᑎᖃᕐᓗᓂ ᒪᑭᒪᔾᔪᑎᓄᑦ ᐱᕈᖅᑎᑦᑎᓇᓱᖕᓂᕐᒧᑦ ᑲᖏᖅᖠᓂᖅ ᒥᑦᑕᕐᕕᖕᒥ ᑭᒡᒐᖅᑐᕐᓗᒍ ᒥᓂᔅᑕ ᓄᒃᑕᖅᑎᑦᑎᓂᕐᒧᑦ ᓯᕗᓕᖅᑎᐅᔪᖅ ᒐᕙᒪᒃᑯᓐᓄᑦ, ᒪᓕᒐᓕᐅᖅᑎ ᓯᑏᕙᓐ ᒪᑭᓇᓐ.
ᑐᑭᓯᒋᐊᒃᑲᓐᓂᕈᒍᕕᑦ ᑲᖏᖅᖠᓂᖅ ᒥᑦᑕᕐᖃᕕᖕᒥᑦ, ᖃᐅᔨᒋᐊᕐᕕᒋᓗᒍ ᓄᓇᕗᑦ ᒐᕙᒪᒃᑯᑦ ᐃᑭᐊᕿᕕᖓ.