Nan'ngarijaujuq George Hickes, Tugliq Hivuliqti unalu Minista hapkununga Ingilgadjutikkut unalu Aulapkaidjutinun Nunavut, Nan'ngarijaujuq Annie Tattuinee, Minista Havaktuliqiinun unalu MLA hapkununga Kangiqliniq Hivuraani, unalu Nunavunmi Ilaujuq Maligaliurvikjuami, Lori Idlout, quviahuktut tuhaqtitilutik angmaqtirinikkut haffuminga Kangiqlinirmi tingmitiqarviup igluqpaanik uvani Apitilirvik 28mi.
Tamna nuutaangujuq angitqijaujuq tingmitiqarvikhaq igluqpak naunaituq ingilradjutikharnik najugaluaq nunalaanun Kangiqlinirmi Kivallirmilu, katitigijaangat inungnik, hunavalungnik nunalaangitlu avatingni Nunavunmi tamainunlu Kanatami.
Angmaqtirutikkut quviahuutit aularutiniaqtut tingmitiqarvingmi 8:30 ublaami uvani Apitilirvik 28, qullirmik ikitilutik qin'ngautilutiklu uqaqtaulutik, quviahuktitilutik, kibluilutik piniqunmik uvalu nunallaami igalutik.
Nan'ngarijaujuq Rebecca Chartrand, Minista hapkununga Ukiuqtaqtumi unalu Ukiuqtaqtumi Kavamaliqidjutainun unalu Minista munaqhijuq hapkuninga Kanadami Ukiuqtaqtumi Piangaijarnirmun Pivalianirmun Havagvia, ilauniaqtuq quviahuutinun tuhaqtitiluni mikhaagun igluqpinikkut maniliurutinik uvani Kangiqlinirmi Milviani kivgaqturlugu Minista hapkununga Ingilradjutinun unalu Hivuliqti Kavamatkunun uvani Kanadaup Maligaliurviani, Nan'ngarijaujuq Steven MacKinnon.
Naunairjumirumaguvit talvuuna Kangiqlinirmi tingmitiqarviatigun, pulaarlugu uvani Nunavut Kavamanga qaritaujakkuurutaani.