Hivuliqti John Main ublumi tuhaqtitijuq hapkuninga uqagakhanik mikhaagun nutaaq uqaqtaujut hapkunanga Amialikamiut atangujainin mikhaagun Greenlandmi.
"Nunavut atauttikkuurutiqaqtuq Greenland-mun naammagijaalu inmikkuurutikhaanun.
Nunavut iliqatigiiktun hakugiktumik pitquhitigun, uqauhiliqinikkut ilaruhiingitlu katitirutikharnik Greenlandmi havakhimaarniaqtun munarijaangat ukuninga akhurnaqtunik piqatigiiktukharnik.
Talvanganin 2000mi, Nunavut Kavamangit Greenlandlu munarihimaaqpaktun havaqatigiittiarutikharnik naunairutiqaqhimajuq talvani ilitaridjutikharnik ilituridjutikharnik, ihumagiplugit iqaliqinikkut, tuluqtaqvikhangit, ingilradjutikharnik, ilihainikkut pitquhiliqinikkutlu.
Niriuqhimajugut taima ihuarutikharnik uqaqtaujukharnik ikajuutiginiaqtun auladjutikharnik Ukiuktaqtuniitunik Nunarjuaptingni naunaijaijaangatlu Greenland havakhimaaqtakhangit akhurnaqtumik iliqatigiiktukharnik Nunavunmiunun, Kanatamilu."