Hivulliuqtitigut

P.J. Akeeagok Niruaqtaujuq talvunga Hivuliqti Nunavunmun taaffumanga 6-nguqtumun maligaliurvikmi talvani Hikutirvia 2021. Hivullirpaarijaa MLA-nguvluni, niruaqtaujuq ikajuriangit nirauqtaubigijaminun Iqalungnun Niaqunnguu piqaqhuni 84 pusatmik niruaqtunin. Kingullikpaami, 7-ni Anagijuqqaangujuq ukunani Qikiqtaani Inuit Katimjiit. Hivullirpaami nirauqtauhimajuq taaffumunga QIA Angijuqqaaq talvani Ubluirvia 2014 niruaqtauffaqhunilu talvani Ubluirvia 2018. 

Angijuqqaanguvluni, Akeeagok hanaqidjutigijait amihut nutaat havaktaujakhat pinahuarutillu Qikiqtaani. Akhuurutigijait ihuaqpiaktumik Inuit Aktuumattaaqtunit Ikayuutikhanut Angirut taaffumunga Tallurutiup Imanga Nunarjuami Munaridjutikhanun Najuaaani, aallanullu ilagijainun angirutikhanun munarijakhanun taaffumunga Tuvaijuittuq Tariumi Munarijaujat, ukuat najugait pihimajut Kanatami angitqijaujut munarijaujanin imarmi. Akeeagok kiudjutigijaa mamianaujumik pipqaqhugit Kanataup Kavamanganin inungnun atugakhanun pivaktainullu pihimajainun Qikiqtaani Inuungnun 1950-min 1975-mun. Mamianaqtaudjutaa ilaqaqtuq hivullirmik maniliurutikhamun unalu Angiqatigiingnirmut Nalunaitkutingit aallanik manikharvikhanun hivun’ngani mamihainikkut, pitquhirmun kangiqhipkainikkut, tammaqtailiqinikkut hanaqidjutikhanun. 

Nunagihimajaanun Kanataup ukiuqtaqtmi nunallaamin, Ausuittuq, Akeeagok havakpiarutigijaa havaariraakpakhugu ikajuqhugit Nunavunmiut. Havaaniktinnani uumunga QIA-kut angijuqqaaq, Akeeagok havakhimajuq amihuni havaani Inuit havagviinni, ukuallu atanilluap ikajuqtia QIA-kumi, atanilluap ikajuqtia tuhaqtikaidjutinun ukununga Nunavut Tunngavik Timinga unalu havaktaujakhanun tutqikhaiji talvani Inuit Tapiriit Kanatami.

Hivuliqti Akeeagok katuhiqhimajuq pingahunik nutaraqaqhuni. Anguniaqtiujuq aliagivlugu haniqpaniittaamini.