Toronto, Ontario (Qiqaijalirvia 3, 2026) – Ministat munarijun ujarakhiurnikkut Kanadaup pingahuni ukiuqtaqtuni miitiqtun March 1mi, 2026mi, uvani Tamainni-Ukiuqtaqtumi Ministani Miitirutaani hivuagun Ujarakhiurnikkut Pivallialiurnirnunlu Katimajiinnin Kanadami miitirutaani uqautigiplugin angiklijuummiqtirnikkut maniliqtuutikkut aulapkaidjutikhanun pidjutilgit ihariagijauqpiaqtunun ujarakhiuqtauvaktuni Ukiuqtaqtumi.
Ikhivautaqaqtuq uumanga Yukonmi Ministamin Auladjutinun, Ujagakhiuqtunun Ikajuutinunlu Ted Laking, Tamainnun-Ukiuqtaqtumi Ministat Katimadjutaa turaakhimajut uqautigilugit atadjutiqaqtut pinahuarutit hakugikhijuumiriangani havaqatigiingniq hapkununga pingahunun aviktukhimajunun.
Ujarakhiurnikkut Ministat Yukon-mi, Nunattiami, Nunavunmilu akhuuqpaktun akhuurhainikkut Ukiuqtaqtumun, akhuurhainikkut parnaqutikhakkut anginiqarniani uumani 40%mi Kanadaup nunagijaani Ukiuqtaqtumi 60ni. Ministat naunaijaqtaa Ukiuqtaqtuup qitqani havagutaani Kanadaup ihariagijauqpiaqtuni ujarakhiuqtauvaktuni hivulliutijaujukhani amigarnarhijunilu ihariaginirmi kavamatuqatkunnin maniliqtuutikhanik umiktirnikkut aulapkaidjutikhanik piqanginniq hakugikharlugillu qanurinniit ukununga nanminiqaqtunun maniliurutikhanun.
Ministat akhuuqtut qinirhialutik uuktuqvikhanik qaujihimanikkut tuniutinikkut ajuirhimanikkullu hakugikharnikkut nakuutqijaujunik havagutinik ujarakhiurnikkut maliguattiarutikhanun maligakhanunlu. Una katitikhimajuq hanaqidjutikhaq ikajuutiginiaqtuq ihuatqijaujumik, aulajukharnik havadjagiktuniklu havakvikjuangit avatingni Tunnganirmi.
Ministat tukhiqtun pimmarikharutikhanik kavamatuqatkunnin qinirhianikkut taaksiijautini aturutikhanik ukiuqtaqtunun naunaijaffaakhugillu aularaanginnaqtun pijumaniit piliuqnikkut turaanganiqaqtumik Ukiuqtaqtumi 60ni Taaksikkut Ikajuutikhanik.
Pingahut avikturniinni angikhimajut havaqatigiiklutik qanuriliurutikhanik piliurlutik ihariagijauqpiaktunik ujarakhiuqtauvaktuni havaakhanik maniliurutikhanik Ukiuqtaqtumut havaakhaliurnirmik imaalu aullaranginnaqtumik maniliurutikhanik angiglivalliadjutikhanik.
Ministat havagumajun ikajurnikkut aularaanginnaqtumi tamaani-ukiuqtaqtuni Maniliqturnikkut Ukiuqtaqtumi 60ni niuvvaanikkut akhuurhainikkut akhuurhainikkut aularaanginnaqtaaqtunik ujarakhiurnikkut Ukiuqtaqtumi ikajukhugillu First Nations, Inuit ukuallu Métis qinirhianikkut, maniliurutikhanik utiqtiffaarutiniklu.
Pingahut Ministat angikhimajut miitiqattarumaplutik qakunguraikpat aulahimmaariami, hakugikhijuumiqlugu havaqatigiingniq hivumuutilugulu atauttikkut uuktuqvikhat Ukiuqtaqtumun.
Uqautait
"Ukiuqtaqtuq piqaqtuq ihariagijauqpiaqtunik ujarakhiuqtauvaktuni alligijapta ihariagijainnik, kihimi pivallialiurniq piniaqtuq taimaatun pigupta tunngavikhanik ihuaqtumik. Una ilaqaqtuq aturuminaqtunik ukiumi pauwatuutikhanik, nappaqtirutikhanik, naunaitpiaktunik maliruagakhanik, imaalu pittiarutikhanik Nunaqaqqaakhimajut pilaarutainnik. Havaqatigiingnikkut avikturniupluta, tuniukhaittaaqtugut ajuittaptingnik, hakugikhijuumirlugu ulapiqutinik imaalu Ukiuqtaqtuq akiraqtuidjutikhanik maniliurutikhanik. Kanata akhuuqqata iharianaqpiaktunik ujarakhiuqtauvaktunik, havagumajait ilaqaqtukhaq ihuaqtunik ikajuutikhanik ukiuqtaqtumi aulapkaidjutikhainnik. Turaakhimajugut havaklugit ihuaqtumik: munarittiarnikkut, ihuangnikkut uvalu qanuq tapkua tunihijut atuqpiaqtunik uvalu hivitujumik ikajuutinik ukiuqtaqtumi nunallaanun."
Minista hapkununga Auladjutinun, Ujagakhiuqtunun uvalu Ikajuutinun Ted Laking, Kavamatkut Yukonmi.
"Ukiuqtaqtuq hivumuuqpalliatitlugu ujarakhiurnikkut havaakhat, ihumagihimmaaqtavut hivulliutijakhat qanuriliurutikhanut. Uqautigiblugit ilihimajavut uvalu ihuakhakhugit havaavut humi akhuungnaqtut, hakugikhijuumiqtavut pijaangnirit maniliurahuarnirmun uvalu hivumuuqtilugit angijut igluqpinikkut havaakhat aviktukhimajut ihariagijait munarittiarnikkut angmaqtiqlugit Ukiuqtaqtumi ujagakhiurnikkut pijakhat qanuq piliuqlutik nutaanik pijakhanik Ukiuqtaqturmiunun."
Minista Havagvikjuanun, Aquijunun uvalu Maniliungnikkut Caitlin Cleveland, Kavamatkut Nunatsiami.
"Tuglia-ikhivautalik Kanadami Auladjutikhani Ujarakhiurnikkullu Ministait Katimadjutaani uumani ukiumi tautuktitaa Ukiuqtaqtuup havagumania ihuarhinikkut Kanadaup auladjutikhani piqutinilu hivunikhani. Turaakhimajugut hivumuuqtilugit akhuungnaqtut igluqpinikkut havaakhat hivumut, hakugikhijuumiqlugit tamajaqarviit, havaklugillu auladjutit ihariagijaujut hivitujumik angiklivalianirmun. Havaqatigittiakhugit kavamatuqatkut, avikturhimanirni, ukiuqtaqtuni Nunaqaqqaakhimajunilu paannarijait, havakviillu havakviit, nauttialiuliqtugut nauttiakhanik pipkainikkut nakuujunik qanuriliurutikhanik ukununga munarittiarnikkut pivallialiurnirnun. Amigaitqijamik atadjutimik havaqatigiingnikkullu ukiuqtaqtumi pidjutikhaq ikajurniaqtaa Nunatsiaq, Kanadalu, akittaqutinikkut nunarjuami huli pipkaipluni hivitujunik ikajuutikhanik nunallaaptiknun."
Minista Munariniqaqtuq Parnaqutikhakkut Aulapkaidjutikhanun, Auladjutini Niuvvaanikkullu Pidjutini Caroline Wawzonek, Nunatsiap Kavamangani.
"Ukiuqtaqtuq havaqatigijumajait avikturniinni paannarijavut hakugikharnikkut munarittiarnikkut ujarakhiurnikkut pivallialiurnirnun. Ihariagijauqpiaqtun ujarakhiuqtauvaktuni pidjutijun anginiqaqtunik uuktuqvikhanik avikturhimaniptiknun, kihimi nakuujumik inirutit pidjutilik hakugiktumik maligaliqidjutikkut, ihuarhaqtauhimajuni aulapkaidjutikhanik maniliurutikhanik nakuujuniklu paannariigutinik Nunaqaqqaakhimajuni kavamagijaujuni nunallaanilu. Uqautigiblugit ajuittiarnirit uvalu ihuakhaqlugit upautidjutivut, ihuakhijuumiqtaaqtavut munaridjutit, angiklijuumiqlugit maniliuqtut hapinginirmun uvalu pijaangini tapkua pivalliadjutit ikajuutauniaqtut hivitujumik-kikliqaqtut maniliurutit Ukiuqtaqtumi. Havaqatigiirniq avatingni ukiuktaqtuniitun akhurhainiaqtun katitikhimajunik nipiptingnik akhurhaidjutikharnik Tunnganirmiitunik ihuaqtumik munagidjutikharniklu maniliurutikharnik atuqtakharnik."
Minista Munarijuq Ujarakhiurnikkut Craig Simailak, Nunavut Kavamanga.