Qilamiurnirmun Upalungaijainirmun Havainiq piniaqtuq Mai 3min 9mun, 2026, Nunalingni Kavamatkunnilu Pivikhaqautikkut amigarnaqtunut munaqhijit havagviat akhuuqtait nunallamiutat tamaani nunaptingni havaklugik ajurnaittunik qanuriliurutinik upalugaiqhimanirnun qilamiurnarnirnun.
Nunavunmi, aullaangittugun avaliittumik – aullaaqpaktugun upalungaiqhimapluta. Pidjutit upalungaijaqhuni hivuagun, aihimapluni haniqpaniittumiluunniit, nakuujumik piqpiarutaujaaqtuq ilingnun, ilagijarnun nunallaarnullu.
Uumani ukiup qanuriliurutaa una, Upalungaiqhimalutin. Ilihimalugin Qajangnarutit., akhuuqharlugin kitkulliqaak kangiqhihimalugin qajangnaqtun avatimingni qanuriliurlunilu upalungaihimaluni.
Tamaani havainirmi, Nunavunmi qilamiurnirmun munarijiit tautuktipkarniaqtait ihuaqtun ikajuutikhat aturutikhallu, ilaujuqlu tautuktakhaq nutaaq piksasuuq qanuqtun SPOT nanihiutit ikajuqtaaqtuq qajangnaittumik nunami aullaarutinik uqaqatigiigutikhaniklu ungahiktuni nunani.
Nunallaamiutat akhuuqtaujun imaatun:
Unniutilugu kinalikiaq aullarutingnun humungauvikharnun hivuagun aullaqtinnatin.
Naunaijaqlugu hila hikumilu qanuridjutainnik.
Nakhaqlugin ihuaqtun ingilrutinik, ilaujullu aallallu tamajanik nakuujumiklu tuhaqtipkaidjutikmik.
Pihimalutin qilamiurnirmun ikajuutikhamik aihimavingni aullaqtillunilu.
Upalungaiqhimadjutit tautungnaqtuq aallangajuq tamainni nunallaani, kihimi pidjutit mikijunik qanuriliurutinik angijunik pidjutittaaqtuq akhuurnaqhigaangat.
Sainiutilugu una SPOT nanihiuti, takujaqtulugu nunallaarni Haamlatkut unaluunniit anguhiqijiit havagvia.
Aallanun ilitturipkaidjutikhanun aturutikhanullu, takulugu una Nunavut Kavamangani qaritaujakkuurutaa maliklugulu Facebookkut makpiraavut.