Hivuliqti John Main ublumi uqaqhimajaa niruaqtaungmat Gloria Uluqsi Angijuqqaanguqhiuni uvani Nunavut Tunngavikkut Timingani:
“Talvannga tunngaviptingni uvani Ikajuqtigiikta pitquidjutiptingni pidjutigilugu hakuginia paannariigutikkut, piqangittuq paannariigutikpiamik hivulliurutimi nakuuninganun nunaptingnun inunginnullu uumani akunngani kavamaptingni uumanilu Nunavut Tunngavikkut Timingani. Piliunginnaqtaaqtugun nakuujumik tautugutimik pitquidjutimiklu kavamaptingnun piqaqhuni ikajuutinik, qaujihimadjutinik tuniudjutinillu NTKkunnin, iharianaqtullu paannarijaami uvani pitquidjutiptingni pivalliadjutaani.
Niriuktunga havaqatigijaami atuqtipkainiani Ikajuqtigiikta pitquidjutimi, uumanilu Nunavunmi Paannariingnikkut Katimajiinni ukunani amigaittuni atuqatigiikhimajuni hivulliutiujumajaujuni, havaktilluta talvunga atauttikkut turaangajaptingni: piliurnianik hakugitqijaujumik Nunavunmik.
Quviahuqatigivagit Gloria, niriuktunga havaqatigittiarumaplutit.
Ilauqatinnga quviahuutigilugu Angijuqqaangunirmun-niruaqtaujuq Gloria Uluqsi, tuniplugulu nakuaqqutinik hivitunirmi havagutaanun.”