Iqaluit, Nunavut (Immaktirvia 19, 2026) – Hivuliqti John Main ublumi uqaqtuq aallanguqtirutinik uvani Nunavut Kavamatkunni (GN) atanngujaudjutainni, atuliqtukhaq tadjainnaq:
- Kristie Cronin Tukliulirniaqtuq Ministamun Havaktuliqijitkunni.
- Eiryn Devereaux havaariniaqtaa Tuklia Minista Ingilradjutikkut Aulapkaidjutikhanullu Nunavunmi.
- Kyle Seeley Tukliuniaqtuq Ministamun Nunalingni Kavamatkunnilu Pivikhaqautikkut.
Hivuliqti Main tikkuaqturlu pingahunik nutaanik tuklikhanik ministanik:
- Sandy Kownak tikuaqtauruq Tugliq Ministamun hapkununga Pitquhiliqiinun. Ms. Kownak havaaqaqpakhimajuq Ministaup Tugliata Ikajuqtia Ilagiiktunut Inuuhiringnaqtumik talvani Havagviat Inulirijikkut.
- Michele LeBlanc-Havard tikuaqtaujuq Tugliq Ministamun Avatiliqijitkunun. Ms. LeBlanc-Havard hivuagun Aulapkaiji, Avatiliqinikkut Hapumminikkut.
- Mathieu Parker tikuaqtaujuq Angijuqaanguqhuni hapkununga Nunavunmi Igluliqijiirjuatkunun. Mr. Parker qanganuaq Aulapkaiji hapkununga Ukiuqtaqtumi Katimajiit Titiraqtia Norway-mi, uvalu kinguani tugliq angijuqaaq hapkununga Canadian Northern Economic Development Agency Iqalungni.
"Havaktitluta atulirnikhanut Ikajuqtigiikta pinahuaqtait, nauvalliajukhaujugut ihuaqtumik iniqtiqhimajaptingnik ublumimut," uqaqtuq Hivuliqti Main. "Hapkuat havaktikhaqhiurnikkut aallanguqtirniit nallaumajut hakugingniit, ajuittiaqhimajut, imaalu ajuiqhattiaqhimajut pijumajait hivuliqtivut hivulliutijakhainnik kavamatkut imaalu angijut havaakhat hivuniptingni. Pidjutijun nakuujumik aallanguqtirnirnik iluani kavamatkunni havagviinni. Ukpiruhuktunga hivulliqtivut havaqatigiiktut havaktitlugit pinahuaqtaptingnik kivgaqtuidjutikhainiklu Nunavummiut. Qujagijatka tamangnik Teresa Hughes unalu Alma Power amigaituni ukiuni kavamatkuni kivgaqtungnirmun. Tamangmik aulahimaaqtumik tautuktitijuk hivuliqhurnirmik uvalu akhuurutimingnik Nunavunmun, uvalu nakuujumik pitqujatka."