Ublumi, Nunavut Hivuliqtia John Main ublumi tuhaqtitijuq haffuminga uqagaminik:
"Tamna qajangnairutikharnik tutqikhaidjutikharnik kiudjutikharnik ippakhaq aulatilunik British Airways Flight 53-mik Iqalungnun tautuktitivakhimajuq hunaujut iniqtiriaqaqtun taima inuit atautimiitun ikajugianganik allanik inungnik. Pidjutigiblugu niriuktaungitut qanuriniit, katimajiit havaktut qilamik pijaangini tingmijut havaktillu munarijaujaangini ikajuutikhallu ihariagijatik.
Qujagijumajatka British Airways, Iqalungni Milviinni Katimajiit ukuallu milvingmi havaktiit, Milvingmi Qaptirijiit, Iqalungni Qaptirijit Havagviat, Kanatami Avikturnianni Kivraqtuijut Havagviat, Pallihimatkut, Inungnut Aanniqtailinikkut Kanatami, Nunavunmi Amigarnaqtunut Munaqhijit, avikturnianni havagviit, imaalu amigaittut aallat havaqatigiiktut ikajurahuaqhugu hamna kiudjutikhaq. Qujagijumajatka tingmijut tingmihiqijitlu utaqqivangmata ikajuqpiaqhutiklu haffumuuna qanurilidjutaanut. Ilitarijumajatkalu nunallaami havagviit, timiqutaujut nunallaamiutallu ikajurahuaqpaktut. Ajuittiarnirmut, quviahuutikharnik ikajurumainaqhutinlu tautuktitijaangat pidjariktumik tunngahuktitinikkutlu Nunavunmi ilihimajaujuq.
Pidjutigiplugit Nunavut Kavamanga, quanaqquhi tamaffi ikajuqpaktunik uumunga kiudjutimun. Quana.”