Kanadami Ihumakkut Aaniaqtailinikkut Havainiq Qiqaijaluarvia 4min hamunga 10mun, 2026 Munaqhiliqijit aghuuqhaijut Nunavunmiunun uqaqatigilugit ilanatik, ilatik iningnikhallu mikhaagun Ihumakkut Aaniaqtailinikkut havainiq uvalu inuuhiqattiarniq.
Uvani ukiumi ihumagijaujuq, "Attautimuqatigiiklutik, Kanada: Hakugitqiakkut atadjutit, Nakuutqiagut Ihumamun Aanniaqtailinirmun”, turhulauqtaujut Nunavummiut, ubluq tamaat hulidjutit nagliguhungnikkut, ilitarilugilu havaavut pidjutigijavut ikajungnirmun ihumamun aanniaqtalinirmun atadjutikkut nunallaamun, ilagiinun, nunamunlu.
Havagvia Aanniaqtailinirmun akhuuqhaijut tamainun atautimukhimalutik uvalu quviahuutigilugu hiqinaarniq maniqami. Ilangit hulidjutit ihumamun inuuhiqattiarnirmun ukualu inmi-munaridjutinun ilaujut hilamiilukaarutit, titiraujaqlutik, mirhuqlutik, hanalutik, ulapqilutik ulapqidjutinik, naalaklugit ihumamun ihuarnikhaanun, tuhaqtidjutit, iqaijaqlutik, pihuujaqlutik, iqalukhiuqlutik, anguniaqlutik, paungaqtaqlutik uvalu/uvaluuniin sikiituujaqlutik. Atautimut, Nunavummiut hakugikhijuumirutiniaqtut ihumamun aanniaqtailinirmun, havaklugit inuuhiringnaqtumik nunallaat, ikajuqlugillu amigaitut inuit atadjutikkut.
Ilvit kinaluuniin ilihimajat ajuqhautiqaliqtuq ihumamikkut inuuhiqattiarnirmunlu, itqaumalutit avaliingituhi. NAAMAKTUQ ikajuqtaujumaluni.
Hiamitiqtailinirmun ikajuutiqharnut, uqaqvigiinnaktaaqtatin:
Uqaudjaunirmun
Mamihainiq Uqaqatigiingnikkut Pinahuarut.
Tunihijut ungahiktukkut, hivitujumik-kikliqaqtut uqaudjinirmun kivgaqtuutit inungnun avatiini aviktuqphimajup.
Pulaaqlugit nunallaani Munarhitkut kangiqhittiarumaguvin, qaritaujakkut healing@gov.nu.ca hivajaqlutinluuniit akiqangitumik uvani 1-888-648-0070 uvaniluuniit 867-975-5367.
GNkut Havaktiinun/Ilainnut Ikajuutinun Pinahuarutit.
1-800-663-1142.
Ahinun Ilihariaqtuqtitauhimajut Iliharvingnun Niriurutait Inuuhirittiarnirmun Ikajuqtaunirmun Pinahuarutit
Tunihijut hivajautikkut uqaudjinirmik ahinun ilihariaqtuqtitauhimajunun ilainunlu. Akiitukkut uvani 1-800-464-8106.
Ilisaqsivik Hivajautikkut Uqaudjiniq
Tunihijut hivajautikkut uqaudjaunirmik Qablunaatut Inuktitullu, Hivullirmin Tallimiunmut 8:30 ublaami 5 mun. Hivajarlugu akiittukkut 1-888-331-4433
Ikajuqtaunirmun Hivajautit Qaritaujakullu Uqaqatigiiqtut
Kanadian Inminiiqtailinikkut Ajuqhautaujunut Hivajautaa
Hivajarlugu titiraqlugitluuniit 988nik atuqtakharnik ikajuutikharnik ihuaqtumik ihuarutikharnik pidjutikharnik.
Nunavut Kamatsiaqtut Ikajuqtaunirmun Hivajautaa (piinarialgit 24 ikaarniinni ubluq tamaat, saivat ubluni atauhirmun havainirmi).
Hivajaqlugit 867-979-3333 akiitukkuluunniit 1-800-265-3333.
Ajuqhautiqarnirmun Kivraqtuqtiit Kanata.
Hivajaqlugit naqitautivigilugitlunniit 1-833-456-4566.
Qaritaujakkut uqaqatigiigutit uvani www.crisisservicescanada.ca.
Youthspace.ca.
Hivajaqlugu 1-833-456-4566 - Naqitautikkut 778-783-0177.
Qaritaujakkut uqavigiinarialgit uvani www.youthspace.ca.
Qaritaujakkuuqlugit uqaudjaunirmun hailihimajuq hivajaqlugit akiittukkut uvani 1-866-478-8357.
Nutaqqat Ikajuqtaunikkut Hivajautaa.
Hivajaqlugu 1-800-668-6868.
Uqaqvigiinnaktaaqtuq hailihimajuq uvani kidshelpphone.ca.
Naqitaqlugu ‘CONNECT’ hamunga 686868 titiraqvigijaanganni ilihaqhimajuq ikajuqtuq.
Qaritaujakkuugutit ikajuutiqhanut
Isaksimagit Inuusirmi Katujjiqatigiit Iqihimalugu Inuuhiq Katimajiit.
Takulugu qaritaujaliqivia www.inuusiq.com kangiqhittiarumaguvin, ikajuqtaujumaguvin, ikajuutikhakkuluuniin.
Ilihimaguvin kinamikli ajurhaqtumik, hivajarlugit Paliihimat, munarhitkunnungaulutilluuniin aanniarvingmulluuniin qilamik.