Ukiuq tamaat, Kanadap Hivuliqtiit, ataani ilaudjutaani Katimajiita Kavamatuqainni, ilauvaktun quviahuutigiplugu taigurniq. Nan'ngarilugit tapkua kitut ikajuqtut taiguangnirmun titirangnirmunlu Nunavunmi, Hivuliqti John Main qiniqhiajuq niruaqtaujukhanik haffumunga 2026 Katimajiita Kavamatuqait Taiguarnirmiun Titirangnirmunlu Aituutit.
Ilitaridjujtit ihumagittiaqtaa inuk ikajuqpaktuq pilaqhuutijurlu aallanun aturiami Inuktut pivallialiuqhugillu taigurnikkut ajuiqhimaniit – uqautikkut, titiraqhimanikkut talvuunaluunniit hanaujarutikkut tautungnaqtuni.
Niruaqlugu kinalikiaq havakpiaqhimajuq avatqutipluni ikajurnikkut akhuuqhainikluu aallanik pivallialiurnirnun inmingni taiguqtaalirnirnun ajuiqhimajatik. Taamnauttaaqtuq ilihaqtuq, ilihaiji, nunallaami ikajuqti, Inirnikhaq, havaqatigiiktaujuqluunniit akhuuqhaijuq akhuurnarninganik iliharnirnik atadjutiniklu.
Akimajuq ilitarijauniaqtuq haviqunmik unalu naunaitkunmik tunijauluni haffumanga Hivuliqtimin John Main ukiakhami. Tunijauniaqtullu $300 manikkut ikajuutimik.
Niruarutikhat takujauttaaqtun uvani HIvuliqtiani Nunavunmi qaritaujakkuurutaani.
Umikvikhaa niruarutinun Niqiliqivik 14, 2026. Tujuqtaaqtatin niriuarutitit qaritaujakkut-titiqqilugucommunications@gov.nu.ca.