Taaqhivaliavia 7 – 9, 2023
Nunavut-tamaat
Hivuliqti P.J. Akeeagok ublumi tuhaqtidjutigijaa una uqaqtauhimajuq ilitarijumavlugu Nunavutip aviktuqhimajumi haalatiinga:
“Quviahuutigivlugu Nunavut Ublua unalu 30-nguqtuq nalliutaa uuma Nunavunmi Angirutaa, tuhaqtittumajatka tamaita Nunavunmiut quviahuutigiqpiaktara ikajuutigijaffingnun nunakput hakugikhipqaqhugu atauttimiuvakhutiklu. Itquumagijara tamapta hivumuuliqpiaqtugun talvunga aallan’nguqtirutiqpiarutukhanun tautukhimavaktaptingnik Nunavunmun.
Pidjutaani Katujjiluta, qaitqujagin ilauqatigilunga uumani Nunavut Ubluani aliahuutidjutimi pitquhiptiknik, uqauhiptiknik, mahulingaidjutainnullu nunallaaptikni. Uumani ukiungani naunaitkutigijaa pingahuni qulitigun ukiuqaqtunun pidjutigihimajaanun uuma Nunavut Angirutaanun Maligaq unalu Nunavunmun Maligaq angiqtauhimajuq Maligaliurvirjuami talvani Taaqhivalirvia 9, 1993.
Ilitarijumajatka hivuliqtiit aivaqtuutivaktun nunaptingnun angirutikhaanun, ukuallu Nunavut Tunngavikkut Timinga havaarijainun piliurninganut avikturvigijaptingnun atulirnikhanullu uumani Nunavunmi Nunataarutaanut Angirutaa. Pikpun nunaptingnun angirutaanun ihumaliugutaujuq maligaita kavamatkunni, ilauqataunik kavamatkunni Inuitlu, havaarivaktavutlu hapummiutijaariaptingni nunakputigut, imaq, huradjanutlu.
Quvianaqtuq Nunavunmi Ublunga!”