Uqaqtittiiji, Hadja ilitariumajatka ikittut inuit hivuliqtiuvangmata iniktigutiplugu apqutiqhaq sainiutikkut Nunavut Nunainnut Ikajuutinutlu Nanminiqhuurnikkut An’ngirutimik.
Amigaittuguq takujavut iniktiqhimajuq 239 makpirviqaqtumik nanminiqhuurnikkut titiqidjuti ikajuutipluni ajurnaittumik pidjutiviqhaq – utiffaariamingnik ihumaliurnikkut ilaudjutilgit Nunavunmut inungnut nunait imaitlu Nunavunmut, humi ittuqhaugaluangmat. Pingahuni ukiuni, uvagut ihumaliurniaqtavut ikajuutinut ihumaliugutiqhat pihimalugitlu utirugutit piiqtauhimajunik tahapkunani ikajuutini.
Namminiqsurniq – tikiutiliqtut nutaanik havauhiqhanik iniktirilutiklu ihuaqtumik.
Huli takujuittavut ikaangniit, ubluit, havainiit, tatqiqhiutit, ukiunggitlu havakpiaqhugit tamaita tainiit tamainni makpirviinni. Havakpiangnaktut havagiami havaktaujaami maligaliqidjutit ajurnarniit ilaudjutilgit ihuarhainirmun tahapkunani GN kut, NTI kut Kanataplu Kavamaita. Havangnaktuq upalun’ngaiqhitijaami naittunik taapkuatut nuutirniat havaktiinnik atuliqtittinirmunlu upalun’ngaiqhimajut piinnariaqaqtuq nuutirnia 2027 mi. Qujagijaujut, GN kut piqaqtut nakuuqpiaqtunik aivaktiulluaqtut imaa pijaami tamainnun naittunik havaktaujut nakuuqpiaqtumik.
Uqaqtittiiji, havauhiit havaktauliqtut GN kut aivaktilluanga Tony Penikett – Hivuliqtiugaluaq Yukon mi. 2008 mi, aivaktuqhanik maliqqajaqhaq sainiqtauvaktuq Kanatap Kavamainnit Nunavut Tunngavikkutlut hivuniqhaqaqhutik tikiutijaami An’ngiqatigiigutiliuqpallianirmik.
Nanminirijavut Minista Maligaliqiijitkunni David Akeeagok havaarijaa aivaktiulluaqliqhuni 2012 mi, aivaktillutik aulaqtiqhuni atulihaaliqtumi 2014 mi – talvuuna Simon Awa ikpingnakpiaqtumik qanuriliugutitlu iniktigutimun havaarivagaa.
2019 mi – aadlamiktauq tikiutijuq – An’ngiqatigiigutiliuqpallianirmik sainiqtaujuq.
An’ngijuamik munarijaqaqtuqhaq pidjutigijaa Pauloosie Suvega 2020 mi, pidjutipluta iniktirutimik.
Angutit, quana.
Quana, Uqaqtittiiji.