Mr. Justin Trudeau
Leader of the Liberal Party of Canada
350 Albert Street, Suite 920
Ottawa, ON K1P 6MB
Apitilirvik 13, 2019
Turaaqhimajara Trudeau
Tadja 2019 Kanatamiut niruarvikhangit turaaqtauhimajuq, apirijumagapkit qanuq tautukhimajatit ilagijaujut Nunavut Kavamangit, niruarutivit hanajakhaat tuglikhaa kavamapkut.
Qaujimajatit, Nunavut amihunit ajuqhautiqaqhutik taimaa ajurnaqhivakhuni unalu ilitturnaqhuni tamainnut nunarjualimaanmit. Hamanujuq 2019 nunarjuatigullu – nakuuqpiaqhuni nunarjuatigut hilarjuarmit – huli ilaliutihimanngilruuqtuq aadjikkutaanit maligautaanit tamainnut Kanatamiunit.
Nunavut, pitquhivut, ilitquhivut, uqauhivullu taimaa ilittianngittuq. Nunavut nunagijaujuq hivitujumik ajurnaqanngittuq inikhautilluaqaqhunilu – akturluaqhimaittuq, kangiqhittiaqhimanngilruuqhuni taimaa tuhaqtitaujuinnamilu.
Kihiani, Nunavunmiut ajuqhaliqhutik. Ajuqhaliqtut akittuqpallaaqhutik niqinnaqtumik, munaqhiqarvikhainnit unalu ikajuutikhamaat igluliurahuarnikhanut amihuujut Kanatamiut ajuqhautiginngittangit ubluq tamaat. Pivikhangit iglukhanut, pijumajangit ihumaaluktunut ihumatigut aanniarnigut unalu ajuqhautiqaqhutik imirlungnut higaarlugnulluuniit mamihautikhangit, munarijangit Inutuqavut iluani-nunallaanmi, iliharniq unalu havakhutik ilihautikhangit, ikummaliqiniq unalu agjaqtuinikkut ikaarvikhangit.
Haffuminngatut, Nunavut hivunigijangit maniliurahuaqtut unalu ilagijamingnit hivulliurutikhaulluangit pidjarikhijaamingnit angiqhimajamingnit nakuuqpiaqtumik, hilarjuatigut maligautaat. Tahapkuat ilauhimayunik:
- igluqpaqarvikhaliurahuarnikkut unalu maniliurahuaqtunut
- iglukhat
- ihumaaluktunut ihumatigut aanniarnigut unalu ajuqhautiqaqhutik imirlungnut higaarlugnulluuniit mamihautikhangit
- havaakhaliurvikhangit pivallianikhanut nunalingni tikitpiaqtangit
- hakugikhijangit Ukiuqtaqtuq unalu hilarjualiurahuaqtut
- agjaqtuiniq, ikummatigut unalu ilulik ikaarvikhangit
- ilinniarniq, Inuktut uqauhitigut unalu ajuinningit ilihautikhangit
Naahurihimajunga ilingnut, hivuliqti niruarvikhanut, ilitturnaqtumik unalu upalungaijautikhangit qanuq ikajuqhimaniaqtutit Nunavut haffuminngat ihumaaluutaujut inikhangit. Qaujimajutit, Nunavut quviahuutiginiaqtangit 20 nut nalliutikhaat ukiungani, atiliuqhimajavullu Angirut-Hivunikhaliurutikhanut kavamarjualiqinikkut. Kinguani 20 nit ukiunganit nauhimajuq, haffumani ilitturvikhangillu ilittuqhimajavut, nautkariangani nanminirijaqqut inikhautivut, tadja malikhimagiaqaqtavut maniliurahuarnikkut, igluqpaqarvikhaliurutikhanut unalu malikhimmaaqtavut, aturaaqtakhavut manikhautikhangit manngit ilittuqhimalugillu ajuinnivut.
Hamnali Liberal niruarvikhavut ukpirnaqqa ilumuuqtumik Tununngani, hakugiktumik ajurnaqanngittuniglu? Niruarvikhatit upalungaiqqa malingniaraatit ikajuutikhamik, manngit, ikaarvikhaq, akhuurnikhaq unalu utaqqijumminnarniq inmikkut Ukiuqtaqtuq nunarjuarutikhat, tamainnut ilumuuqtumik taihimajuq? Ilumuuqtumik naahurijunga.
Tutqittiarnaqtuq hakugiktumik Kanata pijumajangit hakugiktumik Ukiuqtaqtuq, unalu tukiqaqhuni akhuuriaqaqtavut, nanminiqqut ajuqhauttunit Nunavuliuqtut. Naahurihimajunga kiuvikhatit,
Nanngarijaujuq Joe Savikataaq
Hivuliqti Nunavutmun