Ottawa (Iidjirurvia 11, 2026) – Hivuliqti John Main unalu Ministaa Ilinniaqtuliqijitkut unalu Ministaa munarijaqaqtuq ukuninga Nunavunmi Inirnirit Ilihariaqpaalirviit David Akeeagok ublumi tungahuktitijut tuhaqtidjunmik ukunanga Inuit Tapiriit Kanatami (ITK) tmna Arviat, Nunavut, najugariniaqtaa nutaap Inuit Nunangat Ilihaqvikjuap.
Una Inuinnarnin-hivuliqhuqtuq iliharvikjuaq Nunavunmi pidjutaujuq anginirhakkut ajuhautinun iliharnirmun Inuinnarnun, kitut qimangitaangani aviktuqhimajuq unaluuniin tununga Kanadami ilihariaqturiamingni tungaviqaqtuq Inuit uqauhiitigut, Inuit tautuktuumijaaqtaitigut ukualu Inuit Qaujimajatuqangit. Inuit ilihaqvikjuakhaa Nunavunmi maniliurutikhaq ihuaqhaidjutinun uvalu Ukiuqtaqtumi ataniqtuinirmun tapua havaktitijut nunamingni aktilaangitigut akhuungnaqtut havagviit ukualut ilihaijit, aanniaqtialinirmun munaridjutit, ataniqtuidjutit, ukualu avatiinun ataniqtuidjutinunun, pijaangini Inuiinait hivuliqhurnirmun pidjutaujunun tapkua ihuaqhaidjutaujut inmi nunallaamingnun nunamunlu.
“Qujagijatka unaguhungitumik havaktut ukua Inuit Tapiriit Kanatami avatqumajumi ukiut pijaangani una hinaktuumajaujuq atuliqpiarniranun. Una iliharvikjuaq anginirhakkut hulaqtutiqaqtuq avataanun nunamnun Arviani humi najugaqaniaqtuq,”uqaqtuq Hivuliqti Main, MLAnga hapkua Arviat Tunungani-Tikirarjuaq. “Inuit Nunangat Iliharvikjuanga pidjutaujuq hakugingnirmun inmi-akhuurutiminun iliharnirmun. Havangnira iliharvikjuakhaa Nunavunmi, maniliurutaujuq inungnun ukualu nunallaanun humi Inuit ilihimajait ukpirijaillu hivuliqhuutauniaqtuq qaujihainirmunlu.”
“Ministaublunga munarijaqaqtunga ukuningaNunavunmi Inirnirit Ilihariaqpaalirviit, quviagijara apkua ilihaqjuumirviini ilihautit nakuujumik nuutirutaujut ilihaqtunun, iniqtiqtunun, inmi ilatik nunallaallu, uqaqtuq Minista Akeeagok. “Tungahuutigijatka tapkua atangujaqarviit hamani Inuit Nunangat Iliharvikjuakhap najugariniaqtaa Nunavut, akhuuqhimaaqtunga pijaangani akhuurutit hapkununga malruk ilihaqjuumirvingmun iliharviit pidjutigijaujut ihariagijait Nunavunmiut, Inuit Nunangat, avatiini nunaqjuap, avataanunlu. Atuqhimajait Nunavut, Inuit ukualu Nunavummiut aulahimaaqtumik kangiqhidjutaujut qanuqtut ilihaijugut nunaqjuamun mikhaanun inuuhiptingni, ikajuutiginiaqtaqqut aulahimaaqtumik ihuaqhainirmun hivuniptingnun.”
Iliturittiarumaguviuk Inuit Nunangat Ilihaqvikjuangagut, takulugu una ITK qaritaujaliqivia.