Iqaluit, Nunavut (Nuvaiba 16, 2026) – Hivuliqti John Main ublumi tuhaqtittijuq aallanguqtirutinik Ministani havaakhainnik, atuliqlutik tadjainniq, talvannga qangannuaq tikkuarutaanin Minista Fred Pedersen.
“Quviahuktunga tunngahittijaami Maligaliuqti Fred Pedersen uumunga Ministait Katimavianut imaatun Ministanguqhuni Auladjutini, imaalu Ministauluni munarijuq uvunga Qulliq Alrujaqtuqtunik Ikumadjutiinnut,” uqaqtuq Hivuliqti John Main. “Uppirijunga Minista Pedersen havagutiginiaqtait hapkuat havaakhait hivulliurluni hivulliutaanun uvani Ikajuqtigiikta pitqujaudjutiptingni. Hivuliqtiuplunga, niriuktunga ukununga tikittukhanun pingahut ukiunut havakpiarutiptingnut tunijaami inirutikhanik Nunavunmiunnut.”
Minista Gwen Healey Akearok aulahimmaarniaqtuq Ministaupluni Inulirijikkunni, Minista munarijuq Aivikhaittunun, Minista munarijuq Arnait Qanurilinganinginnut uumanilu Minista munarijuq Ilingaijaivallianikkut, havaariniaqtaalu Minista munarijuq Nunavunmi Ilihariaqpaalivingmut.
Minista Annie Tattuinee aulaniaqtuq Ministauluni Havaktuliqijikkut Havagviani, Minista munarijuq Havaktinut Aanniqtailinirnut Havalimaiqqatalu Nalliqtarvikmi, Minista Pitquhiliqijikkut uumanilu Minista Uqauhinun.
Minista David Akeeagok aulahimaniaqtuq Kavamatkut Katimaniani Hivuliqtiuluni umanilu Minista Ilinniaqtuliqijikkut.
Nunavunmi Ministani Havaakhait:
Maligaliuqti John Main, Hivuliqti
- Minista Kavamaliqijikkut
- Minista Kiinaujaliqijikkut
- Minista Nunaqaqqaaqtunun
- Minista munarijuq Nunatiqhimajunun
- Minista munarijuq Igluin Aulatjutitigun Akitutilaanginnut Katimajiit
- Minista munarijuq Inirnikhanun
- Ministaujuq munarijuq Nunavunmi Taangaliqinirmut Higaarlungniklu Katimajirjuanut
- Ministaujuq munarijuq Taangaliqinirmut Higaarlungniklu Katimajiinnun
Maligaliuqti George Hickes, Tukliq Hivuliqti
- Minista Ingilrajuliqijikkut Aulapkaidjutinullu Nunavunmi
- Minista Maligaliqijikkut
- Minista munarijuq Havaakhaqarnirnun
- Minista munarijuq Inungnun Pilaarutainnun Naalakvingmun
Maligaliuqti David Akeeagok
- Maligaliurvingmi Kavamani Hivuliqti
- Minista Ilinniaqtuliqijikkut
Maligaliuqti Janet Pitsiulaaq Brewster
- Minista Aanniaqtailinirmut
- Minista munarijuq Inminiiqtailinirnut
Maligaliuqti Gwen Healey Akearok
- Minista Inulirijinun
- Minista munarijuq Nunavunmi Ilihariaqpaalivingmun
- Minista munarijuq Arnait Qanurilinganinginnut
- Minista munarijuq Aivikhaittunun
- Minista munarijq Ilingaijaivallianikkut
Maligaliuqti Cecile Nelvana Lyall
- Minista munarijuq Nunavunmi Igluliqijirjuakkut
Maligaliuqti Fred Pedersen
- Minista Avatiliqijikkut
- Minista munarijuq Auladjutinun
- Minista munarijuq Qulliit Alrujaqtuqtunik Ikumadjutiit
Maligaliuqti Craig Simailak
- Minista Nunalingni Pivikhaqautikkut Havagvia
- Minista munarijuq Nunavunmi Nanminilingnut Ikajuqtiit
- Minista munarijuq Nunavunmi Pivalliadjutikhalirinirmut Katimajiit
- Minista munarijuq Ujaraqhiurvingnun
- Minista munarijuq Niuvvaanikkut
Maligaliuqti Annie Tattuinee
- Minista Havaktuliqijikkut
- Minista Pitquhiliqijikkut
- Minista Uqauhinun
- Minista munarijuq Havaktinut Aanniqtailinirnut Havalimaiqqatalu Nalliqtarvikmi