Nunavut Hivuliqtia John Main ublumi tuhaqtitijuq haffuminga uqagaminik:
"Quviahuktunga ilaupkarapku Nunavut hivulliqpaami Kanadami Maniliurnikkut Katimanirjuami Toronto-mi, pipkaqtitaujuq Prime Minista Mark Carney. Nunavut piqaqtuq amihunik tunigiami nunarjuaptikni maniliurahuaqtunut nunavunmi piqaqpiaqtuq nunamittutuqat piqarnit hakugiktumiklu avatinga tunngavinga itqurnarutaujuq. Ujarakhiuqtut, iqalukhiuqtut, uvalu aquinikkut havagviit angijumik pijakhaqaqtut angiklivalialutik ihuaqtumik maniliungnikkut. Una katimadjut pijakhaq tautuktilugit maniliuqtut avatiini nunaqjuap Nunavut angmaumajuq nanminiqaqtunun.
Kavamakput havaqatigijavutlu, Nunavut Tunngavik Incorporated, naunaiqhijut hitamanik Inuinnarnit-hivuliqtuijut nunarjuaptingni nappaktirinirmun havaakhat ukpirijavut takupkainiaqtut qanuqtut paanariirutikhat ikajuutauniaqqat Kanadaup tikinnahuarumajainut aullaqtiutikhanik nunarjuaptingni nunarjuamilu maniliurutikhanik.
Kanadaup nukaqhiupluni nunani, Nunavutip aktuqtauhimaittut piqutin ikajuqtaaqtaa nunakput piangaijarnikkut amigaittuni ukiuni tikittukhani, piqarumik ihuaqtunik ikajurutinik.
Uqautigijatkalu ihuarnirit paannariingnikkut maniliqtuutikhakkullu Nunaqaqqaaqhimajuni-hivulliuqtaujuni havaktaujukhani ikajurnikkut Ukiuqtaqtuni qajangnaidjutikhainnun aulapkaidjutainnunlu.
Uqautaujumi uvani Ikajuqtigiikta, kavamakput akhuuqtut maniliqtuilutik nakuutqijamut hivunikhanut tamainut Nunavummiunut.
Pidjutihimmaarniaqtugut maniliurnahuarnirmun havaaqhanut Nunavunmi ikajuutigittaaqtait maniliurnahuaqtunut nunallaanutlu, nakuuhivalliadjutiqhainnik nappaktirinirmun hivuni inuinnut."