2022 COF Taiguarnirmun Aituutinik Akimajuq Tuhaqtitaujuq
Ukiuq tamaat Katimajiit ukununga Federation Literacy Award quviahuutigijaat iharianaqtut ikajuutit havaktaujut hapkunanga Kanadamiunin taiguarnirmun. Nunavunmi, una aituutip ilitaridjutigijait atautit kitut ikajuqtut aalanik taigungnirmun inuktut pivlliablugillu inmi taiguarnirmun ajuiqhautitik uqaqhutik, titiraqhutik titiraujarnikuluuniin.
Hivuliqti P.J. Akeeagok quviahuktuq tuhaqtitiluni tamna akimajuq haffumani 2022 Council of the Federation Literacy Aituunmik una Jeela Palluq-Cloutier.
Una aituutip ilitarijaa Jeela Palluq-Cloutierp unaguhukhimaitumik atuliqpalianiranun hakugikhijuumiqtitugu Inuktut uqauhiq amigaituni ukiuni. Qanganuaq, ikajuqpiaqtuq hakugikhijuumirniranun Inuktut uqauhiq qaritaujakkut imaa numiktiqhugit avatqumajut 11,000 tainiit Facebookmi pijaaliqhugit Inuktitut. Havakhugillu tutqighautait Inuktut uqauhiit atuqtaujut kitut pupkaijut Inuktitut Inuinnaqtullu atuqtaulutik uvani Microsoft Numiktirutaani.
Qaijuni havainirnir, Jeela Palluq-Cloutier tunijauniaqtuq titiraqhimajumik piniqunmik, naunaitkutarmik, ilihaidjutighamik haffumanga Premier Akeeagok.
Quviahuutigijauvutin Jeela! Niriuktugut aulahimaaqtumik nakuunikkut hakugighainirmun Inuktut Uqauhiq.