ᐅᖃᖅᑎᑦᑎᔩ, ᐃᐳᕈ 1-ᖑᑎᓪᓗᒍ ᑐᙵᓱᑦᑎᑦᓯᔪᔪᒍᑦ ᒥᐊᓕ ᓴᐃᒻᒪᓐᒥᒃ. ᓯᕗᓪᓕᖅᐹᒥ ᓂᐅᕐᕈᔪᔪᖅ ᓄᓇᕗᒻᒧᑦ ᓯᕗᓪᓕᖅᐹᒥ ᓄᓇᖃᖅᑳᖅᑐᒥᓂᖅ ᓯᕗᓪᓕᖅᐹᖑᓪᓗᓂᓗ ᐃᓄᒃ ᑭᖕ ᑭᒡᒐᖅᑐᖅᑎᖓ ᑲᓇᑕᒥ.
ᖁᕕᐊᓇᓗᐊᖑᖓᔪᔪᖅ ᖁᕕᐊᓲᑎᖃᔪᒐᑦᑕ 25-ᓂᒃ ᐊᕐᕌᒍᓂᒃ ᓇᓪᓕᐅᓂᖅᓯᐅᕈᑕᐅᑎᓪᓗᒍ ᓄᓇᕗᑦ.
ᐅᖃᖅᑎᑦᑎᔩ, ᐅᐱᓐᓇᓪᓚᕆᔪᔪᖅ ᑐᙵᓱᑦᑎᑦᑐᒍ ᐅᐱᓐᓇᖅᑐᖅ ᐊᒻᒪᓗ ᐅᐱᓐᓇᖅᑐᖅ ᐅᐃᑦ ᕗᕋᐃᓱ ᑕᕝᕙᓂ ᒪᓕᒐᓕᐅᕐᕕᒻᒥ. ᑕᕝᕙᓃᖃᑎᒋᔪᔭᒃᑲ ᑲᒥᓯᓇ ᐄᕙ ᐋᕆᐊᒃ, ᐃᖃᓗᐃᑦ ᒪᓕᒐᓕᐅᖅᑎᖏᑦ ᔪᐊᔾ ᕼᐃᒃᔅ, ᔮᓂᑦ ᐳᕈᔅᑐ ᐊᒻᒪᓗ ᐋᑕᒻ ᓚᐃᑦᓯᑐᓐ, ᒪᐃᔭ ᓴᓚᒪᓐ ᐊᕙ, ᐅᓇᓕᑦᓴᔭᖑᐊᑦ, ᐅᓇᓕᑦᓴᔭ ᔮᓐ ᐳᕆᑭᒪ, ᐅᓇᓕᑦᓴᔭᓄᑦ ᐊᖏᔪᖅᑳᖅ ᓄᓇᕗᒻᒥ ᐅᑭᐅᖅᑕᖅᑐᒥ ᑲᑐᔾᔨᔪᓄᑦ, ᐊᒻᒪᓗ ᓄᓇᕗᑦ ᒪᓕᒐᓕᐅᕐᕕᔾᔪᐊᒥ ᑭᒡᒐᖅᑐᖅᑎᕗᑦ ᓗᐊᕆ ᐃᑦᓚᐅᑦ.
ᓂᐅᕐᕈᓯᒪᑎᓪᓗᒍ, ᑭᖕ ᑭᒡᒐᖅᑐᖅᑎᖓ ᑐᙵᓱᑦᑎᑦᓯᑦᓯᐊᔪᔪᖅ ᓄᓇᕗᒻᒥᐅᓂᒃ ᓲᕐᓗ ᐃᓚᒋᓪᓗᒋᑦ. ᑐᙵᓇᕐᓂᖓ ᐃᔾᔪᐊᕈᒥᓇᔪᔪᖅ.
ᐅᓐᓄᖓᓂ ᐃᐳᕈ 1, ᓄᓇᓕᓐᓂ ᖁᕕᐊᓱᐊᖃᑕᐅᔪᔪᒍᑦ ᐊᒥᓱᐊᓗᐃᑦ ᐅᐸᑦᓯᒪᑎᓪᓗᒋᑦ ᐃᖃᓗᒻᒥᐅᑦ −… read more.
ᐅᖃᖅᑎᑦᑎᔩ, ᕕᕗᐊᕆ 8-ᖑᑎᓪᓗᒍ, ᐳᓛᕆᐊᕈᓐᓇᓚᐅᕋᒪ ᒥᐊᓕᒐᐃᑦ ᑭᒡᒐᖅᑐᕐᕕᖓᓐᓄᑦ ᐋᑐᕚᒥ ᑲᑎᖃᑎᖃᕆᐊᖅᑐᖅᖢᖓ ᒥᐊᓕᒐᐃᑦ. ᑭᒡᒐᖅᑐᖅᑎᒻᒪᕆᖓᓐᓂ ᑲᓇᑕᒥ, ᒪᓕᒐᓕᐅᖅᑎ ᑕᐃᕕᑦ ᑰᕼᐊᓐ−ᒥ.
ᑭᒡᒐᖅᑐᖅᑎᒻᒪᕆᒃ ᑰᕼᐊᓐ ᑐᙵᓱᒃᑎᑦᑎᓚᐅᕐᒪᑦ ᐅᕙᓐᓂᒃ ᑲᑎᖃᑎᒋᔪᒪᓪᓗᓂᖓ ᐋᖅᑭᒃᓯᖁᔨᓪᓗᓂ ᐱᓕᕆᖃᑎᒌᒍᓯᕐᒥᒃ ᓄᓇᕗᒻᒥ ᐊᒻᒪ ᒥᐊᓕᒐᕐᒥᐅᓂᒃ. ᐅᖃᖅᑎᑦᑎᔩ, ᑲᑎᒪᑎᓪᓗᑕ ᐅᖃᐅᓯᖃᓗᐊᓚᐅᖅᐳᖓ ᐱᒻᒪᕆᐅᓂᖓᓂᒃ ᐅᑭᐅᖅᑕᖅᑐᒥ ᓇᖕᒥᓂᕆᔭᐅᓂᖓ ᐊᒻᒪ ᓴᐳᔾᔭᐅᓯᒪᓂᖓ ᑲᓇᑕ ᐊᒻᒪ ᒥᐊᓕᒐᐃᑦ.
ᑭᒡᒐᖅᑐᖅᑎᒻᒪᕆᖓᑦ ᑰᕼᐊᓐ ᑐᓂᓯᑦᑎᐊᓚᐅᖅᑐᖅ ᐱᓕᕆᖃᑎᒌᒍᒪᓪᓗᓂ ᐱᖃᑎᒌᓄᑦ ᐱᔾᔪᑕᐅᔪᓂᒃ ᐊᒻᒪᓗ ᑲᓲᑎᓗᒋᑦ ᒐᕙᒪᕗᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ.
ᐅᖃᖅᑎᑦᑎᔩ, ᑭᒡᒐᑐᖅᑎᐅᔪᖅ ᑰᕼᐊᓐ ᐃᓚᐅᓚᐅᕐᒪᑦ ᕕᕗᐊᕆ 10-ᖑᑎᓪᓗᒍ ᐱᓱᖃᑕᐅᓪᓗᓂ ᑕᑯᔭᒐᖃᖅᑎᑦᑎᑎᓪᓗᒋᑦ ᐊᖅᓴᕐᓂᖅ ᑲᑎᒪᕕᔾᔪᐊᖓᓂ, ᑕᐃᑲᓂᓗ ᑲᑎᖃᑎᖃᓚᐅᖅᖢᓂ ᓄᓇᕗᒻᒥ ᑲᑎᒪᔭᖅᑐᖅᓯᒪᔪᓂᒃ ᐊᒻᒪᓗ ᓇᓗᓇᐃᖅᓯᓪᓗᓂ ᐅᕙᓐᓂᒃ ᒥᐊᓕᒐᐃᑦ ᓇᖕᒥᓂᖁᑎᖏᓐᓄᑦ ᐃᖅᑲᓇᐃᔭᖅᐸᒃᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ… read more.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᑐᓴᖅᑎᑦᓯᒍᒪᓪᓗᖓ ᒪᓕᒐᓕᐅᖅᑎᐅᖃᑎᓐᓂᒃ ᒪᕐᕉᓐᓂᒃ ᐃᓚᐅᖃᑕᐅᕋᑖᓚᐅᕐᓂᖏᓐᓄᑦ ᓴᖅᑭᔮᖅᑎᑦᓯᒋᐊᖅᑐᖅᑐᖓ ᓄᓇᕗᒻᒥ ᖃᓄᖅᑑᕈᑕᐅᓯᒪᔪᒃᑯᑦ ᐃᓚᐅᖃᑕᐅᓂᖏᓐᓄᑦ ᐃᓱᒪᑦᓴᖅᓯᐅᕈᑕᐅᑎᓪᓗᒍ ᐅᑭᐅᖅᑕᖅᑐᖅ ᓇᒻᒥᓂᕆᔭᐅᓂᖓᓄᑦ ᓇᓗᓇᐃᖅᓯᓯᒪᓂᕐᒧᑦ ᓇᐅᑦᓯᖅᑐᖅᑕᐅᓂᖓᓄᓪᓗ.
ᑐᓴᐅᒪᓇᑦᓯᐊᕐᖓᑦ ᓵᖓᔭᐅᓂᑦᑎᓐᓂᒃ ᐊᑦᓱᕈᕐᓇᖅᑐᒃᑰᕐᓂᐅᔪᓂᒃ ᒫᓐᓇᐅᔪᖅ ᓄᓇᕐᔪᐊᒥ ᓄᓇᓕᕐᔪᐊᑦ ᐊᑲᐅᙱᓕᐅᕈᑎᖃᕐᓂᖏᓐᓄᑦ. ᑲᓲᒪᖃᑎᖃᕐᓂᕗᑦ ᐱᖃᓐᓇᕆᔭᑦᑎᓐᓂᒃ ᑕᐱᑦᑎᓂᓪᓗ ᐱᒻᒪᕆᐅᓂᐊᕐᖓᑦ ᖃᓄᖅ ᐅᑭᐅᖅᑕᖅᑐᒥ ᑲᒪᒋᔭᖃᕐᓂᐊᕐᒪᖔᑦᑕ ᑕᒪᒃᑯᓂᖓ ᐊᑦᓱᕈᕐᓇᖅᑐᒃᑰᕐᓇᐅᔪᓂᒃ. 20 ᐳᓴᓐᑎᖏᑦ ᑲᓇᑕᐅᑉ ᓄᓇᖓᑕ, ᓄᓇᕗᑦ ᐱᒻᒪᕆᐅᔪᒥᒃ ᐃᓚᐅᖃᑕᐅᕕᖃᕆᐊᓖᑦ ᑲᓇᑕᐅᑉ ᐅᑭᐅᖅᑕᖅᑐᒥ ᖃᓄᖅᑑᕈᑎᖓᓄᑦ.
ᓇᓗᓇᐃᖅᑕᐅᓯᒪᖁᓪᓗᒍ ᓄᓇᕗᒻᒥ ᐱᔪᒪᓂᕆᔭᕗᑦ ᐳᐃᒍᖅᑕᐅᓯᒪᖏᑦᑐᑦ ᐅᖃᖃᑎᒌᓐᓂᐅᕙᑦᑐᓂ, ᐱᕕᖃᑐᐊᕋᐃᒐᒪ ᐃᓚᐅᖃᑕᐅᒍᓐᓇᓂᕐᒧᑦ ᓄᓇᕐᔪᐊᒥᐅᓄᑦ ᑲᑐᔾᔨᖃᑎᑦᑎᓐᓄᑦ.
ᓯᑎᐱᕆ 29-ᖑᑎᓪᓗᒍ, ᑐᙵᓱᑦᓯᔨᐅᖃᑎᖃᓚᐅᖅᑐᖓ ᑲᓇᑕ-ᐅᑭᐅᖅᑕᖅᑐᒥ ᓄᓇᓕᕐᔪᐊᖏᑕ… read more.
ᐅᖃᖅᑏ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᕕᐊᓱᒃᑐᑦ ᑐᓴᖅᑎᑦᑎᔭᕆᐊᒃᓴᖅ ᑖᒃᑯᐊ ᐆᒻᒪᖅᑯᑎᓕᕆᔨᒃᑯᑦ ᓄᑖᖅ ᑎᑎᕋᕐᕕᐊ ᖃᒪᓂ'ᑐᐊᒥᑦ ᐅᒃᑯᐃᖓᓕᖕᒪᑦ ᐱᓕᕆᐊᒃᓴᓄᑦ. ᐆᒻᒪᖅᑯᑎᓕᕆᔨᒃᑯᑦ ᐊᒡᓚᕝᕕᓕᕆᔨᖏᑦ ᐃᖅᑲᓇᐃᔭᖅᑎᑦ ᐊᒻᒪ ᐱᔨᑦᑎᕋᐅᑎᖏᑦ ᒫᓐᓇ ᐊᑐᐃᓐᓇᐅᓕᖅᑐᑦ 30916-ᒥ ᐊᖅᑯᒻᒥ ᐊᑭᓕᖅᓱᐃᔨᓄᑦ ᐊᑭᓖᔪᒪᔪᓄᑦ ᐊᑭᓕᖅᓱᕆᐊᓕᖕᓂᒃ ᐅᕝᕙᓘᓐᓃᑦ ᓇᖕᒥᓂᖅ ᖃᐅᔨᒋᐊᕈᒪᔪᓄᑦ. ᓴᓇᔭᐅᓂᖓ ᓇᓗᓇᐃᖅᓯᔾᔪᑕᐅᕗᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᔾᔨᕐᓇᖅᑐᒥᒃ ᑮᓇᐅᔭᓕᐅᕐᓂᖏᓐᓂᒃ ᐱᔨᑦᑎᕋᑦᑎᐊᕐᓂᖅᓴᐅᖁᓪᓗᒋᑦ ᐊᑭᓕᖅᓱᐃᔨᑦ ᓄᓇᕘᓕᒫᒥ ᐊᒻᒪ ᐃᑲᔪᖅᑐᐃᓗᑎᒃ ᓄᓇᓕᖕᓂ.
ᑖᓐᓇ ᓄᑖᖅ ᐃᓪᓗ ᓇᓗᓇᐃᖅᓯᒻᒥᔪᖅ ᐱᒻᒪᕆᐅᔪᒥᑦ ᑎᑭᐅᑎᓯᒪᓂᖏᓐᓂᑦ ᑯᐊᐳᕇᓴᒃᑯᑦ ᐃᖅᑲᓇᐃᔭᖅᑎᖏᓐᓄᓪᓗ. ᓴᖅᑭᑎᑦᑎᔪᖃᓕᖅᑎᓪᓗᒍ ᐊᑕᐅᓰᓐᓇᓕᔪᒥᒃ ᐋᖅᑭᒃᓱᖅᑕᐅᓯᒪᔪᒥᒃᓗ ᐃᖅᑲᓇᐃᔭᕐᕕᒋᔭᐅᔪᒥᒃ, ᐱᐅᓂᖅᓴᒃᑯᑦ ᐱᕚᓪᓕᕈᑕᐅᓂᐊᖅᐳᖅ ᐃᖅᑲᓇᐃᔭᖅᑏᑦ ᐊᑐᖃᑦᑕᖅᓯᒪᔭᖏᓐᓄᑦ ᑕᑯᒃᓴᐅᑎᑦᑎᓗᓂᓗ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᐊᖃᓪᓚᕆᒍᒪᕙᖕᓂᖓᓂᒃ ᐃᒡᓗᕐᔪᐊᓕᐅᕐᓂᐊᕐᓗᓂ ᐃᓂᓂᒃ… read more.
ᐅᖃᖅᑎᑦᑎᔩ, ᐊᓕᐊᓇᐃᒍᓱᑦᑎᐊᖅᐳᖓ ᑐᓴᖅᑎᑦᑎᔪᓐᓇᕋᒪ ᐊᕐᕌᒍᑕᒫᑦ ᐃᙱᐅᓯᐅᖅᑐᓂᒃ ᓵᓚᒃᓴᖅᑎᑦᑎᓇᓱᒃᐸᒃᑐᑦ, ᕿᓚᐅᑦ, ᐅᑎᕐᓂᖓᓂᒃ.
ᑕᒪᑐᒪᓂ ᐊᕐᕌᒍᒥ ᓇᓗᓇᐃᒃᑯᑕᐅᕗᑦ, ᕿᓚᐅᑦ ᖁᕕᐊᓲᑎᖃᖅᐳᑦ ᐊᕐᕌᒍᓄᑦ ᖁᓕᓄᑦ ᓇᓪᓕᐅᓐᓂᖅᓯᐅᖅᑎᓪᓗᒋᑦ. ᐱᕕᒃᓴᐅᕗᖅ ᐃᓱᒪᒃᓴᖅᓯᐅᕈᑎᖃᕐᓂᐊᕐᓗᓂ ᖃᓄᖅ ᕿᓚᐅᑦ ᓄᓇᕗᒻᒥᐅᑦ ᓂᐱᖏᓐᓂᒃ ᓴᙱᒃᑎᑉᐹᓪᓕᕈᑎᖃᖅᑎᑦᑎᖕᒪᒡᖓᑦ ᐃᓄᒃᑐᑦ ᐊᑐᖅᑕᐅᓂᖅᓴᐅᓕᕐᓗᓂ ᐃᖏᐅᓯᒃᑯᑦ.
ᐅᖃᖅᑎᑦᑎᔩ, ᐱᒋᐊᖅᑕᐅᓚᐅᖅᑎᓪᓗᒍ, ᕿᓚᐅᑦ ᐊᑐᐃᓐᓇᐅᑎᑦᑎᓯᒪᔪᖅ ᑐᙵᕕᒃᓴᒥᒃ ᓄᓇᕗᒻᒥᐅᓄᑦ ᑕᑯᒃᓴᐅᑎᑦᑎᓗᑎᒃ ᓴᓇᑐᓂᕐᒥᓂᒃ, ᑕᑯᓐᓈᒐᒃᓴᓂᑦ ᓂᔾᔭᐅᓯᔭᕈᓯᕐᒥᓂᒃ, ᐊᒻᒪᓗ ᓴᐳᔾᔨᓂᕐᒥᒃ ᐅᖃᐅᓯᑦᑎᓐᓂᒃ. ᑖᓐᓇ ᓵᓚᒃᓴᕋᓱᖕᓂᖅ ᓴᖅᑭᑉᐸᓪᓕᐊᔾᔪᑕᐅᕗᖅ ᐊᒻᒪ ᓴᖅᑭᑕᐅᔪᓄᑦ ᓴᓇᙳᐊᖅᑎᓄᑦ ᖁᕕᐊᓲᑎᖃᕈᓐᓇᕐᓗᑎᒃ ᐊᒻᒪ ᑲᑎᖃᑎᖃᕈᓐᓇᕐᓗᑎᒃ ᐃᓕᖅᑯᓯᑦᑎᓐᓂᒃ ᐃᙱᐅᓯᒃᑯᑦ ᐅᖃᐅᓯᒃᑯᓪᓗ. ᐊᕐᕌᒍᕆᓵᖅᑕᑦᑎᓐᓂᑦ, ᕿᓚᐅᑦ ᐃᑲᔫᑎᖃᓪᓚᕆᒃᓯᒪᕗᖅ ᐆᒻᒪᕆᐊᖅᑎᑦᑎᒃᑲᓐᓂᕐᓂᕐᒧᑦ ᐊᑐᖅᑕᐅᖏᓐᓇᕐᓂᖓᓄᓪᓗ ᐃᓄᒃᑐᑦ ᓄᓇᑦᑎᓐᓂ.
ᓇᓗᓇᐃᕐᓗᒍ ᑖᓐᓇ… read more.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᐅᖃᐅᓯᖃᕈᒪᓪᓗᖓ ᐃᓅᖃᑎᒌᖏᓐᓄᑦ ᑲᑉᐱᐊᓇᖅᑐᒦᓐᓂᖏᓐᓄᑦ ᔪᑯᕋᐃᓐᒥ.
ᐅᓛᓵᒃᑯᑦ ᐱᔾᔪᑎᖃᕋᑎᒃ ᐅᓇᑕᕆᐊᓕᓚᐅᕐᖓᑕ ᔪᑯᕋᐃᓐᒥᒃ ᑲᑉᐱᐊᓇᕈᑕᐅᓕᖅᑐᓂᓗ ᓄᓇᕐᔪᐊᖅ ᐅᓗᕆᐊᓇᖅᑐᒦᒍᑎᖃᕐᓂᖓᓂᒃ, ᓱᕐᕋᑦᑕᐅᒍᓐᓇᕐᓂᖓᓂᒃ ᐅᑭᐅᖅᑕᖅᑐᒥ ᓄᓇᓕᖏᓐᓂᒃ ᑲᔪᓯᒍᑕᐅᒍᓐᓇᕐᓂᖓᓄᓪᓗ ᐅᑭᐅᖅᑕᖅᑐᒥ ᐱᓕᕆᖃᑎᒌᖃᑦᑕᕐᓂᖅ.
ᓄᓇᕗᑦ ᐊᑭᕋᖅᑐᖅᑐᖅ ᑕᒪᑐᒥᖓ ᐱᔾᔪᑎᖃᙱᑦᑐᒥᒃ ᓯᖁᒥᑦᓯᓂᐅᓯᒪᔪᒥᒃ ᓄᓇᕐᔪᐊᒥ ᒪᓕᒐᖏᓐᓂᒃ ᐃᑲᔪᖅᓱᐃᓪᓗᑎᓪᓗ ᓴᙱᔪᒥᒃ ᐊᕝᕕᐊᕈᑎᓕᐅᕋᓱᐊᕐᓂᖏᓐᓂᒃ ᑲᓇᑕ ᐅᓛᓵᕐᒥᐅᓄᑦ.
ᐅᖃᖅᑎᑦᑎᔩ, ᓇᖏᖃᑎᒋᕙᒃᑲ ᐊᑕᐅᓯᐅᖃᑎᒋᓪᓗᒋᑦ ᓯᕗᓕᖅᑎᖏᒃ ᔫᑳᓐᒥ ᓄᓇᑦᓯᐊᕐᒥᓗ ᐃᓱᒫᓘᑎᖃᕐᓂᕋᖅᓯᒪᑎᓪᓗᒋᒃ ᐅᑭᐅᖅᑕᖅᑐᖅ ᓴᐳᒻᒥᔭᐅᒋᐊᖃᕐᓂᖓᓂᒃ ᐅᐊᑦᓯᔭᐅᒋᐊᖃᕐᓂᖓᓂᓪᓗ. ᐅᓛᓵᒃᑯᑦ ᐅᓇᑕᕐᓂᕆᔭᖏᑦ ᐊᑦᑐᐃᓂᖃᕐᓂᐅᓴᑐᐃᓐᓇᖅᑐᖅ ᐅᑭᐅᖅᑕᖅᑐᒥ ᖃᓄᐃᓕᐅᕈᑕᐅᔪᓂᒃ ᐅᓗᕆᐊᓇᖅᑐᒦᒍᑕᐅᓂᖓᓂᓪᓗ ᐊᑑᑎᖃᑦᓯᐊᖅᑐᓂᒃ ᑎᒥᐅᔪᓂᒃ ᓲᕐᓗ ᐅᑭᐅᖅᑕᖅᑐᒥ ᑲᑎᒪᔨᖏᓐᓂᒃ.
ᐅᑭᐅᖅᑕᖅᑐᒥ ᓯᕗᓕᖅᑎᐅᓪᓗᑕ ᑐᑦᓯᕋᖅᓯᒪᔪᒍᑦ ᓯᕗᓕᖅᑎᓄᑦ ᑲᓇᑕᓕᒫᒥ… read more.
ᐅᖃᖅᑎᑦᑎᔩ, ᓱᕈᓰᑦ ᓯᕗᓂᑦᓴᕆᔭᕗᑦ ᓄᓇᕗᒻᒥ. ᓯᕗᓕᖅᑎᐅᓪᓗᖓ, ᐊᑖᑕᒋᔭᐅᓪᓗᖓ, ᖁᓅᒻᒥᖅᓯᒪᒻᒪᕆᑦᑐᖓ ᐃᑉᐸᑦᓴᖅ ᑲᓇᑕᒥ ᑕᒻᒪᖅᓯᒪᔪᖅᓯᐅᖅᑎ ᑭᐅᕋᓐ ᕼᐅᒐᓐ ᐅᓂᒃᑳᓕᐊᒥᓂᖓ ᐱᔾᔪᑎᒋᓪᓗᒍ ᓇᓗᓇᐃᖅᓯᒍᑕᐅᓚᐅᖅᑐᖅ ᐊᐅᓚᑕᐅᖃᑦᑕᕐᓂᖏᓐᓂᒃ ᓱᕈᓯᕐᓄᑦ ᐃᓚᒌᓄᓪᓗ ᐱᔨᑦᓯᕋᐅᑎᐅᔪᑦ ᓄᓇᕗᒻᒥ ᑐᐊᕕᕐᓇᖅᑐᒃᑯᑦ ᐃᓱᒫᓗᓐᓇᖅᑐᒦᒍᑕᐅᓕᕐᓂᖓᓂᒃ.
ᐅᖃᖅᑎᑦᑎᔩ, ᓱᕈᓰᑦ ᐱᔾᔪᑕᐅᒻᒪᑕ, ᑭᐅᔾᔪᑎᕗᑦ ᕿᓚᒥᒃᑰᕆᐊᖃᓪᓚᕆᑦᑐᖅ. ᐊᑕᖏᖅᑐᒥᒃ ᐃᑲᔪᖅᓱᖅᑕᐅᓗᓂ ᒥᓂᔅᑕᐅᖃᑎᒌᓄᑦ, ᒐᕙᒪᒋᔭᕗᑦ ᐊᑐᐃᓐᓇᕈᖅᑎᑦᓯᓂᐊᖅᑐᑦ ᐱᓕᕆᔾᔪᑎᑦᓴᓂᒃ ᐃᓄᓕᕆᔨᒃᑯᑦ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ, ᐃᖅᑲᓇᐃᔭᖅᑐᓕᕆᔨᒃᑯᓪᓗ ᑲᒪᒋᔭᖃᕈᓐᓇᖁᓪᓗᒋᑦ ᑮᓇᐅᔭᖅᑎᒍᑦ ᐊᒥᓱᕐᖑᕆᐊᖅᑕᐅᓗᑎᓪᓗ ᐃᖅᑲᓇᐃᔭᖅᑎᖃᕐᓂᖏᑦ. ᒐᕙᒪᓕᕆᔨᒃᑯᑦ ᐋᖅᑭᑦᓯᓂᐊᖅᑐᑦ ᓄᓇᕗᑦ ᒐᕙᒪᒃᑯᖏᓐᓂ ᑕᒻᒪᖅᓯᒪᔪᖅᓯᐅᕈᑎᓂᒃ ᐃᑲᔪᖅᓱᐃᓂᕐᒧᓪᓗ ᐊᐅᓚᑦᓯᒍᑎᓂᒃ ᐋᖅᑭᑦᓱᐃᓗᑎᓪᓗ ᐊᐅᓚᑦᓯᓂᐅᔪᓂᒃ ᓵᑕᑦᓴᐅᒍᑎᖃᖃᑦᑕᓂᕐᒧᑦ ᐸᕐᓇᐅᑎᓂᒃ. ᒐᕙᒪᒃᑯᓐᓂ ᐊᑕᖏᖅᑐᒥᒃ ᐱᓕᕆᔾᔪᓯᖃᕐᓗᑎᒃ, ᒐᕙᒪᓕᕆᔨᒃᑯᑦ… read more.
ᐅᖃᖅᑏ, ᒪᐃ 21-ᒥ 22-ᒥᓗ ᓯᕗᓕᖅᑎᐅᔪᑦ ᐅᐊᓕᓂᕐᒥ ᐊᒻᒪᓗ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ ᔨᓗᓇᐃᒥ ᐅᖃᖃᑎᒌᓚᐅᖅᐳᑦ ᓯᕗᓪᓕᐅᔾᔭᐅᔪᒪᔪᓂᒃ ᐊᒻᒪᓗ ᑲᑐᔾᔨᓪᓗᑎᒃ ᖃᓄᐃᓕᐅᕈᑕᐅᔪᓂᒃ ᖃᔅᓯᑲᓪᓚᖕᓂᒃ ᐱᔾᔪᑕᐅᓗᐊᖅᑐᓂᒃ ᐱᖃᓯᐅᑎᓪᓗᒋᑦ ᑮᓇᐅᔭᓕᐅᕋᓱᖕᓂᕐᒧᑦ ᐆᒻᒪᖅᑯᑎᒧᓪᓗ ᐊᖅᑯᑎᐅᔪᑦ, ᐅᑭᐅᖅᑕᖅᑐᒥ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓂᖅ ᐊᒻᒪᓗ ᓄᓇᖁᑎᖓᓂ, ᓯᓚᕐᔪᐊᒥᓪᓗ ᑕᐅᖅᓰᓂᕐᒧᑦ ᑖᒃᓰᔭᕐᓂᕐᒧᓪᓗ.
ᖁᕕᐊᓱᒃᐳᖓ ᓇᓗᓇᐃᖅᓯᔪᓐᓇᕋᒪ ᐃᑲᔪᖅᓱᖅᑕᐅᕐᔪᐊᓚᐅᕐᒪᑕ ᓄᓇᕗᒻᒥ ᓯᕗᓪᓕᐅᔾᔭᐅᖁᔭᐅᔪᑦ.
ᓯᕗᓕᖅᑎᐅᖃᑎᒃᑲᓗ ᐃᓕᓴᖅᓯᓚᐅᖅᑐᒍᑦ ᐱᒻᒪᕆᐅᓂᖏᓐᓂᒃ ᐊᖏᔫᑎᑦ ᐱᓕᕆᐊᑦ ᓲᕐᓗ ᐅᑭᐅᖅᑕᖅᑐᒥ ᓇᐅᑦᓯᖅᑐᕆᐊᖃᕐᓂᕐᒧᑦ ᓄᓇᖓᓂ/ᒍᕋᐃᔅ ᐸᐃ ᐊᑐᕆᐊᖅ ᑐᓚᑦᑕᕐᕕᓪᓗ ᑲᒪᒋᔭᐅᒍᑎᐅᓗᓂ ᑲᓇᑕ ᓇᒻᒥᓂᖃᕐᓂᖓᓂᒃ ᓇᓗᓇᐃᖅᓯᓯᒪᓂᕐᒧᑦ.
ᐅᖃᖅᑏ ᑐᑦᓯᕋᓚᐅᕐᒥᔪᒍᑦ ᑮᓇᐅᔭᖃᖅᑎᑦᓯᖁᓪᓗᒋᑦ ᐅᑭᐅᖅᑕᖅᑐᒥ ᐊᑐᐃᓐᓇᖃᕈᓐᓇᖅᓯᖁᓪᓗᑕ ᓄᓇᒦᖔᖅᑐᓂᒃ, ᐱᕚᓪᓕᕈᑎᑦᓴᐅᓗᑎᒃ ᓄᓇᓕᓐᓂ ᑮᓇᐅᔭᓕᐅᕈᑕᐅᒍᓐᓇᖅᑐᓄᑦ, ᑐᙵᕕᓕᐅᕐᓂᒧᓪᓗ ᐅᑭᐅᖅᑕᖅᑐᒥ ᓄᓇᓕᖏᓐᓂ.
ᐅᐊᓕᓂᕐᒥ… read more.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ, ᐃᒃᐸᒃᓴ ᓄᓇᕐᔪᐊᒥ ᐊᕐᓇᐃᑦ ᐅᓪᓗᕆᓛᖅᑕᖓᓂ, ᓇᓗᓇᐃᕈᒪᓪᓗᒍ ᐃᓕᓴᕆᒍᒪᓪᓗᒍᓗ ᐃᑲᔪᖅᓯᒪᔪᒻᒪᕆᐅᓂᖓ ᓯᕗᓕᖅᑎᐅᑦᓯᐊᖅᓯᒪᓂᖓᓗ ᕆᐱᑲ ᑲᓪᓗ, ᓄᖅᑲᕐᓂᐊᓕᖅᑐᖅ ᐸᐃᒃᑑᑎᒃᑯᓐᓄᑦ ᐊᖏᔪᖅᑳᖑᓂᕐᒧᑦ.
ᐅᖃᖅᑎᑦᑎᔩ, ᐅᐱᒍᓱᑦᑐᖓ ᖁᕕᐊᓲᑎᒋᒍᓐᓇᕋᒃᑯ ᑐᓂᓯᒪᓂᕆᓚᐅᖅᑕᖓ ᑕᖃᔫᔮᕈᓐᓇᕋᓂᓗ ᐊᑦᓱᕉᑎᖃᓚᐅᕐᓂᖓ ᒥᔅ ᑲᓪᓗ ᐊᔭᐅᖅᑐᐃᒍᑎᖃᖅᐸᑦᑐᓂ ᐃᓚᐃᓐᓈᖅᑕᐅᑦᑕᐃᓕᑎᑦᓯᓂᕐᒧᑦ ᐊᑐᐃᓐᓇᖃᖅᑎᑦᓯᓂᕐᒧᓪᓗ ᐱᑕᖃᕆᐊᖃᓪᓚᕆᑦᑐᓂᒃ ᐱᔨᑦᓯᕋᐅᑎᓂᒃ ᐃᓄᓐᓄᑦ ᐊᕐᓇᓄᑦ.
ᐃᒡᓗᓕᒃ, ᓄᓇᕗᒻᒥᐅᑦᓴᔭᐅᓪᓗᓂ, ᕆᐱᑲ ᑲᓪᓗ ᐱᔨᑦᓯᕋᓚᐅᖅᑐᖅ ᐱᖓᓱᐊᖅᑎ ᐃᓕᔭᐅᕙᑦᑐᓂ ᐸᐅᒃᑑᑎᒃᑯᓐᓄᑦ ᐊᖏᔪᖅᑳᖑᓂᕐᒧᑦ. ᑭᓯᐊᓂᓕ, ᒥᔅ ᑲᓪᓗ ᐊᔭᐅᖅᑐᐃᒍᑎᒋᖃᑦᑕᓚᐅᖅᑕᖏᑦ ᐱᒋᐊᓚᐅᖅᓯᒪᔪᑦ ᓯᕗᕐᖓᒍᑦ ᐸᐅᒃᑑᑎᒃᑯᓐᓅᓚᐅᕋᓂ, ᐊᕐᕌᒍᐃᑦ 36 ᐅᖓᑖᓄᑦ ᓴᖅᑭᔮᖅᑎᑦᓯᖃᑦᑕᓚᐅᖅᑐᖅ ᐊᑕᖏᖅᑐᒃᑯᑦ ᒪᒥᓴᕆᐊᖃᕐᓂᕐᒧᑦ, ᐊᔭᐅᖅᑐᐃᒍᑎᖃᕐᓂᕐᒧᑦ ᐃᓱᒪᓕᕆᓂᕐᒧᑦ ᐱᔨᑦᓯᕋᐅᑎᓂᒃ ᐱᓕᕆᔾᔪᑎᑦᓴᓂᓪᓗ, ᓇᓗᓇᐃᖅᓯᖃᑦᑕᓂᕐᒧᓪᓗ ᑮᓇᐅᔭᓂᒃ ᐊᑦᑕᓇᙱᑦᑐᓄᑦ ᕿᒫᕕᓐᓄᑦ… read more.
ᐊᐃᖓᐃ ᐅᖃᖅᑎᑦᑎᔩ,
ᐅᓪᓗᒥ ᐃᓕᓴᕆᔪᒪᕙᒃᑲ ᐋᖅᑭᒃᓱᐃᓚᐅᖅᑐᑦ ᓄᓇᕘᒥ ᐃᖅᑲᓇᐃᔮᓂ ᓴᖅᑭᔮᖅᑎᑦᑎᔪᓂᒃ ᐊᒻᒪ ᑲᑎᒪᓂᕐᒥᒃ ᐊᒻᒪ ᑭᕙᓪᓕᕐᒥ ᐃᖅᑲᓇᐃᔮᓂ ᓴᖅᑭᔮᖅᑎᑦᑎᔪᓂᒃ.
ᐅᖃᖅᑎᑦᑎᔩ, ᑕᑯᔪᓐᓇᖅᓯᓚᐅᕋᒪ ᐊᒃᓱᕈᕐᓂᕆᓚᐅᖅᑕᖏᓐᓂᑦ ᐊᒻᒪᓗ ᐊᖏᖅᓯᒪᑦᑎᐊᕐᓂᖏᓐᓂᑦ ᕿᑭᖅᑖᓗᖕᒥ ᓇᖕᒥᓂᖃᖅᑐᑦ ᑲᑐᔾᔨᖃᑎᒌᖏᑦ ᐊᒻᒪᓗ ᑭᕙᓪᓕᕐᒥ ᐃᖅᑲᓇᐃᔮᒥ ᓴᖅᑭᔮᖅᑎᑦᑎᔪᑦ ᑲᑐᔾᔨᖃᑎᒌᓂᒃ. ᓇᖕᒥᓂᖃᐅᖅᑐᑦ ᓄᓇᓖᑦ ᐊᕕᒃᑐᖅᓯᒪᕕᑦᑎᓐᓂ ᓴᙱᔫᖕᒪᑕ. ᑖᒃᑯᐊᒃ ᓴᓇᓯᒪᕗᑦ ᐊᒃᑐᐊᓂᓕᖕᓂᒃ ᓯᕗᓕᖅᑎᓂᒃ − ᐃᓚᖏᑦ ᐊᕐᕌᒍᒐᓴᕐᓄᑦ ᐱᓕᕆᖃᑦᑕᖅᓯᒪᓂᑰᓪᓗᑎᒃ ᐃᓚᖏᓪᓗ ᐊᔪᕈᓐᓃᖅᓴᖅᑎᑕᐅᓪᓗᑎᒃ ᓯᕗᓕᖅᑎᐅᓂᐊᕐᓗᑎᒃ.
ᐃᖃᓗᖕᓂ, ᓄᓇᕗᒻᒥ ᐃᖅᑲᓇᐃᔮᓂ ᓴᖅᑭᔮᖅᑎᑦᑎᔪᑦ ᐊᒻᒪ ᑲᑎᒪᕐᔪᐊᕐᓂᖅ ᖁᕕᐊᓲᑎᖃᓚᐅᖅᐳᑦ 30−ᓂᒃ ᐊᕐᕌᒍᖃᓕᕐᓂᖓᓂᒃ. ᑕᒪᓐᓇ ᑲᑎᓐᓂᐅᔪᖅ ᑲᑎᑎᑦᑎᓚᐅᖅᑐᖅ ᓄᓇᕗᒻᒥ ᐱᓕᕆᕝᕕᐅᔪᓂᒃ, ᑮᓇᐅᔭᓕᐅᕋᓱᐊᖅᑐᓂᒃ, ᓇᖕᒥᓂᖃᑦᑎᐅᔪᓂᒃ, ᖃᓪᓗᓈᑦ ᓄᓇᖓᓐᓂ ᐱᓕᕆᕝᕕᐅᔪᓂᒃ, ᑭᒡᒐᖅᑐᖅᑎᐅᔪᓂᒃ ᒐᕙᒪᑦᑎᓐᓂᒃ, ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ. ᐱᔾᔪᑕᐅᓚᐅᖅᑐᖅ… read more.