Hivuliqtip ublumimut kangiqhipkaidjutaa:
Ullakkut,
Ublaamit Nunavut piqaqliqtut 279 aanniaqtunik QALAGYUARNITIGUT-19.
Piqaqtugut aanniarutiqaqtunik 16 ni nunallaani – unniqtauyut hapkua nampait:
- 18 Arviani,
- 28 Qamanittuarmi,
- 31 Iqaluktuuttiarmi,
- Atauhiq Igluligaaryungmi,
- 15 Sallirmi,
- 55 Iglulingmi
- 33 Iqalungni,
- Piqanggittuq Uqhuqtuurmi,
- Piqanggittuq Kimmirut
- 16 Kinngaitni,
- Piqangittuq Kugaarukmi,
- Malruuq Kugluktumi
- Talimat Nauyaatmi,
- Piqangittuq Pangnirtuurmi,
- Saivauyut Mittimatalingmi,
- Piqanggittuq Qikiqtarjuarmi,
- 18 Kangiqlinirmi,
- Talimat Sanirayakmi,
- 28 Sanikiluarmi,
- 11 Taloyoakmi, uvanilu
- Siksiuyut Tikirarjuarmi.
73 nik uniqtauyunik nakuuhiyut ublumi. 591 nik atauttimun uniqtauyunik nakuuhiyut hiamitirmit.
Quviahuktun’ngalu uqagumaplugu tunihiyuguq aadlanik ikayuutiqhainnik aannialaqittaaqtunut Nunavunmiut ilaudjutigiplugu Nunavut Kavamanga QALAGYUARNITIGUT-19 Upalun’ngaiyaigutaa Kiunirmun. Una ilaliutihimayuq $3.25 miliantaala piinnariaqaqtuq talvuuna aadlatkiingni nunallaami nutaanut havaariyauyumayainnik. Inuliriiyitkut tuniqhaiffaangmiyut $1.25 miliantaalamik piviqhaqaqtittiyumaplugit nunallaami niqinut munaqhiunut hamalatkunnutluunniit aittuutinik ikayuriangganni niqailliurnaittumik havaariyauyumayainnik. Havagvialu tunihiyut aadlamik $1 miliantaalamik tahapkunanut Ikur’raq nappaqtirinirmun pivinga.
Kin’ngulliqmilu, Tukisigiarvik, Ilitaqsiniq, Ilisaqsivik Iqittiaqhimalugu Inuuhiq Katimayiitalu piniaqtut $250,000 taalamik ikayuqhimmaagutiqhainnut piviqhanutlu ihariagiyainnik Nunavunmiunut. Hapkua havaariyauyuqhat hivuliqtigiyait Inuliriiyitkut.
Qujannamiik Minista Kusugak haffuma havaariyauyuqhamut.
Minista hamaniittuq kiuyaami apikkuutinut ihumagiyauyunut hapkununga havaariyauyuqhanut.
Puiguqtailiumayatka Nunavunmiut QALAGYUARNIQ-19 ikayuqtiit hivayautait hailiyut. Avaliin’ngaaquyauguvit QALAGYUARNITIGUT-19, hivayainnariaqaqtutin hamunga 1-888-902-0872 qaritauyaqvigilugitluunniit uvani isolationsupports@gov.nu. piyaami Nunavut Kavamanga avaliin’ngaarnirmun tuniqhidjutainnik niqinik. Qilanaagutittailugu – havaktiit ikayungmagit amigaittut hivayaqtunik.
Tapkununga tingmidjutikkut apikkuutit hivaquyait Nunavut Kavamang akiittumut hivayautaannut uvani 1-833-524-0735. Kiuyit havaktiitlu ikayuinnarniaqtut tamainni hitamani ilitariyauhimayut uqauhiitni.
Kapuqhidjavutit, nutaqqatitlu kapuqhidjavut, ikayuutiqhaamiklu tamainnut kappuutinut pilugu pittaaguvit. Uvagut tamapta uqumailliuqtutun itpaktuguq hiamitirniatigut, kihimi uvagut humaagiguilimaittavut.
Pitjutihimmaaqtuqhauyuguq maliklugit inungnut aanniaqtailinirmun maliqqayaqhaita.
- Aihimalutit pittaaguvin.
- Inuqaryuanggilluhi.
- Atuqlutin ivyarunmik.
- Ilitturipkailugit QALAGYUARNIQ hivayaqlugit hivayautaannut mihingnautiqaliguvit.
Tamainnit irinahuktailutin pittiaqpaklutinlu.
Qujannamiik.
Minista Munaqhiliqiiyitkunni Ublumimut Kangiqhipkaidjutaa:
Morning, Ublaattiaq.
Uqagumayunga qanuqtun qayarnakpiaqtuq kangiqhilluaqtaunggittunik Qalagyuarnitigut-19. Mamianaugaluaq, ilanggit Nunavunmiut atuqpagait naalautit inungnut tuhaqtitauyuqhaitigutluunniit hiamitiqhugit itquumanggittunik kapuqhirutiqhatigutikkut. Ayuqhagaluaqtilluta nunaptingni, ikayuqviqhaittuq itquumanggittunit.
Uqaffangniaqtara - QALAGYUARNITIGUT kapuutait qayangnaittut. Takuplugit inuulrammiivut aadlatlu kapuqhiqtunik, mihigiqpiaqtara niriugiplugu hivunipta. Kapuqhigumik amigaittunik utiqtiffaangniaqtaatigut inuuhigiyavaktaptingnut. Imaaluttauq, kapuutikkut kangiqhittianggittunik qayangnaqhitivaktut Nunavunmiunut. Ihuittumik naunaiyautigiyauvaktut kappiahuktittigiinnaktut ukpiguhuiqtittivaqhunilu.
Taapkuat kapuqhinggittut qayangnangniatqiyauniaqtut aannialaqiqyuaqlutik huiliqlutikluunniit QALAGYUARNIRMIT-19. Kapurhingnikkut inmi ihumaliugutigiyauyuqhaq. Ukpiginggitkuffiyuq
kapuqhirniq, itquumanggittunik naunaipkaqtitauhuiqlutin aadlanut qayaginiahunggungmata.
Naluqhimaguvit kappuutigut, apikkuutiqaguvitlu – naammaktuq. Naalaklugit ayuittiaqhimayut. Naalaklugu Daakti Patterson. Uqaqvigilugu munaqhi ukpiriyarnut. Naalaktailugit inungnut tuhaqtipkaidjutini nunamiuqatauyunitluunnit aanniaqtailinirmun ayuittiangginmata.
Uqagumayaralu qanuq puiguqtailiyaqhaq pittiaquplugu Nunavut Munaqhiliqiiyitkut havaktiinnut ayungnaqhitillugu. Hadja, ilihimayunga ilanggit inuit iqihulivaktut inungnut aanniaqtailinirmun maliqayaqhaitigun. Iqihugittailugit kihimi havaktiit munaqhiliqiiyitkunni. Ilanggit munaqhiliqiiyitkunni ayuittiaqhimayut uqamalaktitauvaktut iqhinaqhaaqtitauplutik uqauhikkut. Munaqhiliqiiyitkunni havaktiit ikaangniitni amigaittuni havakpiaqhimaliqtut. Talvaniitpaktut ikayugumaplutik. Munariyaqanggittut inungnut aanniaqtailinirmun maliqayaqhaitigut havakpiaqhimaliqhutiklu munaqhinirmun nunallaangginni.
Havaqatigiittiaqta talvamit QALAGYUARNIQ-19. Ayuqhaliguvt avaliin’ngaarnirmun, pittailiyauyut, ihumaalurnirminluunniit irinahuktutun iplutiklu QALAGYUARNIRMIT-19, amigaittuguq taimailivaktuguq, ikayuqtiqaqtutlu ikayuqtauyumaguvit. Pitquyavut Nunavunmiut atuquplugit ihumailiqinirmun havagviit hivayautaitlu tamaani nunaptingni. Nunavut Kamatsiaqtut Ikayuqtauyumayunut Hivayaqtaqhaat: 1-800-265-3333 havaktiinnutlu Nunavut Kavamaini piqaqtut Havaktimut Ilaitlu Ikayuutiqhainnik Pivinga: 1-800-663-1142
Puiguqtailugu uvagut tamapta ilaudjutigiiqtuguq pittiangnahuaqhutalu. Havaaqaqtuguq tamapta hiamitirnaitigut hulidjutihilu aanniaqtailiniaqtaatigutlu tamainnut aanniaqtailiplugitlu.
Quana.
Atanilluaq Inungnut Aanniaqtailinirmun Havaktia Ublumimut Kangiqhipkaidjutaa:
Ublaakkut,
Qaanggilihaaqtuni kaffini ubluit, apiqhuqtauvaktuguq qanuq ihumaliuaqpariaqhaptingnik aadlanggungnirmun inungnut aanniaqtailinirmun atuquyaunggittunik huuqlu atauhiq nunallaaq atuquyauqpianggittuniklu inungnut aaniaqtailinirmun maliqayaitanik talvamit aadlanit.
Puiguqtailiyaqhaq kangiqhittiaqtauyuqhaq nampait aanniaqtunik QALAGYUARNIQ-19 mik nunallaami pidjutaulluanggittut hiamitingnigit amigaittilaanggitluunniit qayarnautiatigutlu. Ihumagiyauyuqhatlu aadlat ihumaliuqtauyuqhatlu tamainni ihivriuliguptigiq qayarnia nunallaamut. Taapkuat nampait aimmaviuyumi ilaudjutilgit; qanuq qilamik aanniarut hiamitiliqtuq; havaktiit Munaqhiliqiiyitkunni pittaariaqhainnik ihivriungnirmun naunaiyainirmunlu, kaffiuyaaqhainniklu pusantigut nunallaami kapuqhiqtunik. Tahapkua ihumagiyavut ihumagiyauyuqhat havaktauliqqata maliqqayaqhat.
Nakuutqiaq ikiqliyuummiriami qayarnia nunallaanut hapkuangguyut:
- Aihimalutin aanniaguvit.
- Maliklugit inungnut aanniaqtailinirmun maliqqayaqhait.
- Atuqlutik ivyarutinik.
- Kiqliqaqlutik katimariaqhaiqanggittunut.
- Maliklugit maliquyauyut avaliin’ngaarnirmun.
- Kapuqhiqhiqlutin.
Quana.
Ilautigingmagu Nunavut Kavamanga (GN) aqhuuqhainia aanniaqtaililiplugit QALAGYUARNIRMIT-19, GN kut Havagviit atuliqtiliqtut hapkuninga:
Munaqhiliqiiyitkut
Tamainnun nutaanik naunaitkutinik ikajuutiqhallu talvuuna qalagjuarnirmun COVID-19 Nunavunmi, hamungaulutit:
https://www.gov.nu.ca/health/information/covid-19-novel-coronavirus
Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin:
https://www.gov.nu.ca/health/information/nunavuts-path
Naunaittiarutikhat kapurhirvikhatigut talvungaulutit:
https://gov.nu.ca/health/information/covid-19-vaccination
QALAGYUARNITIGUT-19 aanniaqtunik qanurinmanggaat: Ubluqtuhivia 20, 2022
| Atauttimun ihivriuqtaujut | Attautimut naunaiqtauhimajut aannialaqihimajun | Attautimut aannialaqihimajun | Atauttimut nakuuhijut aanniaruiqtun | Tuqujut | Qaffiujun inuit kapuqtauhimajun atauhiinnarmik kapurutimik Nunavunmi | Qaffiujun inuit kapuqtauhimajun malruungnik kapurutinik Nunavunmi | Atauttimun inuit kapuqhiqhimayut pingahunik Nunavunmi | |
| 30,696 | 1,544 | 279 | 1,260 | 5 | 31,855 | 25,367 | 11,123 |
QALAGYUARNIQ-19 nunallaami aanniaqtut qaffiutilaanggit: Jaanuiali 27, 2022
| Nunallaaq |
Qalagyuarniq COVID-19 qanuriniit |
Ubluit | Inuit aanniarutiqaqtut ipaghaq (ATAUTIMUN) | Inuit aanniarutiqaqtut ipaghaq (ATAUTIMUN) | Aalangunirit ipaghamin (aanniaqtut) | Atautimun Naamakhiyut | Aalangunirit ipakhamin (aanniarutaiqhimaliktun) | Atauttimut Aulajut Aanniaqtut |
| Kugluktuk | Aulahimmaaqtut | Jaanuiali 23, 2022 | 3 | 3 | 0 | 1 | 1 | 2 |
|
Kimmirut |
Aulahimaaqtut | Talvanga 1/22/2022 | 1 | 1 | 0 | 1 | 1 | 0 |
| Naujaat | Aulahimaaqtut | Talvanga 1/15/2022 | 15 | 15 | 0 | 10 | 6 | 5 |
| Kugaaruk | Aulahimaaqtut | Talvanga 1/14/2022 | 2 | 2 | 0 | 2 | 0 | 0 |
| Uqhuqtuuq | Aulahimaaqtut | Talvanga 1/14/2022 | 4 | 4 | 0 | 4 | 0 | 0 |
| Taloyoak | Aulahimaaqtut | Talvanga 1/11/2022 | 10 | 15 | 5 | 4 | 0 | 11 |
| Salliq |
Aulahimaaqtut |
Talvanga 1/9/2022 | 30 | 31 | 1 | 16 | 1 | 15 |
| Tikirarjuaq | Aulahimaaqtut | Talvanga 1/7/2022 | 19 | 19 | 0 | 12 | 0 | 6 |
| Sanikiluaq | Aulahimaaqtut | Talvanga 1/4/2022 | 45 | 46 | 1 | 18 | 6 | 28 |
| Kinngait | Aulahimaaqtut | Talvanga 1/2/2022 | 59 | 65 | 5 | 48 | 2 | 16 |
| Mittimatalik | Aulahimaaqtut | Talvanga 1/1/2022 | 6 | 8 | 2 | 1 | 0 | 7 |
| Igluligaarjuk | Aulahimaaqtut | Talvanga 1/1/2022 | 6 | 6 | 0 | 5 | 0 | 1 |
| Iqaluktuuttiaq | Aulahimaaqtut | Talvanga 12/30/2021 | 76 | 77 | 1 | 46 | 5 | 31 |
| Igloolik | Aulahimaaqtut |
Talvanga 12/29/2021 |
50 | 75 | 25 | 20 | 2 | 55 |
| Qamanittuaq | Aulahimaaqtut | Talvanga 12/29/2021 | 59 | 62 | 3 | 34 | 14 | 28 |
|
Arviat |
Aulahimaaqtut | Talvanga 12/29/2021 | 122 | 123 | 1 | 105 | 7 | 18 |
| Sanirajak | Aulahimaaqtut |
Talvanga 12/29/2021 |
26 | 26 | 0 | 21 | 1 | 5 |
| Qikiqtarjuaq | Aulahimaaqtut |
Talvanga 12/28/2021 |
8 | 8 | 0 | 8 | 1 | 0 |
| Kangiqliniq | Aulahimaaqtut |
Talvanga 12/23/2021 |
90 | 97 | 7 | 79 | 8 | 18 |
| Pangnirtung | Aulahimaaqtut |
Talvanga 12/23/2021 |
26 | 26 | 0 | 26 | 0 | 0 |
| Iqaluit | Aulahimaaqtut | Talvanga 11/04/2021 | 157 | 163 | 6 | 130 | 18 | 33 |
| Atauttimun | 814 | 871 | 57 | 591 | 79 | 279 |
*Ilihimalugu: Hapkua nampait aadlangguqattainnaktut. Havaaqhat havaktiattauvaktut pihimayaami naunaiyautaa ublumit naunaiyautigiqattariami iniqhimayumiklu, kihimi pidjutinggittungnaqhiyuq tamainnik inungnik ihivriuqtauhimayunikluunniit.
**Aulaniaqtuq 17 Ubluqtuhirvia 2022mi, naunaiyagiikhimayuq aanniarutiqaqtun ilauyut tapkuninga katimadjutit nuutaanguqtiqhimayuq Nunavunmi aanniarutiqaqpakhimayut naunaitkutitigun. Una ilauyuq Qalagjuarniq CIOVID-19 aanniarutiqaqtun ihumagiyauyut talvanga qaujihairvingmi (PCR) ihumagiyauyutlu (qilaminuaq) ihivriudjutikhangit.
***Kinguvaktitauniarunaqhiyut unniudjutikkut hulidjutigiyauyuni kititiqhimayutlu aanniaqtunik pihimayut Aussaimi Kanatami. 12 aannialaqihimayun ilituriyauyut hilataani nunaptiknin ilaliutiyauhimayun Nunavunmun. Ukuallu ilauyut pingahut (3) tuquhimajut. Tamaitataunggittut Nunavunmiutat pilgit QALAGYUARNIQ-19 mik ilitturiyauyun ahiniitillutik ilaliutiyauhimayuniaqtut Nunavunmun.
QALAGYUARNIQ COVID-19 kapuqhingnikkut qanurinmanggaat: Ubluqtuhivia 25, 2022
Naunaiyautit/Kiqliqhatlu:
Una kangiqhidjut takupkaqtittiyuq nampainnik kapuqhiqtunik nunallaami talvanga Jaanuiali 25, 2022. Pusatnga kapuutaanik munaqhiyut imaatun ittuq kapuut munaqtauyuq aviktuqhimayut Nunavutim inuqarniatigut nalautihimadjutaa 18 nik ukiuqaqtunut an’ngayuqhitqianutlu.
Nunavutim atauttimun kapuqhiqtunik ihuaqpiaqtut naittumi naunaiyautini. Nunallaatigut naunaiyautait ihivriuqtauyut imaa piyaami ihuaqpiaqtumik hulidjutigiyauyuni. Nunallaami atauttimuntigut ihuaqhaqtauyuqhat ihuaqtauviqhaqagumik. Pidjutiniagungnaqhiyuq mikiyumik ihuaqhaqtauyuqhanik pusantigut nunallaatigut.
Kapuutit hulidjutigiyauvaktut nunallaamun humi munaqtauhimadjutiniani.
Atauttimun kapurhiqhimayut taapkunanut nunaqaqtunut nunaqanggittunutlu, taapkunanutlu himmauhiqattaqtut havaktiit.
Kaffini nunallaani takudjutivaktut inungnik kapuqhiqtunik malruungni nunallaani, nunallaaniluunniit nunagiyaunggittainni.
Inuklu kapuqhiqhigungnaqhiyuq kapputaanik 1 imaalu/imaluunniit kapputaanik 2 avataanit nunagiyamingnik.
Una pidjutiqanggittut inungnut kapuqhiqhimayungnaqhiyunut ilainnaknik tamainnikluunniit avataani ukiuqtaqtup avikturviannit.
An’ngiyuq pusanga atauhirmi nunallami aadjikkiigutiginggita amigaittumut hunggiutivaktunik aanniarunmut. Piqanggituq piliuqhimayumik naunaiqhimayumikluunniit pusanmik amigaittumut hunggiutivaktunik aanniarunmut QALAGYUARNIQ COVID-19 mut. Hunaungmangaata amigaittut hunggiutivaktunik aanniarunmut tikiutilimaittungnaqhiyuq hadjamin kapuutainnut anggiqtauhimayunik (imaakaffuk piqanggittut kapuutimik nutaqqanut nukaqhiuyunut tualumit).
Pittaarvia:
Statistics Canada, Demography Division, Special tabulations. Upalun’ngaiyaqtaat hapkua: Nunavut Havagvia Kititirinirmun, Jaanuiali 27, 2021.
Kapuutit amigaitilangit pihimajut uvanga Havagviata Aanniaqtailinirmut Meditech atuqtakhanit.
Pittaaqtut inirniqhaat nunallaami naunaiyautigiyauyut nampait inungnik 18 nit an’ngayuqhiutqiatlu maliqhugu 2020 inuqarniat nalautihimayut.
Nunallaap inuqarnia nalautihimayut “naammagiyauttianggittut” iniktauhimangmata ilainni inuqarniatigut amigaingniatigut (inuuyut, huiqtut, nuuttutlu). Atuqtauyuqhat qayagilugit.
Avaliingaaqtut amigaitilaangit:
| Aullaaqtun Qanurittun | Inuit Avaliingaaqtitauyun talvannga Ubluqtuhirvia-26mi |
| Daaktiliaqtut | 54 |
| Inuit | 0 |
| EMTI | 0 |
| Havaktut | 0 |
| Atautimun | 54 |
Aullarhimajun utiqtun naunaijautaa:
| Aullarvikhaa Ublua | # Amigaitilaangit Aullaaqtun Avaliingaarvingnit Avaliingaaqtut |
| 27-Ubluqtuhivia, 2022 | 7 |
| 28-Ubluqtuhivia, 2022 | 2 |
| 29-Ubluqtuhivia, 2022 | 5 |
| 30-Ubluqtuhivia, 2022 | 5 |
| 31-Ubluqtuhivia, 2022 | 10 |
| Total | 29 |
Ilinniaqtuliriiyitkut
Aulahimaaqtun kivgaqtuutit:
K-12 Iliharviit
Igloolingmi pidjutinggittut, tamaita sikuuqviit ammaffaangniaqtut ilihaqtunut talvani 100 pusan inuqarniatigut imaaluunniit 50 pusanmik inuqarniatigut, naunaiyautigilugu QALAGYUARNIQ-19 qanurinmanggaatigut tamaita nunallaangginni.
- Sikuuqviit Iqaluktuuttiami, Arviat, Qamanittuaq, Kangiqliniq, Iqaluit, Kinngait Sanikiluarmilu ammaumayut 50 pusan inuqarniatigut.
- Sikuuqviit aadlani nunallaani ammaumayut 100 pusan inuqarniatigut.
- Sikuuqviit uqaqviginiaqtait ilihaqtuinaqtunut ilainnutlu qanurinmanggaatatigut upalunggaiyaamilu ilihagutiqhainnut.
- An’ngayuqqaat ilihimalluanggitkumikkiq ilihaqtuutinga ikayuqtigiyanga, hivayaqtaqhait ilihaqtip ilihaiyinga.
MANILIQTUUTIT ILIHARIAQTUQTUNUT
- Maniliqtuutit ilihariaqtuqtunut havagvia akiliuhiaqhimmaaqtait ilihaqtut tunihiyunut inmi FANS Ilihaqtup Atiliurninganik Titiraannik (SEF).
- Nunavunmi Ilihariaqpaalirvianni ilihaqtut pinggittut huli tuyuqtaqhait FANS SEF titiqqait (Ilanga A iniktiqhimalugulu) NAC milu atiliurhimavianggit naunaitkutigiyauyuq titiraq tahapkunanut tuyuqlugit FANS havagviannut.
- Ilihaqtut utaqqiuqtuqhat 15 ni havakviugiyauyuni ubluni talvanga ubluanit tunihimayainnik piumayauyunik atiliurnirmun titiqqaa (t) FANS nut ubluannut takuniaqtut maniqhaaqhait iliuraqtauhimayut maniliqiviangginnut.
- 15 havagviit ubluit qaanggiqpata pinggittutinlu maniqhaaqhamik maniliqivingnut, qaritauyaqvigiinnariaqaqtait fans@gov.nu.ca ilitturipkaiyaami. Sikuuqtut ilaliutiyuqhat aadjiliuqhimayumik maniliqidjutait titiraannik talvanga Jaanuiali 1 ublumimut.
- Apikkuutit FANS ikayuutaitatigut tuyuinnariaqaqtut hamunga fans@gov.nu.ca.
- Sikuuqtut apikkuutiqaqtut FANS tigut-aullaqviqhatigut qaritauyaqvigiinnariaqaqtut hamunga fanstravel@gov.nu.ca naunaiyautiqhanik.
- Sikuuqtut audlaqtiqtut aadlangguqtauyut aullagutiqhait tingmidjutillutik qaritauyaqvigiyaqhait hamunga fanstravel@gov.nu.ca havangnaktillugu imaaluunniit, havangnaiqqat, hivayaqlugit havaguingnaqhitillugu tingmidjutiqhatigut nampaa uvani 1-867-857-6950.
Ihuaqhaqtauhimayut kivgaqtuutit:
Ilihalihaaqtut Nutaqqat Nutaqqiqiviillu
Uqaudjauvlutik CPHO gannit, Igloolik nutaqqiqivia ammaffaangniagungnaqhiyuq ihariagiyauyunut havaktiinnut.
MANILIQTUUTIT ILIHARIAQTUQTUNUT
- Havangnaqppiaknaqhitillugu ukununga the FANS-kut havagvia, uumatun aullaqtirutaanun nutaamun iliharviup iluani ukiumi ilihaidjutiqhaanut, havaktaqhaanut malikpagaat kiuyaami qaritauyakkut titiqqidjutinun una pingahunin tallimanun havaktillugit ubluinni. Kiuviqhait FANS havagvianit kinguvaktitauniagungnaqhiyut pidjutigiplugu QALAGYUARNIQ-19 aanniaqtunut Arviani.
- Hadja, FANS ni havaktiit havaktut aihimatillutik, atulluaqtauvaktuqlu FANS hivayautaa munariyaunggiplunilu.
- Nakuutqiaq uqaqvigiyaami FANS kut qaritauyakkuugutiuqhat uvani fans@gov.nu.ca.
Umiqhimaniaqtun/Nutqaqtitauniaqtun/Taimaaqtitauyut ikayuutiqhat:
K-12 Sikuuqviit
Uqaudjaungmata CPHO nganit, Igloolik sikuuqviit umiqhimaniaqtut ilihaqtunut havaktiinnutlu.
- Sikuuqviit Igloolingmi ikayurniaqtait ilihaqtut un’ngahitkaluaqhutik ayuiqhautiqhainnik atuliqqat nutaaq havainiq.
Jaanuiali iniqtirniaqhimayut ihivriudjutiqhanginnut Nunavunmi ilihaqtunut nutqaqtitauyut. Ilihaqtut ihuaqhariiqhimayut titirariamingnik iniktirutimingnut Jaanuiali 2022 mi piniaqtut kihiani pilutik piyaqagiinggittuqhamik naunaiyautilingmiklu ilihaqtaminut 100 pusanmik naunaitkutigiyauniaqtut.
Nunavunmiutat aanniaqtailidjutait atauttikkut uvagut munariyaqhavut! Itqaumalugu: uaqlugit algatit, kapuqhirlutin, pidjutihimmaaqlutinlu un’ngahiqtilaaqhimalutin inungnit, naalaqlugit uqaudjait munaqhiliqiiyini ayuittiaqtut, aihimalutinlu aanniaguvit.