Hivuliqti John Main, Minista munarijaa Inirnikhaanik, ublumi tunijuq uuminnga uqautimik:
"Uvani Kanadami Inirnikhanun Ublungani, akhuurhaqtatka tamaita Nunavunmiut ihumagittiarlugin Inirnikhavut ublumi ubluq tamaatlu. Inirnikhavut ajuiqhaqtaujut qanuqtut annakturiamingni inuudjutikhamingniklu nunami, ikajuqhutiklu Nunavut qanurittuujaakhaanik ublumi. Qujagijaqqut tamainun havaktamingnun aulahimaaqtumik havakhugit.
Titiraqhimajuq uvani Ikajuqtigiikta, kavamavut atuliqtitijut Inutquaqpaliajut Pittiarnikkut Inirnikhat imaalu Inirnikhat Hanaqidjutit, ihuaqhijuumiqhugit pijaarnirit aaniaqtailinikkut munaqhidjutit imaalu Inirnikhat munaridjutait qanitumun nunamingnun. Havaktugut amigaigjuumidjutikhanik angummadjutikhanik Inirnikhaat qanittuaniittanginni ilamingnut ilannamingnullu Nunavunmi, upalungaijautikhailiuqhutik hivitujumut munaqtaurvikhanik igluqpakhanik Iqaluktuutiami Iqalungnillu angiglijuumiutikhanik nakuujumik Kivallirmi Hivitujumut Munaqtaurvikhanik Kangiqlinirmi.
Ublumi takujaqturlugu Inirnikhaq, upalungaijarlugu pulaarutikhaq, niriqatigiikluhi, uvaluuniin nutqaqlutit uqaqatigilugit. Iningnikhavut akhurnaqtumik ilagijaingit inuuhiptingni, ihumatunirmiklu pihimajakhavut hivumuurianganik. Quana."