COVID-19 Qalagjuarniirmun GN-kunnin Nutaanik Tuhaqtidjutait - Ubluiqtirvia 21, 2021
Hivuliqtip tuhaqtidjutaa:
Ullakkut,
Ayungnaugaluaq, haladiirnirmun tikiliqtugut ihumaalungnaqtunik tuhaadjutinik.
Ublaamin Nunavunmi malrungnik tuqighihimayunik aanniarutiqaliqtunik qalagyuarnirmik COVID-19. Atautik malruk Pangnirtuumi.
Una tuhaqtitauyuq tadjanuaq unalu Dr. Patterson naunaiyainiaqtuq, piyariaqaqqat.
Ilihimayunga amigaitugut naahungniyugut nakuuyumik Kulaisimarnirmik kinguniptingni tikitinagu qalagyuarniq COVID-19 aanniarut nunaqyuami.
Kiali ilihimaguminga, ilihimayut quviagiyara haladiirniq, tamnaluaq Kulaisimarnirmi ulapqidjutit. Uvani ukiumi, ILAULIMAITUNGA quyaginaq ulapqiyunun. Piumagama pihimalugit ilatka nunallaaqlu qayangnaitumik.
Taitai, una haladiirniq, qayagiyughauyugut. Qayagiyughauyugut. Takuliqtugut amigaiqpaliayut aanniarutit Omicron avatiini nunaqyuap – naunaiyautit quvianangitut.
Ilihimayugut maliklugit inungnun aanniaqtailinirmun maligahat, atimaluta ivyarutinik kapuqhiqlutalu tamainik kapuqhirutinik nakuutqiyauyuq aanniaqtailidjutighaq aviktuqhimayumi.
Niriuktunga tamaffi hulidjutiffingnun ilauluhi pihimalugu Nunavut aanniarutiniktailinirmun qalagyuarnirmun COVID-19.
Ilauyut:
- Tingmitailutik tamainun tingmiyariaqangitpat.
- Kapuqhirluhi aghuuqhalugillu piqpagiyatit kapuqhirlutiklu.
- Kpuqhiutit ikayuutighanik piyaaqqat .
- Inugiangiluhi quviahugvingmi.
- Amigaitunik katimapkaitailuhi.
- Atimalugit ivyarutit.
- Quviahuutit ikitunik pihimalugit.
- Ihivriuqtaulutit uvalu avaliingaaqlutit quyagina qalagyuarnirmun COVID mihingnautiqaliruvin.
Dr. Patterson ihumaliurutait pihimayut Nunavunmun anginirhakkut aanniaqtailinirmun kingulirni malrungni ukiuni. Malikhimaaqtaghaqqut uqautigiyait.
Inuit hulaqutiqaqtut aanniarunmun nunaqyuami hivuniptingni-aanniaqtailinirmun havaktit. Quyagiyumayatka munaqhit, daaktit, nunallaani munaqhitkuni havaktit unaguhukhimaitumik havakpaktut kingulirni malrungni ukiuni. Aulahimaaqtumik tautuktauyuhi nakuuyumik nunallaani.
Kinguliqpaaq, quviahugvingmi tamainun quvianaqtumik haladiiqluhi Miali Kulaisimas. Itqaumalugu, nakuutqiaq aituutighaq tuniyaghat ilangnun aanniarnaitumik.
Pitiaqluhi qayagiluhilu.
Qujannamiik.
Minista Aanniaqtailinkkut Havagvianin nutaaq-tuhaqtitaqhaa:
Ublaakkut,
Ilitariyumayatka tamaita aanniaqtailinirmun havaktit kitut havaktut unaguhukhimaitumik aanniarutiqaqtilugu qalagyuarnirmun COVID-19 aanniarut nunaqyuami. Aghuurutihi aghut ikayuutauyut nakuunirmun Nunavunmi ayungnaqtuq aanniarutiniktailinirmun haffuminga aanniarunmik. Tamaffi hivituyunik ikaarnirnik amigaitullu havainaqpakhutik havaguilakhimaitumik. ilangit aulahimaaqtumik havangniaqtut haladiirnaqtumi ilihimapkarumayaffi aghuurutihi munaridjutinun Nunavunmi arlingnaqtut. Matna, Qujannamiik. Ilihimayunga, tamaita Nunavummiut, quyahuktut tamainun havaktaffingnun aulahimaaqtumiklu havakhimaaqlutik.
Tuhaqtidjutiga Nunavunmiunun tadja tapkua ayungnaugaluaq, aanniaqtailinirmun auladjutit ikiklivyaktut avatiini Nunavunmi naitumik kikliqaqtut. Havaktughat kikliqaliqtut, aghullu havakaluaqhuta havaktughaqhiurutinik pihimalugillu aanniaqtailinirmun ayuittiaqhimayut ihariagiyauyut avatiini aviktuqhimayup, kivgaqtuutit ikikliyuumiqhutik mihigiyauniaqtut amigaituni nunallaani haladiirnarnirmi. Una ilauyuq ilangit ikiliyuumiqtutpiyaarnirmun kapuqhirnirmun imaatun fluunirmun kapuqhirutit unalu qalagyuarnirmun COVID-19 kapuqhirutighat. Ayuqhautivut ilauyut kanadami qanuriniitigut aanniaqtailinirmun havaktit, humi aanniarut nunaqyuami ihuangitumik hulaqutigiyauyut havaaghanun amigaituni qanuriniinun.
Apiriyatka Nunavummiut ilitarilugit aghut havauhiit ukua aanniaqtailinirmun havaktit, ihumaaluutinunlu tapkua aanniaqtailinirmun havaktit qayangnautaanun haffuma Omicron aannirutaanik.
Apiriyatka Nunavummiut qayangnaitumik pihimalutik qalagyuarnirmin COVID-19 haladiirnirmi. Itquumayuq, Omicron nutaaq hivuuranaqtuq. Kihimi tamapta ilihimayugut qanuq qayangnaiqhimaluta – katimayut ikitumik pihimalutik, tingmitailutik, aihimalutik aannialirumik, atimalutik ivyarutinik, kapuqhiqlutik, uaqataaqlugit algatik. Pihimalutit ilatit, nunallaat, aviktuqhimayuqlu qayangnaitumik.
Kulaisimarnaqhiyuq, inuit piyughat aliahuklutik quviahuklutiklu. Ukpiruhuktunga piyaaqtugut qayagiluta quviahuutigilugu quviahugvik; tamapta qayagigupta itqaumalugulu ilituriyavut kingulirmi ukiumi.
Tamainun Miali Kulaisimas quvianaqtumiklu haaladiiqluhi.
Quana.
Atanilluaq Inungnun Aanniaqtailinikkut Havaktimin tuhaqtidjutaa:
Ublaakkut,
Qilamik aalanguqtiqtut kangiqhidjutit mighaanun haffumuuna Omicron aaniarut, havaktavut ayungnaqtunik ihumaliurutinik. Qilamik ihuaqhaqtavut pitquidjutit piyaangini nunallaat amigaitunik katimadjutit haladiirnirmi. Una ihumaliurut ayungnangitumik havaktauhimayuq, kihimi una piyaghaq pidjutigiblugu anginirhaanun qayangnautit Omicron qayangnautaagut.
Tautungnaqtut tamnat Omicron hiamitirniaqtuq qilamivalaaq, tapkunungalu kapuqhiqhimayunun malrungnik, piyariaqaliqtavut aalanguqtirlugit kiudjutivut ihuaqhilugit anginirhanguqtut qayangnautinun. Aghut pitquiyugut tamaita ihariagiyaungitut tingmingilutik tadja. Tapkua kitut tingminahuat utirahuallu Nunavunmun itquumayumik kapuqhirnirmik apiriyauyut avaliingaaqlutik iglumingni 14nik ubluni utirumik aviktuqhimayumun. Una ilauyuq katimatailutik. Tamaita kikliqaliqlugit pulaarutitik mighiyuumiriangini qayangnautiqaqtut atautit, imaatun Inirnighat nayugait hivituyullu munaqhiviit. Katimapkainahuaruvin, qayangnaitumik pihimalutit ikitunik katimapkailutit ilainarnun.
Nunallaanun upalungaiyaqhimayut hulipkainirmun imaatun nunallaani ulapqipkailutik ulapqivingni, maligahait nutaat katimapkainirmun kiklighat, avatqungilugu 50% amaigainighaa imaaluuniin 100nik inungnik kikliqarlutik, kitu ikitqiaq. Una aghuungnaqtuq mighiyuumiriangani hiamitirnianira aanniarutip..
Pitquiyugut tingmitailiniq katimadjutinunlu. Tingmiguvin aalanun nunallaanun hulidjutinun pulaaruvinluuniin, anginirhangurniaqtuq hiamitirnirmun Omicron iluani Nunavut. Piqaliqtuq tingmilimaiqtilugit nunallaanun nunallaaninlu, tutqighiyuqaqqat aanniarunmik qalagyuarnirmik COVID-19. Kinaliqaak tingmiyuq aalamun nunallaamun upalungairiiqhimayughaq humungaungilutik maligahat taimaaqtinagit. Una piyariaqaliqtuq qilamik munaridjutighaq tikiniarniranun potential Omicron aanniarutaa.
Aghuuqhaiyunga inungnun maliklugit inungnun aanniaqtailinirmun maligahat atimalutiklu ivyarutinik. Takunaqtut ivyarutit ihuaqtut mighiyuumirutauyut qayangnautinun aktungnirmun hiamitirniranunlu Omicron. Pivighaitkuvin ivyarutinik, pingahunik-iluruaqaqtumik ivyarutinik takunaqtut nakuuyumik kikliqautauyut hiamitirnirmun.
Mihingnautait haffuma Omicron aalanganiaqtuq aalanin qalagyuarnirmin COVID-19 aanniarutaanin. Ayungnaqtuq naunaiyariami Omicron qalangnirmin. Haffumuuna qanurinianun, atuliqata mihingnautit, qalaghungniq, tagyungniq, igiaqliuniq, kakiliqtarniq, avaliingaaliqlutit hivayaqlugit COVID-19 hivayautaa uvani 1-888-975-8601 ihivriuqtaulutit.
Ayungnangitukkut amigaitpalaarmata ilihimayaungitut, amigaitpalaallu qayangnautit tapkua ihuanginiaqtut Nunavummiut inuuhiinun. Ilihimayugut tapkua inuit kitut kapuqhiqhimayut pingahunik qitqani 75% unalu 80% aturunaitut aghut aannialaqinirmun aanniaqvingmungarnirmun aanniarutaagut Omicron aannirutip. Aghuuqhaiyugut tamainun kapuqhiqlutik. Malrungnik kapuqhiqhimaguvin, kapuqhiqlutik ikayuutighamik.
Munarilugit Nunavut qalagjuarnirmin COVID-19 tamaita inuit pijakhaat, akhuuqhimmaaqtukhaujugut. Hivituyuk malruk ukiuk. Ilihimayunga unaguqtuhi, kihimi aghuuqhimaaqluta. Ilihimajukhaujugut taimaa aanniarnaitkutikhaqqut qajangnaitkutivullu pihimajuq aallatqiinin munaridjutikhanun ittunun atuqtaujakhat. Inungnun aanniaqtailinikkut maliktakhat, atimalugit ivjarutit, avaliihimalutit apirijauguvin kapuutikhanullu tamaita ihuaqtumun munaridjutikhamun qalagjuarnirmun COVID-19. Huna piyaghaq atautimun, taimaali atautit naahimanginmata.
Quyagiyatka tamaita Nunavummiut qilamiunginirmun malitiarnirmunlu. Quvianaqtumik haladiiriti Miali Kulaisimas. Aannialaqittailuhi qayagivakluhilu.
Tamainnun nutaanik naunaitkutinik ikajuutiqhallu talvuuna qalagjuarnirmun COVID-19 Nunavunmi, hamungaulutit:
https://www.gov.nu.ca/health/information/covid-19-novel-coronavirus
Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin:
https://www.gov.nu.ca/health/information/nunavuts-path
Naunaittiarutikhat kapurhirvikhatigut talvungaulutit:
https://gov.nu.ca/health/information/covid-19-vaccination