Toronto, Ontario (Niqiliqivik 3, 2023) – Nunavut Hivuliqti P.J. Akeeagok unalu Ontario Hivuliqti Doug Ford ublumi sainiqtaat una Angiqatigiingnirmut Nalunaitkutingit (MOU) ihuaqhijuumilugu havaqatigiigutikhaq amihunun aallatqiinun piqatigijanun pilluagakhanun, ilagijait munaqhiliqiniq, ingilradjutin, aulapkaidjutin unalu Nunaqaqqaaqhimajunun piqatigiigutikhat.
"Nunavut Ontario-lu piqaqtun qangaraalungmin paanariirutimik qujagijumajaralu Hivuliqti Ford hakugiktumun ikajuutigijaanun nunaptingni,” uqaqtuq Hivuliqti P.J. Akeeagok. "Amigaittunun Nunavunmiunnun, Ontario hivulliqpaangujuq tingmijunun nunaa. Imaitkaluaqhuni pivikhamun iliharjuumidjutikhanun ilihariami, pilugin aallangajun munaqhiliqidjutinik, niuviriamiluuniin aullaaqtittinirmullu, thousands-ngujun Nunavunmiut upautivaktun nuatqatiptingnun nunaanun tamainni ukiuni.
Uumuuna angiqatigiingnirmut nalunaitkutingit, kavamagijavun ihuaqhittaaqtaat una aallangajuq hivitujumilu piqatigiigutikhaq atauttikkullu amigairlugin pidjutikhat hivun’ngani. Paannariirutit pilluagakhaujuq pigijaptingnun Katujjiluta havaktakhaujamun, itquumagijaralu taimaa Ontario paanarilluagakhaq uumani Kanataup nunarjuami akhuurutikhaq pijainnun Ukiuqtaqtumi.”
“Humagiinaqtara taimaa Ontario havaarijakhaa ikajurlugin Kanadami nunagijainun,” uqaqtuq Hivuliqti Doug Ford. Una angirutikhaq hakugikhijuuminiaqtaa akhut piqatigiigutiptingnun amigairjuumilugillu pidjutikhat havaqatigijaami amihunun ikpingnaqtunun pijakhanun, ikajurlugin inuit Nunavunmi Ontario-milu. Qujagijumajara Hivuliqti Akeeagok paanariirutaanun ilannariirutaanullu, havaqatigiikluta hakugikhijuuminahurittugu maniliurutikhat aanniaqtailidjutikhammu nunallaani.”
Atuqhugu angiqatigiikhutik ihuaqtumun piqatigiigutimun, Nunavut pivaktait maniliurutimun pidjutikhat Ontario-mun himmiutigivlugin hanavalungnik unalu inungnun ikajuutikhat hailingittunun Kanadami Ukiuqtaqtumi. Ukiungani himmiutijun akun’ngani Nunavut Ontario-mullu akiqaqtuq amigaitqijaanin $1 billion.
MOU-ngujuq pivalliadjut uumunga hivitujumun paanariirutimun pidjutikhaliuqhuni amigairjuumidjutikhanun malrungnun havaqatigiigutikhamun hanaqidjutikhanun pihimajunun havagvirjuanun nunallaanullu aulapkaidjutikhainun, iliharnikkut ajuiqharnikkullu ajuiqhimajunun havaktunun, piqatigijainun pijumajamingnik ihuaqtunun pivikhanik nunami pivikhanik, hakugikhijuumivlugulu pidjutainun akun’ngani Ontario Nunavullu.
Ilagijaanun angirutimun agreement, una Havaqatigiingnikkut Atuqtipkailinirmullu Katimajiit piliurniaqtaat ihuaqhijuumilugin piqatigiigutinun pilluagakhanun. Katimajiit hivuliqtiuniaqtun angajukhinun atan’ngujanin tikkuaqtauhimajunun tamainnin hivuliqtinin.
Document(s):
2023-08 Backgrounder (GN Ontario) Premiers of Nunavut and Ontario sign MOU - IKW
2023-08 (GN Ontario) MOU - ENG