Nunavut ajuqhaqtun huirman Nan’ngarijaujuq Kuin Elizabeth II
Hivuliqti Nunavunmi, P.J. Akeeagok, ublumi naunaiqtittijuq ataani titiraqhimajumik huirman Nan’ngarijaujuq Kuin Elizabeth II:
“Nan’ngarijaujuq Kuin Elizabeth II inuudjutauvaktumi tautuktauhimajuq anginikhaqaqtumi ilagijaa Kanataup qangaraalungmin naunaiqhimajuq qaangiutijuni
70-ni ukiuni.
Kuin’nguhimajudaa naunaiqhimajuq havakpiaqhimajumik commonwealth-mun akhuurutaa Crown-mun. Piqatigidjutait akun’ngani Inuit Crown-mullu ajungnaqhivaktuk ilaani, Nan’ngarijaujuq Kuin nan’ngarijauhimajuq aturaaqpaktumi Inirniqhaaptingnin.
1970-mi, piliuqhimatin’nagu Nunavut, Nan’ngarijaujuq Kuin pulaaqhimajuq Iqalungnun. Amiqaitpiaktut inuit katimajun tun’ngahuktittivlugu kuin naunaitkutaa kuin pidjutigijaanun Inirniqhaanun nunaptingni. Hivulliqpaaq pulaangman aullaqtirutigijaanun Nunavut
2002-mi. Uqarvigijait Nunavunmiut talvani Nunavut Maligaliurvik uqaqhimavlunilu ikittunik tainini quviahuutigivlugin Inuktitut.
Pidjutigivlugin Nunavut Kavamanga tamaitalu Nunavunmiut, ihumagijatka ajuqhaqtillugin huirman ilagijainun Nan’ngarijaujunun Ilagiiktunun huirman piqpagijaujuq amaamaujuq anaanattiangujurlu.”