Nunavut Kavamanga (GN) unalu Nunavunmi Havaktiit Ikajuqtingit (NEU) sainiqhimaliqtaa nutaaq havaktinun angiruti.
Nutaaq angiruti, atuliqtuq talvanga Aktuuba 1, 2024, talvunga Saptaiba 30, 2028mun, malikhugu aivadjutikkut havaguti aullaqtiqhimajuq Ukiakhami 2024mi.
"Hivulliutijakhavut aullaranginnaqtumik tunihiluta ihariagijaujunik havagutinik Nunavunmiutanun ikajuqhimmaaqtillugin hakugiktunik havakpiaqpaktuniklu havaktiinnik,” uqaqtuq Minista Havaktuliqijikkunni Annie Tattuinee. “Una angiruti tautuktijuq ihuaqtumik pidjutimik hakugikhaqhugillu atauttikkut kangiqhihimadjutit, pipkaqhuta hivumuudjutinun Nunavut Kavamaptingni pitqujaujut hapiqhimaittumik.”
“Uppirijavun nutaaq havaktinun angiruti tunijuq nakuujunik pimmarighautinik ikajuutikhaniku ukununga Nunavut Kavamangani havaktiinnun,” uqaqtuq Jason Rochon, Angijuqqaaq uvani Nunavunmi Havaktiit Ikajuqtinginni. “Qujagijumajatka aivadjutiliqinirnun havaktiit tamaitalu NEUkunni ilaujun ikajuutainnun havagutainnullu tamaani havagutimi.”
Una sainiutaa nutaami havaktinun angiruti qanuriliuruti hivumuudjutiinnun havaqatigiigutinun ukunani Nunavut Kavamatkunnni uvanilu Nunavunmi Havaktiit Ikajuqtiinni hakugikhaffaarutainnik havagumaniinni tamainni ilaujuni tunijaami nakuujunik havagutinik Nunavunmiutanun.