ᓯᕗᓕᖅᑎᐅᑉ ᓇᓗᓇᐃᕈᑎᖏᑦ

ᓯᑎᐱᕆ 18, 2017
ᐅᖃᖅᑎᑦᑎᔩ, ᐱᕕᒃᓴᖃᕐᓂᕐᓂ ᓄᑖᙳᕆᐊᖅᓯᒪᔪᓂᒃ ᑐᓴᖅᑎᑦᑎᔪᒪᕗᖓ ᑲᔪᓯᓂᕆᔭᑦᑎᓐᓂ ᐆᒪ ᐊᑖᒍᑦ, ᓯᕗᒻᒧᑦ ᐊᓪᓗᖅᑕ.   ᑎᓴᒪᒋᔭᖓᑦ ᓄᓇᕘᒧᑦ ᒪᓕᒐᓕᐅᕐᕕᖕᒥᐅᑦ ᑲᑎᒪᓂᕆᔭᖓᑦ ᐃᓱᓕᑉᐸᓪᓕᐊᓕᖅᑎᓪᓗᒍ, ᐃᖅᑲᐃᑎᑕᐅᕗᖓ ᖃᓄᖅ ᓄᑖᖅ ᒥᓂᒡᑕᐅᖃᑎᒌᒋᔭᕗᑦ ᓯᕗᓪᓕᖅᐹᒥᒃ ᑲᑎᒪᓚᐅᖅᓯᒪᓂᖏᓐᓂᒃ ᑰᒑᕐᔪᖕᒥ. ᑭᖑᓂᒃᑲᓐᓂᐊᒍᓪᓗ, ᐊᑕᖏᑦᑎᐊᖅᖢᑎᒃ ᑲᑎᒪᓕᓚᐅᕆᕗᑦ ᖁᕐᓗᖅᑐᕐᒥ ᕕᕗᐊᕆ 2014−ᒥ. ᑕᐃᑲᓃᑎᓪᓗᑕ ᐅᖃᐅᓯᖃᓚᐅᖅᐳᒍᑦ ᓯᕗᓪᓕᖅᐸᐅᑦᑎᐅᑎᑎᑦᑎᓪᓗᑕᓗ ᒐᕙᒪᑦᑕ ᐱᓕᕆᐊᒃᓴᕆᓂᐊᖅᑕᖏᓐᓂᑦ ᐊᕐᕌᒍᓄᑦ ᑎᓴᒪᓄᑦ. ᐅᖃᖅᑎᑦᑎᔩ, ᑕᒪᓐᓇ ᓲᕐᓗ ᐃᑉᐸᒃᓴᓵᑯᓘᖅᑰᔨᕗᖅ.   ᓇᓗᙱᑦᑎᐊᖅᐳᖓ ᑕᒪᕐᒥᑦᑎᐊᖅ ᐃᓚᒋᔭᐅᔪᑦ ᐃᖅᑲᐃᔪᓐᓇᕐᓂᖏᓐᓂᒃ ᐊᒃᓱᕈᖅᖢᑎᒃ ᐱᓕᕆᖃᑦᑕᓚᐅᕐᓂᖏᓐᓄᑦ, ᐅᓪᓗᓂᓗ ᐱᓕᕆᑯᑖᖃᑦᑕᓚᐅᕐᓂᖏᓐᓄᑦ ᐋᖅᑭᒃᓱᐃᔾᔪᑎᒋᓪᓗᑎᒍ ᑐᕌᕆᓪᓗᐊᑕᕈᒪᔭᑦᑎᓐᓂᒃ ᑕᕝᕙᓂ ᒪᓕᒐᓕᐅᕐᕕᖕᒥ.   ᓄᓇᕗᑦ ᐊᒥᓱᓂᒃ ᓯᕗᓪᓕᖅᐸᐅᑦᑎᐅᑎᕝᕕᖃᕆᐊᖃᖅᐳᖅ, ᑭᓯᐊᓂ ᐅᖃᓪᓚᖃᑎᒌᓪᓚᕆᖃᑦᑖᓪᓚᓚᐅᖅᖢᑕ ᑐᓴᐅᒪᓂᒃᑯᓪᓗ ᐅᖃᖃᑎᒌᖃᑦᑕᓚᐅᖅᑎᓪᓗᑕ, ᒪᑯᐊ ᐅᖃᐅᓯᕆᔭᒃᓴᕗᖅ... ᐅᖃᓕᒫᒃᑲᓐᓂᕆᑦ.
ᓯᑎᐱᕆ 15, 2017
ᐅᖃᖅᑎᑦᑎᔩ, ᐅᓪᓗᒻᒥ ᓇᖏᖅᓯᔪᖓ ᒪᓕᒐᓕᐅᕐᕕᒻᒥ ᐃᓕᓴᖅᓯᒍᒪᓪᓗᖓ ᖁᔭᓕᒍᒪᓪᓗᖓᓗ ᓄᓇᕗᑦ ᒐᕙᒪᒃᑯᖏᓐᓂ ᐃᖅᑲᓇᐃᔭᖅᑎᖏᓐᓂᒃ ᐃᒻᒥᓂᒃ ᑐᓂᓯᒪᔪᓂᒃ ᐊᕐᕌᒍᑦ 30 ᐅᖓᑖᓄᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᓂᕐᒧᑦ. ᑖᒃᑯᐊ ᑲᔪᖏᖅᓯᐊᖅᑐᑎᒃ ᐃᖅᑲᓇᐃᔭᖅᑏᑦ ᐃᓕᓴᕆᔭᐅᓂᐊᖅᑐᑦ ᐊᑯᓂ ᐃᖅᑲᓇᐃᔭᖅᓯᒪᓂᕐᒧᑦ ᐃᓕᓴᕆᔭᐅᔾᔪᑎᓂᒃ ᑐᓂᔭᐅᖃᑦᑕᕐᓗᑎᒃ ᓯᑎᐃᕆ 16-ᒥ. ᐅᖃᖅᑎᑦᑎᔩ, ᑖᒃᑯᐊ ᑐᓂᓯᒪᕙᑦᑐᑦ ᐃᓄᐃᑦ ᓇᑭᑐᐃᓐᓈᖅᓯᒪᔪᑦ ᒐᕙᒪᒃᑯᑦ ᐱᓕᕆᕕᖏᓐᓂ ᑎᒥᖁᑎᖏᓐᓂᓗ, ᓄᓇᕗᓕᒫᒥ. ᐊᑯᓂ ᐃᖅᑲᓇᐃᔭᖅᓯᒪᓂᖏᑦ ᓇᓗᓇᐃᒃᑯᑕᐅᔪᖅ ᑐᓂᓯᒪᖃᑦᑕᕐᓂᖏᓐᓂᒃ ᐱᔨᑦᓯᕋᕈᒪᓂᕐᒧᑦ ᐊᑐᐃᓐᓇᐅᑎᑦᓯᒍᒪᓂᕐᒧᓪᓗ ᓄᓇᓕᑦᑎᓐᓄᑦ. ᐅᖃᖅᑎᑦᑎᔩ, ᒐᕙᒪᒋᔭᕗᑦ ᑲᔪᓯᒍᑎᖃᖅᑐᑦ ᐊᑑᑎᖃᖅᐸᑦᑐᑦ ᐃᑲᔪᖅᓱᐃᕙᑦᑐᑎᓪᓗ ᐃᖅᑲᓇᐃᔭᖅᑎᓂᒃ ᒐᕙᒪᒃᑯᓐᓂ ᐱᕚᓪᓕᕈᑕᐅᒍᓐᓇᖁᓪᓗᒋᑦ ᓄᓇᕗᒻᒥᐅᓕᒫᓄᑦ. ᐱᓕᒻᒪᑦᓴᐃᖃᑦᑕᓂᒃᑯᑦ ᑲᔪᖏᖅᓴᐃᒍᑎᒃᑯᓪᓗ, ᐊᒻᒪᓗ ᖁᕕᐊᓇᖅᑐᓂ ᐃᑲᔪᖃᑎᒌᑦᑐᓂᓪᓗ ᐃᖅᑲᓇᐃᔭᕐᕕᖃᖅᑎᑦᓯᓂᒃᑯᑦ, ᓇᓗᙱᑦᑐᖓ ᐊᒥᓲᓂᖅᓴᐃᑦ ᐃᖅᑲᓇᐃᔭᖅᑎᕗᑦ ᓱᓕ ᑐᓂᓯᒪᖃᑦᑕᕐᓂᐊᕐᖓᑕ... ᐅᖃᓕᒫᒃᑲᓐᓂᕆᑦ.
ᓯᑎᐱᕆ 14, 2017
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᐃᓕᓴᖅᓯᒍᒪᒐᒪ ᐊᑦᓱᕉᑎᖃᖅᓯᒪᓂᖓᓂᒃ ᐃᓕᓴᐱ ᑏᓐ, ᐊᑯᓂ ᐃᓕᓴᐃᔨᐅᓯᒪᔪᖅ, ᓵᓚᖃᓚᐅᖅᑐᓂᓪᓗ 13-ᖓᓐᓂ ᐊᕐᕌᒍᑕᒫᑦ ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᑕ ᐃᓕᓴᕆᔭᐅᔾᔪᑎᒥᒃ ᓄᓇᕗᒻᒥ. ᐱᒋᐊᖅᑎᑕᐅᓚᐅᖅᓯᒪᔪᖅ 2004−ᖑᑎᓪᓗᒍ ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᓐᓄᑦ ᐃᓕᓴᕆᔭᐅᔾᔪᑎ ᐃᓕᓴᖅᓯᒍᑎᐅᕙᑦᑐᖅ ᑲᔪᓯᑦᓯᐊᕈᑎᖃᖅᓯᒪᓂᖏᓐᓂᒃ ᐃᓐᓇᐃᑦ ᐅᖃᓕᒫᕆᐅᖅᓴᓂᕐᒧᑦ ᐱᓕᒻᒪᑦᓴᐃᖃᑦᑕᓂᕐᒧᑦ. ᐃᓕᓴᕆᔭᐅᔾᔪᑎ ᖁᕕᐊᓲᑎᖃᕈᑕᐅᒻᒥᔪᖅ ᐱᓕᕆᐊᒥᓂᖏᓐᓂᒃ, ᓴᓇᑐᔪᒃᑯᑦ ᐱᓕᕆᔾᔪᓯᐅᔪᓂᒃ ᖁᕝᕙᖅᑎᕆᓯᒪᔪᓂᓪᓗ ᐅᖃᓕᒫᕆᐅᖅᓴᓂᕐᒥᒃ/ᑎᑎᕋᕆᐅᖅᓴᓂᒃᒥᒃ. ᐊᑐᓂᑦ ᐃᓕᓴᕆᔭᐅᔾᔪᑎᑖᑦᑐᑦ ᑐᓂᔭᐅᕙᑦᑐᑦ ᐊᑭᓐᓇᕐᒥᐅᑕᕐᒥᒃ ᐊᑎᓕᐅᖅᑕᐅᓯᒪᔪᒥᒃ ᓯᕗᓕᖅᑎᖓᓄᒃ ᖃᓪᓗᓈᓂ ᐅᑭᐅᖅᑕᖅᑐᒥᓘᓐᓃᑦ ᐊᕕᑦᑐᖅᓯᒪᓂᖓᓂ, ᐊᒻᒪᓗ ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᑕ ᑎᑎᕋᕆᐅᖅᓴᓕᕆᓂᕐᒧᑦ ᐃᓕᓴᕆᔭᐅᔾᔪᑎᒥᒃ ᐅᔭᒥᒻᒥᒃ. ᐅᖃᖅᑎᑦᑎᔩ, ᑕᕝᕙᓂ ᐊᕐᕌᒍᒥ ᓂᕈᐊᓚᐅᖅᑕᕋ ᐃᓕᓴᐱ, ᐃᓕᓐᓂᐊᖅᑎᑦᓯᔨᐅᓯᒪᔪᖅ ᐅᖅᓱᖅᑑᒥ ᐃᖃᓗᓐᓂᓗ. ᑕᖅᑮᑦ ᐊᕐᕌᒍᐃᑦ ᓈᓯᒪᓕᖅᑐᑦ, ᐃᓕᓴᐱ... ᐅᖃᓕᒫᒃᑲᓐᓂᕆᑦ.
ᓯᑎᐱᕆ 14, 2017
ᐅᖃᖅᑎᑦᑎᔩ, ᓄᓇᕗᑦ ᑐᙵᕕᒃᑯᑦ ᓴᖅᑭᖅᑎᑦᓯᓚᐅᕐᖓᑕ ᐅᓂᒃᑳᓕᐊᒥᓂᕐᒥᒃ ᐊᑎᖃᖅᑐᓂ “ᐊᑭᖓ ᐊᑐᓕᖅᑎᑦᓯᑦᓯᐊᙱᓂᕐᒧᑦ ᐃᓛᒃᑰᖅᑐᖅ 23-ᒥᒃ: ᖃᑦᓯᐅᓂᖏᑦ ᒪᓕᑦᑐᒋᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᖅ ᒐᕙᒪᒃᑯᓐᓂ.” ᖃᐅᔨᓴᖅᑐᑎᒍ ᐅᓂᒃᑳᓕᐊᖅ, ᐱᓗᐊᙳᐊᖅᑐᓂᒃ ᓇᓗᓇᐃᖅᓯᒍᒪᔪᖓ ᐃᓄᐃᑦ ᐱᓕᒻᒪᑦᓴᐅᔭᖃᑦᑕᕐᓂᖏᓐᓂᒃ. ᐱᓕᕆᐊᖃᐃᓐᓇᖅᓯᒪᔪᑦ ᐊᒥᓱᕐᖑᕆᐊᖅᑕᐅᖁᓪᓗᒋᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ. ᐱᒋᐊᕋᑖᖅᑎᓪᓗᑕ ᒐᕙᒪᐅᓪᓗᑕ, ᐊᑕᐅᓯᑑᓚᐅᖅᓯᒪᔪᖅ ᐱᓕᒻᒪᑦᓴᐃᒍᑎ ᑐᕌᖓᔪᖅ ᐃᓄᓐᓄᑐᐃᓐᓇᖅ. ᓯᕗᓕᖅᑎᑦᓴᑦ ᑲᔪᖏᖅᓴᐃᓂᒃᑯᑦ ᐃᓕᓐᓂᐊᕈᑎ ᓱᓕ ᐅᓪᓗᒥ ᑲᔪᓯᔪᖅ. ᐅᖃᖅᑎᑦᑎᔩ, ᓯᕗᒧᑦ ᐊᑉᓗᖅᑕ ᑐᕌᒐᑦᑎᓐᓂ, ᓯᕗᓕᖅᑎᐅᒍᑎᖃᕐᓂᑎᓐᓄᓪᓗ, ᐋᖅᑭᒋᐊᖅᓯᒪᔭᕗᑦ ᑐᕌᒐᖃᕐᓂᖅ ᐃᓄᐃᑦ ᐃᖅᑲᓇᐃᔭᖅᑎᑕᐅᒋᐊᖃᕐᓂᖏᓐᓄᑦ ᐱᓕᕆᐊᓂᒃ, ᐋᖅᑭᑦᓯᓪᓗᑕ ᓯᕗᒧᐊᖃᑎᒌᑦ ᐱᓕᕆᕕᒻᒥᒃ. ᓄᑖᓂᒃ ᐱᓕᒻᒪᑦᓴᒍᑎᓂᒃ ᐋᖅᑭᑦᓱᐃᒍᓐᓇᖅᓯᒪᔪᑦ ᐃᓄᓐᓄᑦ ᐃᖅᑲᓇᐃᔭᖅᑎᓄᑦ ᑐᕌᖓᔪᓂᒃ. ᓂᕈᐊᖅᑕᐅᓯᒪᓂᑦᑎᓐᓂ, ᐃᓚᓯᓯᒪᔪᒍᑦ ᓯᑕᒪᓂᒃ ᐱᓕᕆᐊᓂᒃ ᑐᕌᖓᔪᓂᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ... ᐅᖃᓕᒫᒃᑲᓐᓂᕆᑦ.
ᓯᑎᐱᕆ 13, 2017
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᐱᒃᑯᒋᕙᒌᕈᒪᔪᖓ ᓄᓇᕗᒻᒥᐅᑕᕐᒧᑦ ᒫᑕᓖ ᐅᑲᓕᖅ, ᑎᒃᑯᐊᖅᑕᐅᕋᑖᓚᐅᕐᖓᑦ ᐃᓚᒋᔭᐅᓪᓗᓂ ᐱᖓᓱᓄᑦ ᐃᒻᒥᒃᑰᖓᓪᓗᑎᒃ ᒪᒃᑯᑦᑐᐃᑦ ᐅᖃᐅᔾᔨᒋᐊᖅᑏᑦ ᐃᓄᓕᕆᔨᑐᖃᒃᑯᑦ ᒥᓂᔅᑕᖓᓐᓄᑦ ᑭᐅᕈᓕᓐ ᐸᓂᑦ ᑕᖅᑭᐅᓚᐅᖅᑐᒥ. ᐅᑲᓕᖅ ᐃᓕᖃᑕᐅᔪᖅ ᐊᓪᓚᖓᔪᖅ ᒪᒃᑯᑦᑐᖅ ᓯᕗᓕᖅᑎᒧᑦ ᒐᐃᐳᕆᐅᓪ ᕙᐃᔭᓐᑦ, ᓄᓇᖃᖅᑳᖅᑐᒥᓂᕐᒥᓪᓗ ᒪᒃᑯᑦᑐᖅ ᓯᕗᓕᖅᑎᒥᒃ ᐋᓐᑐᕋᐃ ᐱᐅ. ᑖᒃᑯᐊ ᐱᖓᓱᑦ ᐅᑭᐊᑦᓵᖅ ᑐᓴᕆᐊᕐᕕᖃᖃᑦᑕᓂᐊᖅᑐᑦ ᐃᓄᓐᓂᒃ, ᐊᓪᓚᖓᔪᓂᒃ ᓄᓇᖃᖅᑳᖅᑐᒥᓂᕐᓂᓪᓗ ᒪᒃᑯᑦᑐᓂᒃ ᓱᓕᔪᓂ ᓴᐃᒻᒪᖃᑎᒌᓐᓂᒧᓪᓗ ᑭᒡᓕᓯᓂᐊᖅᑎᒃᑯᑦ ᐊᑐᓕᖁᔨᔾᔪᑎᖏᓐᓂᒃ ᖃᓄᐃᓕᒋᐊᕈᑎᖃᖁᔨᓂᕐᒧᑦ ᒐᕙᒪᒃᑯᑦ ᑮᓇᐅᔭᖃᖅᑎᑦᓯᖃᖃᑦᑕᖁᓪᓗᒋᑦ “ᓄᓇᓕᓐᓂ ᐱᒋᐊᖅᑎᑕᐅᓯᒪᔪᓂᒃ ᒪᒃᑯᑦᑐᐃᑦ ᑲᑐᔾᔨᖃᑎᒌᖏᓐᓂᒃ ᐊᐅᓚᑦᓯᖁᓪᓗᒋᑦ ᐱᓕᕆᐊᓂᒃ ᓴᐃᒻᒪᖃᑎᒌᑉᐸᓪᓕᐊᓂᕐᒧᑦ, ᐋᖅᑭᑦᓱᐃᓗᑎᓪᓗ ᑲᓇᑕᓕᒫᒥ ᑲᓲᒪᖃᑎᒌᓐᓂᐅᓂᐊᖅᑐᒥᒃ ᑕᐅᖅᓰᖃᑦᑕᕈᓐᓇᖁᓪᓗᒋᑦ ᑐᓴᕋᑦᓴᓂᒃ ᐱᓕᕆᔾᔪᓯᐅᑦᓯᐊᕐᓂᖅᐹᓂᓪᓗ. ᐅᖃᖅᑎᑦᑎᔩ, ᒥᔅ ᐅᑲᓕᖅ ᑐᙵᕕᖃᑦᓯᐊᖅᑐᓂ, ᐊᑑᑎᖃᑦᓯᐊᖅᑐᓂᒃ... ᐅᖃᓕᒫᒃᑲᓐᓂᕆᑦ.
ᓯᑎᐱᕆ 12, 2017
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᑐᓴᖅᑎᑦᓯᒍᒪᓪᓗᖓ ᒪᓕᒐᓕᐅᖅᑎᐅᖃᑎᓐᓂᒃ ᑲᑎᒪᓂᕆᖃᑦᑕᓚᐅᖅᑕᓐᓂᒃ ᓯᕗᓕᖅᑎᐅᖃᑎᒃᑲᓗ ᐊᐅᔭᐅᓚᐅᖅᑐᒥ. ᐅᖃᖅᑎᑦᑎᔩ, ᐊᐅᔭᖅ ᑲᑎᒪᓚᐅᖅᑐᑦ ᑲᓇᑕᒥ ᓯᕗᓕᖅᑎᖏᑦ ᔪᓚᐃ 17-ᒥᒃ 19-ᒧᑦ ᐃᐊᑦᒪᓐᑕᒻᒥ. ᑲᑎᒪᖃᑎᒋᓚᐅᖅᑕᒃᑲ ᓯᕗᓕᖅᑎᐅᖃᑎᒃᑲ ᑲᓇᑕᓕᒫᒥ ᐅᖃᖃᑎᒌᒋᐊᖅᑐᖅᓱᑕ ᑲᓇᑕ-ᒥᐊᓕᒐᐃ ᓄᓇᖓᓐᓂ ᐱᓕᕆᖃᑎᒌᖃᑦᑕᕐᓂᖏᑦ, ᑮᓇᐅᔭᓕᐅᕈᓐᓇᓂᕐᒧᑦ ᐱᕈᖅᐸᓪᓕᐊᑎᑦᓯᓂᖅ ᐱᓗᐊᙳᐊᖅᑐᓂᓪᓗ ᒪᓕᒐᓕᕆᓂᕐᒧᑦ ᐃᓄᓕᕆᓂᕐᒧᓪᓗ ᐃᓱᒫᓘᑕᐅᔪᓂᒃ ᑲᓇᑕᒥ. ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᑦ ᐃᓚᒋᔭᐅᕕᐅᔪᖅ ᐊᑕᖏᖅᑐᒋᑦ 13 ᑲᓇᑕᒥ ᓯᕗᓕᖅᑎᖏᓐᓄᑦ. ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᑦ ᐱᓕᕆᖃᑎᒌᑉᐸᑦᑐᑦ, ᖃᓂᒌᓕᖅᐹᓪᓕᕐᓂᕐᒥᓪᓗ ᐋᖅᑭᑦᓱᐃᓪᓗᑎᒃ, ᐊᑑᑎᖃᑦᓯᐊᖅᑐᓂᒃ ᐱᓕᕆᖃᑎᒌᑦᑎᐅᓂᕐᒥᒃ ᒐᕙᒪᐅᔪᑦ ᓴᖅᑭᔮᖅᑎᑦᓯᓪᓗᑎᓪᓗ ᓯᕗᓕᖅᑎᐅᒍᑎᖃᕐᓂᕐᒥᓂᒃ ᐱᒻᒪᕆᐅᔪᓄᑦ ᐃᓱᒫᓘᑕᐅᔪᓄᑦ ᑲᓇᑕᒥᐅᑕᕐᓄᑦ. ᑲᑎᒪᓂᐅᕙᑦᑐᑦ ᐱᒻᒪᕆᐅᓪᓗᑎᒃ ᐱᕕᖃᕐᕕᐅᒍᓐᓇᖅᑐᑦ ᓯᕗᓕᖅᑎᓄᑦ ᑲᓇᑕᓕᒫᒥ ᑕᐅᖅᓰᖃᑎᒌᒍᓐᓇᕐᓗᑎᒃ ᐃᓱᒪᒋᔭᒥᓐᓂᒃ ᐱᓕᕆᖃᑎᒌᓪᓗᑎᓪᓗ. ᑕᕝᕙᓂ... ᐅᖃᓕᒫᒃᑲᓐᓂᕆᑦ.
ᔫᓂ 23, 2017
“ᐊᖏᒡᓕᒋᐊᕈᒪᕙᕋ ᐃᒃᐱᒍᓱᖕᓂᕋ ᓄᒫᓱᖕᓂᕐᒧᑦ ᐱᓇᓱᐊᕈᓯᐅᓚᐅᖅᑐᒥ ᐅᓕᕕᒡᔪᐊᕐᓂᖅᑕᖃᓚᐅᖅᑎᓪᓗᒍ ᓅᒑᑦᓯᐊᖅ ᖃᓂᒋᔮᓂ, ᑲᓛᖦᖡᑦ. ᓂᕆᐅᒋᔭᖃᐃᓐᓇᖅᐳᖓ ᑕᒪᓐᓇ ᓱᕋᒃᑎᖅᑕᐅᓂᖅ ᐊᕕᒃᑐᖅᓯᒪᔪᓄᑦ ᒥᑭᔾᔫᒥᒐᓗᐊᕐᒪᖔᑦ. ᐃᓱᒪᕗᑦ ᑐᒃᓯᐊᕐᓂᕗᓪᓗ ᑐᕌᒐᕗᑦ ᐃᓄᖕᓄᑦ ᑲᓛᖦᖠᓃᑦᑐᓄᑦ.  ᐃᑲᔪᕐᓃᑦ ᖃᓄᐃᑦᑐᓐᓃᕐᓂᕐᒧᑦ, ᓄᓇᕗᑦ ᒐᕙᒪᖓᑦ (GN) ᑭᒡᒍᑎᖃᖅᐳᖅ $25,000−ᒥᒃ ᑐᓐᓂᖅᑯᑎᖃᕐᓂᕐᒥᒃ  ᑲᓛᖦᖡᑦ Red Cross−ᒃᑯᓐᓄᑦ ᐃᑲᔪᕈᒪᒧᑦ ᐊᒃᑐᖅᑕᐅᓪᓚᕆᖕᓂᖅᓴᑦ.   ᐃᓄᐃᑦ ᐃᓕᖅᑯᓯᖏᑦ ᐃᓚᒌᑦᑎᐊᕐᓂᕐᒧᑦ ᐃᓕᓴᐃᕙᒃᐳᖅ ᐃᑲᔪᖅᓱᐃᓂᕐᒥᒃ ᖃᑕᙳᑎᑦᑎᓐᓂᒃ ᓄᓇᓕᖕᓄᓪᓗ. ᓄᓇᕗᑦ ᒐᕙᒪᖓᑦ ᐊᓕᐊᓇᐃᒍᓱᒃᐳᑦ ᐃᑲᔪᕈᓐᓇᕐᓂᖏᓐᓂᒃ ᖁᑦᑎᖕᓂᖅᓴᒦᑦᑐᓂᒃ ᐅᑭᐅᖅᑕᖅᑐᒥ ᓄᓇᓕᖕᓂ, ᐋᓐᐊᓯᐅᖅᑎᖃᕆᐊᖃᖅᐸᑕᓗ ᐃᑲᔪᕐᓗᒋᑦ ᐊᒃᑐᖅᑕᐅᓗᐊᖅᑐᑦ. ᓄᓇᕗᑦ ᐊᒻᒪ ᑲᓛᖦᖡᑦ ᑲᑐᔾᔨᕙᒃᐳᑦ ᐅᓄᖅᑐᓂᒃ ᐱᒻᒪᕆᖕᓂᑦ ᐊᒃᑐᐊᖃᑦᑕᐅᑎᔪᓂᑦ, ᐃᓚᒋᔭᐅᓪᓗᑎᒃ ᐊᒃᑐᐊᓂᕆᔭᐅᔪᑦ ᐱᖅᑯᓯᓕᕆᓂᕐᒧᑦ, ᐅᖃᐅᓯᓕᕆᓂᕐᒧᑦ, ᖃᑕᙳᑎᒌᖕᓃᑦ ᐊᒻᒪ ᐱᖃᓐᓇᕆᔭᖃᕐᓂᖅ. ᓄᓇᕗᒻᒥᐅᑦ ᓇᖏᖃᑎᖃᖅᐳᑦ... ᐅᖃᓕᒫᒃᑲᓐᓂᕆᑦ.
ᔫᓂ 8, 2017
ᐅᖃᖅᑎᑦᑎᔩ, ᒥᓂᔅᑕᐅᓪᓗᖓ ᒐᕙᒪᓕᕆᔨᒃᑯᓐᓄᑦ, ᐅᓪᓗᒥ ᓇᖏᖅᓯᔪᖓ ᓇᓗᓇᐃᖅᓯᒍᒪᓪᓗᖓ ᒪᓕᒐᓕᐅᖅᑎᐅᖃᑎᓐᓄᑦ ᓄᑖᒥᒃ ᐊᑕᖏᖅᑐᒥᒃ ᐊᑐᐊᒐᓕᕆᓂᕐᒧᑦ ᐃᓕᓐᓂᐊᕈᑎᒥᒃ ᓄᓇᕗᑦ ᒐᕙᒪᒃᑯᖏᓐᓂ ᐃᖅᑲᓇᐃᔭᖅᑎᖏᓐᓄᑦ. ᓄᓇᕗᑦ ᒐᕙᒪᒃᑯᖏᓐᓂ ᐊᑐᐊᒐᓕᐅᖅᑏᑦ ᖃᐅᔨᒪᓂᖃᕆᐊᖃᕐᖓᑕ, ᐱᔪᓐᓇᕐᓂᖃᕐᓗᑎᒃ ᐃᓕᖅᑯᓯᖅᑎᒍᓪᓗ ᐱᔪᓐᓇᕐᓂᖃᕐᓗᑎᒃ ᐋᖅᑭᑦᓱᐃᒍᓐᓇᓂᕐᒧᑦ ᐱᖁᔭᕐᓂᒃ, ᐊᑐᐊᒐᕐᓂᒃ, ᐱᓕᕆᐊᓂᓪᓗ ᑐᕌᖓᔪᓂᒃ ᐊᔾᔨᐅᙱᑦᑐᓄᑦ ᓴᖅᑭᐅᒪᔪᓄᑦ ᐱᔭᕆᐊᓕᖏᓐᓄᓪᓗ ᓄᓇᕗᒻᒥᐅᑦ. ᐊᑐᐊᒐᓕᐅᖅᑏᑦ ᐱᔪᓐᓇᖅᑎᑦᓯᒋᐊᖃᕐᒥᔪᑦ ᖃᓄᐃᙱᑦᓯᐊᖅᑐᓂᒃ, ᐃᓕᖅᑯᓯᑦᑎᓐᓄᑦ ᑐᕌᖓᔪᓂᒃ ᐃᖅᑲᓇᐃᔭᕐᕕᓐᓂᒃ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ. ᐱᕙᓪᓕᐊᑎᑦᓯᒋᐊᖃᖅᑐᒍᑦ ᐃᓄᓐᓂᒃ ᐊᑐᐊᒐᓕᐅᖅᑎᐅᖁᓪᓗᒋᑦ ᑲᑎᖅᓱᖅᑕᐅᓯᒪᓗᑎᒃ ᐱᓕᒻᒪᑦᓴᔭᐅᓂᖅ ᐃᖅᑲᓇᐃᔮᖏᓐᓄᓪᓗ ᐃᓕᓐᓂᐊᕈᑎᓂᒃ. ᐅᖃᖅᑎᑦᑎᔩ, ᑖᓐᓇ ᐊᑐᐊᒐᓕᐅᕐᓂᕐᒧᑦ ᐃᓕᓐᓂᐊᕈᑎ ᐊᑐᐃᓐᓇᐅᑎᑦᓯᓂᐊᖅᑐᖅ ᐊᒡᒍᑐᖅᓯᒪᔪᓂᒃ, ᐃᓕᓐᓂᐊᕐᕕᓐᓃᓪᓗᑎᒃ ᐃᓕᓐᓂᐊᕈᑎᒥᒃ ᐱᖓᓲᓕᖓᔪᓂᒃ: ᐊᑐᐊᒐᓕᕆᓂᕐᒧᑦ ᑐᙵᕕᖏᑦ - ᐃᓄᓐᓄᑦ ᐃᖅᑲᓇᐃᔭᖅᑎᓄᑦ... ᐅᖃᓕᒫᒃᑲᓐᓂᕆᑦ.
ᔫᓂ 8, 2017
ᐅᖃᖅᑎᑦᑎᔩ, ᒥᓂᔅᑕᐅᓪᓗᖓ ᒐᕙᒪᓕᕆᔨᒃᑯᓐᓄᑦ, ᖁᕕᐊᓱᒻᒪᕆᑦᑐᖓ ᐅᓪᓗᒥ ᓇᖏᖅᓯᒍᓐᓇᕋᒪ ᓇᓗᓇᐃᖅᓯᓗᖓ ᓄᑖᒥᒃ ᐃᓕᓐᓂᐊᖅᑐᓕᕆᓂᕐᒧᑦ ᑮᓇᐅᔭᖃᖅᑎᑦᓯᖃᑦᑕᓂᕐᒧᑦ ᐱᓕᕆᐊᒥᒃ.   ᐊᒫᖅᑖᕐᓂᖅ ᐃᓕᓐᓂᐊᖅᑐᓕᕆᓂᕐᒧᑦ ᐱᓕᕆᐊᖅ ᑮᓇᐅᔭᖃᖅᑎᑦᓯᒍᑕᐅᖃᑦᑕᓂᐊᖅᑐᖅ ᐊᑯᓂᐅᔪᒧᑦ, ᓯᓚᑦᑐᓴᕐᕕᓐᓂ ᐃᓕᓐᓂᐊᕆᐊᖅᑐᓄᑦ ᓄᖅᑲᖓᑲᐃᓐᓇᕈᓐᓇᖁᓪᓗᒋᑦ ᓄᓇᕗᑦ ᒐᕙᒪᒃᑯᖏᓐᓂ ᐃᓄᐃᑦ ᐃᖅᑲᓇᐃᔭᖅᑎᖏᑦ. “ᐊᒫᖅᑖᕐᓂᖅ” ᑐᑭᓕᒃ ᐱᕈᖅᓯᐊᑦ ᐊᒫᖅᑖᖅᐸᓪᓕᐊᓂᖏᓐᓂᒃ.   ᐅᖃᖅᑎᑦᑎᔩ, ᑐᕌᒐᖃᖅᑐᖅ ᑖᓐᓇ ᓄᑖᖅ ᐃᓕᓐᓂᐊᖅᑐᓕᕆᓂᕐᒧᑦ ᑮᓇᐅᔭᖃᖅᑎᑦᓯᖃᑦᑕᓂᕐᒧᑦ ᐱᓕᕆᐊᖅ ᐲᔭᖅᑕᐅᖁᓪᓗᒋᑦ ᐊᕝᕕᐊᕈᑎᐅᕙᑦᑐᑦ ᓯᓚᑦᑐᓴᕐᕕᓐᓄᑦ ᐃᓕᓐᓂᐊᕆᐊᕈᓐᓇᕐᓂᖏᓐᓂᒃ ᐱᔪᓐᓇᖃᑕᐅᔪᑦ ᐃᓄᐃᑦ ᐃᖅᑲᓇᐃᔭᖅᑎᖏᑦ ᐃᑲᔪᕈᑕᐅᓗᓂᓗ ᓄᓇᕗᑦ ᒐᕙᒪᒃᑯᖏᓐᓄᑦ ᐃᓐᓄᑦᓯᕙᓪᓕᐊᒍᓐᓇᖁᓪᓗᒋᑦ ᖃᐅᔨᒪᔨᑕᕐᓂᒃ ᐊᔾᔨᐅᙱᑦᑐᓂᓪᓗ ᐃᖅᑲᓇᐃᔮᓄᑦ.   ᐃᓕᓯᓂᐊᖅᑐᒍᑦ ᐊᒫᖅᑖᕐᓂᖅ ᐃᓕᓐᓂᐊᖅᑐᓕᕆᓂᕐᒧᑦ ᐱᓕᕆᐊᒧᑦ ᑲᑎᒪᔨᕋᓛᓂᒃ ᕿᒥᕐᕈᖃᑦᑕᕐᓂᐊᖅᑐᓂᒃ ᑐᑦᓯᕋᐅᑎᓂᒃ ᐊᕐᕌᒍᑕᒫᑦ ᓯᕗᓪᓕᐅᔾᔭᐅᖃᑦᑕᕐᓂᐊᖅᑐᑎᓪᓗ... ᐅᖃᓕᒫᒃᑲᓐᓂᕆᑦ.
ᔫᓂ 7, 2017
ᐅᖃᖅᑎᑦᑎᔩ, ᓄᓇᕗᑦ ᒐᕙᒪᒃᑯᖏᑦ ᑲᔪᖏᖅᓴᐃᕙᑦᑐᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᖏᓐᓂᒃ ᐃᓕᑉᐸᓪᓕᐊᖏᓐᓇᖃᑦᑕᖁᓪᓗᒋᑦ ᐱᔪᓐᓇᕐᓂᖅᑖᖅᐸᓪᓕᐊᖏᓐᓇᖁᓪᓗᒋᓪᓗ ᐃᖅᑲᓇᐃᔮᖏᓐᓄᑦ ᐅᕝᕙᓘᓐᓃᑦ ᐃᖅᑲᓇᐃᔮᕇᓐᓇᕆᕈᒪᓂᐊᖅᑕᖏᓐᓄᑦ ᐱᓕᒻᒪᑦᓴᖃᑦᑕᖁᓪᓗᒋᑦ.   ᐱᓕᕆᕕᑦᑎᓐᓂ ᐊᐅᓚᑦᓯᕙᑦᑐᑦ ᐊᔾᔨᒌᙱᑦᑐᓂᒃ ᑮᑕᑲᐃᓐᓈᖅᓗᓂᒃ ᐃᓕᓐᓂᐊᕈᑎᑦᓴᓂᒃ ᐊᔾᔨᒌᙱᑦᑐᓂ ᓄᓇᓕᓐᓂ ᐊᕐᕌᒎᑉ ᐃᓗᐊᓂ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐊᑐᐃᓐᓇᖃᖁᓪᓗᒋᑦ ᐃᖅᑲᓇᐃᔮᒥᓐᓄᑦ ᐃᓕᓐᓂᐊᕈᒋᒍᓐᓇᖅᑕᖏᓐᓂᒃ ᐊᖏᕐᕋᖏᓐᓄᑦ ᖃᓂᑦᓴᓂᖅᓴᐅᓗᑎᒃ. ᑭᓯᐊᓂᓕ, ᐃᓛᓐᓂᒃᑯᑦ ᐃᖅᑲᓇᐃᔭᖅᑏᑦ ᐊᐅᓪᓚᖃᑦᑕᕆᐊᖃᕐᖓᑕ ᓄᓇᒥᓐᓂᒃ ᐃᖅᑲᓇᐃᔮᒥᓐᓄᑦ ᑐᕌᖓᔪᓂᒃ ᐱᓕᒻᒪᑦᓴᒋᐊᖅᑐᕐᓗᑎᒃ ᖃᐅᔨᒪᓪᓗᑕᓗ ᐊᑭᑐᔪᒻᒪᕆᐅᓂᖓᓂᒃ ᐊᐅᓪᓚᕆᐊᖃᕐᓂᕐᒧᑦ ᐊᑭᓕᖅᓱᕆᐊᓖᑦ ᓄᓇᕗᒻᒥ.   ᐅᖃᖅᑎᑦᑎᔩ, ᑕᕝᕙᓂ ᐊᕐᕌᒍᒥ ᒐᕙᒪᒃᑯᑦ ᐱᓕᕆᕕᖏᑦ ᑎᒥᖁᑎᖏᓪᓗ ᑐᑦᓯᕋᖃᑦᑕᕈᓐᓇᕐᓂᐊᓕᖅᑐᑦ ᒐᕙᒪᓕᕆᔨᒃᑯᓐᓂᒃ ᐱᓕᒻᒪᑦᓴᒋᐊᖅᑐᓂᕐᒧᑦ ᐊᐅᓪᓚᖃᑦᑕᓂᕐᒧᑦ ᑮᓇᐅᔭᓂᒃ ᐃᓄᓐᓄᑦ ᐃᖅᑲᓇᐃᔭᖅᑎᖏᓐᓄᑦ ᐊᐅᓪᓚᕆᐊᖃᖅᑎᓪᓗᒋᑦ ᓄᓇᖏᑕ ᓯᓚᑖᓄᑦ... ᐅᖃᓕᒫᒃᑲᓐᓂᕆᑦ.