QALAGYUARNIQ-19 Ublumimut Kangiqhidjut - Ubluqtuhivia 20, 2022

Hivuliqtip ublumimut tuhaqtipkaidjutaa:

Ullakkut,

Ublaangutilluni Nunavunmi piqaliqtuq 175 aanniarutiqaqtunik QALAGYUARNIQ-19 mik. 

Piqaqtugut aanniarutiqaqtunik 19 ni nunallaani – unniqtauyut nampait ukuat:

  • 35 Arviani,
  • 35 Qamanittuarmi, 
  • 16 Iqaluktuuttiarmi,
  • Atauhiq Igluligaaryungmi,
  • Hitamauliqtun Salliqmi,
  • Piqangittuq Igloolikmi,
  • 16 Iqalungni,
  • Atauhiq Uqhuqtuurmi,
  • 14 Kinngaitmi,
  • Piqangittuq Kugaarukmi,
  • 12 Naujaatmi, 
  • Piqangittuq Pangnirtuurmi,
  • Piqangittuq Mittimatalingmi,
  • Atauhirmik Qikiqtarjuami,
  • 17 Kangiqlinirmi,
  • Hitamauliqtun Sanirajakmi.
  • 11 Sanikiluarmi,
  • Tallimanik Taloyoakmi, uvanilu
  • Pingahuyut Tikirarjuarmi. 

Ublumi 50-nguyut nakuuhiyut ublumi. 428 nguyut atauttimun nakuuhiyunik uvani hiamitirnianit.

Ublumi, uqaqtuguq kingulirmi ikayuutiqhamik ilaudjutigiplugu Nunavut Kavamanga QALAGYUARNIQ-19 Kiunirmun Upalungaikhimayuq.  Manikhaliqaliqtugut $625,000 taalakhaqtun aituqtauyukharnik tamangnun Nunavunmi Anguniaqtuliqijitkut Havagvianun. Tamangnik Anguniaqtuliqijitkut tuniyauniaqtun $25,000 taalakharniaqtun. Ukuat maniktaqvikhangit ikayuutiginiaqtun anguniayuktunun tuniyaangat inuuhirikharnik nunami niqikharnik talvuuna aulatiluni Qalagjuarniq-19 aanniarutiryuaq. Una manikhaq atuqtauniaqtun aulatitiyaangat akikhaniklu anguniayuktunun. Naunairutikharnik, hivayaqlugu Havagviat Avatiliqijitkut. Titiragiaqaqtutin qaritaujakkut titirarvikhat uumunga jaliqatuqtuq@gov.nu.ca hivajarluguluuniit uvani nampamun 867-975-7781.

Quyannamiik Minista Akeeagok havaariyamut.

Minista hamaniittuq kiuyaami apikkuutinut ihumagiyauplugu una ikayuutiqhaq.

Itqaumaquyunga Nunavunmiunun aulalutik malikhautikharnik pihimayaangat nunalaaptingni qayangnairutikahrnik, tapkuat kihimi ihumagilugit nutaqqat utirniaqtun iliharvingminun imaninguqan.

Pidjutihimmaangginnakluhi imaa:

  • Aihimalutit pittaaguvin.
  • Inuqaryuanggilluhi.
  • Kapuqhiqlutit.
    • Kapuqhiqluhilu ikayuutigiyauyuqhaq hivulliinnut kapuutainnut.
  • Atuqlutin ivyarunmik.
  • Hivayaqlugit QALAGYUARNIQ hivayautaannut avaliin’ngaaqlutin mihingnautiqaliguvit.

Pittiaqlutin – tamapta atauttiuyugun uvani.

Qujannamiik.

 

Minista Munaqhiliqiiyitkunni Ublumimut Tuhaqtitaqhaa:

Ublaakkut.

Uqallagumayunga qanuq akhurutigiyauliqtuq kapukhirnik nutqaqtitiyaangat tamna Qalagjuarnirmin-19.

Hadjaminun, tuhaavakhimayuhi ayuittiagiikhimayunin - talvanga Taakti Pattersonmin, allaniklu pittiarutiqaqhimayunik munarhinin ayuittiagiikhimayunik - pitquqhimaaqulugit inungnik kapukhiquplugit talvanga Qalagjuarniq-19min. Apigilutin ilingnun - qaffiiktuqhutin tuhaavaktan una tuhaadjutikhaq: ‘Kapuqhiqlutit’. Apigilutinlu ilingnun: huuq ayuittiagiikhimayut uqaqhimaanginaliqtaat una?

Iliqatigiihimaaqtangit unalu tuhaqtauyukhaq, uqaqhimaanginaqtangitlu una tuhaadjutikharnik itqumangman. Kihiani Omicron nuutaanguq anniarut, hiamitiqtaaqtuq, uqaqtangit akhurutigiyauyuq tuhaadjutikhaq. Ukuat naunaitkutigiyauyut. Tamna Qalagjuarniq-19 kapuutit aulahimayut ihuarutikharnik tapkuninga akuvruangit aingit qulvaqtiqhimaaqtangit kapukhigiangani. Kapuutit aulahimaaqtuq ilagiyaptingnun, ilannarnunlu, havaqatigiyaptingnunlu qayangnairutikharnik.

Kihiani uqaqtauhimaanginaqtuq tuhaadjutikhaq, ihumayunga taima amigaitun Nunavunmiutat kapukhiqtaungitun, unaluuniit tamaat tamangnik kapukhiqtaungitun. Ublumi, uqaffaagumayunga ilagiiktunun ilannarnunlu tapkuninga inungnun. Ilihimaguvit kina inuk kapukhiqtauyukhaq - akhuqtunga, uqarvigilugit, nallaklugitlu ihumagiyaingit. Ikayurlugit piyaangat ayungnairutikharnik naunaitkutingnik talvuuna kapukhirnikkut. Ikayurlugit takujaujaarni kapukhigianganik. Ilihimayunga uqaqtavut ihumagiyaptingni talvuuna kapukhirnikkut akhurutigiyauyuq, ayungnautiqarniaqturlu ilaani, kihimi nutqagiaqangitutin akhurutigilugu kapukhirniq.

Kingulirmilu, Quyagiumayatka Miyaat Katimayiingitlu ilauyut Hamilaatmi Arvianmi, Haamlangat Kangiqliniqmi, Nunalipaujaq Iqalungni tamaita aulatitiliqtun kapukhiqtauyukharnik atuquyauyaangat upautiyaangat iglungnun allanun humiliqaak. Hivuliqtit ikayukhimaaqtun katitiqtun munagidjutikharnik Nunavunmiunun talvanga Qalagyuarniq-19min. Matna atuqhimaaquyut amigaitunun Nunavunmi nunaqaqtunun piyaangat Qalagyuarnirmi - 19mi kapukhiqtauyukhanik.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut.

Tuhaqtitauhimayuq ipakhaaninuaq, atauhiq Nunavunmiutaq huiqhimayuq talvanga Qalagjuarniq-19min aanniarutmin Hivullirmi unnuami. Hadja uqallagumayunga ilitugipkaiyumaplunga nagliguhuutikharnik ilagiitunun piqpagiyainik huiqhimayuq. Una inuk tamaat kapukhiqhimaituq ukiuqaqhimayurlu 70nik avatquhimayait.

Talvuuna kingulirmi havainirmi, piqaliqtuq amigairyuliqhuni aannairutiqaliqtunik inungnik talvanga Qamani’tuarmi. Talvanga, iliharviit, Qamani’tuarmi nampangit ilihagiaqaqtun angmarniagumik imaninguqan. Hivumuurniq aulahimaarniaqtugut ihivriurlugit tamangnik nunalaangit havainirmi tamaat qakugulu ihuagumi katitirutikharnik talvani iliharvingmi ikiknaarniaqtun, taima atauhirmik - malrungnik havainirnik. Hivunikhangit pimayaangat ayungnautingnik hiamitirutmik aadjikiikhimaniaqtakhagiyaqqut qullirutikhanga, ikinaarnahuarluguluuniit, talvanga ayungnautigiyaqqut hiamitirunmin allanun hulilukaarutiyunik nunalaaptingni.

Atauhiq nutaqiqqivik Iqalungni umikhimayuq Qalagjuarniq-19min piqagaluarman talvani nayugaani. Ihivriungniqhatigut naunaiyaqaqtittilutik kitkut iqatigiyauvaktut malikhautiliqtun.

 

 

Ilautigingmagu Nunavut Kavamanga (GN) aqhuuqhainia aanniaqtaililiplugit QALAGYUARNIRMIT-19, GN kut Havagviit atuliqtiliqtut hapkuninga:

Munaqhiliqiiyitkut

Tamainnik ublumimut naunaiyautiqhanik ikayuutiqhaniklu QALAGYUARNITIGUT-19 Nunavunmi, hamunggaulutin:
https://www.gov.nu.ca/health/information/covid-19-novel-coronavirus

Nutaatqianik naunaiyautiqhanik hadjamin inungnut anniaqtailinirmun maliqqayaqhautigun, hamunggaulutin: 
https://www.gov.nu.ca/health/information/nunavuts-path

Naunaigumaguvit pinahuaqtunut kapuqhiriami hamunggaulutin:
https://gov.nu.ca/health/information/covid-19-vaccination

 

QALAGYUARNITIGUT-19 aanniaqtunik qanurinmanggaat: Ubluqtuhivia 20, 2022

Atauttimun ihivriuqtaujut Attautimut naunaiqtauhimajut aannialaqihimajun Attautimut aannialaqihimajun Atauttimut nakuuhijut aanniaruiqtun Tuqujut Qaffiujun inuit kapuqtauhimajun atauhiinnarmik kapurutimik Nunavunmi Qaffiujun inuit kapuqtauhimajun malruungnik kapurutinik Nunavunmi
27,614 1,277 175 1,097 5 31,623 25,197

QALAGYUARNIQ-19 nunallaami aanniaqtut qaffiutilaanggit: Jaanuiali 20, 2022

Nunallaaq

Qalagyuarniq COVID-19 qanuriniit

Ubluit Inuit aanniarutiqaqtut ipaghaq (ATAUTIMUN) Inuit aanniarutiqaqtut ipaghaq (ATAUTIMUN) Aalangunirit ipaghamin (aanniaqtut) Atautimun Naamakhiyut Aalangunirit ipakhamin (aanniarutaiqhimaliktun) Atauttimut Aulajut Aanniaqtut
Naujaat Aulahimaaqtut Talvanga 1/15/2022 12 12 0 0 0 12
Kugaaruk Aulahimaaqtut Talvanga 1/14/2022 2 2 0 2 2 0
Uqhuqtuuq Aulahimaaqtut Talvanga 1/14/2022 2 2 0 1 1 1
Taloyoak Aulahimaaqtut Talvanga 1/11/2022 5 5 0 0 0 5
Salliq

Aulahimaaqtut

Talvanga 1/9/2022 14 15 1 11 10 4
Tikirarjuaq Aulahimaaqtut Talvanga 1/7/2022 12 13 1 9 0 3
Sanikiluaq Aulahimaaqtut Talvanga 1/4/2022 14 17 3 6 4 11
Kinngait Aulahimaaqtut Talvanga 1/2/2022 47 48 1 34 7 14
Mittimatalik Aulahimaaqtut Talvanga 1/1/2022 1 1 0 1 1 0
Igluligaarjuk Aulahimaaqtut Talvanga 1/1/2022 6 6 0 5 0 1
Iqaluktuuttiaq Aulahimaaqtut Talvanga 12/30/2021 43 51 8 35 3 16
Igloolik Aulahimaaqtut

Talvanga 12/29/2021

18 18 0 18 0 0
Qamanittuaq Aulahimaaqtut Talvanga 12/29/2021 40 45 5 10 9 35

Arviat

Aulahimaaqtut Talvanga 12/29/2021 115 119 4 84 2 35
Sanirajak Aulahimaaqtut

Talvanga 12/29/2021

20 21 1 17 0 4
Qikiqtarjuaq Aulahimaaqtut

Talvanga 12/28/2021

7 8 1 7 0 1
Kangiqliniq Aulahimaaqtut

Talvanga 12/23/2021

76 79 3 62 6 17
Pangnirtung Aulahimaaqtut

Talvanga 12/23/2021

26 26 0 26 0 0
Iqaluit Aulahimaaqtut Talvanga 11/04/2021 109 116 7 100 5 16
Atauttimun      569 604 35 428 50 175

*Ilihimalugu:   Hapkua nampait aadlangguqattainnaktut. Havaaqhat havaktiattauvaktut pihimayaami naunaiyaut ublumit naunaiyautigiqattariami iniqhimayumiklu, kihimi pidjutinggittungnaqhiyuq tamainnik inungnik ihivriuqtauhimayunikluunniit.

**Naunaiqtauhimayut aanniaqtun ilaliutilgit tikiutigiplugit kanatami aanniaqtut kangiqhidjutainni.

***Kinguvaktitauniarunaqhiyut unniudjutikkut hulidjutigiyauyuni kititiqhimayutlu aanniaqtunik pihimayut Aussaimi Kanatami.  12 aannialaqihimayun ilituriyauyut hilataani nunaptiknin ilaliutiyauhimayun Nunavunmun. Ukuallu ilauyut pingahut (3) tuquhimajut. Tamaitaungittun Nunavunmiutat pilgit QALAGYUARNIQ-19 mik ilitturiyauyun ahiniitillutik ilaliutiyauhimayuniaqtut Nunavunmun.

Qalagjuarniq COVID-19 Kapurhinikkut qanurinnia: Jaanuiali 17, 2022

Naunaiyautit/Kiqliqhatlu:

Una kangiqhidjut takupkaqtittiyuq nampainnik kapuqhiqtunik nunallaami talvanga Januiali 17, 2022. Pusatnga kapuutaanik munaqhiyut imaatun ittuq kapuut munaqtauyuq aviktuqhimayut Nunavutim inuqarniatigut nalautihimadjutaa 18 nik ukiuqaqtunut an’ngayuqhitqianutlu.

Nunavutim atauttimun kapuqhiqtunik ihuaqpiaqtut naittumi naunaiyautini. Nunallaatigut naunaiyautait ihivriuqtauyut imaa piyaami ihuaqpiaqtumik hulidjutigiyauyuni. Nunallaami atauttimuntigut ihuaqhaqtauyuqhat ihuaqtauviqhaqagumik.  Pidjutiniagungnaqhiyuq mikiyumik ihuaqhaqtauyuqhanik pusantigut nunallaatigut.

Kapuutit hulidjutigiyauvaktut nunallaamun humi munaqtauhimadjutiniani.

Atauttimun kapurhiqhimayut taapkunanut nunaqaqtunut nunaqanggittunutlu, taapkunanutlu himmauhiqattaqtut havaktiit.

Kaffini nunallaani takudjutivaktut inungnik kapuqhiqtunik malruungni nunallaani, nunallaaniluunniit nunagiyaunggittainni.

Inuklu kapuqhiqhigungnaqhiyuq kapputaanik 1 imaalu/imaluunniit kapputaanik 2 avataanit nunagiyamingnik.

Una pidjutiqanggittut inungnut kapuqhiqhimayungnaqhiyunut ilainnaknik tamainnikluunniit avataani ukiuqtaqtup avikturviannit.

An’ngiyuq pusanga atauhirmi nunallami aadjikkiigutiginggita amigaittumut hunggiutivaktunik aanniarunmut. Piqangituq piliuqhimayumik naunaiqhimayumikluunniit pusanmik amigaittumut hunggiutivaktunik aanniarunmut QALAGYUARNIQ COVID-19 mut. Hunaungmangaata amigaittut hunggiutivaktunik aanniarunmut tikiutilimaittungnaqhiyuq hadjamin kapuutainnut anggirunnik (imaakaffuk piqanggittut kapuutimik nutaqqanut nukaqhiuyunut tualumit).

Pittaarvia:

Statistics Canada, Demography Division, Special tabulations. Upalun’ngaiyaqtaat hapkua: Nunavut Havagvia Kititirinirmun, Ubluqtuhinia 27, 2021.

Kapuutit amigaitilangit pihimajut uvanga Havagviata Aanniaqtailinirmut Meditech atuqtakhanit.

Pittaaqtut inirniqhaat nunallaami naunaiyautigiyauyut nampait inungnik 18 nit an’ngayuqhiutqiatlu maliqhugu 2020 inuqarniat nalautihimayut.

Nunallaap inuqarnia nalautihimayut “naammagiyauttianggittut” iniktauhimangmata ilainni inuqarniatigut amigaingniatigut (inuuyut, huiqtut, nuuttutlu). Atuqtauyuqhat qayagilugit.

 

Avaliingaaqtut amigaitilaangit: 

Aullaaqtun Qanurittun Inuit Avaliingaaqtitauyun talvannga Ubluqtuhirvia-19mi
Daaktiliaqtut 6
Inuit  2
EMTI 4
Havaktut 0
Atautimun 8

Aullarhimajun utiqtun naunaijautaa:

Aullarvikhaa Ublua # Amigaitilaangit Aullaaqtun Avaliingaarvingnit Avaliingaaqtut
20-Ubluqtuhivia, 2022 7
21-Ubluqtuhivia, 2022 2
22-Ubluqtuhivia, 2022 0
23-Ubluqtuhivia, 2022 1
24-Ubluqtuhivia, 2022 2
Total 12

 

 

 

 

Inuliriyitkut

Nutaat piliurningat ilihautiqhat/ kivgaqtuutillu:

Tamaita Ilagiit Inuuhiringnikkut Havagvia takuyaqtuinnariaqaqhimaaqtut 24/7 ikayuktikhailiuruvit Ikayuuhialiqiyit uqarvigigiaqaqtahi tamaini nunalaangitni ubluq tamaat, kihiani Kinngaitmi havagviani umikhimaniarman takuyaqtuqtauyukharnik aulaniaqtunlu amigakhuutiqangitunik ihumagiyauyunik ungahiktumik qaritaujakkutlu. Amiraqhuutigiyauyut Kinngaitmi nunalaani ilaupkaktauyut talvainiinarmi, maliqhugit QALAGYUARNIQ malikkuutainik. 

Aulahimaaqtut kivgaqtuutit:

Kinngaitmi havagviani Pidjutihimmaaqtut kivraqtiit 24/7 piinnariaqaqtut hivayaqlutik nampainnut.   (867) 222-0795      

Ihuaqhaqtauhimayut kivgaqtuutit:

Upautilimaitn takuyauluniklu nutqangakaffuktitauhimayut qilamiurutaungittununlu.

Umikhimajut/Taimaaqtihimajut/Nutqaqtihimajut hulidjutit:

Kinngaitmi havagvik umikhimayuq.

 

 

Ilinniaqtuliqijikkut Havagvia

Nutaat piliurningat ilihautikhanik/ kivgaqtuidjutikhangit:

Uqaudjauyaatigut CPHO nga, sikuuqviit ammaffaangniaqtut ilihaqtunut talvani 100 pusan inuqarniatigut imaaluunniit 50 pusanmik inuqarniatigut, naunaiyautigilugu QALAGYUARNIQ-19 qanurinmangaatigut tamaita nunallaanginni.

Uqaqhimayuq talvanga CPHOmin ublumi, aulaniaqtuq Ubluqtuhinia 24mi:

  • Iliharviit talvani Iqalungni, Kinngaitmi, Arviatmi, Kangiqlinirmi, Iqaluktuutiami, Qamani’tuarmi angmarniaqtun 50 pusanmik kihiani naunaiqtautinanik uqaqtamingni talvanga CPHOmin.
  • Sikuuqviittauq aadlani nunallaani ammangniaqtut 100 pusat inuqarniataatigut.
  • Sikuuqviit uqaqviginiaqtait ilihaqtuinaqtunut ilainnutlu qanurinmanggaatatigut upalunggaiyaamilu ilihagutiqhainnut.
  • Angajuqqaangit ilihimangitun qakugu ilihaqtun utirniaqtun iliharvingminun, hivayaqtakhagiyaini ilihaqtun ilihaiyiingit.

Aulahimaaqtut kivgaqtuutit:

Kiinauyaliqiyit

Tamna FANSnik havagvingit aulaniaqtuq akiliktaudjutikharnik ilihaqtunun tuyurhimayunun Ilihaqtunun Ilauyumayut Uuktuutikhangit (SEF).

Apikkutiqaqtut FANS tigut ikayuutainnik qariyaqvigiinnariaqaqtut hamunga tuyuqlugit fans@gov.nu.ca.

Ilihaqtut apikkuutiqaqtut FANS ngattigun- piinnarialiq aullaqhatigun qaritauyaqvigiinnariaqaqtait hamunga fanstravel@gov.nu.ca naunaiyautiqhanik.

Ilihalihaaqtut Nutaqqat Nutaqqiqiviillu

Nutaqqiqiyiit havagviit angmaffaaqtaaqtut Ubluqtuhinia 17 tamainun nutaqqanun.

Ihuaqhaqtauhimayut kivgaqtuutit:

  • Kiudjutikhangit ikaakningit talvanga FANSnik havagviani kinguvarniaqtun aulaligumi Qalagjuarniq-19nik aanniarutiqaqtunik Arvianmi.

Umiqhimaniaqtun/Nutqaqtitauniaqtun/Taimaaqtitauyut ikayuutiqhat:

K-12 Sikuuqviit

Jaanuiali iniqtirniaqhimayut ihivriudjutiqhanginnut Nunavunmi ilihaqtut nutqaqtitauyut. Ilihaqtut ihuaqhariiqhimayut titirariamingnik iniktirutimingnut Ubluqtuhinia 2022 mi piniaqtut kihiani pilutik piyaqagiingittuqhamik naunaiyautilingmiklu ilihaqtaminuit 100 pusanmik naunaitkutigiyauniaqtut.

Ilihalihaaqtut Nutaqqat Nutaqqiqiviillu

Piqangituq nuutaanik tuhaqtitauyukharnik.

 

 

Nunavunmiutat aanniaqtailidjutait atauttikkut uvagut munariyaqhavut! Itqaumalugu: uaqlugit algatit qaanganilu, pidjutihimmaaqlutinlu un’ngahiqtilaaqhimalutin inungnit, naalaqlugit uqaudjait munaqhiliqiiyini ayuittiaqtut, aihimalutinlu aanniaguvit.