Hivuliqti uqautia uvani QECkunni qaritaujakkut-amiridjutini qajangnarhidjuti

Hivuliqti P.J. Akeeagok ublumi tuhaqtitaa una uqautigijaa:

"Kavamakput ikajuqhimmaaqtaa Qulliq Alrujaqtuqtunik Ikumadjutiit (QEC) kiudjutimingni uumani havangnainnirmi ihuinaaqtukkut qaritaujakkkut-qajangnarhidjutimik. Ministat katimajivullu ilitturipkaqtitauliqtun qanurinninganin hapingittullu hulinirmi havaktauliqtun kuapuriisitkunnin kavamatkunnilu havakviptingnillu.

Nunalingni Kavamatkunillu Pivikhaqautikkut, Maligaliqijikkut, Kiinaujaliqijikkut Kavamaliqijikkullu havaktitiliqtut havaktiniklu ikajuriangini kuapuriisitkut qanuriliurutikhanun, taimaat kuapuriisitkut tunihimmaaqtillugin pauwatuutikhanik taimainnun Nunavunmi nunallaanun.

Hapkuat pimmarlugutit ihuinaarutaujun. Ajuittun qaritaujakkut-amiridjutini maligakkullu uqaudjijiit pihimajaujun RCMPkullu ikajuqtaa QECkunni aulahimmaaqtuq ihivriuqhiniq. Kuapuriisitkut maliktait nakuutqijaujunik havagutinik qajariqpiarhutiklu hapummijaami hiamitiqtaujukhaungittuni nainaitkutainnik QECkunnin niuviqpaktunin.

Qujagijumajatka Nunavunmiutat hivuagun utaqqiuraallagutainnun una qaritaujakkuurutikkut ihuinaaruti ihuarhaqtautillugu. Qujagijavun havakpiarutait havaktiptingni QECkunni ikajuqtavullu havagutait.”