Arviat, Nunavut (Ubluirvia 16, 2025) – Ublumi, Nunavunmi Hivuliqti John Main ukualu Nunavut Tunngavik Inckut. (NTI) A/Angijuqaangujuq Paul Irngaut atiliuqtaa nutaanguqtirutaa haffuma 2022 havaqatigiingnikkut uqariijaut, tutqighaqhugu ihuangninga ihuaqtumik havaqatigiingniq qitqani Kavamatkut Nunavunmi (GN) ukualu NTItkut haffumuuna Nunavunmi Iligiingnikkut Katimajiit.
"Nunavut Kavamanga havakhimaarniaqtun ihuaqtumik havaqatigiiktukharnik aulajukharnik iliqatigiiktukharnik piumaluaqtainik Nunavut Tunngavikkut," uqallaktuq Hivuliqti Main. "Ikajuqhugit inuuhiqattiarutighait Inuit qitqani katitiqhimajut aghuurutit ataani uuma havaqatigiingnirmun. Niriuktugut hivumuuqtilugu una aghuungnaqtuq havaaq."
Aulatitihimaarniq talvuuna Katujjiqatigiinniq Malikhautikharnik, tamna Nunavunmi Iliqatigiiktukharnik Katimajiit havakhimaarniaqtun tamangnik ilaujunik havagianganik havaqatigiiktukharnik talvuuna iliqatigiiktukharnik ihumagijaujunik Inuinarnik Nunavunmiununlu.
"Inuit inuuhiit ihuaqhijuumiqniaqtut havaklutik ihuangnikkut, ihumaliuttiangnikkut kiujuminaqtumiklu havaqatigiingniq kavamatkunun tautuktuumijaaqtaujuq uvani Titiraqhimajumi 32mi haffumani Nunavunmi Nunataarutaanut Angirutaa," uqaqtuq A/Angijuqqaap Irngaut. "Hakugitqijaujugut ihuatqijaujugut havaqatigiigaangapta."
Havaqatigiiktut katimajiit tuhaqtitauvaktut havaqatigiiktunit ihumagiplugit amihut ihumaluutaujut. Angajukhiit hivuliqtiit havaqatigiikpaktut naunaijarnikkut ihuarhaidjutikhanik, tuninikkut hivulliurutikhanik, kiunikkullu ajukhautinik.
GN-kut NTI-kullu hivuagun havaqagiikhimajun talvani Kangiqtugaapikmi Pidjutikhami 1999mi, Iqqanaijaqatigiit 2004mi, Aajiiqatigiinniq 2011mi, uumanilu Katujjiqatigiinniq Pidjutikhami 2020mi pipkainikkut nakuujumik havaqatigiigutinik tamarmingni ilaujuni.
Una Nunavunmi Paannariigutikkut Uqariijarutimi hailihimajuq qaritaujakkuurutikkut uvani www.tunngavik.com.