ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 11, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 11, 2020

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓪᓛᒃᑯᑦ. ᐅᓪᓗᒥ, ᓄᓇᕗᒻᒥ 16−ᓂᑦ ᓄᕙᒃᔪᐊᕐᓇᖅ-19−ᑖᖅᑐᖃᖅᓯᒪᓕᕐᒥᔪᖅ, ᑕᒪᕐᒥᒃ ᐊᕐᕕᐊᕐᒦᖦᖢᑎᒃ.

ᓄᓇᕗᒻᒥ ᒫᓐᓇ ᑲᑎᖦᖢᒋᑦ 56−ᖑᓕᖅᑐᑦ ᓄᕙᒃᔪᐊᕐᓇᖅ-19−ᒧᑦ ᖃᓂᒻᒪᒃᑐᑦ. ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 5339−ᖑᓕᖅᑐᑦ. 648 ᐃᓄᐃᑦ ᒫᓐᓇ ᖃᐅᔨᓴᖅᑕᐅᓯᒪᓕᖅᑐᑦ. 189 ᓄᓇᕗᒻᒥᐅᑦ ᖃᓂᒻᒪᓚᐅᖅᑐᑦ ᖃᓄᐃᑦᑐᓐᓃᖅᑐᑦ.

ᐃᑉᐸᒃᓴᖅ ᑲᑎᒪᓂᖃᖅᑎᓪᓗᑕ ᓯᕗᓕᖅᑏᑦ ᑲᑎᒪᓂᕆᔭᖏᓐᓂᑦ, ᑲᓇᑕᐅᑉ ᐊᖓᔪᖅᑳᕐᔪᐊᖓ ᓄᓇᕗᒻᒥᐅᑦ ᑐᓂᔭᐅᓂᐊᕐᒪᑕᒎᖅ ᓈᒻᒪᑦᑐᓂᑦ ᑖᔅᓱᒥᖓ ᒪᑑᓇ (Moderna) ᐋᓐᓂᐊᓕᕇᒃᑯᑎᒥᒃ 75 ᐳᓴᓐᑎᒥᑦ ᓄᓇᕗᒻᒥᐅᑦ ᐅᑭᐅᓖᑦ 18ᒥᑦ ᐅᖓᑖᓂᓗ ᐊᓐᓂᐊᓕᕇᒃᑯᓯᖅᑕᐅᔪᓐᓇᕐᓂᐊᕐᒪᑕ. ᓂᕆᐅᒍᑎᒋᕙᕋ ᑖᓐᓇ ᑕᖅᑮᖅ ᐱᖓᓱᑦ ᓯᕗᓪᓕᖅᐹᖏᓐᓂᑦ ᐊᑐᖅᑕᓂᐊᕐᒪᑦ ᐅᑭᐅᖅ 2021ᒥᑦ.

ᖃᐅᔨᒪᔭᕗᑦ ᒪᑑᓇ − ᐋᓐᓂᐊᓕᕇᒃᑯᑎ ᑲᐴᑎᒧᑦ ᓄᓇᓕᓐᓂᑦ ᐅᖓᓯᒌᑦᑑᑕᐅᓂᖏᓐᓄᑦ ᐊᑑᑎᖃᕐᓂᐊᕐᒪᑦ − ᑭᓯᐊᓂ ᓱᓕ ᑖᓐᓇ ᐊᖏᖅᑕᐅᓂᖃᕆᐊᖃᕐᒪᑦ. ᒫᓐᓇᐅᓂᖓᓂᒃ, ᐊᒃᓱᕈᕐᓗᑕ ᐱᓕᕆᐊᖃᖅᐸᓪᓕᐊᔪᒍᑦ ᑖᒃᑯᐊ ᐸᕐᓇᐅᑎᒋᔭᐅᔪᑦ ᑲᔪᓯᑎᑕᐅᖁᓪᓗᒋᑦ ᐊᒻᒪᓗ ᖃᓄᐃᓕᖓᓂᐊᕐᒪᖔᑕ ᓇᓗᓇᐃᖅᑕᐅᓂᐊᕐᓗᑎᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᔨᒃᑯᑦ ᑖᒃᑯᐊ ᑲᒪᒋᓂᐊᕐᒪᒍ ᐋᓐᓂᐊᓕᕇᒃᑯᑎᐅᔪᖅ.

ᕿᑲᕐᓇᕐᒧᑦ ᑎᑭᐅᑎᕙᓪᓕᐊᑎᓪᓗᑕ, ᓄᓇᕗᒻᒥᐅᑦ ᑐᑭᓯᓯᒪᑦᑎᐊᖁᒐᒃᑭᑦ ᖃᓄᐃᓕᖓᓂᐊᕐᒪᖔᖅ ᑕᒪᓐᓇ. ᐊᔾᔨᐅᖏᑦᑐᒻᒪᕆᒻᒧᑦ ᖁᕕᐊᓱᓐᓇᐅᑉ ᐅᓪᓗᖏᓐᓄᑦ ᐸᕐᓇᒋᐊᖃᕋᑦᑕ.

ᑕᒪᓐᓇ ᑐᑭᖃᕐᒪᑦ ᑲᑎᙵᖃᑦᑕᕐᓂᐊᖅᑐᑦ ᑭᓪᓕᖃᕐᓂᐊᕐᒪᑕ ᐊᒻᒪᓗ ᓇᓪᓕᐅᓂᖅᓯᐅᕈᑎᖃᕐᓗᑎᑦ ᖁᕕᐊᓲᑎᖃᕐᓂᕐᒧᑦ ᑲᑎᒻᒪᔪᑦ. ᑕᕝᕙᓂ ᐅᑭᐅᕐᒥᑦ, ᖃᕆᓴᐅᔭᒃᑯᑦ ᐊᑐᕐᓗᑕ ᓇᓪᓕᐅᓂᖅᓯᐅᕐᓂᐊᖅᑐᒍᑦ, ᐅᖃᓘᑎᒃᑯᑦ ᐅᕙᓗ ᐅᖓᓯᒌᖃᑦᑕᐅᑎᓗᑕ ᐃᒐᓛᒃᑯᑦ/ᑐᖅᓲᕐᒥᑦ ᐅᒡᓚᕐᕕᒋᓗᒋᑦ.

ᑲᑎᒻᒪᔭᕆᐊᖃᔾᔮᖏᑦᑐᒍᑦ ᑕᕝᕙᓂ ᕿᑲᕐᓇᐅᑎᓪᓗᒍ, ᑭᖑᓪᓕᕐᒥᑦ ᑲᑎᙵᔪᓐᓇᖅᓯᓛᕈᓐᓇᖁᓪᓗᑕ ᖁᕕᐊᓱᕝᕕᐅᒃᑲᓐᓂᓕᖅᐸᑦ.

ᑲᔪᓯᑦᑎᐊᑐᐃᓐᓇᕆᔅᓯ, ᐃᓕᔅᓯ ᐱᓕᕆᐊᔅᓴᕆᔅᓯᓐᓂᒃ ᓱᓕ, ᓄᓇᕗᒻᒥᐅᑦ. ᐱᓗᐊᖅᑐᒥᑦ ᑖᒃᑯᓄᖓ ᐊᕐᕕᐊᕐᒥᐅᓄᑦ, ᐊᑏ, ᐊᑏ ᑕᐃᒪᐃᔾᔮᙱᑦᑐᖔᖃᑦᑕᖅᑕᐃᓕᑕ. ᐃᓄᐃᑦ ᒪᓕᖃᑦᑕᖏᓐᓇᑐᐃᓐᓇᖅᐸᑕ ᑕᒪᒃᑯᓂᖓ ᐊᑐᖅᑕᐅᔭᕆᐊᓕᓐᓂᑦ, ᑕᑯᖃᑦᑕᐃᓐᓇᕐᓂᐊᖅᑐᒍᑦ ᐅᓄᖅᓯᕙᓪᓕᐊᖏᓐᓇᑐᓂᑦ ᖃᓐᓂᒻᒪᑦᑐᓂᑦ. ᐃᕝᕕᑦ ᐱᔭᒃᓴᕆᒐᕕᐅᒃ ᓄᖅᑲᖓᑎᑦᑎᔪᓐᓇᕐᓗᑎᑦ ᓄᕙᒡᔪᐊᕐᓇᖅ-19ᒥᑦ.

ᐱᓇᓱᐊᕈᓯᐅᑉ ᓄᙳᐊᓂᑦ ᖃᓄᐃᙱᑦᑎᐊᕐᓂᐊᖅᐳᓯ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ. ᑕᕝᕙᓂ ᐱᓇᓱᐊᕈᓯᕐᒥᑦ, ᑲᓇᑕᐅᑉ ᒐᕙᒪᒃᑯᖏᑦ ᑐᓴᖅᑎᑦᑎᓚᐅᖅᑐᑦ ᐊᖏᖅᑕᐅᓯᒪᓂᖓᓂᒃ ᕙᐃᓱ (Pfizer's) ᓄᕙᕐᔪᐊᕐᓇᖅ-19 ᐋᓐᓂᐊᓕᕇᒃᑯᑎᐅᔪᒥᑦ. ᐅᖃᓚᐅᓯᓚᐅᕐᒪᑦᑕᐅᖅ, ᑖᓐᓇ ᕙᐃᓱ ᐋᓐᓂᐊᓕᕇᒃᑯᑎᐅᔪᖅ ᑐᖅᑯᖅᑕᐅᓯᒪᑎᓪᓗᒋᑦ ᐊᒻᒪᓗ ᐊᐅᓪᓚᖅᑎᑕᐅᓪᓗᒋᑦ ᐋᓐᓂᐊᓕᕇᒃᑯᑎᐅᔪᑦ ᑕᒪᒃᑯᐊ ᓂᓪᓕᓇᖅᑐᒃᑯᕖᒻᒦᖃᑦᑕᕆᐊᖃᕐᒪᑕ -80ᒥᑦ ᓂᓪᓚᓱᓐᓂᓕᒻᒥᑦ, ᐊᒻᒪᓗ ᑖᒃᑯᐊ ᐊᑦᑕᕐᓇᖅᑑᓂᖏᓐᓄᑦ ᐊᐅᓪᓚᑦᑎᑕᐅᓕᖅᑎᓪᓗᒋᑦ, ᑕᒪᒃᑯᐊ ᐱᔾᔪᑕᐅᓪᓗᑎᑦ ᓄᓇᕗᒻᒧᑦ ᓈᒻᒪᓐᓈᖅᓯᒪᙱᑦᑐᑦ ᐱᔭᐅᓂᐊᕐᓗᓂ.

ᓄᓇᕗᑦ ᐅᑕᖅᑭᔪᖅ ᒫᓐᓇ ᑭᖑᓪᓕᐹᖅᓯᐅᑎᒥᑦ ᐊᖏᖅᑕᐅᓂᔅᓴᖓᓐᓂᒃ ᑖᔅᓱᒪ ᒪᑑᓇ (Moderna) ᐋᓐᓂᐊᓕᕇᒃᑯᑎᒥᑦ. ᐊᖏᖅᑕᐅᓯᒪᓕᖅᑐᐊᑉᐸᑦ, ᑖᓐᓇ ᐋᓐᓂᐊᓕᕇᒃᑯᑎᐅᔪᖅ ᐱᔭᐅᔪᓐᓇᖅᓯᓛᖅᑐᖅ ᐋᓐᓂᐊᓕᕇᒃᑯᓯᖅᑕᓕᕐᓗᑎᑦ. ᓂᕆᐅᓐᓇᖅᑐᖅ ᐅᑭᐅᖅ 2021ᖑᓕᖅᐸᑦ ᐱᖓᓱᑦ ᑕᖅᑭᖏᑕ ᓯᕗᓪᓕᖅᐹᖏᓐᓂᑦ ᐃᓗᐊᓂ ᓈᒻᒪᑦᑐᓂᒃ ᐋᓐᓂᐊᓕᕇᑯᓯᖅᑕᐅᔪᓐᓇᖅᓯᓛᖅᑐᑦ 75%ᖏᑦ ᐃᓐᓇᐃᑦ ᓄᓇᕗᒻᒥᐅᑕᐅᔪᑦ. ᐋᓐᓂᐊᓕᕇᒃᑯᓯᖅᑕᐅᖃᑦᑕᓕᖅᑎᓪᓗᒋᑦ ᐃᓱᒪᒋᔭᐅᓯᒪᓂᐊᖅᑐᑦ ᑕᒫᓂ ᐊᔾᔨᐅᖏᑦᑐᒥᑦ ᐊᑐᖅᑕᑎᓐᓂᑦ ᐅᓪᓗᒥᑦ ᖃᓄᐃᑦᑑᓂᖓ ᐱᓪᓗᒍ ᓄᓇᕗᒻᒥ ᑕᒪᒃᑯᐊ ᐱᓗᐊᖅᑐᒥᑦ ᐅᓗᕆᐊᓇᕐᓂᖅᓴᒦᑦᑐᑦ ᐃᓄᐃᑦ ᐋᓐᓂᐊᓕᖅᓴᕋᐃᓐᓂᖅᓴᐅᔪᑦ, ᓲᕐᓗ ᐋᓐᓂᐊᔪᓕᕆᔭᐅᖃᑦᑕᖅᑐᑦ ᐊᒻᒪᓗ ᐸᖅᑭᑦᑎᔨᐅᔪᑦ ᐃᓐᓇᕐᓄᑦ ᓇᔪᖅᑕᐅᔪᓂᑦ ᐊᖏᕐᕋᕆᔭᒥ ᐊᑯᓂᐅᔪᒃᑯᑦ ᑲᒪᒋᔭᐅᖏᓐᓇᕆᐊᓕᓐᓄᑦ, ᐆᑦᑑᑎᒋᓗᒍ, ᑖᒃᑯᐊ ᓯᕗᓪᓕᖅᐸᐅᑎᔭᐅᓂᐊᖅᑐᑦ ᐋᓐᓂᐊᓕᕇᒃᑯᓯᒃᑕᐅᓂᖅ ᐱᒋᐊᖅᑎᓪᓗᒍ. ᓇᓗᓇᐃᔭᐃᓯᒪᑦᑎᐊᖅᑐᓂᑦ ᐱᒋᐊᖅᑎᑕᐅᓕᖅᐸᑕ ᖃᓄᐃᓕᖓᓂᖓ ᑐᙵᕕᖃᕐᓂᐊᕐᒥᔪᖅ ᐅᓪᓗᖏᑦ ᐋᖅᑭᓱᖅᑕᐅᓯᒪᓂᖏᑕ. ᓯᕗᓪᓕᖅᐸᐅᑎᔭᐅᖅᑳᕆᐊᖃᕐᓂᐊᖅᑐᑦ ᐅᑭᐅᓖᑦ 65ᒥᑦ ᐅᖓᑖᓄᓪᓗ, ᐊᖏᕐᕋᖃᖅᑎᑕᐅᔪᑦ ᑲᒪᒋᔭᐅᖏᓐᓇᕆᐊᓕᓐᓄᑦ, ᐃᖅᑲᓇᐃᔭᖅᑎᖏᓐᓄᑦ ᑕᒪᒃᑯᓂᖓ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᔨᖏᑦ ᓯᕗᓪᓕᖅᐹᖑᓗᑎᑦ ᐱᓕᕆᐊᖃᖃᑦᑕᖅᑐᑦ ᖃᓄᐃᑦᑐᖃᖅᑎᓪᓗᒍ. ᑖᒃᑯᐊ ᓯᕗᓪᓕᖅᐸᐅᔾᔭᐅᓯᒪᔪᑦ ᑕᐃᒪᐃᑦᑕᐃᓇᓕᕿᔪᖅ ᐊᑐᓕᖁᔭᐅᔾᔪᑎᐅᔪᓂᑦ ᑲᓇᑕᓕᒫᒥᑦ ᑭᓇᒃᑯᑦ ᓯᕗᓪᓕᖅᐸᐅᔾᔭᐅᓯᒪᔭᕆᐊᖃᕐᒪᖔᑕ ᐋᓐᓂᐊᓕᕇᒃᑯᑎᐅᔪᒥᑦ ᐱᔭᕆᐊᓖᑦ. ᑖᒃᑯᐊ ᑭᖑᓂᖓᒍᑦ ᓯᕗᓪᓕᖅᐸᐅᔾᔭᐅᔭᕆᐊᖃᖅᑐᑦ ᐱᔭᕇᖅᐸᑕ ᐋᓐᓂᐊᓕᕇᒃᑯᑎᒥᑦ, ᓄᓇᕗᒻᒥᐅᓄᑦ ᐊᑐᐃᓐᓇᕈᖅᑎᓐᓂᐊᖅᑕᕗᑦ ᐅᑭᐅᖃᖅᐸᑕ 18ᒥᑦ ᐅᖓᑖᓄᓪᓗ, ᑭᓯᐊᓄ ᑐᑭᓯᓇᑦᑎᐊᕆᐊᕐᓗᖓ ᐅᖃᑲᓐᓂᖅᐳᖓ, ᖃᖓᒃᑯᓪᓚᑦᑖ ᐱᒋᐊᖅᑎᑕᐅᓂᕆᒐᔭᖅᑕᖓ ᑭᓯᐊᓂ ᐋᖅᑭᔅᓯᒪᓂᐊᕐᒥᒻᒪᑦ ᖃᓄᑎᒋᓂᕆᔭᖓᓐᓂᒃ ᐊᒻᒪᓗ ᐅᓪᓗᖏᓐᓂᑦ ᓄᓇᕗᒻᒥᑦ ᐱᔭᐅᓕᕐᓂᖅᐸᑦ.

ᓇᒡᒐᔾᔭᐅᖑᑎᓪᓗᒍ, ᐅᖃᓚᐅᓯᖃᓚᐅᕋᒪ ᑖᒃᑯᐊ ᓱᑲᑦᑐᒻᒥᑦ ᖃᐅᔨᓴᖅᑕᐅᖃᑦᑕᖅᑐᑦ ᑕᐃᑲᓂ ᐅᐃᓂᐲᒡᒥ ᐃᓄᑐᐊᒃᑯᕕᓐᓃᑦᑐᓂᑦ ᐱᒋᐊᓚᐅᖅᑐᑦ ᐱᖓᔪᐊᓐᓂᒃ. ᐅᓪᓗᒥ, ᐅᖃᐅᓯᖃᕐᓂᐊᓕᕐᒥᔪᖓ ᐊᓯᐊᓂᑦᑕᐅᖅ ᐱᓕᕆᐊᖑᕙᓪᓕᐊᔪᒥᑦ ᐱᒋᐊᖅᐸᓪᓕᐊᔪᖅ ᐃᑲᔪᕐᓂᐊᖅᑐᒥᑦ ᐅᓗᕆᐊᓇᖏᑦᑐᒦᓐᓂᖅᓴᐅᑲᓐᓂᖁᓪᓗᒋᑦ ᓄᕙᒡᔪᐊᕐᓇᖅ-19ᒧᑦ ᐊᑐᖅᑕᐅᖏᓐᓂᖅᓴᐅᓂᐊᕐᒪᑕ ᐊᒻᒪᓗ ᐃᓱᒪᒧᑦ ᐊᓱᕈᕐᓇᖏᓐᓂᖅᓴᐅᓗᓂ ᒫᓐᓇ ᐃᓄᑐᐊᒃᑯᕕᒻᒦᑦᑐᓄᑦ ᐊᑐᖅᑕᐅᔭᕆᐊᓕᓐᓄᑦ ᒪᓕᒐᕐᓂᑦ.

ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ (EMTI) ᐱᓕᕆᐊᔅᓴᖅ ᑖᓐᓇ ᑕᒪᒃᑯᓂᖓ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐋᓐᓂᐊᕕᒻᒥᑦ ᑕᑯᔭᐅᔭᕆᐊᓖᑦ ᐅᓗᕆᐊᓇᓗᐊᖏᑦᑐᒥᑦ ᑲᓇᑕᐅᑉ ᓂᒋᖅᐸᓯᐊᓂᑦ, ᐃᓄᑑᔭᕆᐊᖃᓕᑲᐅᑎᒋᓗᑎᑦ ᑎᑭᑐᐊᖅᐸᑕ ᐊᒻᒪᓗ ᐊᖏᕐᕋᒧᑦ ᐅᑎᕆᐊᓕᕐᓗᑎᑦ ᐅᓪᓗᐃᑦ ᐊᕐᕕᓂᓖᒃ ᒪᕐᕉᒃ ᓈᑉᐸᑕ ᓄᓇᕗᒻᒥ ᐊᐅᓪᓚᓚᐅᖅᑎᓪᓗᒋᑦ.

ᑖᓐᓇ ᐊᑐᕐᓗᒍ ᐱᓕᕆᐊᔅᓴᓕᐊᖑᔪᖅ ᐋᓐᓂᐊᕐᕕᓕᐊᖅᑐᑦ ᐊᐅᓪᓚᕆᐊᓕᓐᓄᑦ ᐃᒪᓐᓇ ᐱᔭᕆᐊᖃᕐᓂᐊᖅᑐᑦ:

  • ᓄᓇᕗᑦ ᒐᕙᒪᒃᑯᖏᑦᑕ ᐃᓄᑐᐊᒃᑯᕕᐊᓂ ᓯᕗᓂᐊᓂ ᑭᖑᓂᐊᓂᓪᓗ ᑕᑯᔭᐅᕝᕕᒃᓴᖏᓐᓂᑦ.
  • ᐊᑐᕐᓗᑎᒃ ᓄᓇᕗᑦ ᒐᕙᒪᒃᑯᖏᓐᓂᑦ ᓄᓇᓯᐅᑎᖃᖅᑎᑕᖏᑦ ᑕᑯᔭᐅᕝᕕᒃᓴᓕᒫᓄᑦ ᐋᓐᓂᐊᕕᓐᓂᐊᓐᓂᑦ ᒥᑦᑕᕐᕕᓕᐊᕐᓗᑎᒃ ᐅᑎᒧᓪᓗ.
  • ᐳᓚᕋᖃᑦᑕᙱᓪᓗᑎᒃ ᓇᒧᑐᐃᓐᓇᖅ ᑭᓯᐊᓂ ᐃᓄᑐᐊᒃᑯᕕᖕᒥᑦ, ᑕᑯᔭᐅᕕᒃᓴᖏᓐᓂ ᒥᑦᑕᕐᕕᖕᒧᓪᓗ.
  • ᓈᒻᒪᒃᑐᓂᑦ ᓇᖕᒥᓂᖅ ᓴᐳᒻᒥᔾᔪᑎᓂ ᐱᖁᑎᓂ ᐊᑐᕐᓗᑎᒃ ᐊᐅᓪᓚᕆᐊᖅᑐᖅᑎᓪᓗᒋᑦ ᑕᑯᔭᐅᕕᒃᓴᖏᓐᓄᙵᐅᑎᓪᓗᒋᓪᓗ.
  • ᒪᓕᑦᑕᐃᓐᓇᕆᑦᑎᐊᕐᓗᒋᑦ ᐊᑐᖁᔭᐅᔪᑦ ᐃᓄᑑᔭᕆᐊᖃᕐᓂᕐᒦᑎᓪᓗᒋᑦ.
  • ᒪᓕᒃᓗᑎᒃ ᑕᒪᐃᓐᓂᓕᒫᑦ ᐅᑎᖅᐸᓪᓕᐊᓕᖅᐸᑕ ᐋᖅᑭᒃᑕᐅᓯᒪᔪᑦ ᐃᓄᑐᐊᒃᑯᕕᖕᓂᑦ.
  • ᐃᓚᐅᔪᑦ ᒪᓕᙱᑦᑐᑦ ᐅᑯᓂᖓ ᒪᓕᒋᐊᓕᖕᓂᑦ ᐲᖅᑕᐅᓂᐊᖅᐳᑦ ᐱᓕᕆᐊᒥᑦ ᐃᓱᓕᑦᑎᔭᕆᐊᖃᓕᕐᓗᑎᒃᓗ ᐅᓪᓗᓄᑦ 14−ᓄᑦ ᐃᓄᑐᐊᒃᑯᕕᖕᒦᓪᓗᑎᒃ ᐅᑎᓚᐅᙱᓐᓂᖏᓐᓂᑦ ᐊᖏᕐᕋᒥᓄᑦ.

ᑖᓐᓇ ᓂᕈᐊᕈᑎᒃᓴᐅᙱᓚᖅ ᐱᓕᕆᐊᖑᓂᖓ. ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᑎᑎᕋᕐᕕᐊᓗ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᐅᑉ ᖃᐅᔨᓴᕐᓂᐊᖅᐳᑦ ᐊᔪᙱᑦᑐᓂᑦ ᑕᑯᔭᐅᕕᒃᓴᓂ ᒪᓕᒃᓗᑎᒃ ᐃᓅᓕᓴᖅᑕᐅᓂᒃᓴᖏᓐᓂᑦ ᑲᒪᒋᔭᐅᔭᕆᐊᖃᖕᓂᖏᓐᓂᓪᓗ. ᐊᐅᓪᓚᖅᓯᒪᔪᑦ ᑕᑯᔭᐅᕝᕕᒃᓴᖏᑦ ᐊᖏᖅᑕᐅᓯᒪᔪᑦ ᐱᓕᕆᐊᔅᓴᒧᑦ ᑐᓴᖅᑎᑕᐅᓂᐊᖅᐳᑦ ᐋᓐᓂᐊᕕᖏᓐᓂᑦ.

ᒫᓐᓇᒧᑦ, ᐃᓄᐃᑦ ᖁᓕᐅᓗᑎᑦ ᐱᓇᓱᐊᕈᓯᕐᒥᑦ ᐊᐅᓪᓚᖅᓯᒪᓕᖅᐳᑦ ᑖᓐᓇ ᐱᓕᕆᐊᔅᓴᖅ ᐊᑐᖅᑕᐅᓪᓗᓂ ᐱᒋᐊᖅᑎᑕᐅᓚᐅᕐᒪᓂᒃ ᓄᕕᐱᕆᒥᑦ. ᖃᓂᒻᒪᔅᓯᒪᔪᑦ ᐊᒥᓱᕈᖅᐸᓪᓕᐊᖏᓐᓇᑎᓪᓗᒋᑦ ᖃᓪᓗᓈ ᓄᓇᖓᓐᓂᒃ, ᑕᒪᓐᓇ ᐊᑑᑎᖃᑦᑎᐊᖅᑐᒥᑦ ᐃᑲᔪᕈᑕᐅᔪᖅ ᐊᐅᓪᓚᖅᑐᓄᑦ ᐋᓐᓂᐊᓕᕐᓇᖅᑐᒦᖏᓐᓂᖅᓴᐅᖁᓪᓗᒋᑦ ᓄᕙᕐᔪᐊᕐᓇᖅ-19ᒧᑦ.

ᑭᖑᓪᓕᐹᒥᑦ, ᐅᖃᕈᒪᔪᖓ 'ᒪ'ᓇ' ᓄᓇᓕᓐᓄᑦ ᐊᕐᕕᐊᒥᐅᓄᑦ, ᑎᑭᕋᔪᐊᕐᒥᐅᓄᑦ, ᑲᖏᖅᖠᓂᕐᒥᐅᓄᓪᓗ. ᑖᓐᓇ ᑕᖅᑭᖅ ᐊᓂᒍᖅᑐᖅ ᐊᑐᕋᑖᖅᑕᕗᑦ ᐱᔭᕆᐊᑭᑐᑯᓘᓚᐅᙱᒻᒪᑦ ᑖᒃᑯᓄᖓ ᓄᓇᓕᐅᔪᓄᑦ ᐊᒻᒪᓗ ᑭᕙᓪᓕᕐᒥᐅᓄᑦ ᑕᒪᐃᓐᓄᑦ. ᓱᓕ ᐱᓕᕆᐊᔅᓴᖅ ᑲᔪᓯᔪᑦ ᑖᓐᓇ ᓯᐊᒻᒪᑉᐸᓪᓕᐊᓂᖓ ᓄᖅᑲᖅᑎᑕᐅᔭᕆᐊᖃᕐᒪᑦ ᐊᕐᕕᐊᓂᑦ, ᖁᔭᓕᕕᒋᕙᒃᑲ ᐃᓄᐃᑦ ᑕᒪᕐᒥᒃ ᒪᓕᑦᑎᐊᕈᓐᓇᓚᐅᕐᒪᑕ ᐃᓄᓐᓄᑦ ᒪᓕᖁᔭᐅᔪᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ. ᑕᒪᒃᑯᓂᖓ ᐱᓇᓱᐊᕐᓂᖏᓐᓄᑦ ᐃᑲᔪᕐᓂᐊᖅᑐᑦ ᐊᓂᒍᐃᔪᓐᓇᖅᓯᓂᐊᕋᑦᑕ.

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ:  https://www.gov.nu.ca/health/information/nunavuts-path

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ: ᑎᓯᐱᕆ 11

ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ
229 56 147 5339 648

ᓄᕙᕐᔪᐊᕐᓇᖅ-19−ᒧᑦ ᓄᓇᓕᖕᓂ ᐱᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᑎᓯᐱᕆ 11

ᓄᓇᓕᒃ ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐊᕐᕕᐊᑦ 187 203 16 147 56
ᑎᑭᕋᕐᔪᐊᖅ 21 21 0 21 0
ᑲᖏᖅᖠᓂᖅ 19 19 0 19 0
ᓴᓂᑭᓗᐊᖅ  2 2 0 2 0
ᑲᑎᖦᖢᒋᑦ  229 245 16 189 56

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᑎᓯᐱᕆ 11

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐊᕐᕕᐊᑦ  203 812
ᑎᑭᕋᕐᔪᐊᖅ  21 144
ᑲᖏᖅᖠᓂᖅ 19 251
ᓴᓂᑭᓗᐊᖅ  2 189
ᑲᑎᖦᖢᒋᑦ  245 1396

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᓄᑐᐊᒃᑯᕖᑦ)

 

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᑎᓯᐱᕆ 10−ᒥ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

320

ᑭᒃᑯᑐᐃᓐᓇᑦ

258
ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ 3

ᑲᑎᖢᒋᑦ

581

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᑎᓯᐱᕆ 11

27

ᑎᓯᐱᕆ 12 

3

ᑎᓯᐱᕆ13 

0

ᑎᓯᐱᕆ 14 

62

ᑲᑎᖢᒋᑦ

92

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᑎᓯᐱᕆ 10−ᒥ ᐱᒋᐊᖅᖢᓂ, 10043−ᓂᒃ ᑐᒃᓯᕋᖅᑐᖃᓚᐅᖅᐳᖅ, 4719−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

6742 67.1%

ᐊᖏᖅᑕᐅᙱᑦᑐᑦ

285 2.8%
ᐅᑕᖅᑭᔪᑦ 232 2.3%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2784 27.7%
ᑲᑎᖢᒋᑦ 10043 100%


 

ᐃᓄᓕᕆᔨᒃᑯᑦ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᓂᖃᐃᓱᖅᑐᖅᓯᐅᑎᑦ ᓱᒃᑯᐊᕿᔪᖅᓯᐅᑎᑦ ᑎᑎᕋᕐᕕᖏᑦ ᓄᓇᕗᓕᒫᒥᑦ, ᐊᕐᕕᐊᕐᒥᑦ ᐱᖃᑕᐅᙱᓪᓗᓂ, ᐅᒃᑯᐃᖔᖅᑐᑦ.  ᒫᓐᓇ ᖃᓄᐃᓐᓂᐅᔪᖅ ᐱᓪᓗᒍ ᓄᕙᕐᔪᐊᕐᓇᖅ-19ᒧᑦ ᓄᓇᕗᒻᒥᑦ, ᐃᓂᒃᓴᓕᐅᖃᑦᑕᕆᐊᖃᖅᑐᑦ.

ᓄᓇᒋᔭᔅᓯᓐᓂᒃ ᑖᒃᑯᐊ ᓂᖃᐃᓱᖅᑐᓕᕆᔩᑦ ᓱᒃᑯᐊᕿᑎᑦᑎᔩᑦ ᐅᕙᓗ ᐊᕕᑦᑐᖅᓯᒪᓂᐅᔪᒧᑦ ᐊᓪᓚᕝᕕᖓᓐᓄᑦ ᐅᖃᓛᓗᓯ ᑖᒃᑯᓄᖓ ᑎᑎᕋᖅᑕᐅᖅᓯᒪᔪᓄᑦ ᐃᓂᔅᓴᓕᐅᕐᓂᐊᕋᕕᑦ. ᓂᐱᓕᐅᕐᓂᐊᖅᐳᑎᑦ ᑭᐅᔭᐅᙱᒃᑯᕕᑦ, ᐅᖄᓚᕝᕕᐅᓂᐊᖅᐳᑎᓪᓗ.  ᐅᖃᐅᑎᔭᐅᒐᔭᖅᑐᑎᑦ ᐅᐸᒋᐊᖃᕐᓂᐊᕐᒪᖔᖅᐱᑦ ᐅᕙᓗ ᐅᖄᓚᐅᑎᒃᑰᖓᓂᐊᕐᒪᖔᖅ ᐃᓂᔅᓴᓕᐊᕆᓯᒪᔪᖅ ᐃᓕᓐᓄᑦ. ᒫᓐᓇᐅᑎᓪᓗᒍᓗ, ᐃᓂᒃᓴᓕᐅᖅᓯᒪᔪᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᐅᖄᓚᐅᑎᒃᑯᑦ.

ᐅᖄᓚᐅᑎᖃᙱᒃᑯᕕᑦ, ᑕᐃᑯᙵᕐᓗᑎᑦ ᓂᖃᐃᓱᖅᑐᖅᓯᐅᑎᑦ ᓱᒃᑯᐊᕿᑎᑦᑎᔨᒃᑯᑦ ᐊᓪᓚᕝᕕᖓᓐᓄᑦ ᐃᓂᔅᓴᓕᐅᖅᑕᐅᓯᒪᔭᕕᑦ ᐅᓪᓗᖓᓐᓂᑦ ᓯᕗᓂᕐᒥᑦ ᐋᖅᑭᓱᖅᑕᐅᓂᐊᕐᒪᑕ.  ᓄᕙᕐᔪᐊᕐᓇᖅ-19 ᐱᓪᓗᒍ ᐊᑕᐅᓯᑐᐊᕐᒥᑦ ᐃᓄᒻᒥᑦ ᐃᓯᖅᓯᒪᔪᖃᖃᑦᑕᕆᐊᖃᕐᓂᐊᓕᖅᑐᖅ ᓂᖃᐃᓱᖅᑐᖅᓯᐅᑎᓕᕆᔨᒃᑯᑦ ᓱᒃᑯᐊᕿᑎᑦᑎᔨᒃᑯᑦ ᐊᓪᓚᕝᕕᖓᓐᓂᒃ.

ᐱᖃᑕᕈᕕᑦ ᐃᖅᑲᓇᐃᔭᙱᑐᖅᓯᐅᑎᑖᖃᑦᑕᕈᕕᑦ, ᐃᓐᓇᖅᓯᐅᑎᓄᑦ ᐱᖃᑦᑕᕈᕕᑦ/ᐃᖅᑲᓇᐃᔮᓂᑦ ᐱᔭᕇᖅᑐᖅᓯᐅᑎᓄᑦ, CRB ᐅᕙᓗ CRCB-ᒥᒃ ᑖᒃᑯᐊ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᑲᔫᑎᐅᔪᑦ ᓄᕙᕐᔪᐊᕐᓇᖅ ᐃᖅᑲᓇᐃᔭᕈᓐᓇᐃᓕᓯᒪᔪᓄᑦ ᑖᒃᑯᐊ ᖃᔅᓯᐅᓂᕆᔭᖓ ᑭᖑᓪᓕᖅᐹᕐᒥᒡᓗ ᐊᑭᓕᖅᑕᐅᔾᔪᑎᒋᓚᐅᖅᑕᑎᑦ ᐅᓪᓗᖓᓗ ᐊᑐᐃᓐᓇᕆᓗᒋᓪᓗ ᐃᓂᔅᓴᕆᔭᓐᓂᒃ ᑲᒪᒋᔭᐅᓕᖅᐸᑕ.

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᖃᕋᓴᐅᔭᒨᕈᑎ ᑐᓂᐅᖅᑲᖅᑕᐅᓂᕆᔭᖏᑕ ᖃᓄᐃᓕᖓᓕᕐᓂᖓ

ᑕᒪᒃᑯᐊ ᖃᕋᓴᐅᔭᒨᕈᑏᑦ ᑐᓂᐅᖅᑲᖅᑕᐅᔪᑦ ᖁᕝᕙᓯᖕᓂᓕᖕᓄᑦ 11 ᐊᒻᒪᓗ 12ᒥᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᖅᑎᑦᑎᔨᖏᓐᓄᓪᓗ.

  • ᑕᒪᕐᒥᒃ ᖃᕋᓴᐅᔭᒨᕈᑏᑦ ᐃᓕᓐᓂᐊᕐᕕᓐᓃᖏᓐᓇᕐᓂᐊᖅᑐᑦ ᓄᓇᓕᐅᔪᑦ ᑭᓯᐊᓂ ᐸᕐᓇᐅᑎᒧᑦ 4ᒧᑦ ᐱᒋᐊᖅᑎᑕᐅᑉᐸᑕ.
  • ᐃᓕᓐᓂᐊᕐᕕᓐᓂᑦ ᐃᖅᑲᓇᔭᐃᖅᑏᑦ ᐃᓕᓐᓂᐊᖅᑎᓄᑦ ᐋᑦᑎᔪᓐᓇᕋᔭᖅᑐᑦ ᐃᓕᓐᓂᐊᕐᕖᑦ ᐅᒃᑯᐊᖅᑕᐅᒋᐊᓕᖏᑎᓪᓗᒋᑦ ᓱᓕ.

ᐃᓕᓐᓂᐊᕐᓂᓕᕆᔨᒃᑯᑦ ᓈᒻᒪᒃᑐᓂᒃ ᖃᕆᑕᐅᔭᕋᓛᖃᓛᖃᖅᑐᑦ ᐃᑲᔪᖅᓱᕐᓗᒋᑦ ᑕᒪᕐᒥᒃ ᖁᕝᕙᓯᖕᓂᓖᑦ 11 ᐊᒻᒪ 12 ᐃᓕᓐᓂᐊᖅᑎᑦ ᐊᒻᒪ ᐃᓕᓴᐃᔨᖏᓄᑦ ᑎᓯᐱᕆ ᓄᕐᖑᐊᓄᑦ ᑎᑭᓪᓗᒍ.

ᖃᕆᑕᐅᔭᕋᓛᑦ ᐱᔭᐅᕙᓪᓕᐊᑎᓪᓗᒋᑦ ᐋᖅᑭᒃᑕᐅᑦᑎᐊᖅᑎᓪᓗᒋᓪᓗ, ᑐᓂᐅᖅᑲᐅᑕᐅᓛᖅᑐᑦ ᐊᓯᖏᓐᓄᑦ ᖁᕝᕙᓯᖕᓂᓕᖕᓄᑦ ᐃᑲᔪᖅᓲᑕᐅᓗᑎᒃ ᖃᕆᑕᐅᔭᒃᑯᑦ ᐃᓕᓐᓂᐊᖅᑕᐅᔪᒃᓴᓂᒃ.

 

 

ᓄᓇᕗᒻᒥᐅᑦ ᖃᓄᐃᙱᑦᑐᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ. 

PDF