ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᔭᓄᐊᕆ 25, 2021

COVID-19 : Mise à jour du GDN - Le 25 janvier 2021

ᓯᕗᓕᖅᑎᒥᒃ ᓄᑖᙳᕆᐊᖅᓯᒪᔪᑦ:

ᐅᓪᓛᒃᑯᑦ. ᐅᑎᖅᑐᒍᑦ ᐅᓪᓛᖑᓂᖅᓴᒃᑲᓐᓂᕐᒥ ᓂᕆᐅᒋᔭᐅᓯᒪᙱᑦᑐᒃᑯᑦ, ᖃᐅᔨᒪᔪᐃᓐᓇᐅᒐᑦᑕᓗ, ᓯᐊᒻᒪᑲᓪᓚᒃᑐᖃᒃᑲᓐᓂᕐᓂᖓᓂᒃ ᐊᕐᕕᐊᓂ.

ᐅᓪᓗᒥ, ᑐᓴᖅᑎᑦᑎᔪᒍᑦ ᐃᓚᒃᑲᓐᓂᖏᓐᓂ ᒪᕐᕉᖕᓂᒃ ᓄᑖᓂᒃ ᐱᖃᖅᑐᓂ. ᒫᓐᓇᐅᔪᖅ 17−ᖑᓕᖅᑐᑦ ᓄᕙᒃᔪᐊᕐᓇᖅ-19-ᖃᖅᑐᑦ ᓄᓇᕗᒻᒥ, ᐊᕐᕕᐊᓃᑦᑐᓕᒫᖑᔪᑦ. ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 6306. 362 ᐃᓄᐃᑦ ᒫᓐᓇ ᖃᐅᔨᓴᖅᑕᐅᕙᓪᓕᐊᕗᑦ.

ᐱᐅᔪᒃᑯᑦ ᑐᓴᒐᒃᓴᒥ, 4458 ᓄᓇᕗᒻᒥᐅᑦ ᐋᓐᓂᐊᓕᕇᒃᑯᓯᓕᖅᑕᐅᓯᒪᓕᖅᑐᑦ. ᖁᔭᓐᓇᒦᕐᔪᐊᖅ ᑕᐃᒃᑯᓄᖓ ᐃᓚᐅᖃᑕᐅᓯᒪᔪᓄᑦ ᐋᓐᓂᐊᓕᕇᒃᑯᓯᓕᖅᑕᐅᕝᕕᖕᓂ.

ᒫᓐᓇ ᑕᐃᒪᐃᓐᓂᖅᓴᐅᒋᐊᓪᓚᒃᑲᓐᓂᕐᓗᓂ, ᑕᑯᔪᐃᓐᓇᐅᖅᑰᖅᑐᒍᑦ ᐋᓐᓂᐊᓕᕇᒃᑯᓯᓕᖅᑕᐅᔭᕆᐊᖃᕐᓂᕐᒥᒃ. ᑖᓐᓇ ᐋᓐᓂᐊᓕᕇᒃᑯᓯᖅ ᐱᐅᓛᖑᓪᓗᓂ ᓴᐳᒻᒥᔾᔪᑎᐅᔪᖅ ᑖᔅᓱᒧᖓ ᐊᐃᑦᑐᕐᓗᐃᓐᓇᖅᑐᒧᑦ ᒫᓐᓇ. ᐋᓐᓂᐊᓕᕇᒃᑯᓯᓕᕐᑕᐅᕝᕕᖕᓂ ᐅᓪᓗᖏᑦ ᐋᖅᑭᒃᑕᐅᓐᓂᖅᐸᑕ ᓄᓇᓕᒋᔭᕐᓂ, ᐸᕐᓇᐃᓗᑎᑦ ᑲᐱᔭᐅᔪᒪᓂᕐᒧᑦ. ᑕᐃᒪᓐᓇ ᓴᐳᒻᒥᔪᓐᓇᖅᑕᕗᑦ ᓇᒡᓕᒋᔭᖅᐳᑦ ᐊᒃᑐᖅᑕᐅᓴᕋᐃᓐᓂᖅᐹᖑᔪᓪᓗ.

ᐃᕿᐊᓱᓕᓪᓗᐊᙱᑦᑐᒍᑦ ᓈᒻᒪᒍᓱᙱᑐᐃᓐᓇᕐᓗᑕᓘᓐᓃᑦ ᓄᕙᒃᔪᐊᕐᓇᖅ−19−ᒥ. ᐅᔾᔨᕈᓱᐃᓐᓇᕆᑦ, ᐸᕐᓇᒃᓯᒪᐃᓐᓇᕐᓗᑎᑦ ᒪᓕᒃᓗᒋᓪᓗ ᑭᒃᑯᑐᐃᓐᓇᕐᓄᑦ ᐋᓐᓂᐊᖅᑐᓕᕆᓂᕐᒥ ᐊᑐᖅᑕᐅᖁᔭᐅᔪᑦ, ᑕᐃᒪᙵᓕᒫᖅ.

ᓴᙱᓂᖃᖁᔨᕗᖓ ᐱᐅᔪᒃᑰᖁᔨᓪᓗᖓᓗ ᐊᕐᕕᐊᕐᒥᐅᑕᐅᖃᑎᒃᑲᓂ. ᖃᐅᔨᒪᔪᖓ ᐊᒃᓱᕈᕐᖢᓯ ᐱᓕᕆᓂᔅᓯᓐᓂᒃ ᖃᐅᔨᒪᓪᓗᖓᓗ ᐊᒃᓱᕈᕐᓇᕐᓂᖓᓂᒃ. ᐊᓂᒍᐃᓂᐊᖅᑐᒍᑦ. ᓴᙱᓂᖃᐃᓐᓇᕆᑦᑎ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ,

ᐱᒋᐊᕈᑎᒋᔪᒪᔭᕋ ᐊᒃᓱᕈᕐᓇᖅᑐᒃᑰᕈᑎᒋᓗᒋᑦ ᐱᓪᓚᕆᐅᓂᖓᓂᒃ ᒪᓕᒃᓗᒋᑦ ᑭᒃᑯᑐᐃᓐᓇᕐᓄᑦ ᐋᓐᓂᐊᖅᑐᓕᕆᓂᕐᒥ ᐊᑐᖅᑕᐅᖁᔭᐅᔪᑦ. ᑲᑎᙵᓂᐅᕙᒃᑐᑦ ᐅᓄᙲᓐᓇᖅᑎᓪᓗᒋᑦ, ᐳᓚᕋᖅᑕᐃᓕᒪᓂᖅ ᐅᓄᖅᑐᓄᑦ ᐃᒡᓗᒥᐅᖃᑎᒌᖑᔪᓂᑦ, ᑭᒃᓕᖃᖅᑎᑦᑎᓂᕐᓗ ᖃᔅᓯᐅᓂᖏᓐᓂᒃ ᐃᒡᓗᒥᐅᖃᑎᒌᑦ ᐳᓛᖅᑎᒋᔭᓯ ᓇᑭᙶᕐᓂᖏᑎᒍᑦ, ᒥᒃᖠᒋᐊᖅᑎᑦᑎᔪᖅ ᐊᑦᑕᕐᓇᕐᓂᖓᓂᒃ ᑖᔅᓱᒪ ᐊᐃᑦᑐᕐᓗᒃᓇᖅᑐᖅ ᓯᐊᒻᒪᒐᔭᖅᑐᖅ ᑭᑭᐊᖅ ᐱᒍᓂᐅᒃ.

ᒫᓐᓇ ᑐᓴᕈᑎᑦ ᖃᐅᔨᑎᑦᑎᔪᑦ ᓄᑖᑦ ᐱᖃᖅᑐᑦ ᓄᕙᒃᔪᐊᕐᓇᖅ−19−ᒥᒃ ᐊᕐᕕᐊᓂ ᑲᓱᒍᑎᖃᖅᑐᓕᒫᑦ ᑲᑎᙵᖃᑦᑕᕐᓂᕐᓄᑦ ᐃᒡᓗᒥᐅᖃᑎᒌᓂᑦ. ᖃᐅᔨᒪᔾᔪᑎᓯᐊᖅᓯᒪᙱᑦᑐᒍᑦ ᓱᕈᔪᕐᓇᖅᑐᖅ ᓯᓚᑖᓂᙶᕐᓂᖓᓂᒃ ᐃᓂᒥᑦ.

ᐅᓄᖅᑐᑦ ᐃᒡᓗᒥᐅᖃᑎᒌᑦ ᒫᓐᓇ ᐃᓚᐅᓂᖏᓐᓄᑦ, ᐱᕕᖃᕐᕕᒋᔪᓐᓃᖅᑕᕗᑦ ᑭᓯᐊᓂ ᐊᒥᓱᕈᕆᐊᕐᓗᒋᑦ ᑭᒃᑯᑐᐃᓐᓇᕐᓄᑦ ᐋᓐᓂᐊᖅᑐᓕᕆᓂᕐᒥ ᑭᒃᓕᖃᖅᑎᑕᐅᔾᔪᑎᖏᑦ. ᐃᒪᓐᓇ ᑐᑭᖃᖅᐳᖅ:

  • ᖃᖓᑕᓲᒃᑯᑦ ᓄᓇᒃᑯᓪᓗ ᐊᐅᓪᓚᑲᑕᖕᓂᖅ ᐊᕐᕕᐊᓂᙶᕐᓗᑎᒃ ᑭᒃᓕᖃᖅᑎᑕᐅᔪᑦ. ᑭᓇᑐᐃᓐᓇᖅ ᕿᒪᕈᐃᓇᓱᒃᑐᖅ ᓄᓇᓕᖕᒧᐊᕋᓱᒃᑐᕐᓘᓐᓃᑦ ᐱᔪᓐᓇᖅᑎᑕᐅᔾᔪᑎᑖᕆᐊᓕᒃ ᐊᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.
  • ᐱᔭᕆᐊᖃᓪᓚᕆᙱᑦᑐᓕᒫᑦ ᐃᖅᑲᓇᐃᔭᕐᕕᑦ, ᐃᓚᐅᓗᑎᒃ ᐱᔭᕆᐊᖃᓪᓚᕆᙱᑦᑑᙱᑦᑐᑦ ᒐᕙᒪᒃᑯᑦ ᑎᑎᕋᕐᕕᖏᑦ, ᒪᑐᒪᓕᖅᑐᑦ ᑐᓴᖅᑎᑕᐅᒃᑲᓐᓂᓚᐅᙱᓐᓂᖏᓐᓂ.
  • ᓯᓚᒥ ᑭᒃᑯᑐᐃᓐᓇᕐᓄᑦ ᑲᑎᙵᔪᖃᕆᐊᖃᙱᑦᑐᖅ ᐊᒻᒪᓘᓐᓃᑦ ᑭᒃᑯᑐᐃᓐᓇᕐᓄᑦ ᑲᑎᙵᓂᖃᕆᐊᖃᙱᑦᑐᖅ ᐃᒡᓗ ᐃᓗᐊᓂ.
  • ᐳᓛᖅᑐᑦ ᐊᖏᕐᕋᓄᑦ ᑭᒃᓕᖃᖅᑎᑕᐅᔪᑦ ᑕᓪᓕᒪᐅᓗᑎᒃ ᐃᓄᐃᑦ ᐃᓚᒋᓗᒋ ᐃᓂᖃᖅᑎᐅᔪᑦ ᑐᐊᕕᕐᓇᖅᑐᒃᑯᑐᐊᖅ.
  • ᐃᓕᓐᓂᐊᕐᕖᑦ ᒪᑐᒪᔪᑦ.

ᑭᒃᑯᓕᒫᑦᑎᐊᑦ ᑲᖏᖅᖠᓂᕐᒥᙶᓚᐅᖅᑐᑦ ᓄᕕᐱᕆ 19-ᒥ ᐱᒋᐊᖅᖢᓂ ᖃᐅᔨᓴᖁᔭᕗᑦ ᖃᓂᒻᒪᒃᐸᓪᓕᐊᖕᒪᖔᑕ ᐅᓪᓗᓄᑦ 14-ᓄᑦ ᑕᐃᑲᙶᓚᐅᕐᓗᑎᒃ. ᐱᖁᖕᒥᔭᕗᑦ ᑖᒃᑯᐊ ᐃᓄᐃᑦ ᖃᐅᔨᒋᐊᕐᕕᖃᕐᓗᑎᒃ ᐋᓐᓂᐊᕕᖕᒧᑦ ᓄᓇᓕᖓᓂ ᐃᓯᕐᕕᖃᕐᓂᖏᓐᓂ ᐃᑲᔪᕆᐊᕐᓗᑎᒃ ᐊᐃᑦᑐᑐᐃᓐᓇᕆᐊᖃᖅᑕᖏᓐᓂ ᖃᐅᔨᓴᐃᓂᕐᓄᑦ ᖃᐅᔨᓴᐃᓐᓇᕐᓂᕐᓄᓪᓗ.

ᑭᓇᑐᐃᓐᓇᖅ ᖃᓂᒪᑲᑕᓕᕈᓂ ᖃᐅᔨᒪᓇᕈᑎᒃᑯᑦ ᖃᐅᔨᒋᐊᖁᔭᐅᕗᖅ ᓄᓇᕘᑉ ᓄᕙᕐᔪᐊᕐᓇᖅ-19 ᐅᖄᓚᕝᕕᖓᓄᑦ ᐃᕐᖐᓐᓇᖅ ᒪᓕᒐᒃᓴᓄᑦ. ᓈᓴᐅᑎᖃᖅᑐᖅ 1-888-975-8601.

ᒫᓐᓇᒨᖓᔪᒧᑦ, ᑭᒃᓕᖃᖅᑎᑕᐅᔪᑦ ᐊᓯᖏᓐᓄᑦ ᓄᓇᓕᖕᓄᑦ ᐊᓯᔾᔨᙱᑦᑐᑦ. ᑕᐃᒪᓐᓇᐅᒐᓗᐊᖅᑎᓪᓗᒍ, ᖃᐅᔨᓴᐃᓐᓇᕐᓂᐊᖅᑐᒍᑦ ᖃᓄᐃᓕᖓᓂᖓᓂᒃ ᖃᐅᔨᒪᓇᕈᑎᓯᐊᕈᑦᑕᓗ ᐊᑦᑕᕐᓇᖅᓯᒃᑲᓐᓂᕐᓂᖓᓂᒃ ᓯᓚᑖᓂ ᐊᕐᕕᐊᑦ ᐃᓱᒪᒋᓂᐊᖅᑕᕗᑦ ᐊᓯᔾᔩᓂᖅ ᑭᒃᓕᖃᖅᑎᑕᐅᔾᔪᑎᓂᒃ ᐊᓯᖏᓐᓂ ᓄᓇᓕᖕᓄᑦ. ᒫᓐᓇᐅᔪᒧᑦ, ᐊᑦᑕᕐᓇᖅᑐᒦᕐᔪᐊᖅᑐᖃᖅᓯᒪᙱᑦᑐᖅ ᐅᐸᒃᑕᐅᓯᒪᔪᕕᓂᕐᓄᑦ ᖃᐅᔨᔭᕐᓂ ᓯᓚᑖᓃᑦᑐᓄᑦ ᐊᕐᕕᐊᑦ.

ᐃᑲᔪᕐᓗᓂ ᒥᒃᖠᒋᐊᖅᑎᓪᓗᒍ ᐊᑦᑕᕐᓇᕐᓂᖓ ᐊᓯᖏᓐᓄᑦ ᓄᓇᓕᖕᓄᑦ, ᐋᓐᓂᐊᕕᓕᐊᖅᑐᓄᑦ ᐊᐅᓪᓚᕐᓂᖅ ᐊᕐᕕᐊᓂ ᐃᖃᓗᖕᓄᑦ ᑲᖏᕐᖠᓂᕐᒧᓪᓗ ᓄᖅᑲᖅᑎᑕᐅᓚᐅᑲᒃᑐᖅ ᓛᓐᓇ ᑕᐃᒪᐃᓕᖓᓂᖓᓄᑦ. ᑕᑯᔭᐅᕝᕕᒃᓴᑦ ᖃᕆᑕᐅᔭᒃᑰᕈᑕᐅᔪᓐᓇᖅᑐᑦ ᑕᐃᒪᐃᓐᓂᐊᖅᐳᑦ ᑕᐃᒃᑯᐊᓗ ᐋᓐᓂᐊᕕᓕᐊᖅᑎᑦ ᑕᑯᔭᐅᕝᕕᒃᓴᓕᐅᖅᑕᐅᔭᕆᐊᓕᑦ ᐊᐅᓪᓚᖅᑎᑕᐅᓗᑎᒃ ᕕᓂᐸᐃᒃᒧᑦ. ᐋᓐᓂᐊᕕᓕᐊᕐᓂᕐᒧᑦ ᐊᐅᓪᓚᖅᑎᑦ ᐅᑎᕋᓱᒃᑐᑦ ᐊᕐᕕᐊᓄᑦ ᖃᓪᓗᓈᑦ ᓄᓇᖓᓂᙶᕐᓗᑎᒃ ᑲᓇᑕᒥ ᐱᕕᖃᖅᑎᑕᐅᓂᐊᖅᑐᑦ ᐃᓄᑑᔭᕆᐊᖃᕐᕕᖕᒦᖏᓐᓇᕐᓗᑎᒃ ᓯᐊᒻᒪᒃᐸᓪᓕᐊᓂᖓ ᐊᐅᓚᑕᐅᓂᖓᓂ.

ᐱᖁᕙᒃᑲ ᑭᒃᑯᓕᒫᑦ ᐊᕐᕕᐊᓂ ᒪᓕᒃᓗᒋᑦ ᕿᒃᓕᖃᖅᑎᑕᐅᔾᔪᑎᑦ ᐋᓐᓂᐊᓕᕇᒃᑯᓯᓕᖅᑕᐅᓵᖅᓯᒪᒐᓗᐊᕈᕕᓪᓘᓐᓃᑦ. ᕿᓚᒻᒥᐅᓗᐊᖅᓯᒪᖕᒪᑦ ᑕᐃᒪᙵᑦ ᐋᓐᓂᐊᓕᕇᒃᑯᓯᖅ ᐊᕐᕕᐊᓄᐊᖅᑕᐅᓚᐅᕐᓂᖓᓄᑦ ᑕᐃᒃᑯᓄᖓ ᐱᓚᐅᖅᑐᓄᑦ ᐱᕙᓪᓕᐊᑎᑦᑎᔪᓄᑦ ᓴᐳᒻᒥᓂᕐᒧᑦ. ᒪᕐᕉᖕᓄᑦ ᐱᓇᓱᐊᕈᓯᐸᓘᖕᓄᑦ ᐊᑐᐊᓂᒋᐊᖃᖅᑐᖅ ᓯᕗᓪᓕᕐᒥ ᑲᐱᔭᐅᓂᖅ 80 ᐳᓴᓐᑎᐸᓗᒃ ᓴᐳᒻᒥᓯᒪᓂᖅ ᐱᕐᔪᐊᖅᑐᒥᒃ ᓱᕈᔪᖕᓂᕐᒧᑦ ᐱᓗᐊᙱᓪᓗᓂ. ᐱᖃᑖ ᑲᐱᔭᐅᔾᔪᑎ ᐊᒥᓱᕈᕆᐸᖅᑎᑦᑎᓲᖅ ᐳᓴᓐᑎᖓᓂᒃ 94 ᐳᓴᓐᑎᒧᑦ. ᒫᓐᓇᒧᓪᓗ ᖃᐅᔨᒫᓂᙱᑦᑐᒍᑦ ᐋᓐᓂᐊᓕᕇᒃᑯᓯᖅ ᓄᖅᑲᖅᑎᑦᑎᓲᖑᖕᒪᖔᑦ ᐊᐃᑦᑐᐃᓐᓂᕐᒥᒃ.

ᑭᓇᑐᐃᓐᓇᖅ 18−ᓂ ᐅᑭᐅᓕᒃ ᐅᖓᑖᓄᓪᓘᓐᓃᑦ ᐱᓚᐅᙱᑦᑐᖅ ᓯᕗᓪᓕᖓᓂ ᐋᓐᓂᐊᓕᕇᒃᑯᓯᕐᒥ ᐊᕐᕕᐊᓂ ᐅᖃᓗᒍᓐᓇᖅᑐᖅ ᐋᓐᓂᐊᕕᖕᒧᑦ ᐃᓂᒃᓴᓕᐅᕐᓗᓂ.

ᐅᖃᐅᑎᔪᒪᕙᒃᑲ ᑭᒃᑯᓕᒫᑦ ᐋᓐᓂᐊᕕᖕᒥ ᐃᖅᑲᓇᐃᔭᖅᑎᑦ ᐱᓕᕆᕐᔪᐊᕐᓂᖏᓐᓂᒃ ᓯᐊᒻᒪᒃᑎᑕᐃᓕᒪᓗᒍ ᒫᓐᓇ ᓯᐊᒻᒪᒃᐸᓪᓕᐊᔪᖅ ᐱᖁᓪᓗᒋᓪᓗ ᐃᓄᐃᑦ ᓈᓚᒃᓗᑎᒃ ᐊᒃᑐᖃᑦᑕᖅᑕᖏᓐᓄᑦ ᖃᐅᔨᒪᓇᓱᖕᓂᖅ ᐃᓄᑑᓇᓱᒍᑎᓪᓗ. ᑐᐊᕕᕐᓇᖅᑐᒦᑦᑐᓄᑦ ᐃᓗᐊᖅᓴᐃᔩᑦ ᐱᓕᕆᖃᑎᒌᖏᑦ ᐃᑲᔪᖅᑐᑦ 8 ᐃᓗᐊᖅᓴᐃᔨᓂᒃ ᓄᓇᓕᖕᒥ ᑕᒪᒃᑮᑎᒍᑦ ᖃᕆᑕᐅᔭᒃᑯᑦ ᐊᕐᕕᐊᓃᑦᑐᓂᒃᓗ.

ᐃᓱᓕᕖᖃᕈᑎᒧᑦ ᑐᓴᖅᑎᑦᑎᔪᒪᔪᖓ ᐱᖓᓱᒃᑲᓐᓂᑦ ᐋᓐᓂᐊᓕᕇᒃᑯᓯᓕᕆᕝᕕᑦ ᐊᒡᒋᕐᓂᖏᓐᓂ ᓇᐅᔮᓄᑦ, ᑭᙵᕐᓄᑦ ᐊᒻᒪ ᓴᓂᑭᓗᐊᕐᒧᑦ.

ᓴᓂᑭᓗᐊᕐᒥ ᐊᑐᕐᓂᐊᖅᑐᑦ ᕕᕗᐊᕆ 8−ᒥ 9−ᒧᑦ ᐹᑦᓵᓕ ᖁᑦᑎᖕᓂᖅᓴᓄᑦ ᐃᓕᓐᓂᐊᕐᕕᖕᒥ.

ᓇᐅᔮᓂ ᐊᑐᕐᓂᐊᖅᑐᑦ ᐋᓐᓂᐊᓕᕇᒃᑯᓯᓕᖅᑕᐅᕕᖕᒥ ᑐᓴᕐᕕᒃ ᐃᓕᓐᓂᐊᕐᕕᖕᒥ ᕕᕗᐊᕆ 15−ᒥ ᐊᒻᒪ 16-ᒥ.

ᑭᙵᐃᑦ ᐊᑐᕐᓂᐊᖅᑐᑦ ᐋᓐᓂᐊᓕᕇᒃᑯᓯᓕᖅᑕᐅᕕᖕᒥ ᓄᓇᓕᖓᑕ ᐱᙳᐊᕐᕕᖓᓂ ᕕᕗᐊᕆ 22−ᒥ 24−ᒧᑦ.

ᐋᓐᓂᐊᓕᕇᒃᑯᓯᓕᖅᑕᐅᕕᓕᒫᑦ ᒪᑐᐃᕋᔭᖅᑐᑦ 9−ᒥ ᐅᓪᓛᒃᑯᑦ 8−ᒧᑦ ᐅᓐᓄᖕᒧᑦ. ᖃᐅᔨᒋᐊᕐᕕᒋᒍᒃ ᐋᓐᓂᐊᕐᕕᒃ ᐃᓂᒃᓴᓕᐅᕐᓂᕐᒧᑦ.

ᐋᓐᓂᐊᓕᕇᒃᑯᓯᓕᖅᑕᐅᕝᕕᒃᓴᒃᑲᓐᓂᑦ ᐅᓪᓗᖏᑦ ᑐᓴᖅᑎᑦᑎᔾᔪᑕᐅᓂᐊᖅᑐᑦ ᑕᒪᑐᒪᓂ ᐱᓇᓱᐊᕈᓯᕐᒥ.

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ:https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path

 

ᐊᕐᕕᐊᓂᑦ ᐋᓐᓂᐊᕕᒃ

ᐋᓐᓂᐊᕕᒃ ᐊᐅᓚᓂᖃᐃᓐᓇᕐᓂᐊᖅᑐᖅ, ᑭᓯᐊᓂ ᑕᑯᔭᐅᔪᒪᔪᑦ ᐅᖃᓗᖅᑳᖃᑦᑕᖁᔭᐅᔪᑦ ᑕᐃᑯᙵᙱᓐᓂᖏᓐᓂ ᐱᑦᑎᐊᖁᓪᓗᒍ ᖃᐅᔨᓴᖅᑕᐅᓂᖅ ᖃᓂᒃᓴᑲᑕᒃᑕᐃᓕᒪᓂᕐᓗ.  ᐃᑲᕐᕋᖏᑦ ᐊᐅᓚᓂᖏᓐᓄᑦ ᐊᓯᔾᔨᑐᐃᓐᓇᕆᐊᓕᑦ ᐱᖁᓪᓗᒋᑦ ᐊᐅᓚᑕᐅᔪᓐᓇᖅᑐᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᐱᔭᕆᐊᓕᑦ.

 

ᐊᒡᒋᖅᐸᓪᓕᐊᔪᑦ ᓄᓇᓕᖕᓂ ᑲᐱᓯᑲᑕᖕᓂᐊᖅᑐᑦ

ᐃᓐᓇᒃᑯᕕᖕᒦᑦᑐᑦ ᐃᓗᐊᖅᓴᖅᑕᐅᓃᑦ ᓄᓇᓕᖕᓂ ᐱᔾᔪᑎᖃᓪᓗᐊᑕᕐᓂᐊᖅᐳᑦ ᐋᓐᓂᐊᕐᕕᖕᒥ  ᐃᖅᑲᓇᐃᔭᖅᑎᒋᔭᐅᔪᓂᑦ ᑕᐃᑯᙵᖅᑐᓂᒃ ᑲᐴᑎᒥᒃ ᐊᐅᓚᑦᑎᔭᖅᑐᖅᑐᓂᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐃᓐᓇᒃᑯᕕᖕᒧᐊᑲᐅᑎᒋᖃᑦᑕᕐᓂᐊᖅᐳᑦ ᑲᐱᓯᔭᖅᑐᕐᓇᖅᓯᒃᐸᑦ ᐅᓪᓗᖏᓐᓂᒃ.

ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᒃ ᐃᓗᐊᖅᓴᐃᕕᒃ 1

  • ᓇᓂ: ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᒃ, ᐃᒡᓗ 1091
  • ᓯᕗᓪᓕᐅᑎᑕᐅᔪᑦ ᑲᑎᙵᔪᑦ 1: ᐃᓐᓇᐃᑦ ᐊᕐᕌᒍᓖᑦ 65 ᐅᖓᑖᓂᓗ, ᐊᖏᕐᕋᖃᙱᑦᑐᓄᓪᓗ
    ᓯᕗᓪᓕᐅᑎᑕᐅᔪᑦ ᑲᑎᙵᔪᑦ 2: ᖃᐅᔨᒃᑳᖃᑦᑕᖅᑐᑦ ᐋᓐᓂᐊᕕᓕᕆᔨᑦ ᑭᐅᔩᓪᓗ, ᑐᐊᕕᕐᓇᖅᑐᒃᑯᑦ ᖃᖓᑕᓲᒃᑰᖅᑎᑦᑎᔨᑦ, ᓄᓇᓕᐅᔪᑦ ᐃᖅᑲᓇᐃᔭᖅᑎᓪᓗ ᐃᓐᓇᒃᑯᕕᖕᓂ/ᐊᔪᖅᑐᒃᑯᕕᖕᓂ, ᐊᑲᐅᓯᓴᖅᕕᒃ ᐃᓱᒪᓕᕆᔨᒃᑯᑦ ᒪᒥᓴᕐᕕᖓ, ᓄᓇᓕᐅᔪᓪᓗ ᐃᖅᑲᓇᐃᔭᖅᑎᓪᓗ ᑎᒍᔭᐅᒪᕕᖕᓂ.
  • ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᔭᓄᐊᕆ 25-29 
  • ᓇᒧᙵᖅᐸᑦ: 1−ᒥ ᐅᓐᓄᒃᓴᒃᑯᑦ – 7−ᒧᑦ ᐅᓐᓄᖕᒧᑦ
  • ᐋᓐᓂᐊᕐᕕᒃ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖃᓗᒡᓗᑎᑦ 867-975-4810−ᒧᑦ

ᐃᖃᓗᖕᓂ ᐋᓐᓂᐊᕕᖕᒥ ᓘᒃᑖᓕᐊᕐᕕᒃ 2

  • ᓇᓂ: ᕿᑭᖅᑕᓂ ᐋᓐᓂᐊᕕᒃ ᓘᒃᑖᓕᐊᕐᕕᖓ.
  • ᓯᕗᓪᓕᐅᑎᑕᐅᔪᑦ ᑲᑎᙵᔪᑦ 1: ᐃᓐᓇᐃᑦ ᐊᕐᕌᒍᓖᑦ 65 ᐅᖓᑖᓂᓗ, ᐊᖏᕐᕋᖃᙱᑦᑐᓄᓪᓗ
    ᓯᕗᓪᓕᐅᑎᑕᐅᔪᑦ ᑲᑎᙵᔪᑦ 2: ᖃᐅᔨᒃᑳᖃᑦᑕᖅᑐᑦ ᐋᓐᓂᐊᕕᓕᕆᔨᑦ ᑭᐅᔩᓪᓗ, ᑐᐊᕕᕐᓇᖅᑐᒃᑯᑦ ᖃᖓᑕᓲᒃᑰᖅᑎᑦᑎᔨᑦ, ᓄᓇᓕᐅᔪᑦ ᐃᖅᑲᓇᐃᔭᖅᑎᓪᓗ ᐃᓐᓇᒃᑯᕕᖕᓂ/ᐊᔪᖅᑐᒃᑯᕕᖕᓂ, ᐊᑲᐅᓯᓴᖅᕕᒃ ᐃᓱᒪᓕᕆᔨᒃᑯᑦ ᒪᒥᓴᕐᕕᖓ, ᓄᓇᓕᐅᔪᓪᓗ ᐃᖅᑲᓇᐃᔭᖅᑎᓪᓗ ᑎᒍᔭᐅᒪᕕᖕᓂ.
  • ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᔭᓄᐊᕆ 30 
  • ᓇᒧᙵᖅᐸᑦ: 10 ᐅᓪᓛᒥᑦ – 4 ᐅᓐᓄᒃᓴᒧᑦ
  • ᐋᓐᓂᐊᕐᕕᒃ ᖃᓄᐃᑦᑑᓂᖓ: ᐃᓂᒃᓴᓕᐅᕐᓗᓂ.
  • ᐅᖃᓗᒡᓗᑎᑦ 867-975-4810−ᒧᑦ

ᖃᒪᓂ'ᑐᐊᖅ

  • ᓇᓂ: ᔫᓇ ᐊᒥ'ᓈᖅ ᐃᓕᓐᓂᐊᕐᕕᒃ
  • ᓯᕗᓪᓕᖅᐸᐅᔾᔭᐅᓯᒪᔪᑦ ᐃᓄᐃᑦ 45 ᐅᖓᑖᓄᓪᓗ ᐊᕐᕌᒍᓖᑦ.
  • ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᔭᓄᐊᕆ, 25-27
  • ᓇᒧᙵᖅᐸᑦ: 9 ᐅᓪᓛᒥᑦ – 8 ᐅᓐᓄᒃᓴᒧᑦ
  • ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖃᓗᒡᓗᑎᑦ 867-793-2816−ᒧᑦ

ᑰᒑᕐᔪᒃ

  • ᐃᓂᒋᓂᐊᖅᑕᖓ: ᐊᕐᕕᓕᒡᕈᐊᖅ ᐃᓕᓐᓂᐊᕐᕕᒃ
  • ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᕖᕝᕗᐊᕆ 4-5
  • ᓇᒧᙵᖅᐸᑦ: 9 ᐅᓪᓛᒥᑦ – 8 ᐅᓐᓄᒃᓴᒧᑦ
  • ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖄᓚᓗᑎᑦ: 867-769-6441.

ᓴᓂᑭᓗᐊᖅ

  • ᐃᓂᒋᓂᐊᖅᑕᖓ: ᐹᑦᓵᓕ ᐃᓕᓐᓂᐊᕐᕕᐊᓗᒃ
  • ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᕕᕗᐊᕆ 8-9
  • ᓇᒧᙵᖅᐸᑦ: 9−ᒥᑦ ᐅᓪᓛᒃᑯᑦ 8-ᒧᑦ ᐅᓪᓗᒃᑯᑦ
  • ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖄᓚᓗᑎᑦ: 867-226-8965.

ᓇᐅᔮᑦ

  • ᐃᓂᒋᓂᐊᖅᑕᖓ: ᑐᓴᕐᕕᒃ ᐃᓕᓐᓂᐊᕐᕕᒃ
  • ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᕖᕝᕗᐊᕆ 15-16
  • ᓇᒧᙵᖅᐸᑦ: 9−ᒥᑦ ᐅᓪᓛᒃᑯᑦ 8-ᒧᑦ ᐅᓪᓗᒃᑯᑦ
  • ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖄᓚᓗᑎᑦ: 867-462-9916.

ᑭᙵᐃᑦ

  • ᐃᓂᒋᓂᐊᖅᑕᖓ: ᐱᙳᐊᕐᕕᖕᒥ
  • ᐅᓪᓗᐊ (ᓯᕗᓪᓕᖅ ᑲᐱᔭᐅᓂᖅ) ᕕᕗᐊᕆ 22-24
  • ᓇᒧᙵᖅᐸᑦ: 9−ᒥᑦ ᐅᓪᓛᒃᑯᑦ 8-ᒧᑦ ᐅᓪᓗᒃᑯᑦ
  • ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖄᓚᓗᑎᑦ: 867-897-8820.

ᐃᒡᓗᓕᒃ

  • ᐃᓂᒋᓂᐊᖅᑕᖓ: ᐃᒡᓗᓕᖕᒥ ᖁᑦᑎᖕᓂᖅᓴᒦᑦᑐᓄᑦ ᐃᓕᓐᓂᐊᕐᕕᖕᒥ. 
  • ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 1-2
  • ᓇᒧᙵᖅᐸᑦ: 9 ᐅᓪᓛᒥᑦ – 9 ᐅᓐᓄᒃᓴᒧᑦ
  • ᐃᓗᐊᖅᓴᖅᑕᐅᕕᒃ ᖃᓄᐃᑦᑑᓂᖓ: ᐋᓐᓂᐊᕕᖕᒧᑦ ᐃᓯᒥᐊᖅᑐᑦ.

ᐃᖃᓗᖕᓂ ᐃᓐᓇᒃᑯᕕᒃ

  • ᐃᓂᒋᓂᐊᖅᑕᖓ: ᐃᓇᒃᑯᕕᖕᒥ.
  • ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 3.

ᐅᖅᓱᖅᑑᖅ

  • ᐃᓂᒋᓂᐊᖅᑕᖓ: ᕿᕿᖅᑕᖅ ᖁᑦᑎᖕᓂᖅᓴᓄᑦ ᐃᓕᓐᓂᐊᕐᕕᒃ
  • ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 8-9 
  • ᓇᒧᙵᖅᐸᑦ: 8:30 ᐅᓪᓛᒥᑦ – 9 ᐅᓐᓄᒃᓴᒧᑦ
  • ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖃᓗᒡᓗᑎᑦ 867-360-7441−ᒧᑦ

ᑎᑭᕋᕐᔪᐊᖅ

  • ᐃᓂᒋᓂᐊᖅᑕᖓ: ᐃᓄᒡᓚᒃ ᐃᓕᓐᓂᐊᕐᕕᒃ
  • ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕖᕝᕗᐊᕆ 15-16
  • ᓇᒧᙵᖅᐸᑦ: 9 ᐅᓪᓛᒥᑦ – 8 ᐅᓐᓄᒃᓴᒧᑦ
  • ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖃᓗᒡᓗᑎᑦ 867-896-9916−ᒧᑦ

ᑲᖏᖅᖠᓂᖅ

  • ᐃᓂᒋᓂᐊᖅᑕᖓ: ᓯᖐᑐᖅ ᐱᙳᐊᕐᕕᖓᓂᑦ
  • ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 15-18
  • ᓇᒧᙵᖅᐸᑦ: 9 ᐅᓪᓛᒥᑦ – 8:30 ᐅᓐᓄᒃᓴᒧᑦ
  • ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖃᓗᒡᓗᑎᑦ 867-645-8070−ᒧᑦ

ᐃᒡᓗᓕᒑᕐᔪᒃ

  • ᐃᓂᒋᓂᐊᖅᑕᖓ: ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᒃ
  • ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᕕᕗᐊᕆ 19-20
  • ᓇᒧᙵᖅᐸᑦ: 9 ᐅᓪᓛᒥᑦ – 8 ᐅᓐᓄᒃᓴᒧᑦ
  • ᑲᐱᔭᐅᓂᖅ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖃᓗᒡᓗᑎᑦ 867-898-9968−ᒧᑦ

ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᒃ ᐃᓗᐊᖅᓴᐃᕕᒃ 1

  • ᐃᓂᒋᓂᐊᖅᑕᖓ: ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᒃ, ᐃᒡᓗ 1091
  • ᓯᕗᓪᓕᖅᐸᐅᔾᔭᐅᓯᒪᔪᑦ ᐃᓄᐃᑦ ᐊᕐᕌᒍᓖᑦ 65 ᐅᖓᖓᑖᓄᓪᓗ, ᐊᖏᕐᕋᖃᙱᑦᑐᒃᑯᕕᖕᒦᑉᐸᒃᑐᓪᓗ.
  • ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᐅᑕᖅᑭᔪᑦ 
  • ᓇᒧᙵᖅᐸᑦ: 1−ᒥ ᐅᓐᓄᒃᓴᒃᑯᑦ – 7−ᒧᑦ ᐅᓐᓄᖕᒧᑦ
  • ᐋᓐᓂᐊᕐᕕᒃ ᖃᓄᐃᑦᑑᓂᖓ; ᐃᓂᒃᓴᓕᐅᕐᓗᓂ.
  • ᐅᖃᓗᒡᓗᑎᑦ 867-975-4810−ᒧᑦ

ᐃᖃᓗᖕᓂ ᐋᓐᓂᐊᕕᖕᒥ ᓘᒃᑖᓕᐊᕐᕕᒃ 2

  • ᐃᓂᒋᓂᐊᖅᑕᖓ: ᕿᑭᖅᑕᓂ ᐋᓐᓂᐊᕕᒃ ᓘᒃᑖᓕᐊᕐᕕᖓ.
  • ᓯᕗᓪᓕᖅᐸᐅᔾᔭᐅᓯᒪᔪᑦ ᐃᓄᐃᑦ ᐊᕐᕌᒍᓖᑦ 65 ᐅᖓᖓᑖᓄᓪᓗ, ᐊᖏᕐᕋᖃᙱᑦᑐᒃᑯᕕᖕᒦᑉᐸᒃᑐᓪᓗ.
  • ᐅᓪᓗᐊ (ᐊᐃᑉᐸᖓ ᑲᐱᔭᐅᓂᖅ) ᐅᑕᖅᑭᔪᑦ 
  • ᓇᒧᙵᖅᐸᑦ: 10 ᐅᓪᓛᒥᑦ – 4 ᐅᓐᓄᒃᓴᒧᑦ
  • ᐋᓐᓂᐊᕐᕕᒃ ᖃᓄᐃᑦᑑᓂᖓ: ᐃᓂᒃᓴᓕᐅᕐᓗᓂ.
  • ᐅᖃᓗᒡᓗᑎᑦ 867-975-4810−ᒧᑦ

 

ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ:  ᔮᓄᐊᕆ 25

Total tests ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑐᖁᔪᑦ ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ Total vaccine doses administered
7382 282 17 264 1 6306 362 4458

*ᑲᑎᓕᒫᖅᖢᒋᑦ ᑲᐱᔭᐅᓃᑦ ᓄᑖᙳᕆᐊᖅᑎᑕᐅᖃᑦᑕᖅᐳᑦ ᐊᔪᕐᓇᕈᓐᓃᑐᐊᕌᖓᑦ, ᑭᓯᐊᓂᓗ ᐊᑦᑎᖕᓂᖅᓴᐅᑐᐃᓐᓇᕆᐊᖃᖅᖢᑎᒃ ᓈᓴᖅᑕᐅᓯᒪᓪᓚᕆᒃᑐᓂᑦ.

ᓄᕙᕐᔪᐊᕐᓇᖅ-19−ᒧᑦ ᓄᓇᓕᖕᓂ ᐱᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᔮᓄᐊᕆ 25

ᓄᓇᓕᒃ ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ   ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ ᑐᖁᔪᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ
ᐊᕐᕕᐊᑦ 236 238 2 1 220 17
ᑎᑭᕋᕐᔪᐊᖅ 23 23 0 0 23 0
ᑲᖏᖅᖠᓂᖅ 19 19 0 0 19 0
ᓴᓂᑭᓗᐊᖅ  2 2 0 0 2 0
ᑲᑎᖦᖢᒋᑦ  280 282 2 1 264 17

ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᔮᓄᐊᕆ 25

ᓄᓇᓕᒃ  ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
ᐊᕐᕕᐊᑦ  238 1538
ᑎᑭᕋᕐᔪᐊᖅ  23 304
ᑲᖏᖅᖠᓂᖅ 19 399
ᓴᓂᑭᓗᐊᖅ  2 202
ᑲᑎᖦᖢᒋᑦ  282 2443

ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:

ᐊᐅᓪᓚᕈᑎᒋᔭᐅᓯᒪᔪᑦ

ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᔮᓄᐊᕆ 24−ᒥ ᐱᒋᐊᖅᖢᓂ

ᐋᓐᓂᐊᕐᕕᓕᐊᖅᑐᑦ

295

ᑭᒃᑯᑐᐃᓐᓇᑦ

335
ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ 25
ᐃᒡᓗᓕᐅᖅᑎᑦ 115

ᑲᑎᖢᒋᑦ

770

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ

ᔭᓐᓄᐊᓕ 23 

18

ᔭᓐᓄᐊᓕ 24 

26

ᔭᓐᓄᐊᓕ 25 

148

ᔭᓐᓄᐊᓕ 26

34

ᔭᓐᓄᐊᓕ 27 

114

ᑲᑎᖢᒋᑦ

340

ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:

ᔮᓄᐊᕆ 13−ᒥ ᐱᒋᐊᖅᖢᓂ, 11010−ᓂᒃ ᑐᒃᓯᕋᖅᑐᖃᓚᐅᖅᐳᖅ, 5274−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ

# %

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)

7481 67.9%

ᐊᖏᖅᑕᐅᙱᑦᑐᑦ

297 2.7%
ᐅᑕᖅᑭᔪᑦ 328 3.0%

ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ

2904 26.4%
ᑲᑎᖢᒋᑦ 11010 100%

 

 

ᐃᓄᓕᕆᔨᒃᑯᑦ

ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᓕᖅᑐᑦ ᐊᒥᓱᕈᖅᐸᓪᓕᐊᓯᒪᓂᖏᓐᓄᑦ ᓄᓇᕗᒻᒥ, ᓂᖃᐃᓱᖅᑐᖅᓯᐅᑎᑦ ᓱᒃᑯᐊᕿᔪᖅᓯᐅᑎᑦ ᐅᖄᓚᐅᑎᒃᑯᑦ ᑲᒪᒋᔭᐅᖃᑦᑕᕐᓂᐊᖅᑐᑦ ᐊᔪᕐᓇᖏᑐᐊᖅᐸᑦ ᐅᐸᑦᑕᐅᖃᑦᑕᖏᒑᕐᓗᑎᑦ ᐃᓂᔅᓴᓕᐅᖅᓯᒪᔪᓄᑦ ᐱᔭᕆᐊᖃᖅᐸᑕ ᑭᓯᐊᓂ.

ᑕᒪᓐᓇ ᐱᔾᔪᑎᖃᖅᑐᖅ ᑕᐃᒪᐃᓕᖓᓂᖓ ᓯᐊᒻᒪᑉᐸᓪᓕᐊᖏᓐᓂᖅᓴᐅᓂᐊᕐᒪᑦ ᓇᒧᑐᐃᓐᓇᖅ ᓄᕙᒡᔪᐊᕐᓇᖅ-19 ᓄᓇᓕᑦᑎᓐᓂ, ᑭᒃᑯᑐᐃᓐᓇᓕᒫᑦᑎᐊᓂᓗ ᐅᓗᕆᐊᓇᖅᑐᒦᑦᑐᖃᖁᓇᒍ.   

ᓄᓇᒋᔭᔅᓯᓐᓂᒃ ᑖᒃᑯᐊ ᓂᖃᐃᓱᖅᑐᓕᕆᔩᑦ ᓱᒃᑯᐊᕿᑎᑦᑎᔩᑦ ᐅᕙᓗ ᐊᕕᑦᑐᖅᓯᒪᓂᐅᔪᒧᑦ ᐊᓪᓚᕝᕕᖓᓐᓄᑦ ᐅᖃᓛᓗᓯ ᑖᒃᑯᓄᖓ ᑎᑎᕋᖅᑕᐅᖅᓯᒪᔪᓄᑦ ᐃᓂᔅᓴᓕᐅᕐᓂᐊᕋᕕᑦ. ᓂᐱᓕᐅᕐᓂᐊᖅᐳᑎᑦ ᑭᐅᔭᐅᙱᒃᑯᕕᑦ, ᐅᖄᓚᕝᕕᐅᓂᐊᖅᐳᑎᓪᓗ.  ᐅᖃᐅᑎᔭᐅᒐᔭᖅᑐᑎᑦ ᐅᐸᒋᐊᖃᕐᓂᐊᕐᒪᖔᖅᐱᑦ ᐅᕙᓗ ᐅᖄᓚᐅᑎᒃᑰᖓᓂᐊᕐᒪᖔᖅ ᐃᓂᔅᓴᓕᐊᕆᓯᒪᔪᖅ ᐃᓕᓐᓄᑦ.

ᐅᖄᓚᐅᑎᖃᙱᒃᑯᕕᑦ, ᑕᐃᑯᙵᕐᓗᑎᑦ ᓂᖃᐃᓱᖅᑐᖅᓯᐅᑎᑦ ᓱᒃᑯᐊᕿᑎᑦᑎᔨᒃᑯᑦ ᐊᓪᓚᕝᕕᖓᓐᓄᑦ ᐃᓂᔅᓴᓕᐅᖅᑕᐅᓯᒪᔭᕕᑦ ᐅᓪᓗᖓᓐᓂᑦ.  ᓄᕙᕐᔪᐊᕐᓇᖅ-19 ᐱᓪᓗᒍ ᐊᑕᐅᓯᑐᐊᕐᒥᑦ ᐃᓄᒻᒥᑦ ᐃᓯᖅᓯᒪᔪᖃᖃᑦᑕᕆᐊᖃᕐᓂᐊᓕᖅᑐᖅ ᓂᖃᐃᓱᖅᑐᖅᓯᐅᑎᓕᕆᔨᒃᑯᑦ ᓱᒃᑯᐊᕿᑎᑦᑎᔨᒃᑯᑦ ᐊᓪᓚᕝᕕᖓᓐᓂᒃ.

ᐱᖃᑕᕈᕕᑦ ᐃᖅᑲᓇᐃᔭᙱᑐᖅᓯᐅᑎᑖᖃᑦᑕᕈᕕᑦ, ᐃᓐᓇᖅᓯᐅᑎᓄᑦ ᐱᖃᑦᑕᕈᕕᑦ/ᐃᖅᑲᓇᐃᔮᓂᑦ ᐱᔭᕇᖅᑐᖅᓯᐅᑎᓄᑦ, CRB ᐅᕙᓗ CRCB-ᒥᒃ ᑖᒃᑯᐊ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᑲᔫᑎᐅᔪᑦ ᓄᕙᕐᔪᐊᕐᓇᖅ-19ᒧᑦ ᐃᖅᑲᓇᐃᔭᕈᓐᓇᐃᓕᓯᒪᔪᓄᑦ ᑖᒃᑯᐊ ᖃᔅᓯᐅᓂᕆᔭᖓ ᑭᖑᓪᓕᖅᐹᕐᒥᒡᓗ ᐊᑭᓕᖅᑕᐅᔾᔪᑎᒋᓚᐅᖅᑕᑎᑦ ᐅᓪᓗᖓᓗ ᐊᑐᐃᓐᓇᕆᓗᒋᓪᓗ ᐃᓂᔅᓴᕆᔭᓐᓂᒃ ᑲᒪᒋᔭᐅᓕᖅᐸᑕ.

.ᑮᓇᐅᔭᒃᓴᓂᒃ ᓴᓇᔭᐅᓯᒪᔪᓂᒃ ᑐᓂᓯᔪᖃᖃᑦᑕᔾᔮᙱᑦᑐᖅ ᑕᒪᑐᒪᓂ ᑭᒃᑯᑐᐃᓐᓇᓄᑦ ᖃᓄᐃᙱᑎᑦᑎᓂᕐᒧᑦ ᑐᐊᕕᕐᓇᖅᑐᖅᑕᖃᕐᓂᖓᓂ ᓄᓇᓕᔅᓯᓐᓂ.  ᓂᖃᐃᓱᖅᑐᓕᕆᔩᑦ ᐃᓕᖕᓂᒃ ᐊᐱᕆᓂᐊᖅᐳᖅ ᓂᕈᐊᖁᓗᓂᑎᑦ ᓂᐅᕕᕐᕕᖕᒥᒃ, ᓂᐅᕕᕐᕕᖕᓂᒡᓘᓐᓃᑦ, ᑕᐃᑲᓂᓗ ᐊᑭᓕᖅᑕᐅᓂᕆᔭᐃᑦ ᐃᓕᔭᐅᖁᓗᒍ, ᑭᒡᒐᖅᑐᖅᑕᐅᓗᑎᑦ ᓄᓇᓕᔅᓯᓐᓂ.

ᑕᐃᓐᓇ ᐊᑭᓕᐅᑕᐅᔪᖅ ᐃᓕᖕᓄᑦ ᒪᓂᒪᑎᑕᐅᓕᕐᓂᐊᖅᐳᖅ ᑕᐃᑲᓂ ᓂᐅᓂᕕᕐᕕᖕᒥ 11:00 ᐅᓪᓛᒃᑯᑦ ᖄᖏᖅᐸᑦ ᖃᐅᒃᐸᙳᑐᐊᖅᐸᑦ.

ᑖᒃᑯᐊ ᓂᐅᕕᕐᕖᑦ ᒪᓕᒐᓕᐊᕆᓯᒪᔭᖏᑦ ᒪᓕᑦᑎᐊᕐᓂᐊᖅᐸᑎᑦ ᐅᖓᓯᒌᖃᑦᑕᐅᑎᔭᕆᐊᖃᕐᓂᕐᒧᑦ ᐊᒻᒪ ᐃᓄᐃᑦ ᐊᑦᑕᐅᑎᒃᑯᑦ ᐃᓯᕈᓐᓇᖅᑎᑕᐅᔪᑦ ᐊᒥᓲᓂᕆᔭᕆᐊᓕᖏᑦ ᓄᓇᓕᓐᓄᑦ.

ᓄᑕᖅᑲᑦ ᑲᒪᒋᔭᐅᑦᑎᐊᕐᓂᖏᓐᓄᑦ ᓴᐳᒻᒥᔭᐅᓂᖏᑦ

ᐃᓱᒫᓘᑎᖃᕌᖓᔅᓯ ᓄᑕᖅᑲᑦ ᐊᒻᒪ/ᐅᕝᕙᓘᓐᓃᑦ ᒪᒃᑯᒃᑐᑦ ᖃᓄᐃᓕᖓᓂᖏᓐᓂᒃ, ᐅᖃᓗᖃᑦᑕᕆᔅᓯ ᓄᓇᔅᓯᓐᓂ ᐃᓄᓕᕆᔨᓄᑦ.

ᐊᕐᕕᐊᕐᓂ:

  • ᖃᑕᙳᑎᒌᓄᑦ ᐃᓅᓯᕆᒃᑐᓕᕆᔨ (ᓄᓇᓕᓐᓂ ᐃᓄᓕᕆᔨ): 867-857-3202 ᐅᕝᕙᓘᓐᓃᑦ 867-857-6871
  • ᐊᖏᔪᖅᑳᖅ ᐃᓚᒌᓄᑦ ᖃᓄᐃᙱᑦᑎᐊᖅᑐᓕᕆᔨᑦ (867-857 3102) 867-857-6786

ᐸᓖᓯᒃᑯᑦ: 867-857-1111

ᐃᓄᓕᕆᔨᒃᑯᑦ ᓄᓇᓕᖕᓂᓗ ᐸᓖᓯᒃᑯᑦ ᖃᐅᔨᒋᐊᕐᕕᖃᕐᓂᕐᒧᑦ ᑐᓴᖅᑕᐅᔪᒃᓴᐃᑦ ᑕᒪᐃᓐᓄᑦ ᐊᑐᓂᑦ ᓄᓇᓕᖕᓄᑦ ᓇᓂᔭᐅᔪᓐᓴᖅᐳᑦ ᐅᕙᓂ, ᐃᓚᒌᓂᒃ ᖃᓄᐃᙱᑦᑎᐊᖅᑎᑦᑎᓂᕐᒧᑦ ᐱᓕᕆᕝᕕᖕᒥ ᐃᑭᐊᖅᑭᕕᑦᑎᓐᓂ ᐅᕙᓂ,  https://www.gov.nu.ca/family-services/information/child-protection.

ᓂᖃᐃᓱᖅᑐᓕᕆᔩᑦ ᐊᕕᒃᓯᒪᓂᕐᒥ ᖃᐅᔨᒋᐊᕐᕕᖃᕐᓂᕐᒧᑦ ᑐᓴᖅᑕᐅᔪᒃᓴᑦ

  • ᑭᕙᓪᓕᖅ: ᐊᑭᖃᙱᑦᑐᖅ ᐅᖃᓘᑎ: (1-800-953-8516) ᓇᕿᒃᑲᓐᓂᕐᓗᒋᑦ ᐅᑯᐊ 1602
  • ᑭᕙᓪᓕᕐᒥ ᐊᕕᑦᑐᖅᓯᒪᓂᐅᔪᒧᑦ ᑎᑎᕋᕐᕕᖓ: 1-867-645-5040 ᓇᕿᒃᑲᓐᓂᕐᓗᒋᑦ 1602 ᐅᓇᓘᓐᓃᑦ 1600

ᐃᖅᑲᓇᐃᔭᖅᑎᐅᓂᕐᒧᑦ ᐱᕙᓪᓕᐊᓂᕐᒧᑦ ᑐᓴᖅᑕᐅᔪᒃᓴᐃᑦ

  • ᑭᕙᓪᓕᖅ: 1-800-953-8516 ext 1611

 

 

ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᓄᓇᓕᖕᓂ ᐃᑲᔪᖅᑕᐅᕕᑦ

ᐊᕐᕕᐊᓂ ᑎᑎᕋᕐᕖᑦ ᒪᑐᓯᒪᓂᐊᖅᑐᑦ ᑲᒪᒋᔭᐅᔭᕆᐊᓖᓪᓗ ᑎᑎᕋᕐᕕᖕᒧᑦ ᓱᓕ ᖃᐅᔨᒋᐊᖃᑦᑕᖁᔭᐅᕗᑦ ᐊᑖᓃᑦᑐᑦ ᓈᓴᐅᑎᑦ ᐊᑐᕐᓗᒋᑦ:

ᐊᕕᑦᑐᖅᓯᒪᔪᓂ ᓄᓇᓕᒃ ᖃᐅᔨᒋᐊᕐᕕᐅᔪᓐᓇᖅᑑᑉ ᐊᑎᖓ ᓈᓴᐅᑎᖓ ᐅᖄᓚᐅᑎᒃᑯᑦ 
ᑭᕙᓪᓕᖅ ᐊᕐᕕᐊᑦ ᔩᓂ ᐊᓕᑯᑦ

867-857-8509

ᓄᓇᓕᖕᓂ ᒪᓕᒐᓕᕆᔨᑦ

ᐊᐴᑎᓯᒪᓗᑎᒃ ᑲᑎᒪᓃᑦ ᑕᒪᒃᑯᓄᖓ ᑭᓯᐊᓂ ᑐᐊᕕᕐᓇᖅᑐᓄᑦ ᐊᔪᕐᓇᙱᑎᑕᐅᕗᑦ, ᑕᐃᓐᓇ ᐱᓕᕆᖃᑎᒋᔭᐅᔪᖅ ᐅᖄᓚᐅᑎᖃᕈᓐᓇᙱᑉᐸᑦ ᑯᐊᖅᓵᕐᓇᙱᑦᑐᒥᓘᓐᓃᑦ ᐃᓂᒥᒃ ᐊᑐᕈᓐᓇᙱᓪᓗᓂ ᐱᓕᕆᔨᑦᑎᓐᓄᑦ ᖃᐅᔨᒋᐊᕆᐊᒃᓴᖅ ᐅᖄᓚᐅᑎᒃᑯᑦ. ᐃᓄᐃᑦ ᐊᐱᕆᔭᐅᕗᑦ ᖃᐅᔨᒋᐊᖁᔭᐅᓪᓗᑎᒃ ᐃᓚᒌᓂᑦ ᐱᓂᕐᓗᒃᑕᐃᓕᒪᑎᑦᑎᓂᕐᒧᑦ ᐱᖁᔭᕐᒥᑦ (FAIA) ᐅᖄᓚᕝᕕᐅᔪᓐᓇᖅᑐᒧᑦ ᐊᐱᖅᑯᑎᒃᓴᖃᕐᓂᕈᑎᒃ ᐃᑲᔪᖅᑕᐅᔭᕆᐊᖃᕈᑎᒡᓘᓐᓃᑦ ᐅᕗᖓ ᓈᓴᐅᑎᒧᑦ, 1-844-534-1038. ᐅᖄᓚᔪᖅ ᖃᐅᔨᓴᖅᑕᐅᓂᐊᖅᐳᖅ ᑐᑭᓯᓇᓱᒡᓗᑎᒃ ᐃᑲᔪᖅᑕᐅᔭᕆᐊᓕᖕᒥᒃ ᑐᕌᖅᑎᑕᐅᓗᓂ ᓄᓇᓕᖕᓂ ᒪᓕᒐᓕᕆᔨᒻᒪᕆᖕᒧᑦ ᑖᓐᓇᓗ ᐃᑲᔪᕈᓐᓇᖅᖢᓂ ᐱᓇᔫᑎᖓᓄᑦ ᐃᑲᔫᑎᒃᓴᓂᓪᓗ ᓇᓗᓇᐃᖅᓯᔪᓐᓇᖅᖢᓂ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᐅᓚᐅᑲᒃᑐᖅ ᐱᔨᑦᑎᕋᐅᑏᑦ:

ᑎᒍᔭᐅᓯᒪᕝᕖᑦ ᓱᓕ ᑭᒃᑯᑐᐃᓐᓇᓄᑦ ᒪᑐᓯᒪᓂᐊᖅᑐᑦ. ᐋᖅᑭᒃᑕᐅᓯᒪᔪᑦ ᐅᔾᔨᖅᓱᖁᔨᔾᔪᑏᑦ ᓱᓕ ᐊᑐᕐᓂᐊᖅᑐᑦ.

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐃᓕᓐᓂᐊᕐᕕᓕᒫᑦ

ᓇᒡᒐᔾᔭᒥᑦ, ᔭᓄᐊᕆ 25, 2021−ᒥᑦ, ᐃᓕᓐᓂᐊᕐᕖᑦ ᓄᓇᓕᖕᓂ ᑎᑎᕋᖅᑕᐅᓯᒪᔪᓂ ᐊᑖᓂ ᓅᓐᓂᐊᖅᐳᑦ ᐅᑯᓄᖓ ᐊᑐᖅᑕᐅᓂᖏᓕᖅᑐᓄᑦ.

  • ᐊᕐᕕᐊᑦ − ᓇᓃᓐᓂᖓ 4
  • ᐃᓄᒡᓚᒃ ᐃᓕᓐᓂᐊᕐᕕᒃ ᑎᑭᕋᕐᔪᐊᓂ ᓇᓃᓐᓂᖓ 3-ᒦᖏᓐᓇᕐᓂᐊᖅᑐᖅ.
  • ᐊᑐᕆᐊᓕᒃ 2 − ᐊᓯᓕᒫᖏᑦ ᐃᓕᓐᓂᐊᕐᕖᑦ ᓄᓇᕗᒻᒥ

ᓄᑖᙳᕆᐊᖅᓯᒪᔪᓂᒃ ᓄᓇᓕᖕᒥᐅᑦ ᖃᓄᐃᓕᕙᓪᓕᐊᓂᖏᓐᓄᑦ ᑕᑯᒃᓴᕈᖅᑎᑕᐅᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/education/information/2020-21-opening-plan-nunavut-sch...

ᐊᑐᕆᐊᓕᒃ 4 - ᐊᕐᕕᐊᑦ

  • ᐱᒋᐊᕐᖢᓂ ᓇᒡᒐᔾᔭ, ᔭᓄᐊᕆ 25, 2021, ᐊᕐᕕᐊᓂ ᐃᓕᓐᓂᐊᕐᕕᓕᒫᑦ ᐊᑐᓕᖅᑎᑦᑎᓂᐊᖅᑐᑦ ᓇᓃᓐᓂᖓᓂ 4 ᖃᓄᐃᓕᐅᕐᓂᕐᒧᑦ ᐱᕙᒌᔭᐅᒻᒥᒃ.
  • ᐊᕐᕕᐊᓂ ᐃᓕᓐᓂᐊᕐᕖᑦ ᒪᑐᒪᐃᓐᓇᕐᓂᐊᖅᑐᑦ ᖃᐅᔨᑎᑕᐅᒃᑲᓐᓂᓚᐅᙱᓐᓂᓕᒫᖏᓐᓂ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.
  • ᒪᓕᒋᐊᖃᖅᑎᑕᓕᒫᑦ ᐊᕐᕕᐊᓂ ᐱᓕᕆᐊᖑᓂᐊᖅᐳᑦ ᐅᐸᒃᓯᒪᙱᒃᑲᓗᐊᕐᓗᒍ.
  • ᐃᓕᓴᐃᔩᑦ ᐃᓕᓐᓂᐊᕐᕕᖕᒥᓗ ᐃᖅᑲᓇᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᖃᓄᐃᓕᖓᓂᖓ ᐸᐃᕆᕖᑦ ᓄᓇᕗᓕᒫᒥ ᒪᓕᒍᑕᐅᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃᑎᒍᑦ.

ᐊᕐᕕᐊᓂ ᐸᐃᕆᕝᕖᑦ ᒪᑐᓯᒪᐃᓐᓇᖁᔭᐅᕗᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.

ᐃᓕᓐᓂᐊᕐᓂᓕᕆᔨᒃᑯᑦ ᐊᐅᓚᓂᕆᕙᒃᑕᖏᑎᒍᑦ ᑲᔪᓯᓂᐊᖅᑐᑦ ᐊᐅᓚᔾᔪᑏᑦ ᐋᖅᑭᐅᒪᔾᔪᑏᓪᓗ ᑮᓇᐅᔭᖃᖅᑎᑕᐅᔾᔪᑎᓄᑦ ᐃᓕᓐᓂᐊᕐᕕᓕᒫᓄᑦ ᒪᑐᐃᖓᒃᐸᑕᓘᓐᓃᑦ ᒪᑐᓯᒪᒃᐸᑕᓘᓐᓃᑦ.

ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᓯᖏᑦ, ᐸᐃᕆᕕᓕᒫᑦ ᓄᓇᕗᓕᒫᒥ ᓄᓇᓕᖏᓐᓂ, ᑭᓯᐊᓂ ᐊᕐᕕᐊᑦ ᐋᒃᑲ,  ᒪᒃᐱᖅᓯᒪᐃᓐᓇᕈᓐᓇᖅᑐᑦ ᒪᓕᒡᓗᑎᒃ ᒫᓐᓇ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑐᑭᒧᐊᒍᑎᖏᓐᓂᒃ ᐊᒻᒪ ᐆᒃᑐᖅᑕᐅᖁᔭᖏᓐᓂᒃ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐃᖅᑲᓇᐃᔭᖅᑎᑦ ᐱᔨᑦᑎᕋᐃᓐᓇᖅᑐᑦ ᐃᓚᐅᓪᓗᑎᒃ:

  • ᐱᓇᔫᑎᑦ ᑮᓇᐅᔭᖃᖅᑎᑕᐅᔾᔪᑎᓄᑦ ᐱᓕᕆᐊᕆᓗᒋᑦ;
  • ᐊᐅᓪᓚᕐᓂᕐᒧᑦ ᑐᒃᓯᕋᖅᑕᑦ;
  • ᐊᑭᓕᖅᓱᐃᔾᔪᑎᓂᒃ ᑎᑎᕋᕐᓂᖅ; ᐊᒻᒪᓗ,
  • ᑭᐅᖃᑦᑕᕐᓂᖅ ᑐᓴᐅᒪᔾᔪᑎᒃᓴᓄᑦ.

ᑐᓴᐅᒪᔾᔪᑎᒃᓴᓕᒫᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐃᕐᖐᓐᓈᖅᑕᐅᓗᑎᒃ ᐅᕗᖓ fans@gov.nu.ca. ᑭᐅᔭᐅᓃᑦ ᓱᒃᑲᐃᓐᓂᖅᓴᐅᑐᐃᓐᓇᕆᐊᖃᖅᐳᑦ ᐊᑐᖅᑕᐅᕙᖕᓂᖏᑕ ᓱᒃᑲᐃᓐᓂᖅᓴᐅᓗᓂ.

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᑎᑎᕋᕐᕕᖓ ᐊᕐᕕᐊᓂ ᑭᒃᑯᑐᐃᓐᓇᓄᑦ ᒪᑐᓯᒪᔪᖅ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

 

 

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᐱᔨᑦᑎᕈᑎᖏᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᒥᑦᑕᕐᕕᖕᒥ ᐊᐅᓚᓂᕆᔭᐅᔪᑦ ᑲᒪᒋᔭᐅᕙᒃᑐᓪᓗ ᑲᔪᓰᓐᓇᕐᓂᐊᖅᐳᑦ.

  • ᐊᑐᕈᓐᓇᕐᓂᖅ ᑭᕙᓪᓕᕐᒥᑦ ᒥᑦᑕᕐᕕᐅᑉ ᐅᑕᖅᑭᕕᖓᓂᒃ ᐃᒡᓗᕐᔪᐊᒥᒃ ᐃᓱᓕᑦᑕᖅᑎᑕᐅᕗᖅ ᐃᖅᑲᓇᐃᔭᖅᑎᓄᑐᐊᖅ, ᖃᖓᑕᓂᐊᖅᑐᓄᑦ, ᐃᓄᖕᓄᓪᓗ ᐃᑲᔪᖅᑐᓄᑦ ᐃᑭᒪᕙᒃᑐᓂᒃ.
  • ᒪᑐᐊᑦ ᖃᖓᓕᒫᑦᑎᐊᒃᑯᑦ ᐊᑐᖅᑕᐅᔭᕆᐊᖃᖅᐳᑦ ᑕᒪᐃᓐᓂᒃ ᓄᓇᕗᒻᒥ ᒥᑦᑕᕐᕕᐅᑉ ᐅᑕᖅᑭᕕᖏᓐᓂᒃ.
  • ᒪᓕᒃᐸᒡᓗᒋᑦ ᑕᒪᕐᒥᒃ ᐋᓐᓂᐊᖅᑐᓕᕆᔨᒃᑯᓐᓂ ᒪᓕᒃᑕᐅᖁᔭᐅᔪᑦ.

ᐊᑭᓕᖅᓱᐃᔨᑦ ᐃᑲᔪᖅᑕᐅᔭᕆᐊᓕᑦ ᐱᓇᔪᖕᓂᕐᒧᑦ ᖃᐅᔨᒋᐊᒃᑲᓐᓂᕈᑎᓄᓪᓘᓐᓃᑦ ᐱᕙᓪᓕᐊᔪᓕᕆᔨᒃᑯᑦ ᐱᓕᕆᐊᒃᓴᓄᑦ ᐱᓇᔫᑎᓄᑦ ᖃᐅᔨᒋᐊᕈᓐᓇᖅᑐᑦ ᓄᓇᓕᖓᑕ ᐱᕙᓪᓕᐊᔪᓕᕆᔨᖓᓄᑦ ᐊᕐᕕᐊᓂ ᐅᕗᖓ cedo@arviat.ca ᖃᐅᔨᒋᐊᕐᓗᒍᓘᓐᓃᑦ ᐃᖅᑲᓇᐃᔭᕐᕕᐅᑉ ᓄᓇᓕᖕᓂ ᐊᕕᒃᑐᖅᓯᒪᔪᓄᑦ ᑎᑎᕋᕐᕕᖓ ᑲᖏᕐᖠᓂᕐᒥ ᐅᕗᖓ 867-645-8450 ᐊᒻᒪᓘᓐᓃᑦdfredlund@gov.nu.ca.

ᐃᖏᕐᕋᔾᔪᑎᓕᕆᔨᒃᑯᑦ ᐊᕐᕕᐊᓂ ᐱᔭᐅᔪᓐᓇᖅᑐᑦ ᖃᐅᔨᒋᐊᕐᕕᒋᓂᒃᑯᑦ ᐃᖏᕐᕋᔾᔪᑎᓕᕆᔨᒃᑯᑦ ᑕᐃᑯᖓ MotorVehicles@gov.nu.ca  ᐅᕝᕙᓘᓐᓃᑦ ᐅᖃᓗᒍᓐᓇᕐᐳᑎ 1-888-975-5999 (ᐊᕿᖃᖏᑦᑐᒃᑯᑦ) ᐅᕝᕙᓘᓐᓃᑦ 1-867-975-7800 ᐃᑲᔪᖅᑕᐅᔪᒪᔪᓄᑦ. ᑕᒪᒃᑯᐊ ᐱᔨᑦᑎᕋᕐᓃᑦ ᐅᑯᓂᖓ ᐃᓚᖃᖅᐳᑦ ᓯᕗᓪᓕᖅᐹᑦᑎᐊᒥᒃ ᐃᖏᕐᕋᔾᔪᑎᒥᒃ ᓇᓗᓇᐃᔭᕈᑎᖃᕐᓂᖅ ᐊᑐᖅᑕᐅᓚᐅᑲᕐᓂᐊᖅᑐᓄᓪᓗ (ᑐᐊᕕᕐᓇᖅᑐᒧᑦ) ᓄᒃᑕᕐᓂᕐᒧᑦ ᓇᓗᓇᐃᒃᑯᑕᕐᓂᒃ

ᐃᖏᕐᕋᔾᔪᑎᓕᕆᔨᒃᑯᑦ ᐊᑐᐃᓐᓇᐅᖕᒥᔪᑦ ᖃᕆᑕᐅᔭᒃᑯᑦ ᐅᕙᓂ gov.nu.ca/motorvehicles ᓄᓇᓕᐅᔪᑦ ᑐᒃᓯᕋᕈᓐᓇᖅᑐᑦ:

  • ᐊᖁᑦᑐᓐᓇᐅᑎᓄᑦ ᓄᑖᙳᕆᐊᖅᑎᑦᑎᓂᖅ
  • ᓄᓇᕗᒻᒥᑦ ᓇᓗᓇᐃᒃᑯᑕᕐᓄᑦ ᓄᑖᙳᕆᐊᖅᑎᑦᑎᓂᖅ
  • ᓄᓇᒃᑰᕈᑎᓄᑦ ᐊᑎᓕᐅᕐᕕᖕᒧᑦ ᓄᑖᙳᕆᐊᖅᑎᑦᑎᓂᖅ
  • ᑐᒃᓯᕋᐅᑏᑦ ᐊᖁᑦᑐᓐᓇᐅᑎᓂᑦ, ᓄᓇᑰᕈᑎᓯᐅᕐᓂᖅ, ᐊᒻᒪᓗ ᐱᕐᕈᓗᐊᕿᔪᓂ ᐅᓂᑳᕐᓂᖅ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐃᖅᑲᓇᐃᔭᕐᕕᖕᓂ ᐊᕕᒃᑐᖅᓯᒪᔪᓂ ᐃᖅᑲᓇᐃᔭᖅᑎᑦ ᐊᕐᕕᐊᓂ ᓅᓕᖅᑐᑦ ᐊᖏᕐᕋᒥ ᐃᖅᑲᓇᐃᔭᕐᓂᕐᓄᑦ ᐊᐅᓚᓂᕆᔭᖏᑎᒍᑦ.

 

 

ᐃᖅᑲᓇᐃᔭᖅᑐᓕᕆᔨᒃᑯᑦ

ᓄᓇᕗᑦ ᒐᕙᒪᒃᑯᑦ ᑎᑎᕋᕐᕕᖏᑦ ᐊᕐᕕᐊᓂ ᒪᑐᓯᒪᔪᑦ ᐃᓄᖕᓄᑦ ᐱᒋᐊᕐᓗᒍ ᔭᓄᐊᕆ 25, 2021.

ᐱᔭᕆᐊᖃᓪᓚᕆᙱᑦᑐᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐊᕐᕕᐊᓂ ᐊᖏᕐᕋᒥᓂ ᐃᖅᑲᓇᐃᔭᕆᐊᖃᖅᐳᑦ. ᐊᖏᔪᖅᑳᕕᑦ ᐱᓕᕆᖃᑎᒋᓂᐊᖅᐹᑎᑦ ᐱᖁᑎᑖᕆᔭᕆᐊᓕᖕᓂ ᐱᑎᑕᐅᓗᑎᑦ ᐊᑐᒐᒃᓴᓂᒡᓘᓐᓃᑦ ᐊᖏᕐᕋᕐᓂ ᐃᖅᑲᓇᐃᔭᕐᓂᐊᖅᑎᓪᓗᑎᑦ. ᐊᖏᕐᕋᒥᓂ ᐃᖅᑲᓇᐃᔭᕐᓂᐊᖅᑐᓄᑦ ᐊᑐᖁᔭᐅᔪᑦ ᐃᑲᔫᑎᒃᓴᐃᓪᓗ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓂ ᓇᓂᔭᐅᔪᓐᓇᖅᐳᑦ ᐅᕙᓂ: http://intranet/covid19/ ᐃᕐᖐᓐᓈᖅᑕᐅᒃᑯᓪᓗ ᓇᒃᓯᐅᔾᔭᐅᓂᐊᖅᖢᑎᒃ.

ᐃᖅᑲᓇᐃᔭᕐᕕᖕᓂ ᐃᕐᖐᓐᓈᖅᑕᐅᒃᑯᑦ ᑎᑎᖅᑲᐅᓯᐊᕆᕙᒃᑕᑎᑦ ᐱᔪᓐᓇᖅᑕᑎᑦ Microsoft Office 365-ᒧᐊᕐᓗᑎᑦ ᖃᕆᓴᐅᔭᕐᓂ ᐅᕙᓂ https://www.office.com/ ᐅᕝᕙᓘᓐᓃᑦ Microsoft Outlook ᐅᖃᓘᑎᕋᓛᕐᓄᐊᕐᓗᒍ.

ᐱᔭᕆᐊᖃᓪᓚᕆᒃᑐᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐊᕐᕕᐊᓂ ᐊᖏᕐᕋᒥᓂ ᐱᓕᕆᔪᓐᓇᖅᑐᑦ, ᐊᖏᕐᕋᒥᓂ ᐃᖅᑲᓇᐃᔭᕆᐊᖃᖅᐳᑦ.  ᑕᐃᒪᐃᙱᑉᐸᑦ, ᐃᖅᑲᓇᐃᔭᕐᕕᖕᒥᓂ ᐱᓕᕆᖃᑦᑕᕐᓂᐊᖅᐳᑦ ᒪᓕᖕᓂᐊᖅᖢᑎᒡᓗ ᐋᓐᓂᐊᖅᑕᐃᓕᒪᓂᕐᒧᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᖃᐅᔨᓴᕈᑎᓂᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓄᑦ ᐊᒻᒪ ᐃᖅᑲᓇᐃᔭᕐᕕᖕᒧᑦ ᐅᑎᕐᓂᐊᖅᑐᓄᑦ ᖃᐅᔨᓴᕈᑎᒥᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᐅᖃᓕᒫᕐᓗᒍ ᓄᕙᒡᔪᐊᕐᓇᖅ-19−ᒧᑦ ᐊᐱᖅᑯᑏᑦ ᑭᒡᒍᓰᓪᓗ ᐊᒻᒪ ᒪᓕᒡᓗᒋᑦ ᓴᖅᑭᑎᑕᐅᓯᒪᔪᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓇᓗᓇᐃᒃᑯᑕᑦ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᑦᑕᐃᓕᒪᖁᓪᓗᒋᑦ. ᖃᐅᔨᓴᕈᑎᑦ, ᐊᐱᖅᑯᑎᑦ ᑭᐅᔾᔪᑎᓪᓗ ᐊᒻᒪ ᐊᑭᓐᓇᕐᒥᐅᑕᐃᑦ ᓇᓂᔪᓐᓇᖅᑕᑎᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑖᓂ: http/intranet/covid19/.

ᖃᐅᔨᒋᐊᕐᓗᑎᑦ ᐅᕗᖓHRcommunications@gov.nu.ca ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᒃᑰᕈᑖᓂ ᐱᖃᙱᒃᑯᕕᑦ ᐊᒻᒪ ᓇᓕᐊᖕᓂᑐᐃᓐᓇᖅ ᐃᑲᔫᑎᒃᓴᑦ ᐊᔾᔨᖓᓂ ᓴᖅᑭᔮᖅᑎᑕᐅᔪᓂᑦ ᐱᔭᕆᐊᖃᕐᓗᑎᑦ.

ᖃᐅᔨᒪᑦᑎᐊᙱᒃᑯᕕᑦ ᐃᖅᑲᓇᐃᔭᕆᐊᖃᓪᓚᕆᖕᒪᖔᖅᐱᑦ ᐋᒃᑲᓘᓐᓃᑦ, ᐊᖓᔪᖅᑳᔅᓯᓐᓄᑦ ᐃᖅᑲᓇᐃᔭᖅᑐᓕᕆᔨᒃᑯᓪᓘᓐᓃᑦ ᑲᒪᔨᖓᓄᑦ ᖃᐅᔨᒋᐊᕐᓗᑎᑦ.

ᒫᓐᓇᐅᔪᖅ, ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐊᓯᓕᒫᖏᓐᓂ ᓄᓇᓕᖕᓂ ᐃᖅᑲᓇᐃᔭᕆᐊᖃᖅᐳᑦ.

ᐳᐃᒍᖅᑕᐃᓕᒋᑦ:

  • ᐋᓐᓂᐊᕈᕕᑦ, ᐊᖏᕐᕋᖅᓯᒪᓗᑎᑦ (ᑖᔅᓱᒧᖓ ᑐᕌᖓᔪᒥᑦ ᐊᑭᓕᖅᓱᖅᑕᐅᓗᓂ ᐃᓄᑑᔭᕆᐊᖃᖅᑎᑕᐅᔪᓄᑦ ᓄᖅᑲᖓᔪᓐᓇᖅᑎᑕᐅᕗᑦ)
  • ᑭᓇᑐᐃᓐᓇᕐᒥᒃ ᓄᕙᒡᔪᐊᕐᓇᖅ-19−ᓕᖕᒥᒃ ᐅᐸᒍᑎᓯᒪᓚᐅᕈᕕᑦ ᐊᖏᕐᕋᖅᓯᒪᐃᓐᓇᕆᐊᖃᖅᐳᑎᑦ ᐅᖄᓚᓗᑎᓪᓗ ᓄᕙᒡᔪᐊᕐᓇᖅ-19 ᐅᖄᓚᕝᕕᖓᓄᑦ ᐅᕗᖓ 975-8601 ᐅᕝᕙᓘᓐᓃᑦ 1-888-975-8601 ᐅᓪᓛᒃᑯᑦ 10-ᒥ 6−ᒧᑦ ᐅᓐᓄᖕᒧᑦ. ᑲᓇᖕᓇᐅᑉ ᓯᕿᙳᔭᖓᒍᑦ ᐅᖃᖃᑎᖃᕈᒪᓗᑎᑦ ᑭᒃᑯᑐᐃᓐᓇᕐᓂᑦ ᐋᓐᓂᐊᖅᑐᓕᕆᓂᖅ ᑭᒡᒐᖅᑐᐃᔨᖓᓄᑦ. ᓇᖕᒥᓂᖅ ᖃᐅᔨᓴᕈᑎᒃᓴᒥᒃ ᐊᑐᒐᒃᓴᖅᑕᓕᒃ ᐅᕙᓂ: https://nu.thrive.health/covid19/en
  • ᖃᓂᒌᓗᐊᖃᑦᑕᙱᓪᓗᓯ: 2 ᒦᑕᒥᒃ (6.5 ᐃᓯᒐᑦ) ᐅᖓᓯᒌᒃᑎᒋᓗᓯ
  • ᐃᓄᐃᑦ ᑲᑎᙵᔪᑦ ᐅᓄᙱᑎᒋᐊᖅᐸᒡᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᖅᑭᒃᑕᖏᑦ ᒪᓕᒡᓗᒋᑦ.
  • ᒪᑐᐊᖅᓯᒪᕙᒡᓗᓯ ᐃᓅᖃᑎᒌᑦ ᐅᖓᓯᒌᒃᑕᕈᓐᓇᙱᒃᑳᖓᑕ.
  • ᑲᑎᒪᕙᒡᓗᓯ ᐅᖓᓯᒌᒃᑕᕐᓗᓯ ᐃᕐᖐᓐᓈᖅᑕᐅᒃᑯᑦ, ᐅᖃᓘᑎᒃᑯᑦ ᐅᕝᕙᓘᓐᓃᑦ ᑕᕐᕆᔭᐅᑎᒃᑯᑦ.
  • ᐋᓪᓕᕋᐃᑦ ᐊᒃᑐᖅᑕᐃᓕᒪᕙᒡᓗᒋᑦ ᐊᒃᑐᖅᑕᓯ ᐅᔾᔨᕆᒋᐊᖅᐸᓪᓗᒋᑦ.
  • ᐊᒡᒐᓯ ᖁᐱᕐᕈᐃᔭᕋᔪᒡᓗᒋᑦ ᐅᐊᓴᕋᔪᒡᓗᒋᓪᓘᓐᓃᑦ.

ᖃᐅᔨᒋᐊᒃᑲᓐᓂᕈᓐᓇᖅᐳᑎᑦ ᓄᕙᒡᔪᐊᕐᓇᐅᑉ ᒥᒃᓵᓄᑦ ᐃᑲᔫᑎᒃᓴᓂᓪᓗ ᐊᑐᕈᓐᓇᖅᖢᑎᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://www.gov.nu.ca/health/information/covid-19-novel-coronavirus

ᑖᓐᓇ ᐸᕐᓇᒃᑕᐅᓯᒪᔪᖅ ᐊᓯᔾᔨᖅᑕᐅᑐᐃᓐᓇᕆᐊᓕᒃ. ᐊᖓᔪᖅᑳᔅᓯᓐᓂ ᐃᖅᑲᓇᐃᔭᖅᑐᓕᕆᔨᒃᑯᓪᓘᓐᓃᑦ ᑲᒪᔨᖓᓄᑦ ᖃᐅᔨᒋᐊᖃᑦᑕᕆᑦ ᐊᓯᔾᔨᖅᑕᐅᔪᖃᕐᒪᖔᑦ.

ᐃᑲᔪᖅᑕᐅᔪᓐᓇᖅᐳᑎᑦ

ᓄᓇᕗᑦ ᒐᕙᒪᒃᑯᑦ ᑎᓕᐅᕆᕗᑦ ᐃᖅᑲᓇᐃᔭᖅᑎᓂᒃ ᐃᓚᖏᓐᓂᒡᓗ ᖃᐅᔨᓇᓱᖃᑦᑕᖁᓪᓗᒋᑦ ᖃᓄᖅ ᐃᖅᑲᓇᐃᔭᖅᑎᑦ ᐃᓚᖏᓪᓗ ᐃᑲᔪᖅᑕᐅᔪᓐᓇᕐᒪᖔᑕ ᒫᓐᓇᐅᔪᖅ. ᐃᖅᑲᓇᐃᔭᖅᑎᑦ ᐃᓚᖏᓐᓄᓪᓗ ᐃᑲᔫᑎᑦ ᐱᖃᓯᐅᔾᔨᕗᑦ ᐊᑭᖃᙱᑦᑐᒥᒃ ᐅᖄᓚᕝᕕᐅᔪᓐᓇᖅᑐᒥᒃ ᐅᖃᐅᓯᐅᔭᕆᐊᖃᙱᖦᖢᓂ ᓈᓴᐅᑦ, 1-800-663-1142, ᐃᖅᑲᓇᐃᔭᖅᑎᓄᑦ ᐊᒻᒪ/ᐅᕝᕙᓘᓐᓃᑦ ᐃᓚᖏᓐᓄᑦ ᖃᖓᑐᐃᓐᓇᑦᑎᐊᖅ ᐅᖄᓚᕝᕕᐅᔪᓐᓇᖅᖢᓂ ᐃᓅᓯᓕᕆᔨᒻᒪᕆᖕᒧᑦ ᐅᖃᓪᓚᖃᑎᖃᕈᒪᔪᓄᑦ ᓇᓕᐊᖕᓂᑐᐃᓐᓇᖅ ᐅᖃᐅᓯᕐᒥ ᐃᓕᓴᕆᔭᐅᓯᒪᔪᒥᑦ ᐊᑐᕐᓗᓂ, ᐊᓯᖏᓐᓂᓪᓗ ᖃᕆᓴᐅᔭᒃᑯᑦ ᐃᑲᔫᑎᒃᓴᓂᒃ ᐱᖃᓯᐅᔾᔨᓪᓗᓂᓗ ᐊᑐᕈᓐᓇᖅᑐᓂᒃ ᐅᕙᓂ www.homewoodhealth.com. 

 

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᐃᒡᓗᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᕝᕕᖕᒥ ᔭᓄᐊᕆ 1−ᔭᓄᐊᕆ 21, 2021−ᒥ  
ᐅᓪᓗᖏᑦ ᖃᔅᓯᐅᓂᖏᑦ
ᔮᓄᐊᕆ 1−ᒥ 24, 2021−ᒧᑦ ᑲᑎᖦᖢᒋᑦ 77
ᒪᐃ − ᓄᕕᐱᕆ 2020 ᑲᑎᖦᖢᒋᑦ 2,257

 

ᓄᓇᕗᒻᒥ ᓯᓚᑦᑐᖅᓴᕐᕕᒃ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᓄᓇᕗᒻᒥ ᓯᓚᑦᑐᖅᓴᕐᕕᖏᑦ ᐊᕐᕕᐊᓂ ᓅᑕᐅᔪᑦ ᓇᓃᓐᓂᖓ 4−ᒧᑦ ᐊᐅᐸᖅᑐᖅ ᓈᓴᐅᑖ ᐊᑐᓯᑲᐅᑎᒋᔪᖅ. ᑖᓐᓇ ᑐᑭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᓕᒫᑦ ᐊᕐᕕᐊᓂ ᒪᑐᓯᒪᔪᑦ ᐱᔪᓐᓇᖅᑎᑕᐅᓪᓗᑎᒃ ᐱᔭᕆᐊᖃᒻᒪᕆᒃᑐᑐᐊᓄᑦ ᐱᓕᕆᐊᒃᓴᑦ.

ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᓄᑦ ᐊᕐᕕᐊᓂ:

  • ᐱᓕᕆᐊᒃᓴᐃᑦ ᓅᓐᓂᐊᓕᖅᐳᑦ ᐅᐸᒃᓯᒪᙱᒃᑲᓗᐊᕐᓗᒍᑦ ᐃᓕᑕᐅᔪᓐᓇᕐᓂᖏᓐᓄᑦ, ᑕᐃᒪᐃᑦᑕᕆᐊᖃᕌᖓᑕ.
  • ᐱᔪᓐᓇᕈᑎᖃᕆᐊᕐᓗᑎᑦ ᐃᓕᓐᓂᐊᖅᑎ ᐃᕐᖐᓐᓈᖅᑕᐅᑎᖓᓄᑦfirstname.lastname@arctic.college (ᐃᓕᓐᓂᐊᖅᑎ ᐃᕐᖐᓐᓈᖅᑕᐅᑎᖃᙱᒃᑯᕕᑦ, ᖃᐅᔨᒋᐊᕐᓗᒍ ITSupport@arcticcollege.com or contact NAC IT Support by phone at 1-867-222-2083.)
  • ᐱᕐᔪᐊᑦ ᓄᑖᖑᕆᐊᖅᑐᑦ ᐊᒥᖅᑳᕈᑕᐅᓂᐊᖅᑐᑦ ᑐᓴᐅᒪᔪᓕᕆᒃᑯᕕᑦᑕ ᐃᖅᑲᓇᐃᔭᕐᕕᖓᓂ.
  • ᓯᓚᑦᑐᓴᕐᕕᐅᑉ ᐃᓕᓐᓂᐊᖅᑎᖏᑦ ᖃᐅᔨᒃᑲᐅᑎᖁᔭᐅᕗᑦ ᐅᖄᓚᐅᑎᖏᑕ ᐊᒻᒪ ᖃᓄᖅ ᐅᖃᕐᕕᒋᔭᔅᓴᐅᒻᒪᖔᑕ (ᐅᖄᓚᐅᑎᖓ ᐊᒻᒪᓗ/ᐅᕝᕙᓗᓃᑦ ᐃᕐᖐᓈᖅᑕᐅᑎᒃᑯᑦ) ᐃᓕᓐᓂᐊᖅᑎᑦᑎᔨᖓᓐᓄᑦ.
  • ᐃᓕᓐᓂᐊᖅᑎᑦ ᐱᖁᔭᐅᔪᑦ ᐅᐸᒍᑎᙱᓪᓗᑎᒃ ᖃᐅᔨᒪᖃᑦᑕᐅᑎᔾᔪᑎᓄᑦ ᐃᓕᓴᐃᔨᖏᓐᓄᑦ ᐃᓕᓐᓂᐊᖃᑎᖏᓐᓄᓪᓗ ᐃᑲᔪᖅᑕᐅᔾᔪᑎᓄᑦ.
  • ᑐᓴᕆᐊᙱᓐᓇᕆᑦᑎ ᓄᑖᖑᕆᐊᖅᑐᓄᑦ ᐃᓄᖕᓄᑦ ᑐᓴᒐᒃᓴᖃᕐᕕᑦᑎᓐᓄᑦ (ᕙᐃᔅᐳᒃ ᐊᒻᒪ ᑐᐃᑐ) ᓇᕿᑦᑕᐅᑎᖏᑎᒍᑦ ᐃᑭᐊᖅᑭᕕᖓᓄᓪᓗ.

ᓄᓇᕗᒻᒥ ᓯᓚᑦᑐᖅᓴᕐᕕᒃ ᐃᓕᓴᐃᔨᓄᑦ ᐊᕐᕕᐊᓂ:

  • ᐱᓕᕆᐊᒃᓴᐃᑦ ᓅᓐᓂᐊᓕᖅᐳᑦ ᐅᐸᒃᓯᒪᙱᒃᑲᓗᐊᕐᓗᒍᑦ ᐃᓕᑕᐅᔪᓐᓇᕐᓂᖏᓐᓄᑦ, ᑕᐃᒪᐃᑦᑕᕆᐊᖃᕌᖓᑕ.
  • ᐃᓕᓴᐃᔨᑦ ᐱᖁᔭᐅᔪᑦ ᐃᓕᓐᓂᐊᖅᑎᖏᑕ ᖃᐅᔨᒋᐊᕐᕕᒋᔪᓐᓇᖅᑕᖏᓐᓂ ᓇᓗᓇᐃᔭᐅᑎᖏᓐᓂ.
  • ᐃᓕᓴᐃᔨᑦ ᐱᖁᔭᐅᔪᑦ ᖃᐅᔨᒋᐊᒐᔪᒃᓗᑎᒃ ᐃᓕᓐᓂᐊᕈᑎᓕᕆᔨᖏᓐᓄᑦ.
  • ᖃᐅᔨᒪᒋᐊᕐᓗᑎᑦ ᓇᓗᓇᐃᔭᐅᑎᖃᕐᓂᕐᓂ ᐱᔭᕆᐊᓕᖕᓂᒃ ᑎᑎᕋᕐᕕᒃᐱᑦ ᖃᕆᑕᐅᔭᖓᓂ, ᐃᓚᐅᓗᓂ Y: ᒪᒃᐱᖅᑎᑦᑎᔾᔪᑎ.
  • ᐃᓕᓴᐃᔨᑦ ᐱᖁᔭᐅᔪᑦ ᐃᓱᒪᑦᑎᐊᕐᕕᖃᕐᓗᑎᒃ ᑕᑯᔭᐅᔭᕆᐊᖃᙱᑦᑐᓅᖓᔪᓂᒃ ᐃᖅᑲᓇᐃᔭᕐᓂᕐᒥᓂᒃ ᐊᖏᕐᕋᖏᓐᓂ.
  • ᐃᓚᐅᔭᕆᐊᖃᖅᐸᑦ, ᐃᓚᐅᓂᕐᒧᑦ ᑎᑎᕋᕐᕕᒃᓴᑦ ᐸᕐᓇᒃᑕᐅᓗᑎᒃ ᐊᒻᒪᓘᓐᓃᑦ ᑎᑎᕋᕐᕕᒃᓴᑦ ᓇᒃᓴᕐᓗᒋᑦ.

ᓄᓇᕗᒻᒥ ᓯᓚᑦᑐᖅᓴᕐᕕᒃ ᐃᖅᑲᓇᐃᔭᖅᑎᖏᓐᓄᑦ ᐊᕐᕕᐊᓂ:

  • ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ ᐃᓂᖁᑎᒋᔭᐅᔪᑦ ᒪᓂᒪᓂᐊᖅᐳᑦ ᐊᑐᖅᑕᐅᓪᓚᕆᒋᐊᖃᖅᑐᓄᑐᐊᖅ ᐃᖅᑲᓇᐃᔭᖅᑎᓄᑐᐊᖅ. 
  • ᐱᔭᕆᐊᖃᒻᒪᕆᒃᓗᑎᒃ ᐃᖅᑲᓇᐃᔭᖅᑎᑦ ᓇᓗᓇᐃᖅᓯᖃᑦᑕᖁᔭᐅᔪᑦ ᐃᓂᒃᓴᖏᓐᓂ ᐃᖅᑲᓇᐃᔭᕐᓂᐊᕐᓂᕐᒧᑦ ᐊᐅᓚᑦᑎᔨᖏᓐᓄᑦ.
  • ᒪᑐᐊᖅᓯᒪᔾᔪᑎᑦ ᐊᑐᖅᑕᐅᔭᕆᐊᓕᑦ ᐃᖅᑲᓇᐃᔭᕆᐊᓪᓚᕆᒃᑐᓄᑦ ᐃᖅᑲᓇᐃᔭᕐᕕᒋᔭᖅᑐᖅᑕᖏᓐᓄᑦ.
  • ᐃᖅᑲᓇᐃᔭᖅᑎᑦ ᓇᓗᓇᐃᖅᓯᖁᔭᐅᔪᑦ ᐊᐅᓚᑦᑎᔨᖏᑦ ᖃᐅᔨᒋᐊᕐᕕᒃᓴᓄᑦ ᓇᓗᓇᐃᔭᐅᑎᖃᕐᓗᑎᒃ, ᖃᐅᔨᒋᐊᕐᕕᒃᓴᖏᓐᓄᓪᓗ ᑕᐃᒃᑯᐊ ᐃᖅᑲᓇᐃᔭᕆᐊᖃᖅᑐᓄᑦ.
  • ᖃᐅᔨᒪᒋᐊᕐᓗᑎᑦ ᓇᓗᓇᐃᔭᐅᑎᖃᕐᓂᕐᓂ ᐱᔭᕆᐊᓕᖕᓂᒃ ᑎᑎᕋᕐᕕᒃᐱᑦ ᖃᕆᑕᐅᔭᖓᓂ, ᐃᓚᐅᓗᓂ Y: ᒪᒃᐱᖅᑎᑦᑎᔾᔪᑎ.
  • ᐃᓕᓴᐃᔨᑦ ᐱᖁᔭᐅᔪᑦ ᐃᓱᒪᑦᑎᐊᕐᕕᖃᕐᓗᑎᒃ ᑕᑯᔭᐅᔭᕆᐊᖃᙱᑦᑐᓅᖓᔪᓂᒃ ᐃᖅᑲᓇᐃᔭᕐᓂᕐᒥᓂᒃ ᐊᖏᕐᕋᖏᓐᓂ.
  • ᐃᓚᐅᔭᕆᐊᖃᖅᐸᑦ, ᐃᓚᐅᓂᕐᒧᑦ ᑎᑎᕋᕐᕕᒃᓴᑦ ᐸᕐᓇᒃᑕᐅᓗᑎᒃ ᐊᒻᒪᓘᓐᓃᑦ ᑎᑎᕋᕐᕕᒃᓴᑦ ᓇᒃᓴᕐᓗᒋᑦ.

ᖃᕆᑕᐅᔭᓕᕆᔨᑦ ᒐᕙᒪᒃᑯᓐᓄᑦ ᐃᑲᔪᖅᑎᑦ ᐃᓕᓐᓂᐊᕐᑎᓄᑦ ᐃᖅᑲᓇᐃᔭᖅᑎᓄᓪᓗ

ᐃᑲᔪᖅᑕᐅᔭᕆᐊᖃᕈᕕᑦ ᓄᓇᕗᒻᒥ ᓯᓚᑦᑐᖅᓴᕐᕕᒃ ᖃᕆᑕᐅᔭᓕᕆᔨᖏᓐᓄᑦ ᖃᐅᔨᒋᐊᕐᓗᒍ: ITSupport@arcticcollege.com ᐅᖃᓗᒃᓗᑎᓪᓘᓐᓃᑦ ᐅᕗᖓ1-867-222-2083.
ᐃᓂᒃᓴᓕᐅᕈᒪᓗᓂ ᐱᓕᒻᒪᒃᓴᐃᓂᕐᒥᒃ ᖃᕆᑕᐅᔭᒃᑯᑦ ᑎᑎᕋᕈᑎᓄᑦ ᓲᕐᓗ ᐱᓕᕆᖃᑎᒌᑦ, ᐊᑕᐅᓯᖅ ᐊᑐᒐᒃᓴᖅ, ᐃᕐᖐᓐᓈᖅᑕᐅᑦ, ᐸᕐᓇᐃᔾᔪᑎ, ᑎᑎᕋᕐᕕᒃᓴᑦ, ᐊᓯᖏᓐᓄᓪᓗ ᖃᐅᔨᒋᐊᕐᓗᒍ ᓄᓇᕗᒻᒥ ᓯᓚᑦᑐᖅᓴᕐᕕᒃ ᖃᕆᑕᐅᔭᓕᕆᔨᖏᓐᓄᑦ ᐱᓕᒻᒪᒃᓴᐃᓂᕐᒨᖓᓪᓚᑦᑖᖅᑐᖅ ᓈᓴᐅᑎᒧᑦ: 1-867-222-2428.

ᓄᓇᕗᒻᒥ ᓯᓚᑦᑐᖅᓴᕐᕕᒃ ᑐᑭᓯᐅᒪᔪᖅ ᐃᓱᒫᓘᑎᖅᔪᐊᖅᑕᓕᒃ ᐃᓕᓐᓂᐊᖅᑎᑦ ᐊᑦᑕᕐᓇᖅᑐᒦᖏᓪᓗᑎᒃ ᐊᒻᒪ ᓄᕙᒃᔪᐊᕐᓇᖅ−19−ᒧᑦ.  ᓄᓇᕗᒻᒥ ᓯᓚᑦᑐᖅᓴᕐᕕᒃ ᑐᑭᓯᐅᒪᖕᒥᔪᖅ ᐃᓚᖏᑦ ᐃᓕᓐᓂᐊᖅᑎᑦ ᐊᐅᓪᓚᕈᒪᑐᐃᓐᓇᕆᐊᓕᑦ ᐅᐸᒍᒪᔭᖏᓐᓄᑦ ᕿᒪᕉᑎᔪᒪᔭᖏᓐᓄᑦ ᑭᕙᓪᓕᕐᒥ. ᓇᓗᓇᐃᖅᓯᒪᖕᒪᑦ ᓄᓇᕗᒻᒥ ᒐᕙᒪᒃᑯᑦ ᑐᓴᒐᒃᓴᓄᑦ ᓴᖅᑭᑎᔾᔪᑎᒧᑦ “ᐊᐅᓪᓚᕐᓂᖅ ᓄᓇᓕᖕᒧᑦ ᑕᐃᑲᙶᕐᓗᓂᓗ ᑭᒃᓕᖃᖅᑎᑕᐅᔪᖅ.

 

 

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᓄᓇᕗᑦ ᐃᒡᓗᓕᕆᔨᕐᔪᐊᒃᑯᑦ ᑐᑦᑕᕐᕕᖏᑕᓗ ᐃᖅᑲᓇᐃᔭᖅᑎᖏᑦ ᐊᐅᓚᓂᖃᕐᓂᐊᖅᑐᑦ ᐃᖅᑲᓇᐃᔭᕆᐊᖃᓪᓚᕆᒃᑐᑎᒍᑦ ᑎᑎᕋᕐᕕᖏᓐᓂ, ᐃᖅᑲᓇᐃᔭᕆᐊᖃᓪᓚᕆᙱᑦᑐᓪᓗ ᐊᖏᕐᕋᖏᓐᓂ ᐃᖅᑲᓇᐃᔭᖅᑎᓪᓗᒋᑦ. ᐱᓕᕆᐊᒃᓴᑦ ᖃᐅᑕᒫᖅᓯᐅᑎᓪᓗ ᐊᒃᑐᖅᑕᐅᔾᔮᙱᑦᑐᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐊᕐᕕᐊᓂ ᐃᒡᓗᓕᕆᔨᒃᑯᑦ ᑭᐅᖃᑦᑕᕐᓂᐊᖅᑐᑦ ᑐᐊᕕᕐᓇᖅᑐᓄᑦ ᐅᖃᓗᒃᑐᓄᑐᐊᖅ, ᓲᕐᓗ ᐅᖅᑰᓴᙱᑦᑐᑦ ᐃᒪᖃᙱᑦᑐᓄᓪᓗ. ᐃᖅᑲᓇᐃᔭᕆᐊᖃᓪᓚᕆᒃᑐᑦ ᑭᐅᖃᑦᑕᕋᔭᖅᑐᓄᑦ ᑐᐊᕕᕐᓇᖅᑐᓄᑦ ᐊᑐᕐᓂᐊᖅᑐᑦ ᓄᕙᒃᔪᐊᕐᓇᖅ−19 ᒪᓕᒋᐊᖃᖅᑐᓕᒫᑎᒍᑦ ᐃᓯᓕᕌᖓᒥᒃ ᐃᒡᓗᓄᑦ.

 

 

ᓄᓇᕗᒻᒥᐅᑦ ᖃᓄᐃᙱᑦᑎᐊᖅᐸᖕᓂᖏᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.

PDF