ᓯᕗᓕᖅᑎ ᑐᓴᖅᑎᑦᑎᕗᖅ ᐊᓯᔾᔨᖅᑐᓂᑦ ᒥᓂᔅᑕᐃᑦ ᐱᓕᕆᐊᒃᓴᖏᓐᓂᑦ

ᓄᕕᐱᕆ 8, 2018

ᐃᖃᓗᐃᑦ, ᓄᓇᕗᑦ (ᓄᕕᐱᕆ 8, 2018) − ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᑖᓐᓇ ᒥᓂᔅᑕ ᐸᑎᖅ ᓇᑦᓯᖅ ᐱᓕᕆᐊᖅᑖᖕᓂᐊᕐᒪᑦ ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᓐᓂᑦ ᐊᒻᒪᓗ ᓄᓇᕗᒻᒥᑦ ᓯᓚᑦᑐᖅᓴᕐᕕᐅᑉ ᐱᓕᕆᐊᖏᓐᓂᑦ, ᐱᒋᐊᕐᓗᓂ ᖃᐅᒃᐸᑦ.  

"ᐱᒋᐊᖕᓂᖓᓂᑦ ᐱᓇᓱᐊᕈᓯᐅᑉ, ᐊᖏᖅᑎᑕᐅᓚᐅᖅᐳᖅ ᐃᓚᑖᓵᕆᔭᐅᔪᒥᑦ ᓯᕗᖅᑏᑦ  ᑲᑎᒪᔨᖏᓐᓄᑦ. ᑕᑯᓚᐅᖅᖢᒋᑦ ᓇᑦᓯᐅᑉ ᐊᔪᙱᓐᓂᖏᑦ ᐱᔪᒥᒋᔭᖏᓪᓗ, ᖁᓱᙱᑦᑐᖓ ᑖᒃᑯᐊᒃ ᐱᓕᕆᐊᒃᓵᒃ ᓈᒻᒪᖕᒪᑕ ᒥᓂᔅᑕᐃᑦ ᑲᑎᒪᔨᖏᓐᓄᑦ," ᐅᖃᓚᐅᖅᑐᖅ ᓯᕗᓕᖅᑎ ᓴᕕᑲᑖᖅ. 

ᐊᒻᒪᓗᑦᑕᐅᖅ, ᒥᓂᔅᑕ ᔩᓂ ᐃᕼᐊᓪᓗᐊᖅ ᐱᓯᒪᐃᓐᓇᖕᓂᐊᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ, ᑖᓐᓇᓗ ᓯᕗᓕᖅᑎ ᓴᕕᑲᑖᖅ ᑲᒪᒋᔭᖃᓕᕐᓗᓂ ᒥᓂᔅᑕ ᐊᕙᑎᓕᕆᔨᒃᑯᓐᓄᑦ. 

"ᐱᒻᒪᕆᐅᔪᓂᑦ ᐱᓕᕆᐊᒃᓴᖅᑕᖃᖕᒪᑦ ᓇᐅᒃᑯᓕᒫᑦ ᐱᓕᕆᕝᕕᐅᔪᓂᑦ ᑐᑦᑕᕕᐅᔪᓂᒡᓗ, ᑖᒃᑯᐊᓗ ᑲᔪᓰᓐᓇᖁᕙᕗᑦ ᐱᓕᕆᐊᕗᑦ ᖃᐅᔨᓗᑎᒍᑦ ᑐᕌᒐᕆᔭᑦ ᑎᑎᕋᖅᓯᒪᔪᑦ ᑐᕌᖅᑕᕗᑦ-ᒥᑦ." ᐅᖃᓚᐅᖅᑐᖅ ᓯᕗᓕᖅᑎ ᓴᕕᑲᑖᖅ. "ᖁᔭᓕᔪᒪᕙᒃᑲᑦᑕᐅᖅ ᐃᓚᒋᔭᐅᔪᓕᒫᑦ ᒪᓕᒐᓕᐅᕐᕕᖕᒥᑦ ᐊᒃᓱᕉᑎᖃᖕᓂᖏᓐᓂᑦ ᐱᓕᕆᒻᒪᕆᓚᐅᖕᓂᖏᓐᓂᒡᓗ ᑕᒪᑐᒪᓂ ᑲᑎᒪᓂᖕᒥᑦ. ᑭᒡᒐᖅᑐᖅᖢᒋᑦ ᓯᕗᓕᖅᑏᑦ ᑲᑎᒪᔨᖏᓐᓂᑦ, ᑐᙵᓱᒃᑎᑉᐸᕋ ᒥᓂᔅᑕ ᓇᑦᓯᖅ ᐱᓕᕆᖃᑎᒌᓄᑦ," ᐅᑲᒃᑲᓐᓂᓚᐅᖅᑐᖅ ᓯᕗᓕᖅᑎ ᓴᕕᑲᑖᖅ. 

### 

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ: 
ᑲᐃᑦ ᒪᒡᓚᐅᑦ 
ᐱᕙᓪᓕᐊᔪᓄᑦ ᑎᑎᕋᖅᑎ  
ᑎᑎᕋᕐᕕᐊᓂᑦ ᓯᕗᓕᖅᑎ ᔫ ᓴᕕᑲᑖᖅ 
867-975-5059
cmacleod@gov.nu.ca