ᓯᕗᓕᖅᑎ ᓴᕕᑲᑖᖅ ᓇᓗᓇᐃᖅᓯᔪᖅ ᐊᓯᔾᔨᖅᑕᐅᓂᖏᑦ ᒥᓂᔅᑕᐅᕕᖃᖅᑐᑦ

ᔫᓂ 15, 2018

ᐃᖃᓗᐃᑦ, ᓄᓇᕗᑦ − ᓯᕗᓕᖅᑎ ᔫ ᓴᕕᑲᑖᖅ ᓇᓗᓇᐃᖅᓯᔪᖅ ᐊᓯᔾᔨᖅᑕᐅᓂᖏᓐᓂᒃ ᐊᐅᓚᑦᓯᔩᑦ ᑲᑎᒪᔨᖏᑦ ᒥᓂᔅᑕᐅᕕᖃᖅᑐᑦ ᐅᓪᓗᒥ.

ᑕᐃᕕᑎ ᐊᕿᐊᕈᖅ ᓯᕗᓕᖅᑎᒧᑦ ᑐᒡᓕᐅᓂᐊᓕᖅᑐᖅ ᐊᒻᒪᓗ ᒥᓂᔅᑕᐅᓗᓂ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓄᓪᓗ.

ᔪᐊᔾ ᕼᐃᒃᔅ ᒥᓂᔅᑕᑖᖅᑲᐅᙳᖅᑐᖅ ᑮᓇᐅᔭᓕᕆᔨᒃᑯᓐᓄᑦ.

ᔩᓂ ᐃᕼᐊᓗᐊᒃ ᒥᓂᔅᑕᙳᖅᑐᖅ ᐊᕙᑎᓕᕆᔨᒃᑯᓐᓄᑦ, ᖄᒃᑲᓐᓂᖓᒍᑦ ᒫᓐᓇᐅᔪᖅ ᒥᓂᔅᑕᐅᕕᖏᑕ.

ᐹᓪ ᐅᑲᓕᖅ ᑎᒃᑯᐊᖅᑕᐅᓚᕐᓂᖓ ᐊᔩᖅᑎᓄᑦ ᐊᖏᔪᖅᑳᖑᓂᕐᒧᑦ ᓇᒻᒥᓂᖅᓱᕐᓂᕐᒧᑦ ᐲᖅᑕᐅᔪᖅ. ᑭᖑᕝᕕᖅᑎᑦᓴᖓᓂᒃ ᑎᒃᑯᐊᖅᑕᐅᔪᖃᓛᖅᑐᖅ ᑭᖑᓂᐊᒍᑦ.

"ᑐᑭᓯᓇᖅᑐᖅ ᓇᓗᓇᓕᑲᐃᓐᓇᓚᐅᕐᓂᖓ ᐱᓇᓱᐊᕈᓯᐅᓯᒪᔪᒥ ᐅᖃᐅᑎᒍᒪᔭᒃᑲ ᓄᓇᕗᒻᒥᐅᑕᐅᖃᑎᒃᑲ ᑖᒃᑯᐊ ᒥᓂᔅᑕᐅᖃᑎᒌᑦ ᑐᕌᒐᖃᑦᓯᐊᕐᖓᑕ ᓇᓗᓇᐃᖅᑕᐅᓯᒪᖁᓪᓗᒍ ᑐᙵᕕᖃᑦᓯᐊᖅᑐᒥᒃ, ᐃᓅᖃᑎᒌᑦᓯᐊᕐᓂᒃᑯᑦ ᑲᔪᓯᑦᓯᐊᕐᓂᒃᑯᓪᓗ ᑲᑐᔾᔨᖃᑎᒌᓐᓂᖃᕈᒪᒐᑦᑕ ᓴᖅᑭᖅᑎᑦᓯᒍᒪᓪᓗᑕᓗ," ᐅᖃᖅᓯᒪᔪᖅ ᓯᕗᓕᖅᑎ ᓴᕕᑲᑖᖅ. "ᑐᕌᖅᑕᕗᑦ ᓇᓗᓇᐃᔭᐃᒍᑕᐅᓯᒪᔪᖅ ᑐᙵᕕᒋᓂᐊᖅᑕᖏᓐᓂᒃ ᒐᕙᒪᒃᑯᑦ ᐱᔭᑦᓴᕆᓂᐊᖅᑕᖏᓐᓂᒃ, ᑖᒃᑯᐊᓗ ᑎᒃᑯᐊᖅᑕᐅᓂᖏᑦ ᐅᓪᓗᒥ ᑐᙵᕕᓕᐅᒃᑲᓐᓂᕈᑕᐅᓂᐊᖅᑐᑦ ᖃᓄᐃᓕᐅᕈᑎᒋᓂᐊᖅᑕᑦᑎᓐᓂᒃ, ᓯᕗᒧᒋᐊᕈᑎᒋᓗᑎᒍᓗ, ᓯᕗᓂᑦᓴᖃᑦᓯᐊᖅᑎᑦᓯᓂᕐᒧᑦ ᓄᓇᕗᒻᒥ."

ᑖᒃᑯᐊ ᐊᓯᔾᔨᖅᑕᐅᔪᑦ ᒫᓐᓇᑦᓴᐅᑎᒋ ᐊᑐᓕᕐᓂᐊᖅᑐᑦ.

###

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓴᖅ:

ᐋᓐᔨᓚ ᐱᑐᕈ
ᐱᕙᓪᓕᐊᔪᓕᕆᓂᕐᒧᑦ ᐅᖃᐅᓯᓕᕆᓂᕐᒧᓪᓗ ᑐᑭᒧᐊᖅᑎᑦᑎᔨ
ᒐᕙᒪᓕᕆᔨᒃᑯᑦ
867-975-6004
apetru@gov.nu.ca