ᓄᕙᒡᔪᐊᕐᓇᖅ-19−ᒧᑦ ᓄᓇᕗᑦ ᒐᕙᒪᖓᑕ ᓄᑖᙳᕆᐊᖅᑎᑕᖏᑦ - ᒫᑦᓯ 20, 2020

ᒫᔾᔨ 20, 2020

 

ᓄᕙᒡᔪᐊᕐᓇᖅ-19−ᒧᑦ ᓄᓇᕗᑦ ᒐᕙᒪᖓᑕ ᓄᑖᙳᕆᐊᖅᑎᑕᖏᑦ 

ᓯᕗᓕᖅᑎᒥ ᑐᓴᒐᒃᓴᖅ: 

ᒫᓐᓇᒧᑦ, ᓄᕙᒡᔪᐊᕐᓇᖅ-19−ᒥ ᖃᓂᒻᒪᒃᓯᒪᔪᖃᕐᒪᖔᖅ ᓱᓕ ᖃᐅᔨᔭᐅᓯᒪᔪᖃᙱᑦᑐᖅ ᓄᓇᕗᒻᒥ. ᐋᓐᓂᐊᕕᖕᒥ ᖃᓂᒻᒪᓯᕐᓂᒃ ᐊᐃᑦᑐᕐᓘᑕᐅᔪᓐᓇᖅᑐᓂᒃ ᐱᓕᕆᔨᐅᖃᑎᒌᑦ79−ᐸᓗᖕᓂᒃ ᐃᓄᖕᓂᒃ ᖃᐅᔨᓴᖅᓯᓯᒪᓕᖅᑐᑦ. 29-ᖑᓪᓗᑎᒃ ᐃᓄᐃᑦ ᖃᐅᔨᓴᖅᑕᐅᕌᓂᒃᓯᒪᔪᑦ ᐊᓂᑎᑕᐅᓯᒪᓕᖅᑐᑦ ᐃᓄᖃᙱᑦᑐᒦᑦᑕᕆᐊᖃᕈᓐᓃᖅᖢᑎᒡᓗ.

ᐃᖅᑲᓇᐃᔭᕐᓂᖅ ᐊᖏᕐᕋᕆᔭᐅᔪᓂ ᐅᓪᓗᒥ ᐱᐊᒋᕐᓂᐊᓕᖅᐳᖅ, ᑕᒪᒃᑯᓄᖓ ᐊᑐᐅᓐᓇᐅᔭᖅᑕᐅᔭᕆᐊᖃᙱᑦᑐᓄᑦ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᓐᓄᑦ. ᓄᓇᕗᑦ ᒐᕙᒪᖓ ᑲᔪᓯᑎᑦᑏᓐᓇᕐᓂᐊᖅᑐᖅ ᐱᒻᒪᕆᖕᓄᑦ ᐱᔨᑦᑎᕋᕈᑕᐅᕙᒃᑐᓄᑦ ᓄᓇᕗᒻᒥᐅᓄᑦ. ᓱᓕ ᐱᓕᕆᕙᓪᓕᐊᕗᒍᑦ ᖃᓄᖅ ᐃᖅᑲᓇᐃᔭᖅᑏᑦ ᐊᖏᕐᕋᒥᓂ ᐃᖅᑲᓇᐃᔭᖃᑦᑕᕐᓂᐊᕐᒪᖔᑕ, ᑭᓯᐊᓂᓕ ᐃᓱᒪᒃᓴᖅᓯᐊᑦᑎᐊᒃᑲᐅᕗᒍᑦ, ᓱᖏᐅᓯᒪᓪᓗᑕᓗ ᐊᑐᓕᖅᓯᒡᖓᓕᖅᐸᖕᓂᑦᑎᓐᓂᒃ ᑕᒪᒃᑯᓂᖓ ᐊᑐᓕᖅᐸᒃᑕᑦᑎᓐᓂᒃ.

ᓄᓇᕗᑦ ᒐᕙᒪᒃᑯᑦ ᐱᓕᕇᓐᓇᖅᐳᑦ ᐱᓕᕆᐊᕆᔭᐅᖔᕈᓐᓇᖅᑐᓂᒃ ᒪᒃᐱᖅᓯᒪᑏᓐᓇᕋᓱᒃᖢᒋᑦ ᓂᕆᔭᒃᓴᖃᙱᑦᑐᓄᑦ ᓂᕆᔭᒃᓴᖅᑖᕐᕕᖕᓂᒃ/ᖃᔪᖅᑐᕐᕕᖕᓂᒃ ᓄᓇᕘᓕᒫᒥ. ᖃᔅᓯᑲᓪᓚᐃᑦ ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᔭᖏᑦ ᐱᓕᕆᖃᑎᒌᑦᑎᐊᖅᐳᑦ ᒥᑭᒡᓕᒋᐊᖅᑎᑦᑎᔪᒪᓪᓗᑎᒃ ᐊᒃᑐᖅᓯᓂᕆᔭᐅᔪᒥᒃ ᐃᓕᓐᓂᐊᕐᕖᑦ ᒪᑐᔭᐅᓂᖏᓐᓂᒃ ᑕᒪᒃᑯᓄᖓ ᐅᓪᓛᕈᒻᒥᓴᖅᑎᑦᑎᕙᖕᓂᕐᓄᑦ ᐅᓪᓗᕈᒻᒥᓴᖅᓯᑦᕙᖕᓂᕐᓄᓪᓗ. ᖃᑯᒍᑦᑎᐊᖅ ᑐᓴᒐᒃᓴᒃᑲᓐᓂᕐᓂ ᑕᒪᒧᖑᖓ ᐱᓕᕆᖑᔪᒧᑦ ᑐᓴᖅᓯᑎᑦᑎᓵᓕᒃᑲᓐᓂᓛᕈᒪᒐᓗᐊᖅᐳᒍᑦ.

ᐅᓪᓗᒥ ᐱᒋᐊᕐᓗᒍ, ᐃᒥᕐᕕᕋᓚᓕᒫᑦ ᒪᑐᔭᐅᓂᐊᖅᐳᑦ. ᓂᕆᕝᕕᓕᒫᓪᓗ ᒪᑐᐃᙶᖏᓐᓇᕐᓂᐊᖅᑐᑦ ᑭᓯᐊᓂ ᐊᐃᔭᐅᔪᒃᓴᑐᐊᓄᑦ/ᐋᑕᐅᔪᒃᓴᑐᐊᓄᑦ. ᐳᐃᒍᖅᑐᖃᖅᑕᐃᓕᓕ, ᐅᓄᓛᓂᑦ 10−ᓂᒃ ᐅᖓᑖᓅᙱᑦᑐᑦ ᑐᑭᓕᕇᓕᖅᑐᖃᖃᑦᑕᕈᓐᓇᖅᑐᖅ. ᐄᔭᒐᖅᑖᕐᕖᑦ, ᐅᖅᓱᐊᓗᒃᑖᕐᕖᑦ, ᓂᕿᑖᕐᕖᓪᓗ ᓂᐅᕕᕐᕖᑦ ᒪᒃᐱᖅᓯᒪᐃᓐᓇᕐᓂᐊᖅᑐᑦ.

ᒫᓐᓇ ᐱᒋᐊᑲᐅᑎᒋᓗᓂ, ᐅᖃᐅᓯᐅᒃᑲᓐᓂᓚᐅᙱᓐᓂᖏᓐᓂ:

  • ᑕᒪᕐᒥᑦᑎᐊ ᓄᓇᕗᒻᒥ ᓯᓚᑦᑐᖅᓴᕐᕖᑦ ᓄᓇᓕᖕᓂ ᐃᓕᓐᓂᐊᕐᕖᑦ ᐃᓕᓐᓂᐊᕆᐊᕐᕕᐅᕙᒃᑐᓪᓗ ᒪᑐᔭᐅᕗᑦ.
  • ᓄᓇᕗᒻᒥ ᖃᐅᔨᓴᖅᑐᓕᕆᔨᒃᑯᑦ ᓄᖅᑲᖅᑎᑦᑎᕗᑦ ᑕᒪᐃᓐᓂᑦᑎᐊᖅ ᖃᐅᔨᓴᕐᓂᕆᔭᐅᔪᓂᒃ.
  • ᐱᓗᐊᙳᐊᕆᓪᓗᓂ, ᑕᒪᒃᑯᓄᖓ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐃᓗᐊᖅᓴᐃᔨᕈᖅᓴᔪᓄᑦ: ᐃᓗᐊᖅᓴᐃᓂᕐᒧᑦ ᐊᔪᕈᓐᓃᖅᓴᓪᓚᕆᖕᓃᑦ ᐃᓗᐊᖅᓴᐃᕐᒧᓪᓗ ᐃᓂᑕᖅᑎᑕᐅᕙᖕᓃᑦ ᓄᖅᑕᖅᑎᑕᐅᕗᖅ. ᐃᓕᓐᓂᐊᖅᑏᑦ ᐃᓗᐊᖅᓴᐃᕙᖕᓂᕐᒧᑦ ᐃᓂᑖᖅᑎᑕᐅᓯᒪᔪᖅ ᓄᓇᓕᖕᓂ, ᐋᖅᑭᒡᕕᐅᓯᒪᓕᖅᐳᑦ ᐃᖃᓗᖕᓄᑦ ᖃᖓᑕᓗᑎᒃ ᐅᑎᓛᕐᓂᖏᓐᓂᑦ ᑕᒪᑐᒪᓂ ᐱᓇᓱᐊᕈᓯᕐᒥ.
  • ᓇᒡᒐᓪᔭᒥ ᒫᑦᓯ 23−ᒥ ᐱᒋᐊᕐᓗᓂ, ᐃᖅᑲᖅᑐᐃᓂᕐᒧᑦ ᐃᒡᓗᕐᔪᐊᕆᔭᐅᔪᖅ ᐃᖃᓗᕐᓂ ᒪᑐᓯᒪᓂᐊᓕᖅᐳᖅ ᑭᒃᑯᑐᐃᓐᓇᓄᑦ.

ᐅᓇ ᐃᖅᑲᐃᑎᑦᑎᔾᔪᑎ, ᑭᓇᑐᐃᓐᓇᑦᑎᐊᖅ ᓄᓇᕗᒧᐊᖅᑐᕕᓂᖅ ᓴᓇᑦᑕᐃᓕ, ᒫᑦᓯ 15−ᒥ ᑕᐃᒪᙵᓂᓪᓘᓐᓃᑦ, ᐃᒻᒥᓂᒃ ᐅᐸᒃᑕᐅᑦᑕᐃᓕᒪᑎᑦᑕᕆᐊᖃᖅᐳᑦ 14−ᓄᑦ ᐅᓪᓗᓄᑦ, ᖃᐅᔨᑎᓪᓗᒋᓪᓗ ᐊᓐᓂᐊᕕᖕᒥᐅᑕᑦ ᖃᓂᒻᒪᒃᐸᓪᓕᐊᑐᐃᓐᓇᖅᑰᔨᒃᐸᑕ ᖃᐅᔨᔾᔪᑕᐅᔪᓐᓇᖅᑐᓂᒃ ᐱᓯᒪᓕᖅᐸᑕ. ᓄᑖᙳᕆᐊᖅᓯᒪᔪᑦ ᐱᓕᕆᕝᕕᒋᔭᑦᑎᑎᒍᑦ ᐱᔨᑦᑎᕆᓂᕆᕙᒃᑕᕗᑦ ᐱᓕᕆᐊᒃᓴᓂᒡᓗ ᑲᔪᓯᑎᑦᑎᓂᕆᔭᕗᑦ ᒪᓂᒪᑎᑕᐅᕗᑦ ᐃᑭᐊᖅᑭᕕᒃᑯᑦ.

ᐃᓅᖃᑎᓂᒃ ᖃᓂᒃᓴᓗᐊᖅᑕᐃᓕᒪᓂᖅ ᐱᒻᒪᕆᐊᓘᕗᖅ. ᐊᑏ ᑕᒪᔅᓯ ᐃᓄᓕᒫᑦ, ᑖᓐᓇ ᐊᑐᕋᓱᐊᖏᓐᓇᖅᓯᐅᒃ ᓇᒻᒥᓂᖅ ᐅᖓᓯᒌᖃᑦᑕᐃᓐᓇᕋᓱᓪᓗᓯ 2 ᒦᑕᒥᑦ ᐊᑦᑕᕐᓇᖏᓐᓂᖅᓴᐅᒻᒪᑕ. ᐃᕿᑦᑕᐃᓕᓗᓯ, ᑎᒎᑎᑦᑕᐃᓕᓗᓯ ᑯᓂᖃᑦᑕᖏᓪᓗᓯᓗ. ᑕᐃᒫᒃ ᓯᐊᒻᒪᖏᓐᓂᖅᓴᐅᓂᐊᕐᒪ ᑕᒪᓐᓇ ᓄᕙᒡᔪᐊᕐᓇᖅ-19 ᐊᒻᒪ ᐅᕙᑦᑎᓐᓂᓕᒫᖅ ᖃᓄᐃᓐᓇᖏᑦᑐᒦᑎᑦᑎᓂᐊᖅᑐᖅ. ᐃᓕᓐᓄᑦ ᑕᒪᓐᓇ ᐊᑐᕈᒃ, ᐃᓚᓐᓄᖅ, ᓄᓇᓕᓐᓄᑦ ᐃᓚᓐᓇᕆᔭᓪᓗᓐᓄ, ᐃᓐᓇᕆᔭᑦᑎᓐᓄᑦ, ᐊᒻᒪ ᑕᒪᒃᑯᓐᓄᖓ ᐋᓐᓂᐊᓕᖅᓴᕋᐃᓐᓂᖅᓴᐅᔪᓄᑦ ᓴᙲᓐᓂᖏᓐᓄᑦ ᑎᒥᖏᑦ.

ᐃᓚᒋᓪᓗᓂᐅᒃ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᖁᐊᖅᓵᕐᓇᖅᑐᒧᑦ ᐱᓯᒪᓕᑐᐃᓐᓇᕆᐊᖃᕐᓂᕐᒧᑦ ᑕᒪᑐᒥᖓ ᓄᕙᒡᔪᐊᕐᓇᖅ-19−ᒥᒃ, ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᑐᓴᒐᒃᓴᑦ

ᑯᑦ ᓅᓯᒪᓕᖅᐳᑦ ᐅᖄᓚᐅᑎᒃᑯᑦ ᖃᐅᔨᒋᐊᕐᕕᖃᖃᑦᑕᕐᓂᕐᒥᒃ ᐃᑲᔪᖅᑐᐃᕙᖕᓂᕐᒥᒡᓗ ᐃᓚᖏᓐᓄᑦ ᐱᓕᕆᕝᕕᒋᕙᒃᑕᒥᓄᑦ. ᑕᑯᔭᔅᓴᓕᐊᖑᓯᒪᔪᑦ ᐃᔭᒐᖏᓐᓂᑦ ᐊᐃᔅᓯᕆᐊᓖᑦ ᐊᒻᒪ ᐱᓕᕆᖃᖅᑕᕐᓂᕆᕙᑦᑕᖏᑦ ᓱᓕ ᐊᓯᔾᔨᖏᑦᑐᑦ. ᑐᐅᕕᕐᓇᖅᑐᒦᓪᓚᕆᒃᑯᕕᑦ, ᐋᓐᓂᐊᕐᕕᖕᒧᐊᕐᓗᑎᑦ. 

ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

  • ᐋᓐᓂᐊᖃᕐᓇᙱᑦᑐᓕᔨᓄᑦ ᐱᔨᑦᑎᕋᕐᓂᕆᔭᐅᕙᒃᑐᓄᑦ ᐃᑲᔪᖅᑕᐅᓂᐅᖃᑦᑕᖅᑐᑦ ᓱᓕ ᐊᑐᐃᓐᓇᐅᔪᑦ ᑕᒪᐃᓐᓄᑦ ᓄᓇᓕᖕᓂ 7-ᓄᑦ ᐅᓪᓗᓄᑦ ᐱᓇᓱᐊᕈᓯᕐᒥ.
  • ᑕᒪᕐᒥᑦᑎᐊᖅ ᑐᐊᕕᕐᓇᙱᑦᑐᑦ ᑲᒪᒋᔭᕆᐊᓖᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᖃᐅᑕᒫᑦ ᑐᐊᕕᕐᓇᓂᖏᑎᒍᑦ ᒪᓕᓪᓗᒋᑦ.
  • ᑐᐊᕕᕐᓇᖅᑐᓕᕆᔨᓄᑦ ᐋᓐᓂᐊᕕᒻᒥᑦ ᐱᔨᕈᑎᒋᖃᑦᑕᖅᑕᖏᑦ ᓱᓕ ᐊᑐᐃᓐᓇᖏᓐᓇᕐᓂᐊᖅᑐᑦ 24−ᓄᑦ ᐃᑲᕐᕋᓄᑦ, 7−ᓄᑦ ᐅᓪᓗᓄᑦ ᐱᓇᓱᐊᕈᓯᕐᒥ.
  • ᐋᓐᓂᐊᕕᓕᐊᖅᑐᓕᒫᑦ ᑕᒪᕐᒥᒃ ᐅᖄᓚᖃᑦᑕᖁᔭᐅᓪᓗᑎᒃ ᐋᓐᓂᐊᕕᒧᑦ ᐃᓯᓚᙱᓐᓂᖏᓐᓂᑦ.
  • ᐃᖃᓗᖕᓂ, ᐅᖁᒪᐃᓐᓂᕐᓂᐊᕐᕕᒃ, ᑐᐊᕕᕐᓇᖅᑐᓕᕆᕝᕕᒃ, ᐋᓐᓂᐊᔪᓄᑦ ᐅᓂᒃᓯᒪᕝᕕᐅᕙᒃᑐᕐᓗ ᒪᑐᐃᙶᖏᓐᓇᕐᓂᐊᖅᑐᑦ.
  • ᓄᑕᕋᐃᑦ ᐋᓐᓂᐊᕕᓕᐊᖅᑐᑦ, ᓇᔾᔨᔪᑦ ᖃᐅᔨᓴᖅᑕᐅᓂᖏᑦ, ᑲᐱᔭᐅᔭᕆᐊᓕᓐᓄᓪᓗ ᑕᒪᓐᓇ ᓱᓕ ᑲᔪᓰᓐᓇᕐᓂᐊᖅᑐᖅ ᓄᓇᕗᓕᒫᒥ.
  • ᓘᒃᑖᑦ ᑲᔪᓰᓐᓇᕐᓂᐊᖅᑐᑦ ᓄᓇᓕᖕᓄᑦ ᐳᓚᕋᖃᑦᑕᕐᓂᕆᕙᑦᑕᖏᑦ. ᑕᒪᓐᓇ ᐊᔪᕐᓇᕐᓂᖅᐸᑦ, ᑕᑯᔭᐅᖃᑦᑕᕐᓂᐊᖅᑐᑦ ᑕᓚᕖᓴᒃᑯᑦ ᐃᓗᐊᖅᓴᖅᑕᐅᓗᑎᒃ ᐅᖄᓚᐅᑎᒃᑯᓪᓘᓐᓃᑦ. 

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᑦ ᓄᖃᖅᑎᑕᐅᔪᑦ ᑭᓯᐊᓂ ᑐᐊᕕᕐᓇᓐᑐᓄᑦ ᐋᓐᓂᐊᕕᓕᐊᕆᐊᓕᓐᓄᑐᐊᖅ ᐊᐅᓚᖅᑎᑕᐅᖃᑦᑕᕐᓂᐊᖅᑐᑦ.  ᑲᒪᒋᔭᐅᕙᒃᑐᑦ ᐅᖃᐅᔾᔪᖅᑕᐅᓂᐊᖅᐳᑦ ᑕᒪᒃᑯᐊ ᐊᓯᔾᔨᕐᓂᕆᔭᐅᔪᑦ ᐅᖃᖃᑎᒌᖃᑕᐅᑎᑕᐅᓗᑎᓪᓗ ᑐᓴᕆᐊᓕᖏᓐᓂᑦ. 
  • ᐃᖃᓗᖕᓂ, ᐋᓂᐊᕐᕕᓕᐊᖃᑦᑕᖅᑐᓄᑦ ᐊᒻᒪ ᑎᒥᒃᑯᑦ ᐃᖃᐃᓕᓴᕆᐊᓖᑦ ᑕᑯᔭᐅᖃᑦᑕᖅᑐᑦ ᑐᐊᕕᕐᓇᕐᓂᖏᑦ ᒪᓕᓪᓗᒋᑦ ᑕᑯᔭᐅᖃᑦᑕᖅᑐᑦ ᐊᒻᒪ ᑕᑯᔭᔅᓴᓕᐊᖑᓯᒪᔪᓂ ᓱᓕ ᑕᑯᖃᑦᑕᖅᑐᑦ.
  • ᐊᐅᖏᖅᑕᐅᓯᒪᔪᓂᑦ ᖃᐅᔨᓴᕐᕕᖓ ᐊᒻᒪ ᑕᕐᕋᖅᑐᖅᑕᐅᕕᖓ ᕿᑭᖅᑕᓂ ᐋᓐᓂᐊᕕᖕᒥ ᐃᓚᐃᓐᓇᖏᓐᓂᑦ ᑲᒪᖃᑦᑕᕐᓂᐊᖅᑐᑦ. ᑕᒪᕐᒥᑦᑎᐊᖅ ᑕᑯᔭᔅᓴᓕᐊᖑᓯᒪᔪᑦ ᐃᓂᔅᓴᓕᐅᖅᑕᐅᓯᒪᔪᑦ ᑐᐊᕕᕐᓇᓂᖏᑦᑎᒍᑦ ᒪᓕᓪᓗᒋᑦ ᐋᖅᑭᒃᒋᐊᖅᑕᐅᒃᑲᓐᓂᖅᐸᓪᓕᐊᕗᑦ.
  • MHA−ᑯᑦ ᐅᖄᓚᐅᑎᒃᑯᖔᖅ ᖃᐅᔨᓴᖅᑕᐅᖃᑦᑕᕐᓂᐊᓕᖅᑐᑦ ᐃᑲᔪᖅᑕᐅᖃᕐᓗᑎᓪᓗ ᐃᓚᖏᓐᓄᑦ ᐃᓄᓕᕆᔭᐅᖃᑦᑕᖅᑐᓄᑦ. ᑕᑯᔭᔅᓴᓕᐊᖑᓯᒪᔪᑦ ᐃᔭᒐᖏᓐᓂᑦ ᐊᐃᔅᓯᕆᐊᓖᑦ ᐊᒻᒪ ᐱᓕᕆᖃᖅᑕᕐᓂᕆᕙᑦᑕᖏᑦ ᓱᓕ ᐊᓯᔾᔨᖏᑦᑐᑦ. ᑐᐅᕕᕐᓇᖅᑐᒦᓪᓚᕆᒃᑯᕕᑦ, ᐋᓐᓂᐊᕐᕕᖕᒧᐊᕐᓗᑎᑦ.
  • ᐊᖏᕐᕋᕆᔭᐅᔪᓄᑦ ᐅᐸᑦᑕᐅᖃᑦᑕᖅᑐᑦ ᐄᔭᒐᖏᑕ ᒥᔅᓵᓄᑦ ᐊᑕᐅᓯᐅᓈᖅᑎᕐᓗᒋᑦ ᐱᓕᕆᐊᖃᑦᑕᕐᓂᐊᖅᑐᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᐊᔾᔨᒌᙱᑦᑐᓄᑦ ᐋᓐᓂᐊᕕᒻᒥᑦ ᑕᑯᔭᐅᖃᑦᑕᖅᑐᑦ ᓄᖅᑲᖅᑎᑕᐅᔪᑦ.
  • ᐱᓕᕆᔪᖃᖅᐸᓪᓕᐊᕗᖅ ᖃᐅᔨᒪᓕᕈᒪᓂᕐᒧᑦ ᓇᓕᐊᒃ ᐃᓗᐊᖅᓴᖅᑕᐅᔭᕆᐊᓖᑦ ᑲᒪᒋᔭᐅᔪᓐᓇᕐᒪᖔᑕ ᐅᖄᓚᐅᑎᒃᑯᑦ/ᖃᕆᓴᐅᔭᒃᑯᑦ ᑲᒪᒋᔭᐅᓗᑎᒃ.
  • ᐊᐅᓪᓚᕆᐊᓖᑦ ᐱᔭᕆᐊᖃᓪᓚᕆᖏᑦᑐᑦ ᐃᓱᒪᓕᕆᔨᒃᑯᑎᒍᑦ ᐱᓕᕆᕝᕕᐅᕙᒃᑐᓄᑦ ᐃᓚᒌᓐᓄᓪᓗ ᓄᖅᑲᖅᑎᑕᐅᕗᑦ.
  • ᑕᒪᕐᒥᑦᑎᐊᖅ ᐊᐅᓪᓚᕆᐊᓖᑦ ᐱᔭᕆᐊᖃᓪᓚᕆᑐᐊᖅᐸᑕ ᐃᓚᒻᒥᓐᓂᒃ ᑕᑯᔭᖅᑐᖅᓯᔪᓄᑦ ᐅᓂᔅᓯᒪᑎᑕᐅᔪᓂᑦ, ᓄᖅᑲᖅᑎᑕᐅᕗᑦ.

 

ᓄᓇᕗᒻᒥ ᓯᓚᑦᑐᖅᓴᕐᕕᒃ

ᓯᓚᑦᑐᖅᓴᕐᕕᒃ, ᐃᑲᔪᖅᑐᖅᑕᐅᓪᓗᓂ ᑲᑎᒪᔨᖏᓐᓂᑦ ᒥᓂᔅᑕᒥᓪᓗ ᑲᒪᒋᔭᒃᓴᓕᖕᒥᒃ ᓄᓇᕗᒻᒥ ᓯᓚᑦᑐᖅᓴᕐᕕᖕᓂᒃ, ᐋᖅᑭᒃᓯᓯᒪᓕᖅᐳᖅ ᒫᓐᓇᒃᑯᑦ ᓄᖅᑲᖅᑎᑦᑎᔪᒪᓗᓂ ᐃᓕᓐᓂᐊᕐᓂᕆᔭᐅᔪᓂᒃ ᑕᒪᓐᓇᓗ ᐊᑕᐅᑦᑎᒃᑰᖃᑎᖃᕐᓂᐊᖅᖢᓂ ᐃᓕᖅᑎᐊᕐᕖᑦ ᒪᑐᔭᐅᓯᒪᓂᖏᓐᓂᒃ.

ᓄᓇᕗᒻᒥ ᓯᓚᑦᑐᖅᓴᕐᕕᒃ ᑕᐃᒪᐃᓕᐅᖃᑎᒋᓗᒋᑦ ᓯᓚᑦᑐᖅᓴᕐᕕᒡᔪᐊᑦ ᐱᓕᕆᖃᑎᒋᕙᒃᑕᑎᒃ, ᕿᓂᕐᓂᐊᖅᐅᑦ ᐊᑐᖅᑕᐅᔪᓐᓇᖅᑐᓂᒃ ᐃᓕᓐᓂᐊᖅᑎᓄᑦ ᑲᔪᓯᓂᖃᑦᑎᐊᕐᓗᑎᒃ ᐱᔭᕇᖅᓯᔪᓐᓇᖁᓪᓗᒋᑦ ᐊᔪᕈᓐᓃᖅᓴᕐᓂᕆᔭᒥᒃ.

ᓄᓇᕗᒻᒥ ᓯᓚᑦᑐᖅᓴᕐᕕᒃ ᐊᐅᓚᑦᑎᖃᑎᖃᖅᐳᖅ ᐃᓄᓕᕆᔨᒃᑯᓐᓂᒃ ᑲᑭᕙᒃᑯᓪᓗ ᑲᑐᔾᔨᖃᑎᒌᖏᓐᓂᒃ ᐱᑎᑦᑎᖃᑦᑕᕈᒪᓪᓗᑎᒃ ᑐᓴᖅᑕᐅᔪᒃᓴᓂᒃ ᐱᔾᔪᑎᓕᖕᓂᒃ ᐊᖏᕐᕋᒥᓄᑦ ᐊᐅᓪᓚᕐᓂᕐᒧᑦ. ᐃᓄᓕᕆᔨᒃᑯᑦ ᓄᑖᙳᕆᐊᖅᓯᒪᔪᓂᒃ ᓇᒃᓯᐅᔾᔨᓂᐊᖅᐳᑦ.

ᓇᓕᐊᑐᐃᓐᓇᑦᑎᐊᖅ ᓚᐃᓴᖃᖅᖢᓂ ᖃᐅᔨᓴᖅᑎ ᓄᓇᕗᒻᒦᑉᐸᒌᖅᑐᖅ ᑎᑭᓚᐅᖅᓯᒪᓪᓗᓂ ᓴᓇᑦᑕᐃᓕᐅᓚᐅᖅᑎᓪᓗᒍ ᒫᑦᓯ 15−ᒥᑦ, ᑎᓕᔭᐅᕗᖅ ᓇᖕᒥᓂᖅ-ᐅᐸᒃᑕᐅᑦᑕᐅᓕᒪᑎᓕᕐᓗᓂ 14−ᓄᑦ ᐅᓪᓗᓄᑦ ᓴᐳᔾᔨᓯᒪᔪᒪᓂᕐᒧᑦ ᖁᐊᖅᓵᕐᓇᖅᑐᒦᑎᑦᑎᙱᑦᑐᒪᓂᕐᒧᓪᓗ ᓄᓇᕗᒻᒥᐅᓂᒃ. 

ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

  • ᐃᑲᔪᖅᑐᖅᑕᐅᕙᖕᓂᕐᒧᑦ ᐱᔨᑦᑎᕋᕈᑕᐅᕙᒃᑐᑦ ᐃᓕᓐᓂᐊᖅᑎᓄᑦ ᒫᓐᓇᐅᔪᒃᑯᑦ ᑲᔪᓯᓂᐊᖅᐳᑦ.
  • ᓄᓇᕗᒻᒥ ᓯᓚᑦᑐᖅᓴᕐᕕᒃᑯᑦ ᐃᓕᓐᓂᐊᖅᑎᖏᑦ ᐃᖃᓗᓐᓂ, ᐃᖃᓗᒃᑑᑦᑎᐊᕐᒥᑦ ᐊᒻᒪ ᐃᓚᒌᓐᓄᑦ ᐊᖏᕐᕋᕆᐅᔪᑦ ᓱᓕ ᒪᑐᐃᖓᔪᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᓄᓇᕗᒻᒥ ᓯᓚᑦᑐᖅᓴᕐᕕᐅᑉ ᐃᓄᑐᐊᓄᑦ ᐊᖏᕐᕋᕆᔭᐅᔪᑦ ᑲᖏᖅᖠᓂᕐᒥ ᒪᑐᔭᐅᓯᒪᓚᐅᑲᒃᐳᑦ.
  • ᒪᑐᔭᐅᓚᐅᑲᖕᓂᖓᓄᑦ ᐱᖅᑯᓯᓕᕆᕝᕕᒃ ᑲᖏᖅᑐᒑᐱᖕᒥ. ᑕᐃᑲᓂ ᐃᓕᓐᓂᐊᖅᑏᑦ ᐊᖏᕐᕋᖅᑎᑕᐅᓂᐊᖅᑐᑦ ᓯᓚ ᐱᐅᓯᑐᐊᖅᐸᑦ ᑲᖏᖅᑐᒑᐱᖕᒥ.
  • ᐋᓐᓂᐊᖅᓯᐅᑎᐅᓂᕐᒧᑦ ᐃᓕᓐᓂᐊᖅᑏᑦ ᐃᖅᑲᓇᐃᔭᕐᕕᓐᓃᑦᑎᑕᐅᔪᑦ ᐊᒻᒪ ᐋᓐᓂᐊᕕᒻᒥᑦ ᐃᖅᑲᓇᐃᔭᖅᑎᑕᐅᔪᑦ ᒫᓐᓇ ᓄᖅᑲᖓᑎᑕᐅᓚᐅᑲᑦᑐᑦ. ᐃᓕᓐᓂᐊᖅᑏᑦ ᐋᓐᓂᐊᖅᓯᐅᔅᓴᐅᓂᕐᒧᑦ ᓄᓇᓕᖕᓃᑎᑕᐅᔪᑦ ᐊᓯᖏᓐᓂᑦ, ᐃᖃᓗᖕᓄᑦ ᖃᖓᑦᑕᐅᓯᖅᑕᐅᓂᐊᖅᑐᑦ ᐅᑎᖅᑎᑕᐅᓗᑎᑦ ᑕᕙᓂ ᐱᓇᓱᐊᕈᓯᕐᒥᑦ.
  • ᑕᒪᕐᒥᑦᑎᐊᖅ ᓯᓚᑦᑐᖅᓴᕐᕕᐅᔪᑦ ᓄᓇᓕᖕᓂᑦ ᐃᓐᓇᕐᓄᑦ ᐃᓕᓐᓂᐊᕖᑦ ᒪᑐᓯᒪᕗᑦ ᑭᒃᑯᑐᐃᓐᓇᓄᑦ, ᐃᖅᑲᓇᐃᔭᖅᑎᖏᓐᓄᓪᓗ ᐃᓕᓐᓂᐊᖅᑎᓄᓪᓗ.
  • ᓄᓇᕗᒻᒥ ᖃᐅᔨᓴᖅᑐᓕᕆᔨᒃᑯᑦ ᓄᖅᑲᖅᑎᑦᑎᓚᐅᑲᒃᐳᑦ ᖃᐅᔨᓴᖅᑐᓕᕆᓂᕐᒧᑦ ᐃᑲᔪᕐᓂᕆᕙᒃᑕᑦᑎᓐᓂᒃ. 
  • ᑐᓴᖅᑎᑦᑎᒃᑲᓐᓂᓚᐅᙱᓐᓂᕐᒥᓂ, ᓄᓇᕗᒻᒥ ᖃᐅᔨᓴᖅᑐᓕᕆᔨᒃᑯᑦ ᐱᑎᑦᑎᖃᑦᑐᕈᓐᓇᔾᔮᙱᓚᑦ ᖁᐱᕐᕆᓯᒪᔪᓄᒃ ᖃᐅᔨᑎᑦᑎᓂᕐᒧᑦ ᐱᓕᕆᓂᕆᕙᒃᑕᒥᓂᒃ. 
  • ᑭᒃᑯᑐᐃᓐᓇᓄᑦ ᐅᐸᒃᑕᐅᔪᓐᓇᕐᓂᖏᑦ ᓄᓇᕗᒻᒥ ᖃᐅᔨᓴᖅᑐᓕᕆᔨᒃᑯᑦ ᖃᐅᔨᓴᖅᓯᕙᖕᓂᕐᒧᑦ ᐃᓂᒋᔭᖏᑦ ᐃᖃᓗᖕᓂ, ᐊᕐᕕᐊᕐᒥ, ᐃᒡᓗᓕᖕᒥ, ᑲᖏᖅᖠᓂᕐᒥ, ᐃᖃᓗᒃᑑᑦᑎᐊᒥᓗ ᐃᓱᓕᑦᑕᖅᑎᑕᐅᓂᐊᖅᐳᑦᑕᐅᖅ.   
  • ᓇᓕᐊᑐᐃᓐᓇᖅ ᖃᐅᔨᓴᖅᑏᑦ ᓄᓇᕗᒻᒧᙵᐅᔪᒪᓇᔭᖅᑐᑦ 2020−ᒥ ᐅᖃᐅᔾᔭᐅᕗᑦ ᑭᖑᕙᕆᐊᖅᑎᑦᑎᖁᔭᐅᓪᓗᑎᒃ ᓄᒃᑕᕐᓂᕆᓇᔭᖅᑕᓂᒃ ᑭᓯᐊᓂ ᓄᓇᕗᑦ ᒐᕙᒪᒃᑯᖏᑦ ᐃᓛᒃᑰᖅᑐᓪᓗ ᓄᓇᕗᒻᒥ ᕼᐋᒻᓚᒋᔭᐅᔪᑦ ᐊᑐᖁᓐᓃᖅᑎᑦᑎᑉᐸᑕ ᒫᓐᓇ ᐊᔪᖅᑎᑕᒥᓂᒃ ᑕᒪᑐᒧᖓ ᐊᑐᖅᑕᐅᔭᕆᐊᖃᓪᓚᕆᙱᑦᑐᒧᑦ ᓄᒃᑕᕐᓂᕆᔭᐅᔪᒧᑦ ᓄᓇᕗᒻᒧᑦ. 

 

ᒪᓕᒐᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ

ᐊᐱᖅᑯᑎᒃᓴᖃᑐᐊᕈᕕᑦ ᐃᖅᑲᖅᑐᐃᕕᓕᕆᓂᐅᑉ ᒥᒃᓵᓄᑦ, ᖃᐅᔨᒋᐊᖃᑦᑕᖁᔭᐅᕗᑎᑦ ᐅᖄᓚᓗᑎᑦ ᓇᓗᓇᐃᔭᐃᕝᕕᐅᕙᒃᑐᒧᑦ ᐅᕝᕙᓘᓐᓃᑦ ᐃᕐᒌᓐᓈᖅᑕᐅᒃᑯᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᓇᒡᒐᓪᔭᒥ ᒫᑦᓯ 23, 2020−ᒥ ᐱᒋᐊᕐᓗᓂ, ᐃᖅᑲᖅᑐᐃᓂᕐᒧᑦ ᐃᒡᓗᕐᔪᐊᕆᔭᐅᔪᖅ ᒪᑐᓯᒪᓂᐊᓕᖅᐳᖅ ᑭᒃᑯᑐᐃᓐᓇᓄᑦ.
  • ᓇᒡᒐᓪᔭᒥ ᒫᑦᓯ 23, 2020−ᒥ ᐱᒋᐊᕐᓗᓂ, ᐃᖅᑲᖅᑐᐃᓂᕐᒧᑦ ᐃᒡᓗᕐᔪᐊᕆᔭᐅᔪᖅ ᐃᖃᓗᕐᓂ ᒪᑐᓯᒪᓂᐊᓕᖅᐳᖅ ᑭᒃᑯᑐᐃᓐᓇᓄᑦ.
  • ᐃᓄᐃᑦ ᓱᓕ ᐱᔨᑦᑎᕈᑎᐅᔪᓂᑦ ᐱᔪᓐᓇᖅᑐᑦ ᐅᖄᓚᓗᑎᑦ 867 975-6590 ᐅᕙᓗ ᐃᕐᖐᓈᖅᑕᐅᑎᖓᓐᓄ corporate.Registries@gov.nu.ca.
  • ᐃᓚᒌᓐᓄᑦ ᐃᑲᔪᕈᑕᐅᕙᑦᑐᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᑲᔪᓯᕗᑦ. ᑎᑎᕋᕐᕕᒃ ᒪᑐᓯᒪᓂᐊᖅᑐᖅ ᑭᒃᑯᑐᐃᓐᓇᓄᑦ. ᑐᓴᖅᑕᖃᕈᒪᒍᕕᑦ ᐱᔾᔪᑎᖃᕐᓗᑎᑦ ᓇᖕᒥᓂᖅ ᑐᓴᖅᑕᐅᔪᒃᓴᖁᑎᖕᓂᒃ, ᖃᐅᔨᒋᐊᕐᕕᒋᓗᒍ ᑎᑎᕋᕐᕕᒃ ᐅ ᖃᓚᐅᑎᒃᑯᑦ ᐅᕗᖓ 867-975-6112 ᖃᕆᑕᐅᔭᒃᑯᓪᓘᓐᓃᑦ ᐅᕗᖓ fsp@gov.nu.ca.
  • ᐃᖅᑲᖅᑐᐅᕕᓕᕆᓂᕐᒧᑦ ᓇᓗᓇᐃᔭᕐᓂᖅ ᒪᓂᒪᑎᑕᐅᓂᐊᖅᐳᖅ ᐃᑲᔪᖅᑐᐃᓂᐊᕐᓗᓂ ᑭᒃᑯᑐᐃᓐᓇᓂᒃ ᐅᖄᓚᐅᑎᒃᑯᑦ ᖃᕆᑕᐅᔭᒃᑯᓪᓗ ᑎᑎᕋᖃᑦᑕᐅᑎᕝᕕᒃᑯᑦ. ᐅᑯᐊ ᐊᑐᕐᓗᒋᑦ ᖃᐅᔨᒋᐊᕐᕕᐅᔪᓐᓇᖅᑐᑦ ᐱᔨᑦᑎᕋᕐᕕᐅᓂᐊᕐᓗᓂ.
    • ᐱᔾᔪᑎᒋᔭᐃᑦ ᐱᖃᓯᐅᑎᒃᐸᑦ ᐱᕋᔭᖕᓂᕐᒥᒃ ᒪᒃᑯᒃᑐᒥᓪᓘᓐᓃᑦ ᐃᖅᑲᖅᑐᖅᑕᐅᔪᒥᒃ, ᐱᕋᔭᒃᑐᑦ ᑎᑎᖅᑭᕆᔨᖓᓄᑦ ᖃᐅᔨᒋᐊᕈᓐᓇᖅᐳᑎᑦ ᐅᕗᖓ; 867 975-6101; ncj.criminal@gov.nu.ca.
    • ᐱᔾᔪᑎᒋᔭᐃᑦ ᐱᖃᓯᐅᑎᒃᐸᑦ ᐃᓅᖃᑎᒥᒃ, ᐃᓚᒌᓂᑦ ᓄᑕᖅᑲᓂᓪᓘᓐᓃᑦ ᒪᓕᒐᖅᑎᒍᑦ ᐃᖅᑲᖅᑐᖅᑕᐅᔾᔪᑎᒥᒃ ᐃᓅᖃᑎᒌᓄᑦ ᑎᑎᖅᑭᕆᔨ ᖃᐅᔨᒋᐊᕐᕕᒋᓗᒍ ᐅᕗᖓ 867 975-6102; ncj.civil@gov.nu.ca.
    • ᐊᒻᒪᓗᑦᑕᐅᖅ, ᐱᔾᔪᑎᒋᔭᐃᑦ ᐱᔾᔪᑎᖃᖅᐸᑦ ᐃᓅᖃᑎᒥᒃ ᐊᑐᖅᑎᑦᑎᓪᓚᕆᖕᓂᕐᒥᒃ, ᖃᐅᔨᒋᐊᕐᕕᒋᓗᒍ ᐃᖅᑲᖅᑐᐃᕕᖕᒥ ᐸᓖᓯᙳᐊᕆᔭᐅᔪᖅ ᐅᕙᓂ 867 975-6103; ncj.sheriff@gov.nu.ca.

 

ᐃᓄᓕᕆᔨᒃᑯᑦ ᐱᓕᕆᕕᖓ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᓄᓇᓕᖕᓂ ᐃᓄᓕᕆᔩᑦ "ᑐᐊᕕᕐᓇᖅᑐᓄᑦ ᐅᑕᖅᑭᑎᑕᐅᕗᑦ" ᒫᓐᐅᔪᒃᑯᑦ. ᑭᓇᑐᐃᓐᓇᑦᑎᐊᖅ ᐅᖃᖃᑎᖃᕆᐊᓕᒃ ᓄᓇᓕᒥᖕᓂ ᐃᓄᓕᕆᔨᒧᑦ, ᐊᑐᓪᓗᐊᖅᐳᖅ ᐃᑲᕐᕋᐃᑦ ᐊᑐᐊᓂᒃᓯᒪᓕᖅᑎᓪᓗᒋᑦ ᐃᖅᑲᓇᐃᔭᕐᓇᒧᑦ ᖃᐅᔨᒋᐊᕐᕕᐅᕙᒃᑐᒧᑦ ᐅᖄᓚᐅᒻᒧᑦ ᓄᓇᓕᒋᔭᒥᓄᑦ.
  • ᐃᓄᓕᕆᔨᒃᑯᑦ ᐊᐱᕆᕗᑦ ᑕᒪᐃᓐᓂᑦᑎᐊᖅ, ᓂᖃᐃᓱᕆᐊᖅᐸᒃᑐᓕᒫᓂᒃ, ᐃᖅᑲᓇᐃᔮᕆᔭᐅᔪᒪᔪᓂᒃ ᐱᕙᓪᓕᐊᑎᑦᑎᓂᖅ ᐃᓚᒌᓂᓗ ᖃᓄᐃᙱᑦᑎᐊᖅᑎᑦᑎᓂᕐᒧᑦ ᐱᓕᕆᕝᕕᒋᔭᐅᕙᒃᑐᑦ ᖃᐃᑦᑕᐃᓕᒪᑦᑎᐊᕐᓗᑎᒃ ᑎᑎᕋᕐᕕᑎᓐᓄᑦ ᐃᓂᒃᓴᓕᐅᖅᓯᒪᙱᓪᓗᑎᒃ.
    • ᐱᓕᕆᕝᕕᒋᔭᐅᕙᒃᑐᓕᒫᑦᑎᐊᑦ ᐅᖄᓚᓪᓗᐊᖅᐳᑦ ᐋᖅᑭᒃᓯᓗᑎᓪᓗ ᐃᓂᒃᓴᒥᒃ ᓇᒧᙵᖅᐸᐅᓇᔭᕐᓂᖓᓂᒃ ᐅᓪᓗᐊᓂᓪᓗ, ᑕᐃᒪᐃᒃᑯᑎᒃ ᐃᓱᓕᑦᑕᖅᑎᑦᑎᓇᔭᕐᒪᑕ ᐃᓄᒋᐊᒃᓯᔭᑦᑐᓂᒃ ᑕᒪᒃᑯᓇᓂ ᐅᑕᖅᑭᕕᒋᕙᒃᑕᑦᑎᓐᓂ.
  • ᓂᖃᐃᓱᖅᐸᒃᑐᑦ, ᐊᖏᕐᕋᕆᔭᐅᔪᒥ ᓂᐊᖁᕆᔭᐅᓗᑎᒃ, ᑎᓕᐅᖅᑕᐅᕗᑦ ᖃᐃᖃᑦᑕᖁᔭᐅᓪᓗᑎᒃ ᐃᓂᒃᓴᓕᐅᖅᑕᐅᓯᒪᓂᕐᒥᓄᑦ ᐃᓄᑑᐊᑦᑎᐊᖑᓗᑎᒃ, ᐊᐱᕆᕙᑦᑎᒋᑦ ᓇᒃᓴᖃᑦᑕᖁᙱᑦᑎᐊᖅᖢᑎᑦ ᐊᓯᖕᓂᒃ (ᐊᐃᑉᐸᕐᓂᒃ ᕿᑐᕐᙵᕐᓂᒡᓘᓐᓃᑦ).
    • ᓇᓕᐊᑐᐃᓐᓇᑦᑎᐊᖅ ᐋᓐᓂᐊᕕᓕᐊᖅᓯᒪᔪᖅ ᖃᓂᒪᓐᓂᕈᓂ ᐅᕙᓗ ᐊᐅᓪᓚᖅᓯᒪᑉᐸᑦ (ᓲᕐᓗ ᐋᓐᓂᐊᓂᕐᒧᑦ ᓄᖅᑲᖓᑉᐸᑦ ᐅᕙᓗ ᐃᓅᓕᓴᖅᑕᐅᑉᐸᑦ) ᐅᖄᓚᓪᓗᐊᖅᐳᖅ ᓂᖃᐃᓱᖅᑐᓕᕆᔨᒥᓄᑦ, ᑕᐃᒪᐃᑉᐸ, ᑖᓐᓇ ᓂᖃᐃᓱᖅᑐᓕᕆᔨ ᐋᖅᑭᖅᓱᐃᓕᕈᓐᓇᖅᐳᖅ ᓂᖃᐃᓲᑎᑖᕆᔭᐃᑦ ᓂᐅᕕᕐᕕᖕᒧᐊᕈᓐᓇᕐᓗᒍ (ᕕᖕᓄᐊᕈᓐᓇᕐᓗᒍ) ᐅᕝᕙᓘᓐᓂᑦ ᐃᓚᒋᔭᐅᔪᒧᑦ ᖃᑕᙳᑎᒋᐅᔪᒧᑦ ᐊᐃᔭᐅᑎᓪᓗᒍ.

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᐊᑐᖅᑎᑦᑎᓪᓚᕆᒃᑲᓐᓂᕈᒪᓂᕐᒧᑦ ᐃᓅᖃᑎᒥᒃ ᖃᓂᒃᓴᓗᐊᕆᐊᖃᙱᓐᓂᕐᒥᒃ, ᒥᑭᒡᓕᒋᐊᖅᑎᑦᑎᓯᒪᔪᒪᓂᕐᒧᓪᓗ ᓇᒧᙵᖅᑎᑦᑎᓕᑐᐃᓐᓇᕆᐊᖃᕐᓂᕐᒥᒃ ᑕᒪᑐᒥᖓ ᓄᕙᒡᔪᐊᕐᓇᖅ-19−ᒥᒃᒪ ᐃᓕᓐᓂᐊᕐᓂᓕᕿᔨᒃᑯᑦ ᐃᓱᓕᑦᑕᖅᑎᑦᑎᓕᖅᐳᑦ ᑎᑎᕋᕐᕕᖕᓂ ᐱᓕᓂᐅᔭᕆᐅᔭᕆᐊᓕᖕᓂᒃ ᑕᒪᒃᑯᓄᖓᑐᐊᖅ ᐊᑐᖅᑕᐅᔭᕆᐊᖃᒻᒪᕆᒃᐸᒃᑐᓄᑦ ᐃᖅᑲᓇᐃᔭᖅᑎᓄᑐᐊᖅ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓄᑕᖅᑲᓄᓪᓗ ᐸᐃᕆᕝᕖᑦ ᓄᓇᕗᒻᒥ ᒪᑐᔭᐅᕗᑦ ᐱᓇᓱᐊᕈᓯᕐᓄᑦ ᐱᖓᓱᓄᑦ, ᑕᒪᓐᓇ ᒪᑐᓯᒪᓂᖓᑦ ᐱᒋᐊᕐᓂᐊᖅᖢᓂ ᐊᐃᑉᐹᓂ, ᒫᑦᓯ 17, 2020−ᒥ.

 

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕕᖓ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᑐᐊᕕᕐᓇᖅᑐᑦ ᐃᖏᕐᕋᔪᓕᕆᔨᒃᑯᓐᓂᑦ ᓚᐃᓴᑖᕆᐊᓖᑦ ᐊᒻᒪ ᓄᓇᒃᑰᕈᑎᖏᓐᓂᑦ ᑎᑎᕋᖅᑕᐅᑎᑦᑎᔭᕆᐊᓖᑦ ᖃᕆᓴᐅᔭᒃᑯᑦ ᑲᒪᒋᔭᐅᖃᑦᑕᕐᓂᐊᖅᑐᑦ. ᖃᐅᔨᒋᐊᕐᕕᒋᓗᒍ ᐅᓇ EDT@gov.nu.ca ᐅᕗᖓᓘᓐᓃᑦ 1-888-975-5999. 

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᐊᑐᖅᑕᐅᒐᔪᒃᐸᒃᑐᑦ ᐃᖏᕐᕋᔪᑎᓄᑦ ᐊᐅᓚᐅᑎᓕᖕᓄᑦ ᐱᔪᓐᓇᐅᑎᓄᑦ ᓇᓗᓇᐃᓂᕐᒧᓪᓗ ᐱᓕᕆᓂᐅᕙᒃᑐᑦ ᓄᖅᑲᖅᑎᑕᐅᓂᐊᖅᐳᑦ ᑕᒪᓐᓇ ᐊᑐᓯᒋᐊᕐᓗᓂ ᒫᑦᓯ 23−ᒥ.

 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑲᔪᓰᓐᓇᕐᓂᐊᖅᐳᑦ ᐱᑎᑦᑎᕙᒡᓗᑎᒃ ᖁᐊᖅᓵᕐᓇᙱᑦᑐᒥᒃ ᐊᑐᖅᑕᐅᑦᑎᐊᕈᓐᓇᖅᑐᒥᒡᓗ ᐆᒻᒪᖅᑯᒻᒥᒃ ᓄᓇᕗᒻᒥᐅᓄᑦ, ᐱᑎᑦᑎᕙᒡᓗᑎᒡᓗ ᐊᑐᖅᑎᓂᒃ ᐃᖅᑲᓇᐃᔭᖅᑎᓂᒡᓗ ᖃᖓᙳᕌᖓᑦ ᑐᓴᒐᒃᓴᓂᒃ ᓄᑖᙳᕆᐊᖅᓯᒪᔪᓂᒃ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᐊᑐᖅᑎᐅᕙᒃᑐᓂᒃ ᑲᒪᒋᔭᖃᖅᐸᖕᓂᕐᒧᑦ ᑎᑎᕋᕖᑦ ᒪᑐᓯᒪᓂᐊᖅᐳᑦ ᐅᖃᐅᓯᐅᒃᑲᓐᓂᓚᐅᙱᓐᓂᖏᓐᓂ. ᐊᑭᓕᖅᓱᒐᒃᓴᓄᑦ ᐊᑭᓖᓂᕐᒧᓪᓗ ᐊᑐᖅᑕᐅᖔᓕᕈᓐᓇᖅᑐᓄᑦ , ᑕᑯᔭᖅᑐᕐᓗᒍ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐃᑭᐊᖅᑭᕕᖓ.

 

ᓄᓇᕗᒻᒥᐅᑦ ᖃᓄᐃᙱᑦᑎᐊᕈᓐᓇᕐᓂᖏᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐅᐊᓴᖅᐊᒡᓗᒋᑦ ᖃᕆᔭᐅᒧᓪᓗ, ᐊᑐᖅᐸᒡᓗᑎᒃ ᑭᒃᑯᑐᐃᓐᓇᓂᒃ ᖃᓂᒃᓴᓗᐊᖅᑕᐃᓕᒪᓂᕐᒥᒃ, ᓇᓚᒃᐸᒡᓗᑎᓪᓗ ᐅᖃᐅᔾᔪᐃᔾᔪᑕᐅᔪᓄᑦ ᐊᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᓂᑦ, ᐊᖏᕐᕋᖅᓯᒪᕙᒡᓗᑎᒡᓗ ᖃᓂᒪᔭᕌᖓᕕᑦ.