ᓄᕙᒡᔪᐊᕐᓇᖅ-19 ᓄᓇᕗᒻᒥ ᒐᕙᒪᒃᑯᑦ ᓄᑖᙳᕆᐊᖅᑎᑕᖏᑦ - ᒪᐃ 19, 2020

ᒪᐃ 19, 2020

ᓯᕗᓕᖅᑎᒥᑦ ᑐᓴᒐᒃᓴᖅ:

ᐅᓐᓄᒃᓴᒃᑯᑦ. ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ. 

ᐅᓪᓗᒥ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᔪᑦ 948-ᖑᓕᖅᑐᑦ. 261 ᒫᓐᓇ ᖃᐅᔨᓴᖅᑕᐅᔪᑦ.

ᐊᑕᐅᓯᕐᒥᒃ ᓄᓇᕗᒻᒥᐅᑕᕐᒥᒃ ᐋᓐᓂᐊᕕᓕᐊᖅᓯᒪᔪᒥᒃ ᖃᓪᓗᓈᓄᑦ ᖃᐅᔨᕝᕕᐅᓯᒪᔪᖃᖅᐳᖅ ᐱᖃᕐᓂᖓᓂᒃ ᓄᕙᒡᔪᐊᕐᓇᖅ-19−ᒥᒃ. ᑖᒃᑯᐊ ᖃᓄᐃᙱᑦᑐᑦ, ᑲᒪᒋᔭᐅᑦᑎᐊᖅᑐᒻᒪᕆᐅᓪᓗᑎᒡᓗ. ᑕᐃᓐᓇ ᐊᐅᓪᓚᕈᔾᔨᓯᒪᔪᖅ ᐋᓐᓂᐊᕕᓕᐊᖅᓯᒪᔪᒥᒃ ᐅᐸᒃᑕᐅᑦᑕᐅᑦᑕᐃᓕᓕᖅᐳᖅ ᓇᐅᑦᑎᖅᓱᖅᑕᐅᓪᓗᓂᓗ. ᓇᓃᒻᒪᖔᑕ ᖃᓪᓗᓈᓂ ᓇᓂᕐᒥᐅᑕᐅᖕᒪᖔᑕᓘᓐᓃᑦ ᓄᓇᓕᖕᓂ ᓇᓗᓇᐃᖅᑕᐅᔾᔮᙱᑦᑐᖅ. ᑖᓐᓇ ᒫᓐᓇ ᐱᓕᕆᐊᖑᔪᖅ ᐅᑭᐅᖅᑕᖅᑐᒥᐅᙱᒻᒪᑦ, ᑖᒃᑯᐊᓗ ᖃᐅᔨᔭᐅᔭᕆᐊᖃᙱᓐᓂᕐᒥᒃ ᐱᔪᓐᓇᐅᑎᖃᖅᑐᑦ.

ᑐᓴᐅᒪᔪᒃᓴᐅᓕᖅᑎᓪᓗᓯ, ᐃᖅᑲᓇᐃᔭᖅᑎᒋᔭᐅᔪᒥᒃ ᐅᕙᓂ, Embassy West, ᐊᑯᓂᑲᓪᓚᒃ ᑲᒪᒋᔭᐅᔪᓄᑦ ᐃᓂᒋᔭᐅᔪᒥ, ᑕᐃᑲᓂᓗ ᐃᓐᓇᕆᔭᕗᑦ ᐃᓚᖏᑦ ᑲᒪᒋᔭᐅᕙᒃᑭᓪᓗᑎᒃ, ᑖᓐᓇ ᐃᖅᑲᓇᐃᔭᖅᑎ ᖃᐅᔨᕝᕕᐅᓪᓗᓂ ᐱᓯᒪᓕᕐᓂᖓᓂᒃ ᓄᕙᒡᔪᐊᕐᓇᖅ-19−ᒥᒃ. ᑖᓐᓇ ᑕᐃᒪᐃᑦᑐᓕᒃ ᐊᒃᑐᐊᓯᑲᐅᑎᒋᖃᑦᑕᙱᑦᑐᖅ ᑕᐃᑲᓂᕐᒥᐅᑕᕐᓂᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦᐃᓚᒋᔭᐅᔪᓕᒫᓂᒃ ᖃᐅᔨᒋᐊᕐᕕᖃᖅᓯᒪᓕᖅᑐᑦ ᑕᒪᑐᒥᖓ ᐱᔾᔪᑎᖃᖅᖢᑎᒃ, ᒪᓂᒪᑎᑦᑎᓪᓗᑎᒡᓗ ᐃᑲᔪᖅᑐᐃᔪᒪᓂᕐᒥᒃ, ᖃᖓᙳᕌᖓᓪᓗ ᓄᑖᙳᕆᐊᖅᓯᒪᔪᓕᕆᕙᒃᖢᑎᒃ.

ᐃᓘᓐᓇᑎᒃ ᐋᓐᓂᐊᕐᕕᓕᒫᑦ ᐋᓐᓂᐊᕕᓕᐊᖅᓯᒪᔪᓄᓪᓗ ᐅᑕᖅᑭᕖᑦ ᐱᑐᐃᓐᓇᐅᙱᑦᑐᓂᑦ ᒪᓕᒋᐊᖃᓪᓚᕆᑦᑐᖅ ᐅᓗᕆᐊᓇᖅᑐᒦᑎᑦᓯᑕᐃᓕᓂᕐᒧᑦ ᓯᐊᒪᑎᑦᓯᑕᐃᓕᓂᕐᒧᑦ ᓄᕙᕐᔪᐊᕐᓇᖅᒥ-19. ᒐᕙᒪᒃᑯᑦ ᓄᓇᕗᒻᒥ ᐱᓕᕆᖃᑎᖃᖏᓐᓇᕐᓂᐊᖅᑐᑦ ᑖᒃᑯᓇᖓᑦ ᐱᓕᕆᕝᕕᐅᔪᓂᑦ ᓇᓗᓇᐃᖅᓯᓂᕐᒧᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓄᓇᕗᒻᒥᐅᓄᑦ ᐋᓐᓂᐊᕐᕕᓕᐊᖅᓯᒪᔪᓄᑦ.

ᐃᑲᔪᖅᑐᐃᖃᑦᑕᐅᑎᑦᑎᐊᓚᐅᖅᑕ ᑕᒪᑐᒪᓂ ᒫᓐᓇ ᐊᔪᕐᓇᑐᖅᓯᐅᕐᓇᖅᑐᒥ.

ᐱᐅᔪᓂ ᐃᓱᒪᑦᑎᐊᕙᖕᓂᒃ ᓇᒃᓯᐅᔾᔨᕗᖓ, ᖃᓄᐃᙱᑦᑎᐊᕐᓗᑎᒡᓗ ᓱᒃᑲᓕᔪᒥᒃ ᖃᓄᐃᑦᑐᓐᓃᖅᐸᓪᓕᐊᖁᓪᓗᒋᑦ, ᑕᐃᒪᓗᑐᖅ ᐅᕙᓐᓄᑦ ᐃᓚᓕᐅᑎᒋᔅᓯ ᑕᐃᒪᓐᓇᑦᑕᐃᓐᓇᖅ ᐃᓱᒪᓗᓯ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᓄᕙᒡᔪᐊᕐᓇᖅ-19−ᒧᑦ ᐅᖄᓚᕝᕕᒃᓴᖅ, ᓇᖕᒥᓂᕐᓗ ᖃᐅᔨᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ

ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᕈᓂ ᐊᐴᑎᓯᒪᓚᐅᕋᓱᒋᓗᓂ ᓄᕙᒡᔪᐊᕐᓇᖅ-19−ᒧᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᒧᑦ ᐅᖄᓚᕝᕕᐅᔪᓐᓇᖅᑐᒧᑦ ᐅᕗᖓ, 1-888-975-8601  10−ᒥᑦ ᐅᓪᓛᒃᑯᑦ 6−ᓗ ᐅᓐᓄᒃᑯᑦ ᐊᑯᓐᓂᖓᓂ, ᐅᕝᕙᓘᓐᓃᑦ ᖃᐅᔨᑎᑲᐅᑎᒋᓗᒋᑦ ᓄᓇᓕᖕᓂ ᐋᓐᓂᐊᕕᖓᑦ,  ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᑎᓪᓗ ᐊᖏᕐᕋᖅᓯᒪᓗᑎᓪᓗ ᐅᓪᓗᓄᑦ 14-ᓄᑦ.

ᑭᓇᑐᐃᓐᓇᑦᑎᐊᖅ ᖃᕆᑕᐅᔭᒃᑰᕈᓐᓇᐅᑎᖃᖅᑐᖅᐱᓕᕆᔪᓐᓇᕆᕗᖅ ᐃᑭᐊᖅᑭᕕᒃᑯᑦ ᓇᖕᒥᓂᖅ−ᖃᐅᔨᓴᕈᒪᔪᑦ ᐅᕙᓂ, nu.thrive.health

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᖅᑐᑦ

ᒪᐃ 19

19

ᒪᐃ 20

27

ᒪᐃ 21

39

ᒪᐃ 22

12

ᒪᐃ 23

14



 

 

 

ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ

ᒪᐃ 18−ᒥ ᐱᒋᐊᖅᖢᓂ, 1,039−ᓂᒃ ᑐᒃᓯᕋᖅᓯᒪᔪᖃᖅᐳᖅ, 870−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃᑐᒃᓯᕋᕈᑕᐅᔪᑦ.

ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ

#

%

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᒻᒪᕆᐊᓗᖕᓂᑦ ᐱᒻᒪᕆᐅᓗᐊᙱᑦᑐᓂᒡᓗ)

870

84.3%

ᐊᖏᕐᑕᐅᙱᑦᑐᑦ

121

11.9%

ᐅᑕᖅᑭᔪᑦ

48

3.9%

ᑲᑎᖦᖢᒋᑦ

1039

100%



ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

ᐋᓐᓂᐊᖃᕐᓇᙱᑦᑐᓕᔨᓄᑦ ᐱᔨᑦᑎᕋᕐᓂᕆᔭᐅᕙᒃᑐᓄᑦ ᐃᑲᔪᖅᑕᐅᓂᐅᖃᑦᑕᖅᑐᑦ ᓱᓕ ᐊᑐᐃᓐᓇᐅᔪᑦ ᑕᒪᐃᓐᓄᑦ ᓄᓇᓕᖕᓂ 7-ᓄᑦ ᐅᓪᓗᓄᑦ ᐱᓇᓱᐊᕈᓯᕐᒥ. ᑐᐊᕕᕐᓇᙱᑦᑐᓕᒫᑦ ᑲᒪᒋᔭᕆᐊᓖᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᖃᐅᑕᒫᑦ ᑐᐊᕕᕐᓇᓂᖏᑦ ᒪᓕᓪᓗᒋᑦ. ᑐᐊᕕᕐᓇᖅᑐᓕᕆᔨᓄᑦ ᐋᓐᓂᐊᕕᖕᒥᑦ ᐱᔨᑎᕋᐅᑎᖏᑦ ᓱᓕ ᐊᑐᐃᓐᓇᖏᓐᓇᕐᓂᐊᖅᑐᑦ 24−ᓄᑦ ᐃᑲᕐᕋᓄᑦ, ᐱᓇᓱᐊᕈᓯᓕᒫᑦᑎᐊᖅ. ᐃᓗᐊᖅᓴᖅᑕᐅᔭᕆᐊᖃᖅᑐᓕᒫᑦ ᐅᖄᓚᖃᑦᑕᖁᔭᐅᕗᑦ ᓴᖅᑭᓚᐅᙱᓐᓂᕐᒥᓂ ᐋᓐᓂᐊᕐᕕᖕᒧᑦ.

  • ᐃᖃᓗᖕᓂ, ᐅᖁᒪᐃᓐᓂᕐᓂᐊᕐᕕᒃ, ᑐᐊᕕᕐᓇᖅᑐᓕᕆᕝᕕᒃ ᐃᒡᓗᕈᓯᖅ ᐅᓂᒃᓯᒪᕝᕕᐅᕙᒃᑐᕐᓗ ᒪᑐᐃᖓᐃᓐᓇᕐᓂᐊᖅᑐᑦ.
  • ᖃᓄᐃᙱᑦᑎᐊᖅᑐᓄᑦ ᓄᑕᕋᓛᕐᓄᑦ ᐱᓕᕆᐊᖑᕙᒃᑐᑦ, ᓯᖓᐃᔪᓄᑦ ᑕᑯᔭᐅᕙᒃᑐᑦ ᑲᐱᔭᐅᕙᒃᑐᓪᓗ ᑲᔪᓰᓐᓇᖅᐳᑦ ᓄᓇᕘᓕᒫᒥ.
  • ᓘᒃᑖᑦ ᑲᔪᓰᓐᓇᕐᓂᐊᖅᑐᑦ ᓄᓇᓕᖕᓄᑦ ᐳᓚᕋᖃᑦᑕᕐᓂᖏᑦ. ᑕᒪᓐᓇ ᐊᔪᕐᓇᕐᓂᖅᐸᑦ, ᑕᑯᔭᐅᖃᑦᑕᕐᓂᐊᖅᑐᑦ ᑕᓚᕖᓴᒃᑯᑦ ᐃᓗᐊᖅᓴᖅᑕᐅᓗᑎᒃ ᐅᖄᓚᐅᑎᒃᑯᓪᓘᓐᓃᑦ.

 

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐃᓂᒃᓴᓕᐅᖅᑐᑦ ᐋᓐᓂᐊᕕᖕᒧᑦ ᑐᐊᕕᕐᓇᕐᓂᕆᔭᖏᑦ ᒪᓕᒃᑕᐅᖃᑦᑕᕐᓂᐊᖅᐳᑦ; ᑕᐃᒪᐃᒻᒪᑦ ᐅᖃᓘᑎᒃᑯᑦ ᐃᓂᒃᓴᓕᐅᖃᑦᑕᕐᓂᐊᖅᐳᑦ ᐅᕝᕙᓘᓐᓃᑦ ᐅᐸᒡᓗᑎᒃ.

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᑦ ᐅᓄᕈᓐᓃᕆᐊᖅᑕᐅᔪᑦ ᑭᓯᐊᓂ ᑐᐊᕕᕐᓇᓐᑐᓄᑦ ᐋᓐᓂᐊᕕᓕᐊᕆᐊᓕᖕᓄᑐᐊᖅ ᐊᐅᓚᖅᑎᑕᐅᖃᑦᑕᕐᓂᐊᖅᑐᑦ. ᑲᒪᒋᔭᐅᕙᒃᑐᑦ ᐅᖃᐅᔾᔪᖅᑕᐅᓂᐊᖅᐳᑦ ᐊᓯᔾᔨᖅᑕᐅᔪᓂᑦ ᐅᖃᖃᑎᒌᖃᑕᐅᓗᑎᒡᓗ ᑐᓴᕆᐊᓕᖏᓐᓂᑦ.

ᐃᖃᓗᖕᓂ, ᐋᓂᐊᕐᕕᓕᐊᖃᑦᑕᖅᑐᓄᑦ ᐊᒻᒪ ᑎᒥᒃᑯᑦ ᐃᖃᐃᓕᓴᕆᐊᓖᑦ ᑕᑯᔭᐅᖃᑦᑕᖅᑐᑦ ᑐᐊᕕᕐᓇᕐᓂᖏᑦ ᒪᓕᓪᓗᒋᑦ ᑕᑯᔭᐅᖃᑦᑕᖅᑐᑦ ᐊᒻᒪ ᑕᑯᔭᒃᓴᓕᐊᖑᓯᒪᔪᓂ ᓱᓕ ᑕᑯᖃᑦᑕᖅᑐᑦ. ᐊᐅᖏᖅᑕᐅᓯᒪᔪᓂᑦ ᖃᐅᔨᓴᕐᕕᖓ ᐊᒻᒪ ᑕᕐᕋᖅᑐᖅᑕᐅᕕᖓ ᕿᑭᖅᑕᓂ ᐋᓐᓂᐊᕕᖕᒥ ᐃᓚᐃᓐᓇᖏᓐᓂᑦ ᑲᒪᖃᑦᑕᕐᓂᐊᖅᑐᑦ. ᑕᒪᕐᒥᑦᑎᐊᖅ ᑕᑯᔭᔅᓴᓕᐊᖑᓯᒪᔪᑦ ᐃᓂᔅᓴᓕᐅᖅᑕᐅᓯᒪᔪᑦ ᑐᐊᕕᕐᓇᓂᖏᑦᑎᒍᑦ ᒪᓕᓪᓗᒋᑦ ᐋᖅᑭᒃᒋᐊᖅᑕᐅᒃᑲᓐᓂᖅᐸᓪᓕᐊᕗᑦ.

MHA−ᑯᑦ ᐅᖄᓚᐅᑎᒃᑯᖔᖅ ᖃᐅᔨᓴᖅᑕᐅᖃᑦᑕᕐᓂᐊᓕᖅᑐᑦ ᐃᑲᔪᖅᑕᐅᖃᕐᓗᑎᓪᓗ ᐃᓚᖏᓐᓄᑦ ᐃᓄᓕᕆᔭᐅᖃᑦᑕᖅᑐᓄᑦ. ᑕᑯᔭᔅᓴᓕᐊᖑᓯᒪᔪᑦ ᐃᔭᒐᖏᓐᓂᑦ ᐊᐃᔅᓯᕆᐊᓖᑦ ᐊᒻᒪ ᐱᓕᕆᖃᖅᑕᕐᓂᕆᕙᑦᑕᖏᑦ ᓱᓕ ᐊᓯᔾᔨᖏᑦᑐᑦ. ᑐᐅᕕᕐᓇᖅᑐᒦᓪᓚᕆᒃᑯᕕᑦ, ᐋᓐᓂᐊᕐᕕᖕᒧᐊᕐᓗᑎᑦ. ᐊᖏᕐᕋᕆᔭᐅᔪᓂ ᐅᐸᒃᓯᕙᖕᓃᑦ ᐃᓗᐊᖅᓴᐃᔭᖅᑐᕐᓗᓂ ᐱᓕᕆᐊᖑᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ ᑕᐃᒪᐃᓕᐅᕆᐊᖃᖅᐸᑕ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᑐᐊᕕᕐᓇᖅᑐᑐᐊᑦ ᑭᒍᑎᓕᕆᔨᒧᑦ ᐱᓕᕆᐊᖑᖃᑦᑕᕐᓂᐊᖅᐳᑦ ᓄᓇᕗᒻᒥ ᓄᓇᓕᓕᒫᓂᑦ ᐊᓯᐊᓂᒃ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.

ᐱᑐᐃᓐᓇᐅᙱᑦᑐᔨᕆᕝᕖᑦ ᐃᓗᐊᖅᓴᖅᑕᐅᓃᑦ ᓄᖅᑲᖅᑎᑕᐅᓯᒪᓕᖅᐳᑦ. ᐱᓕᕆᔪᖃᖅᐸᓪᓕᐊᕗᖅ ᑐᑭᓯᓇᓱᒃᖢᑎᒃ ᓇᓕᐊᒃ ᐃᓗᐊᖅᓴᖅᑕᐅᔭᕆᐊᓖᑦ ᑲᒪᒋᔭᐅᔪᓐᓇᕐᒪᖔᑕ ᐅᖄᓚᐅᑎᒃᑯᑦ/ᖃᕆᓴᐅᔭᒃᑯᑦ ᑲᒪᒋᔭᐅᓗᑎᒃ.

ᐊᐅᓪᓚᕆᐊᓖᑦ ᐱᔭᕆᐊᖃᓪᓚᕆᖏᑦᑐᑦ ᐃᓱᒪᓕᕆᔨᒃᑯᑎᒍᑦ ᐱᓕᕆᕝᕕᐅᕙᒃᑐᓄᑦ ᐃᓚᒌᓐᓄᓪᓗ ᓄᖅᑲᖅᑎᑕᐅᕗᑦ. ᐊᐅᓪᓚᕆᐊᖃᖅᑐᓕᒫᑦ ᖃᑕᙳᑎᒥᓂᒃ ᐋᓐᓂᐊᕐᕕᖕᒦᑦᑐᒥᒃ ᑕᑯᔭᖅᑐᖅᐸᒃᑐᑦ ᓄᖅᑲᖅᑎᑕᐅᔪᑦ.

ᐳᓛᕆᐊᖅᑐᖃᖃᑦᑕᕈᓐᓇᔾᔮᙱᑦᑐᖅ ᐊᕗᖓᑲᓪᓚ ᑲᒪᒋᔭᖃᖅᐸᖕᓂᕐᒧᑦ ᐃᓂᒋᔭᐅᔪᐅᓂ ᓄᓇᕗᒻᒥ − ᑎᒥᒥᒍᑦ ᐃᓕᖅᑯᓯᖅᓱᙱᑦᑐᓄᑦ ᐃᓂᒋᔭᐅᔪᓂ ᐃᓐᓇᐃᓪᓗ ᐊᖏᕐᕋᕆᔭᖏᓐᓂ.

 

ᓄᓇᕗᒻᒥᐅᑦ ᖃᓄᐃᙱᑦᑎᐊᕈᓐᓇᕐᓂᖏᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐅᐊᓴᖅᐸᒡᓗᒋᑦ ᐊᓪᓕᕋᐃᓪᓗ, ᐃᓅᖃᑎᑦᑎᓐᓂ ᖃᓂᒃᓴᓗᐊᖅᑕᐃᓕᒪᕙᒡᓗᑕ, ᓈᓚᒃᐸᒡᓗᑕᓗ ᐋᓐᓂᐊᕐᕕᖕᒥ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔾᔪᑕᐅᔪᓂᑦ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.