ᓄᕙᒡᔪᐊᕐᓇᖅ-19 ᓄᓇᕗᒻᒥ ᒐᕙᒪᒃᑯᑦ ᓄᑖᙳᕆᐊᖅᑎᑕᖏᑦ - ᔫᓂ 29, 2020

ᔫᓂ 29, 2020

ᒥᓂᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦᑭᒡᒐᖅᑐᖅᖢᒍ ᓯᕗᓕᖅᑎ ᓄᑖᙳᕆᐊᖅᑎᑕᐅᔪᑦ:

ᐅᓪᓛᒃᑯᑦ. ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ. 

ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᓯᒪᓕᖅᑐᑦ ᒫᓐᓇᒧᑦ ᑎᑭᖦᖢᒍ 1418-ᖑᕗᑦ. 140−ᖑᓕᖅᐳᑦ ᒫᓐᓇ ᖃᐅᔨᓴᖅᑕᐅᔪᑦ.

ᐅᓪᓗᒥ ᐱᒋᐊᖅᖢᓂ, ᐅᓪᓗᒃᑯᑦ ᐅᐸᒃᑕᐅᕙᒃᑐᑦ ᒪᒃᑯᒃᑐᓪᓗ ᐃᓂᖏᑦ ᑲᔪᓯᑎᑦᑎᔪᓐᓇᖅᐳᑦ ᐊᐅᓚᓂᕐᓂᒃ, ᑕᒪᒃᑯᐊᓗ ᐊᑯᓂᑲᓪᓚᒃ ᐃᓃᑦ ᐊᔪᖅᑎᑦᑎᔾᔮᙱᓚᑦ ᐊᑕᐅᓯᕐᒥᒃ ᒪᕐᕉᖕᓂᒡᓘᓐᓃᑦ ᐃᓚᒋᔭᐅᔫᖕᓂᒃ ᐳᓛᕆᐊᕈᓐᓇᖅᑎᑕᐅᓪᓗᑎᒃ ᐃᓐᓇᕐᓂᒃ.

ᑭᓱᑐᐃᓐᓇᐃᑦ ᓱᒃᑲᐃᑦᑐᒥᒃ ᑲᔪᓯᕙᓪᓕᐊᓕᖅᐳᑦ, ᖃᐅᔨᒪᓪᓗᖓᓗ ᓘᒃᑖᖅ ᐹᑐᓴᓐ ᓴᖅᑭᑎᑦᑎᓂᐊᕐᓂᖓᓂᒃ ᐊᑐᖅᑕᐅᒃᑲᓐᓂᕆᐊᓕᖕᓂᒃ ᐅᐊᑦᑎᐊᕈᑦᑎᐊᑯᓗᒃ.

ᓯᒻᒧᐊᖅᐸᓪᓕᐊᖏᓐᓇᖅᐳᒍᑦ ᐃᒪᐃᓐᓂᖓᓄᑦ, ᐅᔾᔨᖅᓱᑦᑎᐊᕐᓗᑕ ᐊᑐᖅᓯᕙᓪᓕᐊᒐᑦᑕ. ᖃᐅᔨᒪᑦᑎᐊᖅᐳᖓ ᑕᒪᑦᑕᑦᑎᐊ ᖁᔭᓕᔪᐃᓇᐅᓂᑦᑎᓐᓂᒃ ᑲᔪᓯᑎᑦᑎᔪᓐᓇᓕᕐᓂᑦᑎᓐᓂᒃ ᐃᓚᖏᓐᓂᒃ ᐊᓕᐊᓇᐃᒋᔭᑦᑎᓐᓂᒃ ᐱᓕᕆᐊᒃᓴᓂᒃ. ᐊᑏ ᐱᓕᕆᑦᑎᐊᖏᓐᓇᖅᑕ ᐅᔾᔨᖅᓱᑦᑎᐊᖏᓐᓇᕐᓗᑕᓗ, ᖃᐅᔨᒪᑦᑎᐊᕐᓗᑕᓗ ᖁᕕᐊᓱᒍᑎᖃᕐᓂᐊᕐᓂᑦᑎᓐᓂᒃ ᐊᐅᔭᒥᒃ ᓄᓇᕗᒻᒥ ᖁᐊᖅᓵᕐᓇᙱᑦᑐᒃᑯᑦ.

ᑲᓇᑕᐅᑉ ᐅᓪᓗᖓᓂ ᑕᒪᔅᓯ ᖁᕕᐊᓱᒍᑎᖃᕐᓂᐊᖅᐳᓯ. ᐅᔾᔨᖅᓱᕐᓂᐊᖅᐳᓯ ᖁᕕᐊᓱᒍᑎᖃᖅᑎᓪᓗᓯ ᖃᓄᐃᙱᑦᑎᐊᕐᓗᓯᓗ.

ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ:

ᐅᓪᓛᒃᑯᑦ. ᖁᕕᐊᓱᒃᐳᖓ ᐅᖃᕈᓐᓇᕋᒪ ᓄᓇᕗᑦ ᒐᕙᒪᖓ ᓴᖅᑭᑎᑦᑎᓂᐊᓕᕐᓂᖓᓂᒃ ᓄᑖᒥᒃ ᐱᓕᕆᐊᒃᓴᒥᒃ, ᐆᒥᖓ, ᓄᓇᕗᒻᒥ ᐊᑐᖅᑕᐅᔭᕆᐊᖃᒻᒪᕆᒃᑐᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᓂᖏᓐᓄᑦ ᐊᑭᓕᖅᓲᑎᒃᑲᓐᓂᖅ.

ᑕᕝᕘᓇ ᐱᓕᕆᐊᒃᑯᑦ, ᓄᓇᕗᑦ ᒐᕙᒪᖓ ᑮᓇᐅᔭᖃᖅᑎᑦᑎᕙᒃᐳᖅ  ᐃᖅᑲᓇᐃᔭᖅᑎᓂᒃ ᐊᔪᖅᑎᑕᐅᙱᑦᑐᓂ ᑕᐃᒪᐃᒃᑯᑎᒃ  ᐊᔪᖅᑎᑕᐅᙱᑦᑐᓂ ᐃᓂᓂ ᐊᑭᓖᔪᓐᓇᖃᑦᑕᕐᓂᐊᕐᒪᑕ ᐃᖅᑲᓇᐃᔭᕐᓂᕆᔭᒥᓄᑦ. ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᕙᒃᑐᑦ  $25−ᑖᓚᐃᑦ ᑐᖔᓂ ᐃᑲᕐᕋᒥ ᐊᔪᖅᑎᑕᐅᙱᑐᐃᓐᓇᕆᐊᖃᖅᐳᑦ ᖄᒃᑲᓐᓂᐊᒍᑦ $5−ᒥᒃ ᐃᑲᕐᕋᒧᑦ ᐊᑕᐅᓯᕐᒧᑦ.

ᐱᒋᐊᖅᑎᓪᓗᑕ ᔫᓂ 1−ᒥ, ᑐᕌᕆᔭᖃᓚᐅᖅᐳᒍᑦ ᐊᑐᖅᑕᐅᔭᕆᐊᓕᖕᓄᑦ ᐃᖅᑲᓇᐃᔭᖅᑎᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐃᓄᓕᕆᓂᕐᒥᓗ, ᐊᒻᒪᓗᑦᑕᐅᖅ ᓚᐃᓴᓕᖕᓄᑦ ᐸᐃᕆᕝᕕᖕᓄᑦ.

ᐅᓪᓗᒥᒧᑦ ᑎᑭᖦᖢᒍ, ᐊᖏᒡᓕᒋᐊᖅᑎᑦᑎᕗᒍᑦ ᐱᓕᐊᒃᓴᒥᒃ ᐃᓚᓯᒪᑎᓐᓂᐊᕐᓗᒍ ᐱᓕᕆᕆᐊᒃᓴᒃᑲᓐᓂᕐᓂᒃ, ᐃᓚᒋᔭᐅᓗᓂ ᐱᔭᐅᔭᕆᖃᒻᒪᕆᒃᑐᑦ ᓇᑉᐸᖅᑎᖅᑕᐅᓯᒪᔪᑦ, ᓄᒃᑕᕐᓂᕐᒧᑦ, ᓂᕿᓄᑦ, ᑐᔪᕐᒥᓂᕐᒧᑦ, ᓂᐅᕐᕈᑎᖃᖅᐸᖕᓂᕐᒧᑦ ᐱᓕᕆᔨᓪᓚᕆᐅᓂᕐᒧᓪᓗ ᐱᔨᑦᑎᕋᕐᓂᔭᐅᕙᒃᑐᓄᑦ.

ᐊᑕᖏᕐᓗᑎᒃ ᑎᑎᕋᖅᓯᒪᔪᑦ ᐊᔪᖅᑎᑕᐅᙱᑦᑐᑦ ᐃᓃᑦ, ᐃᓚᒋᔭᐅᓪᓗᓂ ᑎᑎᕋᕆᐊᓖᑦ ᐊᓯᖏᓪᓗ ᐃᓗᓕᖏᑦ, ᒪᓂᒪᓂᐊᖅᐳᑦ ᑮᓇᐅᔭᓕᕆᔨᒃᑯᑦ ᐃᑭᐊᖅᑭᕕᖓᓂ.

ᑎᓕᐅᓪᓚᕆᒍᒪᕙᒃᑲ ᐃᖅᑲᓇᐃᔭᕐᕕᐅᔪᑦ ᐃᖅᑲᓇᐃᔭᕐᕕᖕᓃᑦᑐᑦ ᐅᖃᐅᓯᕆᖅᑲᐅᔭᓐᓂ ᐱᓇᔪᖁᓪᓗᒋᑦ ᑕᒪᑐᒧᖓ ᓄᓇᕗᒻᒥ ᐊᑐᖅᑕᐅᔭᕆᐊᖃᓪᓚᕆᒃᑐᑦ ᐃᑲᓇᐃᔭᖅᑎᑦ ᐊᑭᓕᖅᓱᖅᑕᐅᓂᖏᓐᓄᑦ ᐊᑭᓖᔾᔪᑎᒃᑲᓐᓂᕐᒧᑦ.

ᖁᔭᓐᓇᒦᒃ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᓄᑖᙳᕆᐊᖅᑎᑕᖏᑦ

ᐅᓪᓛᒃᑯᑦ. ᐅᓪᓗᒥ ᓇᓗᓇᐃᖅᓯᕗᖅ ᐱᖓᔪᒋᓕᖅᑕᖓᓂᒃ ᐱᓇᓱᐊᕈᓯᖅ ᒪᕐᕈᐃᖅᖢᒍ ᐅᖃᐅᓯᖃᖅᐸᖕᓂᖅ ᓄᓇᕗᒻᒥᐅᑦ ᓇᒧᙵᐅᕙᓪᓕᐊᓂᕆᔭᖓᓂᒃ ᓯᕗᒻᒧᐊᖅᐸᓪᓕᐊᓂᖅ ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ. ᓱᓕ ᐱᑕᖃᙱᓚᖅ ᓄᕙᒡᔪᐊᕐᓇᖅ-19−ᒥᒃ ᖃᐅᔨᔭᐅᔪᒥᒃ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ, ᑕᐃᒪᐃᓐᓂᖓᓄᓪᓗ ᐃᓂᖃᓕᕆᕗᒍᑦ ᐊᓯᔾᔨᖅᓯᔪᓐᓇᕐᓂᕐᒥᒃ ᑭᒃᑯᑐᐃᓐᓇᓂᒃ ᖃᓄᐃᙱᑎᑦᑎᓂᕐᒧᑦ ᐊᑐᖅᑕᐅᓂᐊᖅᑐᓂᒃ.

ᖁᕕᐊᓱᒃᐳᖓ ᐅᖃᕈᓐᓇᕋᒪ ᐅᑯᓂᖓ ᐊᓯᔾᔨᖅᑐᓂᒃ ᐅᑯᑭᒎᓇᖅ, ᓄᑖᒃᑯᑦ ᑎᓕᓯᔾᔪᑕᐅᔪᑎᒍᑦ ᐱᔾᔪᑎᖃᖅᖢᓂ ᐃᓅᖃᑎᒌᓂ ᐅᖓᓯᒃᓴᕆᐊᖃᖅᐸᖕᓂᕐᒥᒃ ᑲᑎᓐᓂᕆᔭᐅᕙᒃᑐᓄᓪᓗ, ᑕᒪᒃᑯᐊᓗ ᐅᓪᓗᒥ ᐊᑐᓯᒋᐊᕐᓂᐊᖅᖢᑎᒃ:

  • ᖃᔅᓯᐅᔪᓐᓇᕐᓂᕆᔭᖏᑦ ᓯᓚᒥ ᑲᑎᓐᓂᕆᔭᐅᕙᒃᑐᑦ ᐅᓄᖅᓯᒋᐊᖅᑕᐅᓯᒪᓕᖅᐳᖅ 50−ᓄᑦ ᐃᓄᖕᓄᑦ.
  • ᖃᔅᓯᐅᔪᓐᓇᕐᓂᕆᔭᖏᑦ ᐃᓯᖅᓯᒪᓗᓂ ᑲᑎᑦᑐᓐᓇᕐᓂᕆᔭᐅᔪᑦ ᐅᓄᖅᓯᒋᐊᖅᑕᐅᓯᒪᓕᖅᐳᖅ 10−ᓄᑦ ᐃᓄᖕᓄᑦ. ᓇᖕᒥᓂᕆᔭᐅᔪᓂ ᐃᓂᓂ, ᑕᒪᓐᓇ ᐃᒪᓐᓇ ᑐᑭᖃᖅᐳᖅ, 10−ᓂᒃ ᐃᓄᖕᓂᒃ ᖄᒃᑲᓐᓂᐊᒍᑦ ᑕᐃᒃᑯᐊ ᑕᐃᑲᓂ ᐃᓂᓖᑦ.
  • ᐃᓱᓕᑦᑕᕐᓂᖓ ᑲᑎᓐᓂᕆᔭᐅᕙᒃᑐᓂ ᐃᓂᓂ ᑐᒃᓯᐊᕆᐊᕐᕕᐅᕙᒃᑐᓂ, ᑲᑎᒪᕕᐅᕙᒃᑐᓂ, ᐱᙳᐊᕐᕕᖕᓂ, ᐊᑐᖅᑐᐊᖅᑕᐅᓯᒪᔪᓂ ᑲᑎᒪᕝᕕᖕᓂ ᐃᓂᓂ, ᑲᑎᓐᓂᕆᔭᐅᔪᓂᓗ ᐋᖅᑭᒃᑕᐅᔪᓂ ᑲᓇᑕᐅᑉ ᒐᕙᒪᖓᓂᑦ, ᓄᓇᕗᑦ ᒐᕙᒪᖓᓂᑦ, ᕼᐋᒻᓚᒋᔭᐅᔪᓂᑦ, ᐊᕕᒃᓯᒪᓂᕐᓂᓘᓐᓃᑦ ᐃᓄᐃᑦ ᑲᑐᔾᔨᖃᑎᒌᖏᓐᓂ, ᐋᖅᑭᒃᑕᐅᓯᒪᕗᖅ 50−ᐅᔪᓐᓇᖅᖢᑎᒃ ᐃᓄᐃᑦ ᐅᕝᕙᓘᓐᓃᑦ 50−ᐳᓴᖓᓂ ᐃᓐᓄᒍᓐᓇᕐᓂᕆᔭᖓᑕ ᑖᔅᓱᒪ ᐃᓂᐅᑉ, ᓇᓕᐊᒃ ᐅᓄᙱᓐᓂᖅᓴᐅᒃᐸᑦ.
  • ᑕᒪᐃᓐᓂ ᐃᓂᓂ ᑲᑎᓐᓂᕆᔭᐅᔪᓂᓗ, ᓱᓕ ᓂᕆᐅᒋᔭᐅᔪᖃᖅᐳᖅ ᑕᒪᓐᓇ ᐃᓄᖕᓂᒃ ᐅᖓᓯᒃᓴᖃᑦᑕᕆᐊᖃᕐᓂᖅ ᑲᔪᓯᑎᑕᐅᓂᐊᕐᓂᖓᓂᒃ.

ᓯᕗᒻᒧᐊᖅᐸᓪᓕᐊᓂᕐᒥᒃ ᐊᓪᓗᕐᒥᑎᓪᓗᑕ ᓄᓇᕗᑦ ᓇᒧᙵᐅᕙᓪᓕᐊᓂᐊᕐᓂᖓᓄᑦ, ᐅᑎᖅᑎᓪᓗᑕᓗ ᐃᓚᖏᓐᓄᑦ ᐱᓕᕆᐊᖑᕙᒃᑐᓄᑦ, ᐱᓕᕆᐊᒃᓴᓄᑦ, ᐊᑐᖅᑕᐅᔪᕕᓂᕐᓄᓪᓘᓐᓃᑦ ᐊᑐᙱᑕᕕᓂᑦᑎᓐᓄᑦ, ᑲᔪᓯᑎᑦᑎᔭᕆᐊᖃᖅᐳᒍᑦ ᐅᔾᔨᖅᓱᑦᑎᐊᕐᓂᕐᒥᒃ ᑲᑐᔾᔨᓗᑕ ᐱᓕᕆᐊᕆᔪᒪᓪᓚᕆᒃᑕᑦᑎᓐᓄᑦ ᐊᑐᕈᒪᓪᓗᑕ ᐃᓅᖃᑎᖃᖅᐸᖕᓂᕐᒥᒃ ᐅᖓᓯᒃᓴᖅᐸᖕᓂᕐᒥᒃ ᐊᒡᒐᐃᓪᓗ ᓴᓗᒪᑎᑉᐸᖕᓂᖏᓐᓂᒃ.

ᓂᕈᐊᕆᔭᖃᕈᕕᑦ ᐃᓚᐅᓂᕐᒥᒃ ᐃᓄᒋᐊᒃᑐᓂ ᑲᑎᓐᓂᕆᔭᐅᔪᒥ, ᐃᓚᐅᓂᐊᕈᕕᓪᓘᓐᓃᑦ ᐃᓯᖅᓯᒪᓗᓂ ᐱᓕᕆᐊᖑᓂᐊᖅᑐᒥᒃ, ᐅᕝᕙᓘᓐᓃᑦ ᐱᖃᓐᓇᕆᔭᕐᓂᒃ ᑲᑎᖃᑎᖃᕐᓂᐊᕈᕕᑦ ᓂᕆᖃᑎᒋᓂᐊᕐᓗᒋᑦ, ᓂᕈᐊᕆᔭᖃᕐᓂᐊᖅᐳᑎᑦ ᑲᒪᒋᔭᖃᑦᑎᐊᕐᓂᕐᒥᒃ, ᓂᕈᐊᕆᔭᖃᕐᓗᑎᓪᓗ ᐱᓕᕆᐊᒃᓴᓂᒃ ᐃᓕᖕᓂᒃ, ᓄᓇᓕᖕᓂᒃ ᐊᕕᒃᓯᒪᓂᕐᓂᒡᓗ ᖁᐊᖅᓵᕐᓇᖅᑐᒦᑎᑦᑎᙱᑦᑐᓂᒃ.  ᐊᒡᒐᑎᑦ ᐅᐊᓴᖃᑦᑕᕐᓗᒋᑦ 6−ᓂᒃ ᐃᓯᒐᖕᓂᒃ ᐊᓯᖕᓂᒃ ᐅᖓᓯᒃᓴᖅᑎᒋᕙᒡᓗᑎᑦ. ᑮᓇᐃᑦ ᐊᒃᑐᖅᑕᐃᓕᒪᕙᒡᓗᒍ. ᖁᐱᕐᕈᐃᔭᖅᓵᓕᕙᒡᓗᒋᑦ ᐊᒃᑐᖅᑕᐅᒐᔪᒃᑐᑦ. ᐃᓱᒪᒋᔭᖃᕆᑦ ᒪᑐᐊᖅᓯᓯᒪᔾᔪᑎᒥᒃ ᐊᑐᕆᐊᒃᓴᖅ ᐃᓅᖃᑎᖕᓂᒃ ᐅᖓᓯᒃᓴᕆᐊᒃᓴᖅ ᐊᔪᕐᓇᖅᐸᑦ. ᖃᓂᒪᖅᑰᔨᒍᕕᑦ, ᐊᖏᕐᕋᖅᓯᒪᓗᑎᑦ.

ᖁᔭᓐᓇᒦᒃ.

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᕐᓂᕆᕙᒃᑕᖏᓐᓄᑦ

ᐅᖃᓗᒃᐸᒌᖕᓂᖅ ᐋᓐᓂᐊᕕᖕᓄᑦ

ᑭᓯᐊᓂ ᑐᐊᕕᖕᓇᖅᑐᒃᑯᑦ ᐋᓐᓂᐊᓕᕈᕕᑦ, ᐅᖃᓗᖅᑳᕆᑦ ᐋᓐᓂᐊᕕᖕᒧᑦ ᐅᐸᓚᐅᙱᓐᓂᕐᓂᑦ. ᐅᖃᐅᓯᕆᓗᒋᑦ ᖃᓄᐃᓐᓂᕆᔭᑎᑦ, ᐋᓐᓂᐊᓯᐅᑎᓪᓗ ᐅᖃᓘᑎᒃᑯᑦ ᖃᐅᔨᓴᕈᓐᓇᖅᑐᑦ ᐃᓂᒃᓴᓕᐅᕆᔪᓐᓇᕐᖢᑎᒡᓗ ᐃᓅᓕᓴᐃᑦᑎᐊᕐᓂᐊᕐᓗᑎᒃ.

ᒪᑐᐊᕐᓯᒪᖃᑦᑕᖕᓂᖅ ᐋᓐᓂᐊᕕᖕᓂᑦ

ᐋᓐᓂᐊᕕᓕᐊᕈᕕᑦ ᐊᓂᕐᓂᖕᓄᑦ ᖃᓄᐃᔾᔪᑎᐅᔪᒥᑦ ᓲᕐᓗ ᖁᐃᖅᓱᑲᑕᒡᓗᑎᒃ, ᑕᒋᐅᒃᓴᑲᑕᒡᓗᑎᒃ, ᑲᒃᑭᓕᑲᑕᒡᓗᑎᓪᓘᓐᓃᑦ, ᒪᑐᐊᖅᓯᒪᔭᕆᐊᖃᖅᐳᑎᑦ. ᒪᑐᐊᒃᓴᖃᙱᒃᑯᕕᑦ, ᐅᖃᐅᑎᓂᐊᕐᐸᑦ ᑕᑯᔭᑦ ᐋᓐᓂᐊᕕᖕᒥᑦ ᖃᓄᐃᓐᓂᕆᔭᕐᓂᒃ, ᑐᓂᔭᐅᔪᓐᓇᕐᓂᐊᖅᐳᑎᓪᓗ.

ᓄᑖᖅ ᖃᕆᑕᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᖅ ᓄᒃᑕᖅᑎᓄᑦ

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᔪᖃᖅᓯᒪᕗᖅ ᓄᓇᕗᒻᒥᐅᓄᑦ ᐊᐅᓪᓚᕈᒪᓂᐊᖅᑐᓄᑦ ᐊᕕᒃᓯᒪᓂᖓᑕ ᐅᑭᐅᖅᑕᖅᑐᒥ ᓯᓚᑕᓄᑦ. ᑕᒪᕐᒥᑦᑎᐊᖅ ᓄᒃᑕᖅᑐᑦ ᑐᓂᓯᔭᕆᐊᖃᖅᐳᑦ ᐅᐸᒃᑕᐅᑦᑕᐃᓕᒪᓂᕐᒧᑦ ᑕᑕᑎᕆᐊᓕᖕᒥᒃ ᐅᑯᓄᖓ, NUisolationreservations@nunavutcare.ca ᖃᐅᔨᒪᓕᑐᐊᕈᑎᒃ ᓄᒃᑕᕐᓂᕐᒧᑦ ᐱᕙᒌᔭᖅᑕᐅᓯᒪᓂᕐᒥᓂᒃ, ᓇᓗᙱᑦᑎᐊᕈᒪᓂᕐᒧᑦ ᑖᒃᑯᐊ ᓄᒃᑕᖅᑐᖃᖅᐸᖕᓂᖓᓄᑦ ᐱᓕᕆᔨᑦ ᓇᓗᓇᐃᖅᓯᔪᓐᓇᖁᓪᓗᒋᑦ ᐃᒡᓗᕈᓯᕐᒥᒃ ᒪᓂᒪᔪᖃᕐᒪᖔᑦ ᐃᓂᒃᓴᓕᐅᕐᓗᑎᒡᓗ ᐃᓂᒋᓂᐊᖅᑕᒥᓂᒃ ᓇᓗᓇᐃᖅᑕᐅᓯᒪᔪᓂ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓂᒋᔭᐅᔪᓂ. ᑐᓴᖅᑕᐅᔪᒃᓴᒃᑲᓐᓂᕐᓂᒃ ᓇᓂᓯᔪᖃᕈᓐᓇᖅᐳᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.

ᐅᐸᒃᑕᐅᑦᑕᐃᓕᒪᕝᕕᐅᔪᓂ ᐃᓱᒫᓘᑎᖃᕈᕕᑦ ᐴᖅᓯᕕᒃ

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᓯᒪᔪᖃᓕᖅᐳᖅ ᐱᐅᓂᖅᓴᒃᑯᑦ ᑭᐅᓯᖃᑦᑕᕈᒪᓂᕐᒧᑦ ᐃᓱᒫᓘᑕᐅᔪᓂᒃ ᐅᖃᐅᓯᐅᓯᒪᔪᓂᒡᓗ ᐱᓕᕆᕝᕕᒋᔭᐅᓯᒪᔪᓂᑦ ᐱᔭᕇᖅᓯᔪᓂᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᕖᖕᓃᑦᑐᓂᒃ ᖃᓪᓗᓈᓂ ᑲᓇᑕᒥ. ᑖᓐᓇ ᓄᑖᖅ ᖃᕆᑕᐅᔭᒃᑯᑦ ᑎᑎᕋᕐᕕᒃ ᐲᖅᓯᓂᐊᖅᐳᖅ ᐊᒃᓱᕈᓐᓇᖅᑎᑦᑎᔪᒥᒃ ᓄᕙᒡᔪᐊᕐᓇᒧᑦ ᐊᑭᖃᙱᑦᑐᒧᑦ ᐅᖄᓚᕝᕕᒃᓴᐅᕙᒃᑐᒧᑦ, ᐃᓗᐊᖅᓴᖅᑕᐅᔭᖅᑐᖅᓯᒪᔪᓂᒃ ᐃᓅᖃᑎᖃᖅᐸᖕᓂᕐᒥᒃ ᐊᒻᒪᓗ CPHOTravelRequests ᐃᓕᐅᖅᑲᐃᕝᕕᒋᑎᑉᐸᒃᑕᖓᓄᑦ. ᐅᕝᕙ ᓄᑖᖅ ᑐᕌᕈᑖ isolationrelations@gov.nu.ca.

ᐅᓄᕐᓂᖏᑦ

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐊᓂᑦᑕᐃᓕᔭᕆᐊᖃᖅᑐᓄᑦ ᐃᓃᑦ)

ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ

ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᔫᓂ 28-ᒥᑦ ᐱᒋᐊᖅᖢᓂ

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᓯᒪᔪᑦ

257

ᑭᒃᑯᑐᐃᓇᑦ

183

ᐃᓕᓐᓂᐊᖅᑏᑦ

0

ᑲᑎᖦᖢᒋᑦ

440



ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᖅᑐᑦ

ᔫᓂ 27

7

ᔫᓂ 28

16

ᔫᓂ 29

63

ᔫᓂ 30

28

ᔪᓚᐃ 1

47



ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ

ᔫᓂ 26−ᒥ ᐱᒋᐊᖅᖢᓂ, 1919−ᓂᒃ ᑐᒃᓯᕋᖅᑐᖃᓚᐅᖅᐳᖅ, 1373−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᕈᑕᐅᔪᑦ.

ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ

#

%

ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᒻᒪᕆᐊᓗᐃᑦ ᐱᒻᒪᕆᐅᓗᐊᙱᑦᑐᓪᓗ)

1666

86.8%

ᐊᖏᕐᑕᐅᙱᑦᑐᑦ

195

10.2%

ᐅᑕᖅᑭᔪᑦ

3

0.2%

ᐊᐅᓪᓚᕐᕕᐅᔪᓐᓇᕐᑐᑦ ᐊᖏᖅᑕᖅ

55

2.9%

ᑲᑎᖦᖢᒋᑦ

1919

100%

 

ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

ᐋᓐᓂᐊᖃᕐᓇᙱᑦᑐᓕᔨᓄᑦ ᐱᔨᑦᑎᕋᐅᑕᐅᕙᒃᑐᓄᑦ ᐃᑲᔪᖅᑕᐅᖃᑦᑕᖅᑐᑦ ᓱᓕ ᐊᑐᐃᓐᓇᐅᔪᑦ ᑕᒪᐃᓐᓄᑦ ᓄᓇᓕᖕᓂ ᐱᓇᓱᐊᕈᓯᓕᒫᖅ ᐅᓪᓗᓄᑦ 7-ᓄᑦ. ᑐᐊᕕᕐᓇᙱᑦᑐᓕᒫᑦ ᑲᒪᒋᔭᕆᐊᓖᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᖃᐅᑕᒫᑦ ᑐᐊᕕᕐᓇᓂᖏᑎᒍᑦ ᒪᓕᓪᓗᒋᑦ. ᑐᐊᕕᕐᓇᖅᑐᓕᕆᔨᓄᑦ ᐋᓐᓂᐊᕕᖕᒥᑦ ᐱᔨᑎᕋᐅᑎᖏᑦ ᓱᓕ ᐊᑐᐃᓐᓇᖏᓐᓇᕐᓂᐊᖅᑐᑦ 24−ᓄᑦ ᐃᑲᕐᕋᓄᑦ, ᐱᓇᓱᐊᕈᓯᓕᒫᑦᑎᐊᖅ. ᐃᓗᐊᖅᓴᖅᑕᐅᔭᕆᐊᖃᖅᑐᓕᒫᑦ ᐅᖄᓚᖃᑦᑕᖁᔭᐅᕗᑦ ᓴᖅᑭᓚᐅᙱᓐᓂᕐᒥᓂ ᐋᓐᓂᐊᕐᕕᖕᒧᑦ.

ᐱᒋᐊᕐᖢᓂ ᔫᓂ 8−ᒥᑦ, ᐊᒥᓲᓂᕐᓴᓂ ᒪᓂᒪᓂᖅᑕᖃᖃᑦᑕᕐᓂᐊᓕᖅᐳᖅ ᐅᐸᒃᓯᓗᓂ ᖃᓄᐃᙱᓐᓂᕐᒧᑦ ᖃᐅᔨᓴᖅᑕᐅᓂᕐᓂᒃ ᐋᓐᓂᐊᕕᓕᐊᕐᕕᖕᓂ ᑕᒫᓂᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ. 

  • ᐃᖃᓗᖕᓂ, ᐅᖁᒪᐃᓐᓂᕐᓂᐊᕐᕕᒃ, ᑐᐊᕕᕐᓇᖅᑐᓕᕆᕝᕕᒃ ᐃᒡᓗᕈᓯᖅ ᐅᓂᒃᓯᒪᕝᕕᐅᕙᒃᑐᕐᓗ ᒪᑐᐃᖓᐃᓐᓇᕐᓂᐊᖅᑐᑦ.
  • ᖃᓄᐃᙱᑦᑎᐊᖅᑐᓄᑦ ᓄᑕᕋᓛᕐᓄᑦ ᐱᓕᕆᐊᖑᕙᒃᑐᑦ, ᓯᖓᐃᔪᓄᑦ ᑕᑯᔭᐅᕙᒃᑐᑦ ᑲᐱᔭᐅᕙᒃᑐᓪᓗ ᑲᔪᓰᓐᓇᖅᐳᑦ ᓄᓇᕘᓕᒫᒥ.
  • ᓘᒃᑖᑦ ᑲᔪᓰᓐᓇᕐᓂᐊᖅᑐᑦ ᓄᓇᓕᖕᓄᑦ ᐳᓚᕋᖃᑦᑕᕐᓂᖏᑦ. ᑕᒪᓐᓇ ᐊᔪᕐᓇᕐᓂᖅᐸᑦ, ᑕᑯᔭᐅᖃᑦᑕᕐᓂᐊᖅᑐᑦ ᑕᓚᕖᓴᒃᑯᑦ ᐃᓗᐊᖅᓴᖅᑕᐅᓗᑎᒃ ᐅᖄᓚᐅᑎᒃᑯᓪᓘᓐᓃᑦ.
  • ᐊᐅᖏᖅᑕᐅᓯᒪᔪᓂᑦ ᖃᐅᔨᓴᕐᕕᖓ ᐊᒻᒪ ᑕᕐᕋᖅᑐᖅᑕᐅᕕᖓ ᕿᑭᖅᑕᓂ ᐋᓐᓂᐊᕕᖕᒥ ᐃᓚᐃᓐᓇᖏᓐᓂᑦ ᑲᒪᖃᑦᑕᕐᓂᐊᖅᑐᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐃᓂᒃᓴᓕᐅᖅᑐᑦ ᐋᓐᓂᐊᕕᖕᒧᑦ ᑐᐊᕕᕐᓇᕐᓂᕆᔭᖏᑦ ᒪᓕᒃᑕᐅᖃᑦᑕᕐᓂᐊᖅᐳᑦ; ᑕᐃᒪᐃᒻᒪᑦ ᐅᖃᓘᑎᒃᑯᑦ ᐃᓂᒃᓴᓕᐅᖃᑦᑕᕐᓂᐊᖅᐳᑦ ᐅᕝᕙᓘᓐᓃᑦ ᐅᐸᒡᓗᑎᒃ.

ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᑦ ᐅᓄᕈᓐᓃᕆᐊᖅᑕᐅᔪᑦ ᑭᓯᐊᓂ ᑐᐊᕕᕐᓇᓐᑐᓄᑦ ᐋᓐᓂᐊᕕᓕᐊᕆᐊᓕᖕᓄᑐᐊᖅ ᐊᐅᓚᖅᑎᑕᐅᖃᑦᑕᕐᓂᐊᖅᑐᑦ. ᑲᒪᒋᔭᐅᕙᒃᑐᑦ ᐅᖃᐅᔾᔪᖅᑕᐅᓂᐊᖅᐳᑦ ᐊᓯᔾᔨᖅᑕᐅᔪᓂᑦ ᐅᖃᖃᑎᒌᖃᑕᐅᓗᑎᒡᓗ ᑐᓴᕆᐊᓕᖏᓐᓂᑦ.

ᐃᖃᓗᖕᓂ, ᐋᓂᐊᕐᕕᓕᐊᖃᑦᑕᖅᑐᓄᑦ ᐊᒻᒪ ᑎᒥᒃᑯᑦ ᐃᖃᐃᓕᓴᕆᐊᓖᑦ ᑕᑯᔭᐅᖃᑦᑕᖅᑐᑦ ᑐᐊᕕᕐᓇᕐᓂᖏᑦ ᒪᓕᓪᓗᒋᑦ ᑕᑯᔭᐅᖃᑦᑕᖅᑐᑦ ᐊᒻᒪ ᑕᑯᔭᒃᓴᓕᐊᖑᓯᒪᔪᓂ ᓱᓕ ᑕᑯᖃᑦᑕᖅᑐᑦ. ᑕᒪᕐᒥᑦᑎᐊᖅ ᑕᑯᔭᔅᓴᓕᐊᖑᓯᒪᔪᑦ ᐃᓂᔅᓴᓕᐅᖅᑕᐅᓯᒪᔪᑦ ᑐᐊᕕᕐᓇᓂᖏᑦᑎᒍᑦ ᒪᓕᓪᓗᒋᑦ ᐋᖅᑭᒃᒋᐊᖅᑕᐅᒃᑲᓐᓂᖅᐸᓪᓕᐊᕗᑦ.

ᐋᓐᐊᓂᕕᖕᒧᑦ ᐅᓂᒃᑐᑦ ᕿᑭᖅᑕᓂ ᐋᓐᓂᐊᕕᖕᒥ ᖃᔅᓰᓐᓇᕐᓂᒃ ᐳᓛᖅᑕᐅᑎᑦᑎᑲᑕᒃᑐᑦ ᐊᐱᖅᓱᖅᑕᐅᑲᑖᓪᓚᓚᐅᖅᖢᑎᒃ.

MHA−ᑯᑦ ᐅᖄᓚᐅᑎᒃᑯᖔᖅ ᖃᐅᔨᓴᖅᑕᐅᖃᑦᑕᕐᓂᐊᓕᖅᑐᑦ ᐃᑲᔪᖅᑕᐅᖃᕐᓗᑎᓪᓗ ᐃᓚᖏᓐᓄᑦ ᐃᓄᓕᕆᔭᐅᖃᑦᑕᖅᑐᓄᑦ. ᑕᑯᔭᔅᓴᓕᐊᖑᓯᒪᔪᑦ ᐃᔭᒐᖏᓐᓂᑦ ᐊᐃᔅᓯᕆᐊᓖᑦ ᐊᒻᒪ ᐱᓕᕆᖃᖅᑕᕐᓂᕆᕙᑦᑕᖏᑦ ᓱᓕ ᐊᓯᔾᔨᖏᑦᑐᑦ. ᑐᐅᕕᕐᓇᖅᑐᒦᓪᓚᕆᒃᑯᕕᑦ, ᐋᓐᓂᐊᕐᕕᖕᒧᐊᕐᓗᑎᑦ. ᐊᖏᕐᕋᕆᔭᐅᔪᓂ ᐅᐸᒃᓯᕙᖕᓃᑦ ᐃᓗᐊᖅᓴᐃᔭᖅᑐᕐᓗᓂ ᐱᓕᕆᐊᖑᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ ᑕᐃᒪᐃᓕᐅᕆᐊᖃᖅᐸᑕ.

ᐱᒋᐊᕐᓗᓂ ᔫᓂ 15, ᑭᒍᑎᓕᕆᔨᒃᑯᑦ ᐅᒃᑯᐃᕈᓐᓇᕐᓯᓂᐊᓕᕐᑐᑦ, ᑕᒪᓐᓇ ᐱᔨᑦᑎᕋᐅᑎ ᐊᑐᐃᓐᓇᐅᙱᑐᐃᓐᓇᕆᐊᓖᑦ ᓄᓇᓕᓕᒫᓂ ᒫᓐᓇᑲᐅᑎᒋ. ᓄᓇᓕᖕᓄᑦ ᐱᔨᑦᑎᕋᐅᑎᑦ ᑭᖑᕙᓯᖕᓂᐊᕐᑐᓄᑦ ᐱᔨᑦᑎᕋᕐᓂᕆᔭᐅᔪᓄᑦ, ᑐᐊᕕᖕᓇᖅᑐᒃᑯᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᓱᓕ ᒪᓂᒪᕗᑦ.

ᔫᓂ 29−ᒥ ᐱᒋᐊᕐᓗᓂ, ᓄᓇᕗᒻᒥ ᑲᒪᒋᔭᐅᖏᓐᓇᖅᑐᒃᑯᕖᑦ (CCC−ᖑᓂᕋᖅᑕᐅᒋᓪᓗᑎᒃ) ᐃᓐᓇᐃᓪᓗ ᐊᖏᕐᕋᖏᑦ ᐊᖏᖅᓯᖃᑦᑕᕐᓂᐊᖅᐳᑦ ᐳᓛᕆᐊᖅᑐᓂᒃ ᑕᒪᓐᓇᓗ ᐃᓱᓕᑦᑕᖅᑎᑕᐅᓗᓂ. ᐊᑐᓂᑦ ᑕᒪᐃᑕ ᑕᐃᑲᓂᕐᒥᐅᑦ ᐅᓂᒃᓯᒪᔪᓪᓘᓐᓃᑦ ᒪᕐᕉᒃ ᐅᖓᑖᓂ ᐳᓛᖅᑎᖃᕆᐊᖃᙱᓚᑦ ᐊᑕᐅᑦᑎᒃᑯᑦ ᑕᒪᒃᑯᐊᓗ ᐳᓛᕆᐊᖅᑐᑦ ᐃᓱᓕᑦᑕᖅᑎᑕᐅᓂᐊᖅᐳᑦ ᐃᓚᒋᔭᐅᔪᓄᑐᐊᖅ, (ᑕᒪᓐᓇ ᐃᓚᖃᖅᖢᓂ ᐃᕐᙳᑕᕐᓂᒃ ᐊᔭᐅᑉᐱᐊᓂᒡᓗ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐱᑐᐃᓐᓇᐅᙱᑦᑐᔨᕆᕝᕖᑦ ᐃᓗᐊᖅᓴᖅᑕᐅᓃᑦ ᓄᖅᑲᖅᑎᑕᐅᓯᒪᓕᖅᐳᑦ. ᐱᓕᕆᔪᖃᖅᐸᓪᓕᐊᕗᖅ ᖃᐅᔨᒪᓕᕈᒪᓂᕐᒧᑦ ᓇᓕᐊᒃ ᐃᓗᐊᖅᓴᖅᑕᐅᔭᕆᐊᓖᑦ ᑲᒪᒋᔭᐅᔪᓐᓇᕐᒪᖔᑕ ᐅᖄᓚᐅᑎᒃᑯᑦ/ᖃᕆᓴᐅᔭᒃᑯᑦ ᑲᒪᒋᔭᐅᓗᑎᒃ.

ᐊᐅᓪᓚᕆᐊᓖᑦ ᐱᔭᕆᐊᖃᓪᓚᕆᖏᑦᑐᑦ ᐃᓱᒪᓕᕆᔨᒃᑯᑎᒍᑦ ᐱᓕᕆᕝᕕᐅᕙᒃᑐᓄᑦ ᐃᓚᒌᓐᓄᓪᓗ ᓄᖅᑲᖅᑎᑕᐅᕗᑦ. ᐊᐅᓪᓚᕆᐊᖃᖅᑐᓕᒫᑦ ᖃᑕᙳᑎᒥᓂᒃ ᐋᓐᓂᐊᕐᕕᖕᒦᑦᑐᒥᒃ ᑕᑯᔭᖅᑐᖅᐸᒃᑐᑦ ᓄᖅᑲᖅᑎᑕᐅᔪᑦ.

ᑮᓇᐅᔭᓕᕆᔨᒃᑯᑦ ᐱᔨᑦᑎᕋᐅᑎᖏᑦ

ᓄᓇᕗᒻᒥ ᐊᑐᖅᑕᐅᔭᕆᐊᖃᓪᓚᕆᒃᑐᓄᑦ ᐃᖅᑲᓇᐃᔭᖅᑎᓄᑦ ᐊᑭᖅᓱᖅᑕᐅᓂᕐᒧᑦ ᑐᓐᓂᖅᑯᑕᐅᒃᑲᓐᓂᖅᐸᒃᑐᖅ (NEWWP−ᖑᓂᕋᖅᑕᐅᒋᓪᓗᓂ) ᓯᕗᓪᓕᖅᐹᒥᒃ ᐃᓱᓕᑦᑕᖅᑎᑕᐅᓚᐅᖅᐳᖅ ᐃᖅᑲᓇᐃᔭᖅᑎᓄᑦ ᐱᑎᑦᑎᕙᒃᑐᓄᑦ ᐱᔨᑦᑎᕋᕐᓂᕐᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐃᓅᖃᑎᖃᖅᐸᖕᓂᕐᒧᓪᓗ ᐱᔾᔪᑎᓕᖕᒥᒃ ᐊᒃᑐᖅᑕᐅᓴᕋᐃᑦᑐᓄᑦ ᓄᓇᕗᒻᒥᐅᓄᑦ, ᓲᕐᓗ ᓂᕿᖃᖅᑎᑦᑎᔨᓄᖅ, ᕿᒫᕝᕕᖕᓄᑦ, ᑲᑎᙵᓗᑎᒃ ᐊᖏᕐᕋᕆᔭᐅᕙᒃᑐᓄᑦ, ᑲᒪᒋᔭᐅᓂᕐᒧᑦ ᐃᓂᓄᑦ, ᓚᐃᓴᓕᕐᓄᓪᓗ ᐸᐃᕆᕝᕕᖕᓄᑦ. ᑕᒪᓐᓇ ᐱᓕᕆᐊᖑᔪᖅ ᒫᓐᓇ ᐊᖏᒡᓕᒋᐊᖅᑕᐅᓯᒪᓕᖅᐳᖅ ᐃᓚᖃᕐᓂᐊᖅᖢᓂ ᐊᑐᖅᑕᐅᔭᕆᐊᖃᒻᒪᕆᒃᑐᓂᒃ ᓇᑉᐸᖅᑎᖅᑕᐅᓯᒪᔪᓂᒃ, ᓄᒃᑕᕐᓂᕐᒥᒃ ᓂᕿᓄᑦ, ᑐᔪᕐᒥᕙᖕᓂᕐᒧᑦ, ᓂᐅᕕᖅᑎᑦᑎᕙᖕᓂᕐᒧᑦ ᐱᓕᕆᔨᓪᓚᕆᐅᓂᕐᒧᓪᓗ ᐱᔨᑦᑎᕋᕐᕕᐅᕙᖕᓂᕐᓄᑦ.

ᓄᓇᕗᒻᒥ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᑦᓵᓄᑦ ᐱᓕᕆᐊᓂᑦ (NEWWP) ᐊᑑᑎᖃᖅᑐᖅ ᐅᓪᓗᓕᒫᑦ, ᐅᓪᓘᑉ ᐊᕝᕙᐃᓐᓇᖓᓄᑦ, ᐃᖅᑲᓇᐃᔭᑲᐃᓐᓇᖃᑦᑕᖅᑐᓄᓪᓗ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑮᓇᐅᔭᓕᐅᖅᑐᓂᑦ ᑐᖔᓂᑦ $25 ᐃᑲᕐᕋᑕᒫᑦ ᐃᖅᑲᓇᐃᔭᖅᑐᐃᓪᓗ ᐱᔪᓐᓇᓂᖃᖅᑐᓂᑦ ᐱᓕᕆᕝᕕᐅᔪᓂᑦ.

ᐃᖅᑲᓇᐃᔭᖅᑏᑦ ᑮᓇᐅᔾᔭᓴᖅᑐᑦ ᑐᖔᓂ ᓇᓕᒧᑦᑐᒥᓪᓘᓐᓃᑦ $20 ᐃᑲᕐᕋᑕᒫᑦ ᐱᔪᓐᓇᕐᓂᖃᕐᓂᐊᖅᑐᑦ ᐊᑕᖏᖅᑐᒥ $5 ᑮᓇᐅᔭᑦᓵᓄᑦ ᐃᓚᒋᐊᕈᑎᓂᑦ.  ᐃᖅᑲᓇᐃᔭᖅᑏᑦ ᑮᓇᐅᔾᔭᓴᖅᑐᑦ ᐅᑯᓇᖓ $20 ᐊᒻᒪᓗ $25 ᐃᑲᕐᕋᑕᒫᑦ ᐱᓂᐊᖅᑐᑦ ᐊᑉᐸᓯᓐᓂᖅᓴᓂᑦ ᐃᓚᒋᐊᕈᑎᓂᑦ ᑮᓇᐅᔾᔭᑦᓵᓂᑦ ᐃᒪᐃᑦᑐᙳᑎᑦᓯᓂᐊᖅᑐᓂᑦ $25 ᐃᑲᕐᕋᑕᒫᑦ. ᐃᖅᑲᓇᐃᔭᖅᑏᑦ ᑮᓇᐅᔾᔭᑦᓴᖅᑐᑦ ᐅᖓᑖᓄᑦ $25 ᐃᑲᕐᕋᑕᒫᑦ ᐱᔪᓐᓇᓚᖓᖏᑦᑐᑦ ᐃᓚᒋᐊᕈᑎᓂᑦ.

ᐃᖅᑲᓇᐃᔭᕐᕕᒋᔭᐃᑦ (ᐊᑕᐅᓯᕐᒨᖓᖏᑦᑐᑦ) ᐱᓇᓱᐊᕈᓐᓇᖅᑐᑦ ᐱᓕᕆᐊᕐᒥ ᐊᑐᐃᓐᓇᐅᑎᑦᓯᒋᐊᖃᖅᓱᑎᓪᓗ ᑐᓴᖅᑕᐅᑎᑦᓯᔾᔪᑎᓂᑦ ᒥᑦᓵᓄᑦ ᐃᖅᑲᓇᐃᔭᕐᕕᖏᑦᑕ.

ᒐᕙᒪᒃᑯᑦ ᓄᓇᕗᒻᒥ ᑮᓇᐅᔭᓕᕆᔨᒃᑯᑦ ᐊᐅᓚᑦᓯᔪᑦ ᓄᓇᕗᒻᒥ ᐱᔭᕆᐊᖃᓪᓚᕆᑦᑐᓄᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᑦᓵᓄᑦ ᐃᓚᒋᐊᕈᑎᓂᑦ ᐃᑲᔫᑕᐅᑦᓱᑎᒃ. ᑐᓂᓯᕐᒧᑦ ᐊᑐᐊᒐᖅ ᐃᑲᔪᖅᑐᐃᔪᖅ ᐱᓕᕆᐊᖑᔪᒥᒃ ᒪᓂᒪᕗᖅ ᐱᓕᕆᕝᕕᒋᔭᐅᔫᑉ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/finance/information/newwp.

ᐃᖅᑲᓇᐃᔭᖅᑎᑦ ᑲᓇᑕᒥ ᐊᒻᒪ ᓄᓇᕗᒻᒥ ᒐᕙᒪᐃᑦ, ᐊᒻᒪᓗ ᑐᖅᑲᖅᑕᕐᕖᑦ, ᐃᓚᔭᐅᒃᑲᓐᓂᕈᑎᒃᓴᓄᑦ ᐊᔪᖅᑎᑕᐅᔪᑦ. 

ᒐᕙᒪᒃᑯᑦ ᑲᓇᑕᒥ ᑮᓇᐅᔭᖃᖅᑎᑦᓯᔪᑦ ᐊᑕᖏᖅᑐᒥ ᐱᓕᕆᐊᒧᑦ.

 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᐱᔪᒪᔾᔪᑕᐅᔪᑦ ᐃᓯᕈᒪᓗᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒧᑦ ᐃᒡᓗᓕᐅᕐᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ, ᓄᒃᑕᕈᒪᓗᓂᓘᓐᓃᑦ ᐊᕕᒃᓯᓂᐅᑉ ᐃᓗᐊᓂ ᐃᒡᓗᓕᐅᕐᓂᕐᒧᑦ ᐊᒃᑐᐊᓂᓕᖕᓄᑦ ᐱᓕᕆᐊᒃᓴᓄᑦ, ᓇᒃᓯᐅᔾᔭᐅᔪᓐᓇᖅᐳᑦ ᐅᕗᖓ,  CPHOconstructionrequests@gov.nu.ca

ᐃᒡᓗᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᓂᕐᒥᒃ ᐅᓪᓗᒥᒧᑦ ᑎᑭᖦᖢᒍ: 409

ᐃᒡᓗᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᓂᕐᒥᒃ ᔫᓂ 25-28, 2020−ᒥ

ᐊᐅᓪᓚᕐᕕᒃᓴᖓᑕ ᐅᓪᓗᐊ

ᓈᓴᐅᑎᖓ

ᓇᒧᙵᐅᓂᐊᖅᐸᑦ

25/ᔫᓂ/20

1

ᖃᐅᓱᐃᑦᑐᖅ

25/ᔫᓂ/20

12

ᒥᑦᑎᒪᑕᓕᒃ

25/ᔫᓂ/20

1

ᐸᓐᓂᖅᑑᖅ

25/ᔫᓂ/20

2

ᐃᖃᓗᐃᑦ

25/ᔫᓂ/20

6

ᐃᖃᓗᒃᑑᑦᑎᐊᖅ

26/ᔫᓂ/20

5

ᑰᒑᕐᔪᒃ

26/ᔫᓂ/20

5

ᑭᙵᐃᑦ

26/ᔫᓂ/20

26

ᐃᖃᓗᐃᑦ

26/ᔫᓂ/20

1

ᐃᖃᓗᒃᑑᑦᑎᐊᖅ

28/ᔫᓂ/20

2

ᐃᖃᓗᐃᑦ



ᓄᓇᕗᑦ ᒐᕙᒪᖓᑕ ᑎᑎᕋᕐᕕᖏᑦ ᑕᒪᐃᓐᓂ ᓄᓇᓕᖕᓂ ᓱᓕ ᒫᓐᓇ ᒪᑐᓯᒪᕗᑦ ᑭᒃᑯᑐᐃᓐᓇᓄᑦ ᐅᐸᒃᑕᐅᔪᓐᓇᙱᖦᖢᑎᒃ ᒫᓐᓇᐅᔪᒃᑯᑦ. ᑭᓇᑐᐃᓐᓇᒥᒃ ᑕᖅᑳᙵᑐᐃᓐᓇᖅ ᑲᑎᖃᑎᖃᕆᐊᖃᖅᑐᖃᖅᐸᑦ ᓄᓇᕗᑦ ᒐᕙᒪᖓᑕ ᐊᑐᕆᐊᖃᓪᓚᕆᒃᑐᓂᒃ ᐱᔨᑦᑎᕋᕐᕕᖃᕐᓂᕐᒧᑦ ᐃᖅᑲᓇᐃᔭᖅᑎᒥᒃ, ᐊᓯᐊᒍᖔᖅ ᐋᖅᑭᒃᓱᖅᑕᐅᔪᓂᒃ ᐋᖅᑭᒃᓱᖅᑕᐅᔪᖃᕆᐊᖃᖅᐳᖅ.  ᐅᖄᓚᖅᑳᕐᓂᐊᖅᐳᑎᑦ ᓯᕗᓂᑲᓪᓚᖓᒍᑦ ᐃᓂᒃᓴᓕᐅᕐᓗᑎᓪᓗ.

 

ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦᓱᓕᑦᑕᕐᓃᑦ  ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔾᔪᑕᐅᔪᓂᑦ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.