ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᖅ ᐊᑐᓕᖁᔨᔪᖅ ᓇᒻᒥᓂᖅ ᐊᓂᑦᑕᐃᓕᑎᖃᑦᑕᖁᓪᓗᒋᑦ ᑎᑭᖃᑦᑕᖅᑐᑦ ᓄᓇᕗᒻᒧᑦ ᒫᑦᓯ 18, 2020

ᒫᔾᔨ 18, 2020

 

ᓇᓗᓇᐃᕈᑎ

ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᖅ ᐊᑐᓕᖁᔨᔪᖅ ᓇᒻᒥᓂᖅ ᐊᓂᑦᑕᐃᓕᑎᖃᑦᑕᖁᓪᓗᒋᑦ ᑎᑭᖃᑦᑕᖅᑐᑦ ᓄᓇᕗᒻᒧᑦ

ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᖅ ᓘᑦᑖᖅ ᒪᐃᑯᓪ ᐸᑐᓴᓐ ᐅᓪᓗᒥ ᓴᖅᑭᖅᑎᑦᓯᖅᑲᐅᔪᖅ ᐅᑯᓂᖓ ᓇᓗᓇᐃᕈᑎᓂᒃ:

“ᓱᓕ ᓇᓗᓇᐃᖅᑕᐅᓯᒪᔪᖃᙱᒃᑲᓗᐊᖅᑎᓪᓗᒍ ᖃᓂᒪᓐᓇᖅᑖᖅᓯᒪᔪᓂᒃ COVID-19 ᓄᓇᕗᒻᒥ, ᓴᐳᒻᒥᔮᕆᒍᒪᒐᑦᑕ ᓄᓇᕗᒻᒥᐅᓕᒫᓂᒃ, ᑕᐃᒪᐃᒻᒪᑦ, ᐊᑐᓕᖁᔨᔪᖓ ᑎᑭᑦᑐᒥᓂᐅᒍᕕᑦ ᓄᓇᕗᒻᒧᑦ ᓈᑦᓰᖑᔭ, ᒫᑦᓯ 15-ᒥᓂᑦ, ᐱᒻᒪᕆᐅᓗᐊᙱᑦᑐᓂᒃ ᐱᔨᑦᓯᕋᖅᑎᐅᓂᕐᒧᑦ ᐃᖅᑲᓇᐃᔮᖃᕈᕕᑦ, ᒫᓐᓇᑦᓴᐅᑎᒋ ᓇᒻᒥᓂᖅ ᐊᓂᑦᑕᐃᓕᑎᓕᕆᑦ ᐅᓪᓗᓂᒃ 14-ᓂᒃ.

ᐃᓚᒌᑦ ᑕᐃᒃᑯᐊᓗ ᐊᖏᕐᕋᒥᐅᑕᐅᖃᑎᓖᑦ ᓇᒻᒥᓂᖅ ᐊᓂᑦᑕᐃᓕᑎᑦᑐᓂᒃ, ᑭᓯᐊᓂ ᐊᐅᓪᓚᓚᐅᖅᓯᒪᙱᒃᑲᓗᐊᕈᑎᒃ ᓇᒻᒥᓂᖅ ᐅᔾᔨᖅᓱᑦᓯᐊᕆᐊᓖᑦ, ᐱᒻᒪᕆᐅᙱᑦᑐᓄᑦ ᐊᓂᒍᑎᖃᓗᐊᑦᑕᐃᓕᓗᑎᒃ ᐊᑑᑎᖃᑦᓯᐊᕐᓗᑎᓪᓗ ᐃᓅᖃᑎᒌᓂ ᐅᖓᓯᒌᒐᓱᐊᖃᑦᑕᓂᕐᒥᒃ − ᒪᕐᕉᓐᓂᒃ ᐆᑦᑑᑏᓐᓂᒃ ᒦᑖᓐᓂᒃ ᐅᖓᓯᒌᖃᑦᑕᕐᓗᑎᒃ, ᑎᒥᒥᒍᑦ ᐊᑦᑑᑎᑦᑕᐃᓕᓗᑎᒃ ᐅᐊᓴᐃᓐᓇᖃᑦᑕᕐᓗᒋᓪᓗ ᐊᒡᒐᑎᑦ.

ᐊᑕᖏᖅᑐᑕ ᐱᓕᕆᐊᑦᓴᖃᖅᑐᐃᓐᓇᐅᔪᒍᑦ ᓴᐳᒻᒥᖃᑎᒌᓐᓂᕐᒧᑦ ᐊᐃᑦᑐᕐᓘᑎᐅᑦᑕᐃᓕᖁᓪᓗᒍᓗ ᖃᓂᒪᓐᓇᖅ COVID-19, ᑕᐃᒪᐃᓕᐅᕈᑦᑕᓗ ᐃᑲᔪᕐᓂᖃᕐᓂᐊᖅᑐᖅ ᓯᐊᕐᒪᑦᑕᐃᓕᑎᑕᐅᓂᖓᓄᑦ.”

###

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓴᖅ:

ᑲᐃᑦ ᒪᒃᓚᐅᑦ

ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ

ᓯᕗᓕᖅᑎ ᓴᕕᑲᑖᖅ ᐊᓪᓚᕝᕕᖓᓂ

867-975-5059

cmacleod@gov.nu.ca