2018−ᒥ ᓯᕗᓕᐅᖅᑎᐅᑉ ᑲᑎᒪᔨᖏᑦᑕ ᑲᑐᔾᔨᖃᑎᒌᖏᑕ ᐅᖃᓕᒫᔪᓂᕐᒧᑦ ᑎᑎᖅᑭᕆᔪᓐᓇᕐᒧᓪᓗ ᑐᓐᓂᖅᑯᓯᐊᖅ

ᒪᐃ 11, 2018

ᓂᕈᐊᒐᒃᓴᓕᐅᕈᓐᓇᖅᓯᔪᑦ 2018-ᒥ ᑲᑎᒪᔩᑦ ᑲᑐᔾᔨᖃᑎᒌᖑᔪᑦᐅᖃᓕᒫᕈᓐᓇᕐᓂᕐᒧᑦ/ ᑎᑎᖅᑭᕆᔪᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᓂᒃ. ᓯᕗᓕᖅᑎ ᐹᓪ ᖁᐊᓴ ᐃᓕᓴᖅᓯᔪᒪᕗᖅ ᐃᓐᓇᕐᒥᒃ ᐃᑲᔪᖅᑐᐃᕙᒃᑐᒥᑦ, ᑎᓕᐅᕆᕙᒃᑐᒥᑦ ᓴᙱᒃᑎᒋᐊᖅᑎᑦᑎᓇᓱᒃᐸᒃᑐᒥᓪᓗ ᐅᖃᓕᒫᕆᐅᖅᓴᕐᓂᕐᒥᒃ ᓄᓇᕗᒻᒥ.

2018-ᒥ ᓄᓇᕗᒻᒥ ᑲᑎᒪᔩᑦ ᑲᑐᔾᔨᖃᑎᒌᖑᔪᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᖅᑭᕆᔪᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᖅ ᐃᓕᓴᖅᓯᓂᐊᖅᑐᖅ ᐃᑲᔪᖅᑐᐃᕙᒃᑐᒥᑦ ᐱᔪᒃᓯᑎᑦᑎᕙᒃᑐᒥᓪᓗ ᐊᓯᖏᓐᓂᒃ ᐃᓄᒃᑑᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐅᖃᓕᒫᒐᒃᓴᓂᒃ ᑎᑎᕋᒐᒃᓴᓂᓪᓗ − ᓂᐱᒃᑯᑦ, ᑎᑎᖅᑲᒃᑯᑦ ᓴᓇᙳᐊᕐᓂᒃᑯᓪᓘᓐᓃᑦ.

ᓂᕈᐊᒐᒃᓴᙳᖅᑎᑦᑎᒋᑦ ᖁᓛᒎᓚᐅᖅᓯᒪᔪᒥᒃ ᐅᖓᑖᒍᓪᓗ ᐃᑲᔪᖅᑐᐃᔪᓐᓇᖅᑐᒥᒃ ᐊᒻᒪ ᑎᓕᐅᕆᔪᓐᓇᖅᑐᒥᒃ ᐊᓯᖏᓐᓂᒃ ᐱᕙᓪᓕᐊᑎᑦᑎᓂᕐᒥᒃ ᐅᖃᓕᒫᕆᐅᖅᓴᓂᕐᒧᑦ ᑎᑎᕋᕆᐅᖅᓴᓂᕐᒧᑦ – ᐃᓕᓐᓂᐊᖅᑎᒥᒃ, ᐃᓕᓴᐃᔨᒥᒃ, ᓄᓇᓕᖕᓂ ᐃᑲᔪᖅᑎᒥᒃ, ᐃᓐᓇᕐᒥᒃ ᐅᕝᕙᓗᓐᓃᑦ ᐃᖅᑲᓇᐃᔭᖃᑎᒋᔭᕐᓂᒃ. ᓵᓚᒃᓴᖅᑐᖅ ᐱᔾᔪᓯᐊᓛᖅᑐᖅ ᐅᔭᒥᖕᒥᑦ ᐊᒻᒪ ᐸᐃᑉᐹᒥᑦ ᓇᓗᓇᐃᒃᑯᑕᕐᒥᑦ ᓯᕗᓕᖅᑎᐅᑉ ᐹᓪ ᖁᐊᓴᐅᑉ ᑐᓂᓛᖅᑕᖓᓐᓂᒃ ᐅᑭᐊᒃᓵᖅ.

ᓂᕈᐊᒐᒃᓴᓕᐅᕈᒪᔪᓄᑦ ᒪᑐᕝᕕᒃᓴᖓ ᒪᐃ 31, 2018.

###

ᓂᕈᐊᒐᒃᓴᓕᐅᕈᒪᒍᕕᑦ ᑐᑭᓯᒋᐊᒃᑲᓐᓂᕈᒪᒍᕕᓪᓘᓐᓃᑦ, ᖃᐅᔨᒋᐊᕐᕕᒋᓗᒍ:

ᕗᐊᓐᑎ ᕼᐊᓗᓐᐃᓐ
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
whalonen@gov.nu.ca