ᓯᕗᓕᖅᑎ ᓴᕕᑲᑖᒃ ᖁᕕᐊᓲᑎᖃᖅᐳᖅ ᐅᑭᐅᖅᑕᖅᑐ ᑲᔪᖏᖅᑕᐅᓂᕐᒧᑦ ᓵᓚᒃᓴᐅᓯᐊᒥᑦ ᓵᓚᒃᓴᖅᑐᒧᑦ

ᕖᕝᕗᐊᕆ 13, 2019

ᐃᖃᓗᐃᑦ, ᓄᓇᕗᑦ ​ 

ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ: 

“ᐅᓐᓄᒃ, ᐱᒃᑯᒍᓱᑦᑎᐊᖅᖢᖓ ᑐᓂᓯᓚᐅᖅᐳᖓ $1 ᒥᓕᐊᓐᓂᒃ ᐅᑭᐅᖅᑕᖅᑐᖅ ᑲᔪᖏᖅᓴᐃᓂᕐᒧᑦ ᓵᓚᒃᓴᐅᓯᐊᒥᑦ ᐱᔭᕆᐊᖃᒻᒪᕆᒃᑐᒧᑦ, ᓄᓇᕗᒻᒥᑦ ᐱᓕᕆᐊᓖᑦ, ᐱᕈᕐᕕᒃ − ᐱᕈᕐᕕᒃ.

ᑐᑭᓯᐅᒪᐃᓐᓇᖃᑦᑕᓚᐅᖅᑐᖓ ᐱᒻᒪᕆᐅᓂᖏᓐᓂᑦ ᐃᓕᓐᓂᐊᕆᐅᓕᓵᖕᓂᖅ ᑐᙵᕕᐅᓗᓂ ᐃᓛᒃᑯᑦ ᐱᔭᕆᐊᓕᖏᓐᓂᑦ ᐱᐅᓯᑐᖃᖅᑐᓪᓗ ᐱᕈᖅᓴᐃᓂᖕᒥᑦ. ᐱᓕᕆᐊᖑᔪᑦ ᑕᒡᕘᓇ ᐱᓕᕆᐊᒃᑯᑦ ᓄᑕᖅᑲᓂᑦ ᐃᓕᑦᑎᔪᒪᓂᖃᓕᖅᑎᓪᓗᒋᑦ ᓈᒻᒪᒋᔭᒥᑎᒍᑦ ᐱᒻᒪᕆᐅᖕᒪᑦ, ᐋᖅᑭᐅᑎᓕᖅᖢᓂ ᓄᑕᖅᑲᓄᑦ ᐊᑯᓂᐅᔪᒥᑦ ᑲᔪᓯᓂᖃᑦᑎᐊᖕᓂᖕᒥᑦ. ᑕᒪᓐᓇᑦᑕᐅᖅ ᐱᓕᕆᐊᒃᓴᖅ ᐊᑐᓲᖑᖕᒥᔪᑦ ᐱᔭᐅᔭᕆᐊᓕᖕᓂᑦ ᓄᓇᓕᖁᑎᑦᑎᓐᓂᑦ ᐋᖅᑭᒃᓱᐃᓗᑎᒃ ᐱᓕᕆᐊᒃᓴᓂᑦ ᐃᒻᒥᓄᑦ ᐊᑑᑎᓕᖕᓄᑦ.

ᐊᓕᐊᓇᐃᒍᓱᒃᐳᖓ ᐱᕈᕐᕕᒃ−A Place to Grow ᐱᕈᖅᐸᓪᓕᐊᖕᒪᑦ ᑲᔪᓯᑦᑎᐊᖅᖢᓂᓗ, ᐊᓕᐊᓇᐃᒍᓱᒃᖢᖓᓗ ᐊᒡᒋᖅᑐᒃᓴᓂᑦ. ᐊᓕᐊᓇᐃᒍᓱᖃᑎᒋᕙᒃᑲ ᑕᓴ ᓛᒃᕼᐊᑦ ᑭᐅᕋᓐ ᓄᑕᕋᕐᓗ, ᑐᑭᒧᐊᒃᑎᐅᖃᑎᒌᒃ ᐱᕈᕐᕕᖕᒥᑦ ᐃᓕᓐᓂᐊᕆᐅᓕᓵᕐᕕᖕᒧᑦ, ᑕᐃᒃᑯᓄᖓᓗ ᐃᓚᐅᓚᐅᖅᑐᓕᒫᓄᑦ, ᐊᒃᓱᕈᖅᖢᓯ ᐱᓕᕆᓚᐅᖕᓂᔅᓯᓐᓄᑦ ᑕᐅᑐᖅᑰᖅᑕᔅᓯᓐᓂᒡᓗ.

ᖁᕕᐊᓱᖃᑎᒋᔪᒪᒋᕙᒃᑲᑦᑕᐅᖅ ᐃᖃᓗᒃᑑᑦᑎᐊᑉ ᓴᓂᕐᓂᑦ ᓴᓇᐅᒐᓄᑦ $100,000 ᓵᓚᒃᓴᐅᓯᐊᖓᓄᑦ ᒪᒃᑯᒃᑐᓅᖓᔪᓄᑦ ᐱᓕᕆᐊᒥᓂ ᐱᕈᖅᐹᓪᓕᖅᑎᑦᑎᓇᓱᐊᖅᖢᑎᒃ ᑭᓇᐅᓂᖕᒥᓂᒃ, ᐱᒃᑯᒍᓱᖕᓂᖕᒥᑦ ᓄᓇᓖᓪᓗ ᖃᓄᐃᙱᑦᑎᐊᖕᓂᖏᓐᓂᑦ. ᑕᐃᒃᑯᓄᖓᓕᒫᕐᓗ ᐅᑭᐅᖅᑕᖅᑐᖅ ᑲᔪᖏᖅᓴᐃᓂᕐᒧᑦ ᓵᓚᒃᓴᐅᓯᐊᒃᓴᓄᑦ ᓂᕈᐊᒐᒃᓴᐅᓚᐅᖅᑐᓄᑦ, ᖁᔭᓐᓇᒦᒃ ᐱᓕᕆᑦᑎᐊᖏᓐᓇᖅᐸᒃᑲᔅᓯ ᖁᕕᐊᒋᓪᓗᓯᐅᓪᓗ ᐃᑲᔪᖅᑐᕆᐊᒃᓴᖅ ᐅᑭᐅᖅᑕᖅᑐᒥᐅᓂᑦ ᖁᑦᑎᒃᑐᒥᓪᓗ.”

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ: 
ᑲᐃᑦ ᒪᒡᓚᐅᑦ 
ᐱᕙᓪᓕᐊᔪᓄᑦ ᑎᑎᕋᖅᑎ 
ᓯᕗᓕᖅᑎᐅᑉ ᔫ ᓴᕕᑲᑖᖅ ᑎᑎᕋᕐᕕᐊᓂᑦ 867-975-5059
cmacleod@gov.nu.ca